11/04/2025
වික්ෂෝප සිකුරාදා දිනය අදයි ✝️
දේවවන්දනා වසරේ මහ සිකුරාදා ට පෙර සිකුරාදා දින වික්ෂෝප සිකුරාදා ලෙස හදුන්වනු ලබයි. මේ තුළින් ගැලවීමේ සැලැස්මට හිස නමා තම දිවිය දෙවිඳුන්ට යාගයක් ලෙස පුද දුන් කැඩුණු, බිඳුනු , වැයවූ භාග්යවත් මාතාවන් සමරනු ලබන අතර , ඕ තුමිය මෙලොව දිවි ගෙවූ පරිද්දෙන් ගැලවීමේ සැලැස්මට අවනතව දිවි ගෙවන්නටත් , ඒ අනුව ක්රියා කරමින් දිවි ගෙවන්නට අපට මෙහිදී ආරාධනා කරනු ලබයි.
ජනවන්දනාමය පැතිකඩ
වික්ෂෝප දේවමාතා බැතිය ලොව පුරා සීග්රයෙන් පැතිර ගියේ මධ්යතන යුගයේ දී ය. මෙම මංගල්යයට මූලිකවම මූලිකව ම බලපෑවේ එකල භක්ති අභ්යාස තුළ පැවති Mater Dolorasa හෙවත් වික්ෂෝප ස්ථාන බැතියයි. මෙමගින් ශුද්ධවූ ලියවිල්ල පදනම් වූ දේවමාතාවන්ගේ දිවියට සම්බන්ධ වික්ෂෝප සිද්ධීන් හතක් මෙනෙහි කරනු ලැබීය. අද ඒවා දේවමාතාවන්ගේ වික්ෂෝප සත ලෙස හදුන්වනු ලැබේ.
ඒවා නම්
1. සමිඳුන් දේව මාලිගාවේ දී පුද දුන් විට සිමියොන් දිවැසිවරයා ප්රකාශ කළ වදන්(ශු. ලූක් 2: 33 - 35).
2. හෙරොද්ගේ කඩු පහරින් ජේසු බිළිඳුන් බේරාගැනීම සඳහා වේදනාව පිරුණු හදවතකින් මිසරයට පලා යෑම (ශු. මතෙව් 2: 13 - 15).
3. දේව මාලිගාවේ දී ජේසු සමිඳුන් නැතිවීම (ශු. ලූක් 2: 41- 50)
4. කුරුස ගමනේදී මරියාවන්ට ජේසු සමිඳුන් මුණගැසීම (ශු. ලූක් 23: 27).
5. කල්වාරි කන්ද මුදුනේ දී ජේසුස් ක්රිස්තුස් වහන්සේගේ කුරුස පත්වීම
(ශු. ජුවාම් 19: 25 - 27).
6 ජෙසුස් ක්රිස්තුස් වහන්සේ ගේ ශ්රී සිරුර කුරුසියෙන් බාන ලදුව තම උකුලේ හොවා ගැනීම (ශු. මාක් 15: 43 - 45).
7. උන්වහන්සේ ගේ ශ්රී ශරීරය සොහොනක තැන්පත් කිරීම (ශු. ජුවාම් 19: 38 - 42).
( වර්තමාන ජන වන්දනාව තුළ වික්ෂෝප සත ලෙස ව්යවහාරයේ පවතින්නේ මේවා වේ.)
මෙම භක්ති අභ්යාසය මුලින්ම ආරම්භ වූයේ තාපසාරාම තුළය . මහසිකුරාදා දින වික්ෂෝප මාතාවන්ගේ ප්රතිමාවන් රැගෙන යමින් ඒ වටා මෙම භක්ති අභ්යාසය ආරම්භ වූ බව සඳහන් වේ. ක්රි.ව. 1221 දී මහ සිකුරාදා දින මෙම භක්තිය අභ්යාසය ජර්මනියේ පැවැත් වූ බවට සාධක ඇත . එහෙත් මෙය ශු. සභාවේ මංගල්යයක් ලෙස නිර්දේශ කරනු ලැබුවේ ක්රි.ව. 1423 දීය. ඒ කාලයේදී මෙම මංගල්යය මහ සිකුරාදා මහ සිකුරාදාට කලින් සිකුරාදා දින සමරනු ලැබූ අතර අද ද ජනවන්දනාව වසර තුළ මෙම දිනය වික්ශෝප සිකුරාදා ලෙස හැඳින්වේ.
ක්රි.ව. 1570 වසරේ දී එනම් ත්රිදෙන්තීනූ මන්ත්රණ සභාවෙන් පසුව මෙම මංගල්යය දේව මාතා සැමරුම් මංගල්යයත් ලෙස හඳුන්වා දෙනු ලැබීය. තවද මෙම භක්ති අභ්යාසය ප්රචලිත කිරීමට පුනරුද යුගයේ දී නිර්මාණය වුණු සුප්රකට මයිකල් ආන්ජලෝ නම් කලාකරුවා විසින් නිර්මාණය කරන ලද පියෙටා ප්රතිමාව සුවිශාල දායකත්වයක් දැක්වීය.
