Media Cell Department Church of God-Seventh Day: Mizoram Conference

22/05/2023

SHOFAR CHANCHINBU TLANGZARH

Vawiin 22, May, 2023 hian Kohhran Chanchinbu thar 'SHOFAR' chu Church of God (Seventh Day), Mizoram Conference Chairman Pastor HC. Zosanga'n a tlangzarh.

Kohhran Chanchinbu tlangzarh inkhawmah hian Chanchinbu Editor Deacon Ramnghinga'n a kaihruai a, Chanchinbu buatsaih anih chhoh dan tlangpui a report bawk a. Jt. Editor Lalramdinmawia pawhin Shofar Chanchinbu kal zelna tur atana ṭanrual a ngaihzia te leh Kohhran hotute leh Pastor-te puihbawmna an mamawh thu te a sawi.

He hunah hian Editorial Board Member-te leh Pastoral Committee te an tel thei a. Kohhran miten a rang lamin Chanchinbu hi an dawn theih beisei a ni.

A chhiar apiangten Pathian thutak hriatna kawnga ṭhanlenna an neih deuh deuh theih nan Lalpan malsawm mawlh rawh se.

20/05/2023

LUNGDAI KOHHRANIN
AIZAWL KOHHRAN AN TLAWH
20th May, 2023
Vawiin Sabbath ni denchhenin Lungdai Kohhran ten Aizawl (Khatla South) Kohhran an tlawh, chawhma lamah Sermon Inkhawm an hmang a, Chawhnu lamah Thalaite Kaihhruainain Fellowship Programme an hmang bawk a. Hun hlimawm leh hlawkthlak tak an hmang a ni.

10/05/2023

SCHOLARSHIP OPPORTUNITY
Any General Conference member, men or women, enrolled in an Artios program and seeking to serve the churches in areas outside of pastoral ministry, this is your opportunity.

The Hope Ministry is here to sponsor you all the way.

Follow the steps below to apply:

1. Submit a letter describing your vision and mission to serve others from this training to Director David Burrell at [email protected].

2. Submit letters of reference from your pastor and church board to Director David Burrell at [email protected].

Requests must be submitted no later than three weeks prior to the first day of class.

Discover the possibilities and enroll in Artios today!

10/05/2023

MPKHP HRUAITUTE ZIN REPORT TLANGPUI

Dated, Aizawl the 9th May, 2023

Thuhma:
MPKHP Executive Committee rorelnain, PKHP Circle Headquarters te MPKHP Office Bearers ten tlawh ni se tia alo rel tawh bawhzuiin, Champhai Circle PKHP Headquarters te chu tlawh hmasak ber an ni a. He hun hi Champhai Local Church ten an thleng a ni.

Tahrik ni 5.5.2023 (Zirtawp ni) khan, Church of God (Seventh Day): Aizawl Local Church lirthei (Bolero) hmangin, MPKHP OB pathum:-

1. Pi. Sangthuami, President MPKHP

2. Pi. Rosie Lalrokungi, Vice President, MPKHP

3. Pi. Rose Lalbeiseii Hnamte, Gen. Secretary, MPKHP -

ten Pathian hruaina zarah tluang takin Champhai an thleng a. Champhai ah hian Elder. T. Dengthuama te Inah thingpui leh a hmeh tui tak nen an lo hmuak a. Pathian hnena lawmthusawi tawngtaina, Elder. T Dengthuama'n a nei nghal bawk a ni.

Tahrik Ni. 6 May, 2023 (Sabbath) tuk hi MPKHP OB te leh Champhai Local Church te ruahman angin hetiang hian hun hman a ni:

Sabbath Chawhma:
Sermon inkhawma neih a ni a;

Kaihruaitu: Pi Laltlanmawii, Champhai

Tantu: Pi Rosie Lalrokungi, Aizawl

Thuhriltu: Pi Sangthuami, Aizawl

Thuhriltu hian 'Hmangaihna leh rilru dik' pawimawhna hmangin Pathian thuchah ropui tak a sawi a, kan hlawk tlang hle a ni. Tin, chawhma inkhawm ban hnu hian thingpui leh a hmeh tui tak kil ho a ni a. Hemi hnu hian chawhnu inkhawm in a chhunzawm nghal.

