https://www.youtube.com/channel/UCg2x6UVU4gYvK93hjfLSKEw

Aizawl Area ṬKP Coordination Committee, Aizawl (2026)

20/05/2026

Aizawl Area ṬKP Hruaitu Fehchhuahna
ṬKP ṬHUAMPUI UNIT TLAWH

May 18, 2026 (Thawhṭanni) zan khan Aizawl Area ṬKP Coordination Committee hruaituten ṬKP Ṭhuampui Unit tlawhin hun an hmang a, hruaitu 4 kalin hun nuam tak hman a ni.

Area ṬKP Hruaitu Unit tlawh inkhawm hi Tv Lalnunmawia Sailo, ṬKP Ṭhuampui Unit-in a kaihruai a, Unit Secretary hnen aṭangin report ngaihthlakniin, Tv Immanuel Vanlaldina, Area ṬKP Executive Committee member-in Area ṬKP report a pe bawk. Ṭhuampui Unit aṭangin solo leh female voice a awm a, Area ṬKP aṭang Group zai a awm bawk. Tv PC Laldinngheta, Area ṬKP Treasurer hnen aṭangin thuchah ngaihnawm tak ngaihthlak a ni.

Inkhawm banah hian Area ṬKP hruaitute leh Unit lam inkawm hona hlimawm tak neih a ni a. ṬKP rawngbawlna hrang hrang leh Area ṬKP hmalakna chungchang te sawi ho a ni a, hun hlawkthlak tak hman a ni.

ṬKP Ṭhuampui Unit hi Ṭhuampui Pastor Bial ami niin, k*m 1990-ah din a ni a, member 158 an awm mêk a ni.

19/05/2026

AIZAWL AREA ṬKP HRUAITU TEN ṬKP LUANGMUAL UNIT TLAWH

May 18, 2026 (Thawhṭanni) zan khan Aizawl Area ṬKP Coordination Committee hruaitu ten ṬKP Luangmual Unit tlawhin Hruaitu 4 an kal thei a ni.

Area ṬKP Hruaitu Unit tlawh inkhawm hi Tv. David Lalmuanpuia, ṬKP Luangmual Unit-in kaihruai in Unit Secretary leh Tv. R. Lalenzawna, Aizawl Area ṬKP Executive Committee member te aṭangin report ngaithlak a ni a, Area ṬKP aṭangin zai rawngbawlna Tv. C. Lalventluanga'n an nei a, Tv. Vanlalpeka, Aizawl Area ṬKP Executive Committee Member hnen aṭangin "Rah chhuah" thupuia hmangin Pathian thuchah ngaihnawm tak ngaihthlak a ni.

Inkhawm banah hian Area ṬKP hruaitute leh Unit Hruaitute inkawm hona hlimawm tak Kohhran Committee ah neih a ni a, Unit ṬKP rawngbawlna leh Area ṬKP hmalakna chungchang te sawihona in pawh tlang takin hman a ni.

ṬKP Luangmual Unit hi Luangmual Pastor Bial a awm niin, Spetember 3, 1989-ah din a ni a, tunah hian member 223 awm in Mipa 99 leh Hmeichhia 124 an awm mêk a, K*m 2026 Budget ah ₹610,000/- an nei a ni.

Krista leh Kohhran Tana theih tawpchhuaha ke pen zel turin Area ṬKP chuan duhsakna a hlan a ni.

19/05/2026

AAṬKP HRUAITU TEN ṬKP MADANRTING UNIT GOLDEN JUBILEE HMANPUI

May 13-14, 2026 khan Aizawl Area ṬKP hruaitu ten ṬKP Madanrting Unit Golden Jubilee an hmanpui pui a, Jubilee hmanpui tur hian Rbt. Lalhmunsiama Pautu Chairman AAṬKP, Tv. C. Lalbiakkima Secretary AAṬKP, Guest Artist Nl. Lalhmangaihsangi Hnialum leh Tv. Lalsangzuala Asst. Secretary ṬKP Republic Vengthlang Pastor Bial te an kal a ni.

May 13, 2026 Nilaini zanah Rbt. Lalhmunsiama Pautu Chairman AAṬKP in Pathian thuchah sawi in Nl. Lalhmangaihsangi Hnialum Guest Artist in zaia rawngbawlna a nei a, Tv Lalsangzuala'n Thawhlawm hlanna a nei a ni.