ක්රි.ව. 1814 දී ජනවන්දනාව වසරේ සැමරුම් මංගල්යයක් ලෙස නිර්දේශ කරනු ලැබුවේ හත්වන පියුස් ශුද්ධෝත්තම පියතුමන් විසිනි. ක්රි.ව. 1913 දී ශු. දසවන පියුස් ශුද්ධෝත්තම පියතුමන් විසින් මෙම මංගල්යය සැප්තැම්බර් මස 14 වන දින එනම් ශ්රී කුරුසියේ විජයග්රහණයේ මංගල්යයට පසුදින සැමරිය යුතු බවට නිර්දේශ කළ අතර, දෙවන වතිකාන මන්ත්රණ සභාවෙන් පසු ද මෙම මංගල්යය දේවමාතා මංගල්යයන් අතර අනිවාර්යය අනුස්මරණ මංගල්යයක් ලෙස නිර්දේශ විය. තවද මෙම මංගල්යය සඳහා කිවයුතු ගී කාණ්ඩයක් ද පවතී. එනම්
1. Stabat mater dolorósa
juxta Crucem lacrimósa,
dum pendébat Fílius.
2. Cuius ánimam geméntem,
contristátam et doléntem
pertransívit gládius.
3. O quam tristis et afflícta
fuit illa benedícta,
mater Unigéniti!
4. Quae mœrébat et dolébat,
pia Mater, dum vidébat
nati pœnas ínclyti.
5. Quis est homo qui non fleret,
matrem Christi si vidéret
in tanto supplício?
6. Quis non posset contristári
Christi Matrem contemplári
doléntem cm Fílio?
7. Pro peccátis suæ gentis
vidit Iésum in torméntis,
et flagéllis súbditum.
8. Vidit suum dulcem Natum
moriéndo desolátum,
dum emísit spíritum.
9. Eja, Mater, fons amóris
me sentíre vim dolóris
fac, ut tecum lúgeam.
10. Fac, ut árdeat cor meum
in amándo Christum Deum
ut sibi compláceam.
11. Sancta Mater, istud agas,
crucifíxi fige plagas
cordi meo válide.
12. Tui Nati vulneráti,
tam dignáti pro me pati,
pœnas mecum dívide.
13. Fac me tecum pie flere,
crucifíxo condolére,
donec ego víxero.
14. Juxta Crucem tecum stare,
et me tibi sociáre
in planctu desídero.
15. Virgo vírginum præclára,
mihi iam non sis amára,
fac me tecum plángere.
16. Fac, ut portem Christi mortem,
passiónis fac consórtem,
et plagas recólere.
17. Fac me plagis vulnerári,
fac me Cruce inebriári,
et cruóre Fílii.
18. Flammis ne urar succénsus,
per te, Virgo, sim defénsus
in die iudícii.
19. Christe, cm sit hinc exíre,
da per Matrem me veníre
ad palmam victóriæ.
20. Quando corpus moriétur,
fac, ut ánimæ donétur
paradísi glória. Amen.
මෙහි සිංහල අනුවාදනය වන්නේ "දේව කන්යා නිමල මවුනි ..." යන අප අතර ජනප්රිය ගීතිකාව වේ. එය ශු. බොන්වැන්චර් මුනි තුමා විසින් රචනා කරන ලද රචනයක් ලෙස සැලකේ. තවද බොහෝ රටවල් වල අදත් වික්ෂෝප දේවමාතාවන් වහන්සේගේ මංගල්යය පැරැණි සිරිතට අනුව මහසිකුරාදා ට කලින් සිකුරාදා සමරන අතර , වික්ෂෝප දේවමාතාවන් ඉතාලියේ මොලාඩි සහ මෝලිසි නගරයන්හි සහ පිලිපීනයේ දූපත් රාශියක ද , ඇමරිකා එක්සත් ජනපදයේ ප්රාන්ත රැසක ද නාම සාන්තුවරිය ලෙස නම් කර ඇත.
දෙවන වතිකාන මන්ත්රණ සභාවෙන් පසුව ශ්රී කුරුසියේ විජයග්රහණයේ මංගල්යයට පසුදින මෙම මංගල්යය සමරන්නට නිර්දේශ කළ අතර , අද වික්ෂෝප දේවමාතාවන් වහන්සේගේ මංගල්යය දේවවන්දනා වසරේ දේවමාතාවන් අරඹයා සමරන මංගල්යයන් අතුරින් සැප්තැම්බර් මස 15 වන දින සමරනු ලබයි.
සටහන - අසේල දසනායක
