https://www.facebook.com/107667071792055/

St.Stephen’s Jacobite Syrian Church Limerick, Limerick (2026)

14/09/2026

ലിമെറിക് സെന്റ് സ്റ്റീഫൻസ് യാക്കോബായ സുറിയാനി ഓർത്തഡോക്സ് പള്ളിയിൽ മഹാ പരിശുദ്ധനായ യൽദോ മോർ ബസ്സേലിയോസ് ബാവായുടെ 341-മത് ഓർമ്മപെരുന്നാൾ 2026 ഒക്ടോബർ 2, 3 (വെള്ളി, ശനി) തീയതികളിൽ അഭി തോമസ് മോർ അലക്സന്ത്രയോസ് തിരുമേനിയുടെ മുഖ്യ കാർമ്മികത്വത്തിൽ സാഘോഷം കൊണ്ടാടുവാൻ കർത്താവിൽ പ്രത്യാശിക്കുന്നു. പെരുന്നാൾ ശുശ്രൂഷകൾക്ക് ഏവരെയും സ്നേഹപൂർവ്വം ക്ഷണിക്കുന്നു.

03/09/2026

September 5 th Saturday morning 9 am -11.30 am🙏🙏🙏

03/07/2026

The Glory and Beauty! ✨📖What an incredible and blessed day we had at Saint Stephen’s Sunday School for our Vacation Bible School on July 3rd!Our students dived deep into this year's beautiful theme, "The Glory and Beauty" from Job 40:9. The energy and enthusiasm throughout the day were absolutely wonderful!A massive thank you to our amazing Sunday school teachers, the youth association, and our managing committee. Your immense dedication, hard work, and support made this experience beautiful and unforgettable for the children and our entire parish community. 🙏❤️

01/07/2026

സ്‌ഥാനാരോഹണം ചരിത്ര ദിനത്തിൽ.

പുത്തൻകുരിശ് : ക്രൈസ്തവ സഭയിൽ 12 ശ്ലീഹന്മാരുടെ ഓർമ്മദിനത്തിൽ മലങ്കര യാക്കോബായ സുറിയാനി സഭയിൽ ശ്ലൈഹീക പാരമ്പര്യത്തിലേക്ക് മോർ ഗ്രിഗോറിയോസ്‌ ഗ്രബ്രിയേൽ മെത്രാപ്പോലീത്തയുടെ സ്ഥാനാരോഹണം. 150 വർഷം മുൻപ് നടന്ന ചരിത്ര പ്രസിദ്ധമായ മുളന്തുരുത്തി സുന്നഹദോസ് സമാപിച്ചത് ജൂൺ 30ന് ആയിരുന്നു എന്ന പ്രത്യേകതയും ഈ ദിനത്തിനുണ്ട്.

കാലത്തിന്റെ വെല്ലുവിളികളെ തിരിച്ചറിഞ്ഞു സഭയുടെ ദൗത്യം നിറവേറ്റാൻ നവാഭിഷിക്ത മെത്രാപ്പൊലീത്തയ്ക്കു കഴിയുമെന്ന് ശ്രേഷ്ഠ ബസേലിയോസ് ജോസഫ് കാതോലിക്കാ ബാവാ അനുമോദന യോഗത്തിൽ പറഞ്ഞു. സിറോ മലബാർ സഭ കോതമംഗലം രൂപതാ ബിഷപ് മാർ ജോർജ് മഠത്തിക്കണ്ടത്തിൽ അനുമോദന സമ്മേളനം ഉദ്ഘാടനം ചെയ്തു. സഭാ വൈദിക ട്രസ്റ്റി ഫാ. റോയി ജോർജ് കട്ടച്ചിറ, അൽമായ ട്രസ്‌റ്റി തമ്പു ജോർജ് തുകലൻ, സഭാ സെക്രട്ടറി ജേക്കബ് സി. മാത്യു എന്നിവർ ചേർന്ന് ബൊക്കെയും പൂമാലയും നൽകി.