Chawhnu Inkhawm:
Kaihruaitu: Pastor H Lalfakzuala, Bialtu Pastor

Tantu: Pi Lalhmingmawii, Champhai

GS Report: Pi Rose Lalbeiseii Hnamte.
General Secretary Reports tlangpui:-

1. MPKHP alo din chhoh dan leh tun dinhmun tlangpui

2. MPKHP te rawngbawlna hrang hrang leh tuna hmachhawp leh hmalak mekna an neih chungchang

3. Buhfaitham hmanga Tirhkoh MPKHP in a rawih tawh dan leh chungte chu Pastor fel leh tangkai tak an nih chhoh dan te

3. Mission Department kaltlanga Chanchin Tha rawngbawlna MPKHP in a neih chhunzawm dan te

4. Kohhranpui tha tih chakna atana Pastor Quarters mamawh leh Aizawl Chanmari-a kohhran building leina atana sum engemawzat thawh a nih dan chungchang

5. Mizoram chhung hmun hrang hranga Biak In sak tanpuina pek anih tawh dan te

6. Kohhrana thawktute ngaihpawimawhna avanga Pastor Quarters sa apiangte hnena tanpuina ₹ 1,00,000/- pe thei tura budget-a pawisa dah anih thu chungchang

7. Champhai Circle PKHP ten an Budget ₹15000/- leh Buhfaitham ₹10000/- an chhunluh nghal chungchang report a pek bakah, hetianga rawngbawlna zau zawk leh hmasawnna ruhrel thlen thei tura malsawmna petu Pathian hnenah leh tha leh zung thawhtu, PKHP members zawng zawng te hnenah lawmthu General Secretary hian a sawi mawlh mawlh bawk a ni.

Thusawina:
Pi Sangthuami, President MPKHP leh Elder. F. Tharzuala, Adviser PKHP Champhai Branch te atangin MPKHP Inkhawmpui inbuatsaih dan leh Khawmpui hunah a tam thei ang ber kal tura sawmnate ngaihthlak a ni.

Tin, Pi Vanlalhriati, President PKHP Champhai Circle hnen atangin lawmthu sawina ngaihthlak a ni bawk.

Pastor H Lalfakzuala, Adviser MPKHP hnen atangin Pathian thuchah 'A tih theih tawk a ti a ni' tih hmangin hmeichhe rawngbawlna hlut leh ropui zia kan tih theih tawka kan tih Pathianin a hriata mal a sawm thin thu ngaihthlak a ni a. Chawhnu inkhawm chhimtu zawng zawng ten hlawkthlak an ti hle a ni.

Inkhawm ban hnu hian, ruai tui tak PKHP Champhai Local Church ten an buatsaih chu puar leh tlai takin kan thehho a, kan lawm tak zet a ni.

Sabbath inkhawm ban hnua ruai te kil zawh anih hian, MPKHP OB te leh Champhai lama kohhran hote nen Zotlanga Kohhran hote leh Mualkawi kohhran ho tlawhin hun an hmang chhunzawm a. Tin, Champhai Kohhran chhungkaw tin te MPKHP OB te hian, Champhai Circle leh Branch OB te leh Local Church puipa te tawiawmnain Champhai Kohhran chhungkaw tin te tlawh chhuahna hun an hmang thei a. A lawmawm tak zet zet a ni.

MPKHP OB pathum te leh an hruaitu Pu. C Lalrotlinga (Fin. Secretary, Pavalai Pawl: Aizawl Local Church) te chuan Tahrik Ni. 7 May 2023 khan Champhai atangin Aizawl ah an haw phei a. Tluang takin mahni in leh lo te an thleng a. PKHP Circle Headquarters dang tlawh leh hun an nghakhlel hle a ni.

MPKHP OB ten Champhai an cham chhunga duat tak leh duhsakna tinreng nena lo chawnglawmtu kohhran mipui zawng zawng te hnenah MPKHP chuan lawmthu a sawi tak meuh meuh a. Champhai PKHP Circle te rawngbawlna lo thangliana, kohhran hmeichhe pawl piah lama kohhranpui tana chhenfakawm an lo nih zel theihna turin duhsakna sang ber MPKHP chuan a hlan tak meuh meuh a ni.

Rose Lalbeiseii Hnamte
General Secretary
MPKHP
Aizawl, Mizoram

08/04/2023

Pentecost chhiar dan dik hriat nan Deacon HC. Lalzawmliana (President, MPKṬP) Flyer buatsaih hi kan lo chhawp chhuak e.

05/04/2023

Media Cell Department chuan kohhran mipui zawng zawng; tlang tin mual tina awm te Lalpa hunbi ruat pawimawh tak: Kalhlên Kût leh Chhang Dawidim telh loh Kût hlim leh lawm taka in hman theuh theih nan duhsakna sang ber kan hlan a che u.

He kût pawimawh tak hi tisa leh thlarau lama hlawkthlak taka in hman vek theih hi kan duhthusam leh kan tawngtaina a ni.

05/04/2023

Tlang tin mual tina Church of God (Seventh Day) kohhran mipui zawng zawngte Lalpa Kalhlen zan chibai kan bûk lawk vek che u a. Lalpa zanriah tluang taka in kil ho theih nan duhsakna sang ber kan hlan vek a che u.

