Pura Batur Sari Ubud

23/07/2022

Dokumentasi Nyenuk 20 Juli 2022

971 new items added to shared album

23/07/2022

Rahina budha pahing krulut pawilangan 20 juli 2022 patedun Ida Bhatara Jagat Kedewatan saha Ida Bhatara Jagat Kelabang Moding. Taler sore ne punika kamargiyang acara panyenukan ring Pura Dalem Puri Peliatan Ubud sepisanan wengi ne kalanturang antuk penyineban, nuwek lan mendem bagia ring Pura Batu Sari Ubud.
Risampune makasami pamargi panyeban kanargiyang, raris kalanturang mudalang Ida Bhatara Jagat Ubud, Ida Bhatara Jagat Bentuyung Sakti, Ida Bhatara Jagat Taman Kelod, saha Ida Bhatara Jagat Penestanan ring parahyangan Ida soang-soang.

Paramasuksma katur ring para pamangku, srati, miwah angga juru adat saha dinas kasarengin makasami krama adat Kutuh sane sampun sida nyarengin ngaturang ayah nyanggra pamargi bhakti panyineban.

19/07/2022

Pamargi patedun Ida Bhatara Sesuhunan ring Jagat Ubud, Jagat Bentuyung Sakti, Jagat Taman Kelod saha Jagat Penestanan mesolah napak pertiwi ring catuspata ubud rahina redite wage krulut pawilangan 17 juli 2022.

Sesolahan calonarang sane ngambil bantang bahula duta punika kasanggara olih Sekaa Gong Ghora Gurnita Ubud. Paramasuksma katur ring makasami angga yowana sane sida nyihnayang pasikian saha ngaturang ayah bhakti ring Ida Sehununan makasami.

Bandha Gina Yowana Usadhi Desa

1045 new items added to shared album

19/07/2022

Dokumentasi Persiapan Calonarang Bahula Duta ring Catus Pata Ubud (17/7) kasarengin antuk Sekaa Taruna se-Bale Agung Ubud

326 new items added to shared album

16/07/2022

Bandha Gina Yowana Usadhi Desa

Ring rahinane benjang nemuning Redite Wage wara Krulut, pawilangan 17 Juli 2022 jagi kamargiang sasolahan Calonarang sane magenah ring Catuspatha Ubud. Pamargi ayah-ayahan Calonarang puniki kasanggra antuk Yowana ring Jagat Ubud sane kadulurin antuk pasikian Budhi, Citta lan pikayunan nyikiang Angga ring pasekaan Ghora Gurnita Ubud.

14/07/2022

Rahina ne mangkin Budha Kliwon Pahang 13 Juli 2022 kamargiyang Puncak Upacara Karya Mapadudusan Agung ring Pura Batur Sari Ubud.

Pamargi puncak karya rahina ne mangkin karauhin antuk Bapak Camat Ubud, Lurah Ubud, Jero Gede Batur Duuran, Jero Penyarikan Batur makalihan, Panglingsir saha angga Puri Ubud, Bandesa kasarengin angga juru adat saha dinas Se-Desa Adat, miwah krama desa adat ubud sinareng sami.
Nenten lali taler ngaturang paramasuksma majeng ring krama desa adat ubud (ubud kelod, ubud kaja, ubud tengah, sambahan) sane sampun nyarengin saha sida ngaturang ayah nyanggra sajeroning pamargi rahina ne mangkin.

929 new items added to shared album

14/07/2022

Pamargi upacara mapepada ring Pura Batur Sari Ubud kamargiang ring rahina Anggara Wage Pahang pinanggal 12 Juli 2022. Parikrama puniki maka eedan puncak upacara Karya Mapadudusan Agung ring Pura Batur Sari Ubud, sane nepek nemuning Budha Kliwon wuku Pahang pawilangan 13 Juli 2022 rahina ne benjang.

Paramasuksma katur ring para pamangku, angga juru desa, adat miwah dinas Se-Bale Agung Ubud, saha krama Desa Adat Ubud makasami sane sampun sida ngaturang ayah nyanggra sajeroning pamargi rahina ne mangkin

209 new items added to shared album

11/07/2022

Rahina ne mangkin Soma Pon Pahang 11 Juli 2022 kamargiyang upacara Tawur Pedanan Manca Sanak Agung ring Catuspata Ubud.
Parikrama puniki maka eedan sajeroning pemargi upacara Karya Mapadudusan Agung ring Pura Batur Sari Ubud, sane nepek nemuning rahina Budha Kliwon wuku Pahang pawilangan 13 Juli 2022.
Rauh ring galah semengne wawu inggih punika Wakil Gubernur Bali ngangganin palungguh Gubernur Bali, Anggota DPRD Prov. Bali, Anggota DPRD Kab. Gianyar, Bandesa Agung Majelis Desa Adat Prov. Bali, angga saking Kantor Wilayah Kementrian Agama RI Prov.Bali, Jero Gede Batur Duuran, para panglingsir miwah angga Puri, saha para bandesa miwah angga juru adat sawewidangan jagat Ubud rauh ring ketewel.

Paramasuksma katur ring Bandesa saha angga angga juru Jagat Bentuyung Sakti, para pamangku, srati miwah makasami krama bentuyung sakti sane sampun sida ngaturang ayah nyanggra sajeroning pamargi bhakti tawur pedanan manca sanak agung rahina ne mangkin.

821 new items added to shared album

10/07/2022

Sore ne mangkin krama adat Bentuyung Sakti kasarengin angga srati nyiagayang upakara Tawur Padanan Manca Sanak Agung sane kamargiyang rahina ne benjang ring Catuspata Ubud.

124 new items added to shared album

10/07/2022

Pamargi upacara Merbu wewalungan saha Mlaspas Bagia ring Pura Batur Sari Ubud kamargiang ring rahina Redite Paing Pahang pinanggal 10 Juli 2022. Parikrama puniki maka eedan sajeroning pacang kamargiang upacara Karya Mapadudusan Agung ring Pura Batur Sari Ubud, sane nepek nemuning rahina Budha Kliwon wuku Pahang pawilangan 13 Juli 2022.

Paramasuksma katur ring Bandesa saha angga angga juru Jagat Bentuyung Sakti, para pamangku, srati miwah makasami krama bentuyung sakti sane sampun sida ngaturang ayah nyanggra sajeroning pamargi bhakti merbu lan mlaspas bagia rahina ne mangkin.

10/07/2022

Pamargi upacara Melasti saha Mapakelem ring Sagara Pabean Ketewel kamargiang ring rahina Wrespati Wage Pujut pinanggal 7 Juli 2022

08/07/2022

Pamargi upacara Melasti saha Mapakelem ring Sagara Pabean Ketewel kamargiang ring rahina Wrespati Wage Pujut pinanggal 7 Juli 2022. Parikrama puniki maka eedan sajeroning pacang kamargiang upacara Karya Mapadudusan Agung ring Pura Batur Sari Ubud, sane nepek nemuning rahina Budha Kliwon wuku Pahang pawilangan 13 Juli 2022.

Paramasuksma katur ring Mangku Gede Payogan Agung Ketewel, para pamangku sajebag ketewel, Bandesa saha angga juru adat Ketewel, Perbekel Ketewel miwah makasami krama ketewel sane sampun sida ngaturang ayah nyanggra sajeroning pamargi bhakti pakelem saha pamelastian Ida Bhatara.

764 new items added to shared album