സുറിയാനി സഭയിലെ സ്വിറ്റ് സർലൻഡ് - ഓസ്ട്രിയ ആർച്ച് ബിഷപ് മോർ ദിവന്നാസിയോസ് ഇസ ഗുർബൂസ്, മലങ്കര സുറിയാനി കത്തോലിക്കാ സഭ മുവാറ്റുപുഴ രൂപതാ ബിഷപ് ഡോ. യൂഹാനോൻ മോർ തിയഡോഷ്യസ്, വരാപ്പുഴ അതിരൂപതയുടെ സഹായ മെത്രാൻ ഡോ. ആന്റണി വാലുങ്കൽ, ഓസ്ട്രേലിയയിലെ വിക്ടോറിയൻ പാർലമെന്റ് ചീഫ് വിപ്പ് ലീ ടാർലാമിസ്, മാർത്തോമ്മാ സുറിയാനി സഭ വികാരി ജനറൽ റവ.ഡോ. സി.എ. വർഗീസ്, വടവാതൂർ പൗരസ്യ വിദ്യാപീഠത്തിലെ റവ. ഡോ. പോളി, പുത്തൻകുരിശ് പഞ്ചായത്ത് പ്രസിഡന്റ് റെജി തോമസ് എന്നിവർ പ്രസംഗിച്ചു.

സുന്നഹദോസ് സെക്രട്ടറി മോർ തിമോത്തിയോസ് തോമസ്, മോർ ഇവാനിയോസ് മാത്യൂസ്, മോർ മിലിത്തിയോസ് യൂഹാനോൻ, മോർ ദിയസ്കോറസ് കുര്യാക്കോസ്, മോർ തേവോദോസിയോസ് മാത്യൂസ്, മോർ അപ്രേം മാത്യുസ്, മോർ യൗസേബിയോസ് കുര്യാക്കോസ്, ഡോ. മോർ കൂറിലോസ് ഗീവർഗീസ്, മോർ ക്രിസോസ്റ്റമോസ് മർക്കോസ്, മോർ അത്തനാസിയോസ് ഏലിയാസ്, മോർ ഗ്രിഗോറിയോസ് കുര്യാക്കോസ്, മോർ ഇവാനിയോസ് കുര്യാക്കോസ്, മോർ ഐറേനിയസ് പൗലോസ്, മോർ ക്ലീമീസ് കുര്യാക്കോസ്, മോർ അന്തോണിയോസ് യാക്കോബ്, മോർ പീലക്സിനോസ് സഖറിയാസ്, മോർ ഐസക് ഒസ്താത്തിയോസ്, മോർ യൂലിയോസ് ഏലിയാസ്, മോർ അലക്സാന്ത്രയോസ് തോമസ്, മോർ അന്തിമോസ് മാത്യൂസ്, മോർ തിമോത്തിയോസ് മാത്യൂസ്, മോർ സ്തേഫാനോസ് ഗീവർഗീസ് മെത്രാപ്പോലീത്ത തുടങ്ങിയവർ സ്ഥാനാരോഹണ ശുശ്രൂഷയിൽ കാർമികരായി.

താൽക്കാലികമായി പള്ളികൾ നഷ്ടപ്പെട്ട 19 ഇടവകകൾക്ക് കാലം ചെയ്ത്‌ ശ്രേഷ്ഠ ബസേലിയോസ് തോമസ് പ്രഥമൻ ബാവയുടെ സ്മരണാർഥം ഒരുലക്ഷം രൂപ വീതം സാമ്പത്തിക സഹായം നൽകി.

© Elias Mattappillil

01/07/2026

🙏🙏🙏

22/06/2026

മലങ്കര യാക്കോബായ സുറിയാനി ഓർത്തഡോക്സ് സഭ അയർലൻഡ് ഭദ്രാസനത്തിൻ്റെ ആഭിമുഖ്യത്തിൽ സംഘടിപ്പിക്കുന്ന കുടുബ സംഗമത്തിൻ്റെ ഭാഗമായുള്ള രജിസ്ട്രേഷൻ ഫോമിൻ്റെ വിതരണ ഉത്‌ഘാടനം ലിമെറിക്ക് സെൻ്റ് സ്റ്റീഫൻസ് പള്ളിയിൽ ബഹു. വികാരി ഫാ. പീറ്റർ വർഗീസ്, പള്ളി സെക്രട്ടറി ബിപിൻ അറയ്ക്കകുടിക്ക് നൽകി കൊണ്ട് നിർവഹിച്ചു.