01/04/2023

Vawiin khan Media Cell Department chuan rorelna tluang tak kan nei.

01/04/2023

Media Cell Department chuan Secretary thar kan nei a. Kan Secretary thar hi Pu. Solomon Vanlalfaka a ni a. Ani hi Aizawl Bungkawn Vengthar ah nupui fanaute nen an cheng mek a ni.

Kohhran tana mi tangkai leh thahnemngai tak niin, MPKTP General Secretary hna a chelh mek bawk. Tluang taka rawng a bawl chhunzawm theih nan duhsakna sang ber kan hlan e.

01/04/2023

Church of God (Seventh Day): Mizoram Conference chuan Media Cell Department Director thar atan Deacon Ramnghinga a ruat.

Kan Director thar hi Aizawl Nursery vengah nupui fanau te nen an khawsa mek a. Kohhran tana mi tangkai leh mi inpe tak a ni. Charge thar a lak hnuin k*m 2023 atana Media Cell Department rorel hmasaber chu vawiin khan a kaihruai nghal a ni.

21/03/2023

'Pathian Kohhran Ram Tina Mi' - Music Video ah hian Church of God (Seventh Day), Mizoram Conference darthlalang ṭhenkhat heng:
1. Chawlhkar Sabbath (Chawlhni) serh te,
2. Bible a hunbi chhiar dan dik inzirtirna te,
3. Lalpa Inkhawmpui Thianghlim vawnnun te,
4. Thurin tlangpui tarchhuah te,
5. Messia thihna leh thawhlehna ṭawmpuina - Baptisma chan te,
6. LALPA Zanriah (Kalhlen) kil leh Kesil rawngbawlna entir te,
7. Kohhran Lehkhabu chhuah ṭhenkhat te,
8. Khawvel ram hrang hranga Kohhran te kan hmu thei a ni.

Nula Ramfanmawii Rokhumi'n thiam taka a sak hi lo ngaithla ve rawh le.

Composer :H. LalnghetaVideography : Frantz Visual"Pathian Kohhran ram tina mi" tih hla Music video siam chhuak theia hun tha min petu Pathian hnenah lawmthu ...

19/03/2023

https://youtu.be/l3gZV8-M8TQ
Lei leh van siam anih lai khan Pathian chuan “Chhûn leh zân thenna tûrin vân boruak zau takah chuan êntute awm sela, chûngte chu chhinchhiahna te, hun bi te, nî te, k*m te hriatna tûr ni rawh se: a ti a. (Gen 1:14)

Sam ziaktuin, Thilsiam chanchin hrereng chungin 'Ani chuan thla khi hunbi hriat nân a ruat a: Ni khian a tlâk hun chu a hre thin.' a ti ve bawk. (Sam 104:19)

Israel-ho zinga an chhûngkaw puipa te, sipai sâng hotu te, za hotute leh lal rawngbâwltu zawng zawng, k*m khat chhûnga thla tina inthlâk zel thin te chanvo neih hun hrechiang turin Bible thla chhiar dan hi hriat a ṭul a. (I Chronicles 27:1)

'Ni khat' hun chhung chhiar dan tur, hrethiam turin Thilsiam chanchina LALPAN Ni Khat a ṭhen dan hriat chian a ngai a. (...Tlai lam a awm a, zîng lam a awm bawk a, a ni khatna chu - Gen. 1:5) Zanlai a awm a, Zanlai a awm leh a, a ni khatna chu tiin a dah lo).

Chawlhni diktak - Chawlhkar Sabbath leh Kumpui Sabbath-te hrechiang turin Bible Hunbi chhiar dan hi hriat chian a ngai takzet a ni.

Nova hunlaia tuilet hun hre turin Bible hunbi chhiar dan hriat a ngai leh a. (Gen. 7:1) Tin, Ararat tlanga Lawng innghah ni leh thla hre turin Bible hunbi chhiar dan hriat a ngai bawk. (Gen. 8:4)

LALPA Hunbi pawimawh ruat - A Inkhawmpui Thianghlimte hrechiang turin Bible hunbi chhiar dan hriatchian hmasak a ngai leh a. (Lev. 23 leh adt.) Lal Yeshua pian hun leh thih hun leh a thawhleh hun hrechiang tur pawhin Bible hunbi chhiar dan chiang taka hriat a ngai a ni.

Thildang sawizau hmain, he hla hi lo ngaithla phawt la, kan zir chhunzawm zel dawn nia.

He hla "Lalpan a mite tan hun leh k*m te (Bible Kalendar)" hi Audio recording min phalsaksaktu leh a hla phuahtu ni bawk Pu H. Lalngheta chungah thinlung tak...