May 14, 2026 Ningani ah Jubilee lungphun hawnna Bialtu Pastor Rev. Lalropuia'n a nei a, Jubilee dar vuakna hun Area ṬKP hruaitute, Bial hruaitute, Unit hruaitute leh Hruaitu lo ni tawh ten an hmang a ni. Golden Jubilee lawmna Inkhawm ah hian Tv. C. Lalbiakkima Secretary AAṬKP in chibai bukna sawiin tlai ah Jubilee ruai kil ho a ni a, Zan lamah Golden Jubilee lawmna Inkhawm neih chhunzawm niin Kohhran hrang hrang Ṭhalai te nen hun hman ho a ni a, a hlimawmin a hlawk thlak an ti hle. Jubilee hmanpui hian MṬKP hruaitute aṭangin MṬKP President nen Pathumin hun an hmanpui bawk a ni.

ṬKP Madanrting Unit hi May 14, 1976 ah din a ni a, ṬKP Shillong Pastor Bial ah awm in tun ah hian Member 120 awm in Mipa 58 leh Hmeichhia 44 an awm mek a ni. ṬKP Madanrting Unit hi Shillong Pastor Bial khaidingtu leh ban pawimawh tak an ni a, Krista leh Kohhran tan, Bial, Area ṬKP leh MṬKP tana theih tawpchhuaha ke pen zel turin AAṬKP chuan duhsakna a hlan a ni.

ṬKP Madanrting Unit ten Aizawl Area ṬKP Hruaitute an dawngsawng ṭha hle a, Unit Hruaitu ten lo hmuakin Unit Vice President in lawmthu sawi ṭawngṭaina neiin Baptist House ah thlen tir an ni a, an veivahna zawng zawng an buaipui vek bawk a ni. Hruaitute haw tur hi Shillong Bial ṬKP President in ṭawngṭaina in an thlah leh bawk a ni.

08/05/2026

AIZAWL AREA ṬKP MEET ORGANIZING COMMITTEE MEETING NEIH A NI

May 5, 2026(Thawhlehni) zan khan BCM City Church Kohhran Committee Room-ah Aizawl Area ṬKP Meet 2026 Organizing Committee meeting vawi thumna neih a ni a, Committee member 18 kalin Meet chungchang thil pawimawh tak tak rel a ni.

Aizawl Area ṬKP Meet hi November 6-8, 2026 khian Baptist Centre, Falkland-ah neih a ni dawn a. Hemi atan hian Aizawl Area ṬKP Coordination Committee chuan Meet Organizing Committee dinin, anni hian Meet atana inbuatsaihna hrang hrang an kalpui mek a ni.

Meeting-ah hian Meet Logo thlan fel a ni a, Sub Committee hrang hrangte hmalakna thlir ho niin, pawm a ni. Tin, May 22, 2026 (Zirtawpni) zana Meet Pual Concert neih tur atana ṭul hrang hrang rel a ni a, Concert ah hian Meet Logo tlangzarhna neih nghal tura ruahman a ni bawk.

07/05/2026

AIZAWL AREA ṬKP HRUAITU TEN ṬKP REPUBLIC VENGTHLANG UNIT TLAWH

May 3, 2026 (Pathianni) chawhnu khan Aizawl Area ṬKP Hruaitu ten ṬKP Republic Vengthlang Unit tlawhin hun hlimawm tak an hmang.

Inkhawm hi Nl. Lalremruati Colney, ṬKP Republic Vengthlang Unit in kaihhruaiin Unit Secretary leh Pu LP. Vanlalruatdika, ECM Aizawl Area ṬKP te aṭangin Report ngaihthlak a ni. Unit leh Area ṬKP Report aṭangin zawhna leh chhanna hun hman niin Unit hmalakna leh Area ṬKP rawngbawlna leh kalphung sawifiahna hun ṭha tak hman ho a ni bawk.

Zaia rawngbawlna Nl. Lalsangzuali Pachuau, AAṬKP hnen aṭangin ngaihthlak a ni a, Pu K. Lalhruaitluanga, Fin. Secretary Aizawl Area ṬKP aṭangin Pathian thuchah ṭha tak ngaihthlak a ni bawk.