സെപ്റ്റംബർ 25,26 തീയതികളിൽ കൗണ്ടി ലിമെറിക്കിലെ കാപ്പമോർ കമ്മ്യൂണിറ്റി ഹാളിലാണ് കുടുംബസംഗമം നടക്കുക.
ആത്മീയ, സാമൂഹിക, സാംസ്കാരിക പരിപാടികൾ ഉൾപ്പെടുത്തിയാണ് സമ്മേളനം ഒരുക്കിയിട്ടുള്ളത്.
25-ാം തീയതി വെള്ളിയാഴ്ച ക്ലർജി മീറ്റിംഗോടെ സമ്മേളനത്തിന് തുടക്കം കുറിക്കും. തുടർന്ന് സന്ധ്യാ പ്രാർത്ഥന. 26-ാം തീയതി ശനിയാഴ്ച രാവിലെ വി. കുർബാനയെ തുടർന്ന് ബൈബിൾ ക്ലാസ്, പ്രാർത്ഥനാ സംഗമം, കായിക മത്സരങ്ങൾ, പൊതുയോഗം, സാംസ്കാരിക പരിപാടികൾ എന്നിവ ക്രമീകരിച്ചിട്ടുണ്ട്.
കുടുംബങ്ങളുടെ ആത്മീയ ഐക്യം ശക്തിപ്പെടുത്തുന്നതിനും സഭയും സമൂഹവുമായുള്ള ബന്ധം ഉറപ്പാക്കുന്നതിനും ലക്ഷ്യമിട്ടുള്ള ഈ സമ്മേളനത്തിൽ അയർലൻഡിൻ്റെ വിവിധ ഭാഗങ്ങളിൽ നിന്നും പള്ളികളിൽ നിന്നുമുള്ള വിശ്വാസികൾ കുടുംബസമേതം പങ്കെടുക്കും.

16/05/2026

ഓൾ അയർലണ്ട് ബാലകലോത്സവത്തിൽ പങ്കെടുത്ത മുഴുവൻ കുട്ടികളെയും ഇടവക വികാരി ഫാദർ.പീറ്റർ വർഗീസിന്റെയും സൺ‌ഡേ സ്കൂൾ അദ്ധ്യാപകർ, മാനേജിങ്
കമ്മീറ്റി എന്നിവരുടെ നേതൃത്വത്തിൽ ആദരിച്ചപ്പോൾ ........

05/05/2026

അയർലണ്ട് യാക്കോബായ ഭദ്രാസനത്തിന്റെ കീഴിൽ ഇന്നലെ നടത്തപ്പെട്ട ബാലകലോത്സവത്തിൽ ജൂനിയർ വിഭാഗത്തിൽ പ്രസംഗ മത്സരങ്ങളിൽ തിളക്കമാർന്ന വിജയം നേടിയ

*ഐറിൻ ആൻ ജിൻസ് 🏆 (First, English)*
*ഹേസൽ മരിയ സന്തോഷ് 🏆 (First, Malayalam)*

എന്നിവരെയും ...കൂടാതെ നമ്മുടെ ഇടവകയിലെ സൺ‌ഡേ സ്കൂളിൽ നിന്നും പങ്കെടുത്ത മറ്റുള്ള കുട്ടികളെയും ഈ അവസരത്തിൽ ഇടവകയുടെ അഭിനന്ദനങ്ങൾ അറിയിക്കുന്നു ...👏👏👏

മത്സരങ്ങളിൽ പങ്കെടുപ്പിക്കുവാൻ കുട്ടികളെ പ്രത്യേകം പരിശീലനം നൽകിയ സൺ‌ഡേ സ്കൂൾ ടീച്ചേഴ്സിനോടും ,മാതാപിതാക്കളോടുമുള്ള നന്ദിയും കടപ്പാടും കൂടി ഈ അവസരത്തിൽ അറിയിക്കുന്നു ..💐

07/04/2026

ലിമെറിക് സെന്റ് സ്റ്റീഫന്‍സ് യാക്കോബായ സുറിയാനി പള്ളിയുടെ ആഭിമുഖ്യത്തില്‍ വിശുദ്ധ വാരവും ഉയര്‍പ്പു പെരുന്നാളും ഭക്താദരങ്ങളോടെ നടത്തപ്പെട്ടു.

