13/06/2022
Ṭhalai Kristian Pawl Mission Vengthlang Pastor Bial K*m Chanve Intawh Khawm chu June 11, 2022(Inrinni) zan aṭanga June 12, 2022(Pathianni) zan thleng awhin BCM Biak In, New Secretariat Complex-ah tluang taka neih a ni.
K*m Chanve Intawh Khawmah hian Speaker atan MṬKP President Upa R. Lalrochama hman a ni a, ani bakah hian MṬKP lam aṭangin Tv H. Lalruatkima, Finance Secretary, Pu Lalrammuana Sailo, ECM leh Pu PC Lalbiakdika, ECM ten hun an hmanpui bawk.
Inrinni zanah hian mi 152 inkhawmin Bial ṬKP Treasurer Nl Esther C. Lalhmangaihzuali'n inkhawm a kaihruai a, Nl Saisangpuii Sailo, New Secretariat Complex Unit leh Nl Lalhmangaihthangi, Tlangnuam Unit te'n zaia rawngbawlna neiin Maubawk Unit leh Shalom Unit aṭangin zaipawl a awm bawk a, Speaker hnen aṭangin "Krista leh Kohhran Tan – Tlemte Chunga Rinawm" tih thupui hmangin thuchah ngaihnawm tak ngaihthlak a ni.
Pathianni zing, Pathian biak inkhawmah mi 225 inkhawmin, Bial ṬKP President Rbt PC Lalremruatpuia'n inkhawm a kaihruai a, Nl K. Lalhmangaihzuali, Hlimen Unit leh Nl Esther Lalruatfeli Khiangte te'n zaia rawngbawlna an nei a, Bial Zaipawl leh New Secretariat Complex Unit zaipawl an zai bawk. Speaker hnen aṭangin "Krista leh Kohhran Tan –Chhungkaw Duhawm Din" tih thupui hmangin thuchah ngaihnawm tak ngaihthlak a ni.
Sunday School banah Fellowship neih a ni a, mi 162 telin Nl Laltlanzauvi, Bial ṬKP Executive Committee Member-in a hruai a. Nl Emmie Lalruatkimi, Tlangnuam Unit, Nl K. Lalhlimawmi, Maubawk Unit leh Pu C. Lalawmpuia, Shalom Unit te'n zaia rawngbawlna an nei a, New Secretariat Complex Unit-in faklam an entir bawk. Fellowship-ah Bial ṬKP Annual Plan tihhlawhtlinna turin Bible Study neih a ni a, Bialtu Pastor Rev V. Laltlanzuala'n "Pathian Ṭih Chungchang" ngaihnawm takin a zirtir a ni.
Fellowship zawhah hian a dawltu kohhran lamin K*m Chanve Intawh Khawm puala chawhlui an buatsaih chu kil ho a ni a, mi 200 bawr velin an ei a ni.
Pathianni zanah Pathian biak inkhawm neih leh a ni a, mi 218 inkhawmin Bial ṬKP Vice President Tv Lalngaihawma Khiangte chuan inkhawm a kaihruai a, Tv Vanlalthupuia, New Secretariat Complex Unit leh Nl Mimi K. Lalroliani, Shalom Unit te'n zaia rawngbawlna an nei a, Tlangnuam Unit zaipawl an zai a, Lawipu Unit aṭangin Male Voice awmin Hlimen Unit aṭangin Group Zai a awm bawk. Aizawl Area ṬKP Coordination Committee aṭangin Rbt Laldinsanga Hnamte-in ṬKP Coordination chungchang te, Aizawl Area ṬKP Meet tel tura sawmna te leh thuchah tawi a sawi a, Bial ṬKP hmalakna hrang hrangah lawmman sem a ni a, Bial ṬKP Assistant Secretary Tv PC Lalrampan'n lawmman sem hi a kaihruai a ni. Speaker hnen aṭangin "Krista leh Kohhran Tan – Thih Thlenga Rinawm" tih thupui hmangin thuchah ngaihnawm tak ngaihthlak a ni a, kham lo tak chungin Bial ṬKP K*m Chanve Intawh Khawm chu a ṭiak ta a ni.
ṬKP Mission Vengthlang Pastor Bial K*m Chanve Intawh Khawm chungchangah hian lawmthu sawina tur a tam hle mai.
1. BCM New Secretariat Complex kohhran te, K*m Chanve Intawh Khawm dawl tura kan ngenna lawm taka pawm a, hneh taka min dawnsawn avangin kan lawm takzet a, Kohhran hruaitute inhawnna te, kohhran member ṭanrualna leh inpekna zawng zawng te, BKHP, BMP, KNP thlenga theihtawp chhuaha min dawlnaah kan lawm takzet a ni.
2. MṬKP lam aṭangin Speaker leh hun min hmanpui tura kan hruaitu lokalte chungah kan lawm takzet.
3. Thiam leh nung taka zai min hruaitu Worship Team te chungah kan lawm em em a, zaia rawngbawlna neitu zawng zawngte rimawi an remsak vek bawk a. Lawmthu sawi sen pawh a ni lo zawk ang.
4. Chanvo neitu zawng zawngte, kan chanvo ṭheuh ṭha taka kan tihhlawhtlin avangin kan lawm em em bawk.
5. K*m Chanve Intawh Khawm chhim tura Bial ṬKP member kal zawng zawngte chungah kan lawm em em a, kan programme hlawhtlinna ber kan ni.
6. Kan sawmna te ngaipawimawha hun min rawn hmanpuitu Bial BKHP leh Bial BMP hruaitute leh Aizawl Area ṬKP Coordination Committee hruaitute chungah kan lawm em em bawk a ni.
7. Sawi hmaih leh lam hmaih kan nei ngei a, chung zawng zawng chungah pawh chuan kan lawm em em a ni.
Bial ṬKP K*m Chanve Intawh Khawm tluanga taka min hruaitu, min awmpui a, harsatna leh buaina awm hauh loa hun min hmantirtu Pathian chu fakin awm se la, ropuina leh chawimawina amah chauhin chang zel rawh se.