ṬKP Republic Vengthlang Unit hi January 17, 1988 a din niin k*m 2026 Budget ah ₹400,000/- an nei a, ṬKP Member 209 awm in Mipa 124 leh Hmeichhia 85 an awm mek a ni.

He hunah hian AAṬKP Hruaitu 8 leh Zaithiam 1 an kal thei a ni.

07/05/2026

AIZAWL AREA ṬKP HRUAITU TEN ṬKP BAWNGKAWN UNIT TLAWH

May 3, 2026 (Pathianni) chawhnu khan Aizawl Area ṬKP Hruaitu ten ṬKP Bawngkawn Unit tlawhin hun hlimawm tak an hmang.

Inkhawm hi Tv. Joseph B. Vanlalfaka, ṬKP Bawngkawn Unit in kaihhruaiin Unit Secretary leh Tv. Vanlalruata, ECM Aizawl Area ṬKP te aṭangin Report ngaihthlak a ni.

Zaia rawngbawlna Nl. Sylvia Lalmalsawmi, Unit ṬKP leh Tv. HC. Lalanpuia, AAṬKP hnen aṭangin ngaihthlak a ni a, Pu Lalrinsanga Hmar, ECM Aizawl Area ṬKP hnen aṭangin Pathian thuchah ṭha tak ngaihthlak a ni bawk.

ṬKP Bawngkawn Unit hi April 3, 1988 a din niin k*m 2026 Budget ah ₹570,000/- an nei a, ṬKP Member 314 awm in Mipa 172 Hmeichhia 142 an awm mek a ni.

He hunah hian AAṬKP Hruaitu 10 leh Zaithiam 1 an kal thei a ni.

02/05/2026

ṬKP PLATINUM JUBILEE PUAL GROUP ZAI INTIHSIAKNA AIZAWL AREA AH NEIH A NI.

May 1, 2026 (Zirtawpni) zan khan BCM Ramhlun North Kohhran Hall ah ṬKP Platinum Jubilee pual Group zai intihsiak neih a ni a, Unit pakua (9) in intihsiakna hi an nei a ni.

He hun hi Rev. F. Zorinkhuma, Secretary MṬKP in hmanpui in Bible chhiara Pathian hnena inkawltirna hun a hman hnu ah Host Ishanika Chawngzikpuii'n intihsiakna a kaihruai a, Kristian Hlabu No. 570/490-na aṭang leh hla sak tûr duhthlan pakhat hmangin intihsiakna neih a ni. Endiktu atan Upa PC. Lalmalsawma, Adviser Aizawl Area ṬKP, Pu David S. Malsawmtluanga, Conductor Aizawl Area Baptist Choir leh Dr. C. Vanlalmalsawma te hman an ni.

MṬKP chuan ṬKP Platinum Jubilee pual Group zai Intihsiak ngaihlua intihsiakna a tel Unit te hnena hlan tur ngaihhruaina thil pek a buatsaih chu Aizawl Area ṬKP aṭanga tel Unit pakhua (9) hnenah pawh hlan na hun hman a ni bawk.

Intihsiakna hi BCM hnuaia Area Pathum - Headquarters Area, Lawngtlai Area leh Aizawl Area ah te neih niin Area tina ti ṭha pathum (3) thlan chhuah te result hi May 4, 2026 (Thawhtanni) zan hian Mizoram Ṭhalai Kristian Pawl Youtube Channel ah puan a ni ang.

30/04/2026

ṬKP Platinum Jubilee pual Group zai intihsiak Aizawl Area Promo Video

30/04/2026

AAṬKP HRUAITUTEN ṬKP KHAWZAWL PASTOR BIAL MEET HMANPUI

April 24-26, 2026(Zirtawpni-Pathianni) khan BCM Biak In, Dinthar Khawzawlah Ṭhalai Kristian Pawl Khawzawl Pastor Bial chuan Bial ṬKP Meet an hmang a. Hun hmanpui tura sawmna dawn angin Aizawl Area ṬKP Coordination Committee hruaituten an hmanpui a ni.