മുറോ,എബിങ്ടണ്‍ ചര്‍ച്ചില്‍ മാര്‍ച്ച് 28 ശനിയാഴ്ച ഊശാന ശുശ്രൂഷയോടെയായിരുന്നു വിശുദ്ധവാരത്തിലെ തിരുക്കര്‍മ്മങ്ങള്‍ക്ക് തുടക്കമായത്. ക്രിസ്തുദേവന്റെ യരുശലേം ദൈവാലയ പ്രവേശനത്തിന്റെ സ്മരണ പുതുക്കി ഊശാന ശുശ്രൂഷയുടെ ഭാഗമായി പള്ളിക്കും ചുറ്റും കുരുത്തോല പ്രദക്ഷിണവും തുടര്‍ന്നു വിശുദ്ധ കുര്‍ബാനയും നടന്നു. ചടങ്ങുകള്‍ക്കും വിശുദ്ധ കുര്‍ബാനയ്ക്കും ഇടവക വികാരി റവ. ഫാ. പീറ്റര്‍ വര്‍ഗീസ് മുഖ്യകാര്‍മികത്വം വഹിച്ചു.

യേശു ക്രിസ്തുവും ശിഷ്യരുമൊത്തുള്ള തിരുവത്താഴത്തിന്റെ ഓര്‍മ്മ പുതുക്കി പെസഹാ ആചരണം ഏപ്രില്‍ ഒന്ന് ബുധനാഴ്ച ഉച്ചതിരിഞ്ഞ് 2.30 മുതല്‍ എബിങ്ടണ്‍ ചര്‍ച്ചില്‍ നടത്തി. പെസഹാ ശുശ്രൂഷയ്ക്കും വിശുദ്ധ കുര്‍ബാനയ്ക്കും റവ.ഫാ. ഗ്രിഗര്‍ ആര്‍. കൊല്ലന്നൂര്‍ മുഖ്യകാര്‍മിത്വം വഹിച്ചു. തുടര്‍ന്ന് പെസഹാ അപ്പവും പാലും വിശ്വാസികള്‍ എല്ലാവരും പങ്കിട്ടു കഴിക്കുകയും ഉണ്ടായി.

യേശുക്രിസ്തുവിന്റെ പീഢാനുഭവത്തിന്റെയും കുരിശുമരണത്തിന്റെയും സ്മരണയില്‍ ദു:ഖവെള്ളിയാഴ്ച ശുശ്രൂഷകള്‍ പാലാസ്ഗ്രീന്‍ കമ്മ്യൂണിറ്റി ഹാളില്‍ നടത്തി. രാവിലെ 9.00 മുതല്‍ വൈകുന്നേരം 4.00 വരെ നീണ്ടു നിന്ന ശുശ്രൂഷകള്‍ക്കു ഇടവക വികാരി റവ. ഫാ. പീറ്റര്‍ വര്‍ഗീസ് മുഖ്യകാര്‍മികത്വം വഹിച്ചു. കബറടക്കത്തിനു ശേഷം കയ്പുനീരും നേര്‍ച്ച കഞ്ഞി വിതരണവും നടത്തി. ലിമെറിക്കില്‍ നിന്നും സമീപ കൗണ്ടികളില്‍ നിന്നും ഒട്ടേറെ വിശ്വാസികള്‍ പങ്കെടുത്ത് അനുഗ്രഹം പ്രാപിക്കാനായി എത്തിയിരുന്നു.

പ്രത്യാശയുടെ ഉത്സവമായ ഉയര്‍പ്പുപെരുന്നാളിന്റെ തിരുക്കര്‍മ്മങ്ങള്‍ക്ക് ഇടവക വികാരി റവ. ഫാ. പീറ്റര്‍ വര്‍ഗീസ് മുഖ്യകാര്‍മികനായി. പ്രതികൂല കാലാവസ്ഥയായതിനാല്‍ പാലാസ്ഗ്രീന്‍ കമ്മ്യൂണിറ്റി ഹാളിലായിരുന്നു ഉയര്‍പ്പു ശുശ്രൂഷയും തുടര്‍ന്നുള്ള വിശുദ്ധ കുര്‍ബാനയും നടന്നത്. ഒട്ടേറെ വിശ്വാസികള്‍ ഇതില്‍ പങ്കാളികളായി. പെരുന്നാള്‍ ചടങ്ങുകളുടെ ഭാഗമായി സ്‌നേഹവിരുന്നും ഒരുക്കിയിരുന്നു.

St.Stephen’s Jacobite Syrian Church Limerick

14/09/2026

03/09/2026

03/07/2026

01/07/2026

01/07/2026

22/06/2026

16/05/2026

05/05/2026

07/04/2026

Address

Opening Hours

Website

Alerts

Contact The Place Of Worship

Shortcuts

Share

Category

Listing takedown request