Aizawl Area ṬKP Coordination Committee aṭang hian Pu K. Lalhruaitluanga, Finance Secretary, Rbt T. Lalhmunsanga, ECM, Pu Lalrintluanga Khawlhring, ECM, Tv Lalzemawia, ECM leh Rbt Lalramdinngheta, ECM te bakah Area ṬKP Media Cell member Tv Hosanna Laldahsanga te an kal a ni.

April 26, 2026 (Pathianni) zing inkhawmah Rbt T. Lalhmunsanga'n Area ṬKP aiawhin Greetings a sawi a. Pathianni chawhnu Fellowship-ah Pu K. Lalhruaitluanga chuan thuchah ngaihnawm leh hlawkthlak tak a sawi bawk a ni.

ṬKP Khawzawl Pastor Bialah hian Unit 6 awmin member 257 an awm mek a ni.

29/04/2026

AAṬKP HRUAITUTE ONE DAY PROGRAMM ON STATE-LEVEL SENSITIZATION AH AN TEL

April 22, 2026 (Nilaini) khan Planning and Programme Implementation Department, Govt. of Mizoram buatsaih "One Day Programme on State-Level Sensitization, Awareness and Consultation an the Socio-Cultural and Economic of KMMTTP and Railway Line" Programme ah Aizawl Area ṬKP Hruaitu aiawh mi 5 tel tura sawm an nih angin Hruaitu mi 4 an tel thei a ni.

Programme hi hun hnih ah ṭhen niin Pu T. Lalhlimpuia, MLA Chairman Study Committee in a kaihruai a, Pu Zomuana, Member Study Committee hnen aṭangin Powerpoint Presentation ṭha tak ngaihthlak leh thlirho a ni.

He hunah hian mithiam tak tak leh pawl aiawha kal ten sawihona hun neiin, Mizoram border trade a sumdawnna lian zual zel tur leh K*m 2027 a KMMTTP road infrastructure project hawn mai tawh turah kan thalai ten technical skill ah chauh nilo tawng thiam kawngah te leh hnam tihdan phung inhriatsaka venhimna kawngah inbuatsaih lawk a tul zia sawiho a nia, KMMTTP road leh Rail lo lut hian a ṭha zawnga kan ṭangkaipui tur leh fimkhurna tur thil pawimawh tak tak sawiho a ni bawk.

One Day Programme on State - Level Sensitization ah hian Ramhruaitu, Kohhran Ṭhalai pawl aiawh, CYMA, MHIP, CYLA, MUP, MIMA..etc..te an tel a ni. He hunah hian AAṬKP aiawhin, Rbt. Lalhmunsiama Pautu, Chairman, Pu K. Lalhruaitluanga, Fin. Secretary, Tv. Vanlalpeka, ECM leh Tv. Lalrindika, ECM te an tel a ni.

29/04/2026

AAṬKP MEDIA CELL MEETING NO. 2 of 2026 NEIH A NI.

April 21, 2026 (Thawhlehni) zan khan Aizawl Area ṬKP Media Cell Meeting k*mina a vawihnihna chu BCM Ramhlun North Kohhran Committee room ah neih a ni.

Meeting ah hian kan hma lawka MṬKP bultuma ṬKP Platinum Jubilee pual Group zai intihsiak (Headquarters Area, Aizawl Area & Lawngtlai Area) BCM Ramhlun North Kohhran hall a May 1, 2026 (Zirtawpni) zana Aizawl Area ṬKP in a neih turah Aizawl Area ṬKP Coordination Committee in Media Cell te mawhphurhna a pek te tihhlawhtlin dan tur ngaihtuah a ni.

ṬKP Jubilee pual Group zai intihsiak hi Aizawl Area ṬKP Coordination Youtube Channel ah Live a pek chhuah tura ruahman a ni.

Meeting banah Intihsiak neihna hmun tur BCM Ramhlun North Kohhran hall hmunhma leh hmalak dan tur enho nghal a ni bawk. Meeting ah hian Media Cell Member 14 an kal thei a ni.

Aizawl Area ṬKP Coordination Committee

20/05/2026

19/05/2026

19/05/2026

08/05/2026

07/05/2026

07/05/2026

02/05/2026

30/04/2026

30/04/2026

29/04/2026

29/04/2026

Address

Website

Alerts

Contact The Place Of Worship

Shortcuts

Share

Category