05/10/2024
LESON DOMINIKAL 6 OKTOB 2024
Tit: Trinite Bondye ak don espirityèl yo.
Lekti: 1 Korent 3:5-8; 12:1-6
Tèks dò: Bondye pa bay tout moun menm don. Men, nou fèt pou nou sèvi ak kado a daprè favė Bondye fè nou an. Rom 12:6
Entwodiksyon:
Nan leson nou jodi a, nou va wè kòman Bondye Trinité a kontwole tout bagay. Sentespri a dirije don yo Leseyè Jezi dirije nou pou mete nou nan plas li vle epi Bondye Papa ede nou pou n' gen bon rezilta nan sèvis n'ap bay nan legliz la. Ann gade detay yo.
I. Bondye Trinite a an kontwòl tout bagay.
Pòl di nan 1 Koretyen 12:4-6, gen divės kalite don Sentespri a bay, men se menm Lespri Bondye a ki bay tout. Gen divès kalite ministė men se menm Seyè a n'ap sèvi. Gen divès operasyon oubyen fason moun fè sèvis yo men se menm Bondye a k'ap kontwole rezilta yo.
Kòm nou kapab remake don yo mare ak Lespri Bondye, ministè yo mare ak Jezikri epi operasyon yo mare ak Bondye Papa. Se Bondye Trinite a k'ap woule machin Kò Kris la ki pou fè l' fonksyone avèk pwisans pou mennen tout moun pa l' yo al nan syèl.
Bib la sèvi ak plizyè imaj diferan pou ilistre sa Bib la ye, li di li tankou yon kò, yon kay, yon lame, yon fyanse. Men an rapò ak don espirityèl yo, li toujou sèvi ak imaj kò a. Imaj sa a fè parèt aklè kòman li bezwen anpil nanm ak anpil fonksyon diferan pou l' ka mache byen, epi chak nanm gen pwòp plas pa l' nan kò a pou l' ka fè travay pa li. Chak fwa Apot Pòl pale sou legliz la kòm yon kò, li touche twa (3) gwo sijè: Inite, divèsite ak matirite.
N'ap ilistre sa a ak yon chema ki ba ou twa (3) pasaj Biblik pi enpòtan yo ki pale sou don espirityèl yo.
Inite= 1Kor. 12 : 1-3; Wòm 12 : 1-5; Efèz 4 : 1-6
Divèsite= 1 Kor 12 : 14-31; Wòm 12 : 6-8; Efèz 4 : 7-12
Matirite= 1Kor 13 : 1-13; Wom: 9-21; Efèz 4:13-16
Nou te deja pale sou inite a epi nan leson nou jodi a, n'ap konsidere kék lót aspè nan inite a: Se yon sèl Bondye ki kontwole tout bagay, li deside ki don l'ap bay kilės nan tout pitit li yo. Nan ki ministė li mete chak pitit li epi li deside kisa pou nou chak akonpli nan ministé nou. Nan tout sa n'ap fè ki gen valè pou letènite nou depann nèt sou Lespri Bondye menm pou nou ka di ak tou konviksyon nou, Jezi se Seyè tout Seyè, li nesesė pou Sentespri a travay nan kè nou.
II. Se Sentespri a ki distribiye don yo.
Kòm nou te di deja: "Yon don se kapasite sinatirèl oubyen yon fonksyon espesyal ke Sentespri a bay chak vrè kwayan kado pou I' itil tout moun. Chak manm nan kò a gen travay pa l' nou ta di se don pa l'. Paske kò a se kò Kris li ye, Seyè a plase chak manm kote li kapab egzèse don pa li. Kisa ou ta di si Seyè a ta pran de (2) grenn je ou epi mete yo anba pye ou, epi li ta pran de (2) dwèt pye mete nan plas je w? Mwen kwè ou ta reponn non li pa bon konsa paske limyè dwe plase anwo. Alò, Lespri a bannou kapasite nesesè pou fè tèl bagay selon plan.
Jan pa t' fè okenn mirak pandan ministè li. Men Jezi te pale de Janbatis pami sila yo ki fèt sou latè, pa t' gen yon nonm ki pi gran pase Janbatis (Matye 11:11). Sentespri a pa t' bay Janbatis don fè mirak paske l' pa t' bezwen l' pou travay Bondye te planifye pou li a. Sentespri a distribiye don yo selon plan Bondye a.
III. Leseyè bay chak manm ministė oubyen pozisyon pa li (12:5).
Si Sentespri an ba ou kapasite nesesė, oubyen don espirityèl pou fè tèl ministė, Leseyè mete ou nan plas ki ba ou yon chan travay kote ou kapab gen siksė.. Petèt Sentespri a ba ou don ministè epi Seyè a plase ou kòm Dyak nan legliz ou. Petèt ou gen don ansèyman epi Seyè a plase ou kòm monitė nan lekòl dominikal pouw kapab egzése don pa ou. Sa vle di se pou nou mande Seyè a pou li montre nou ki plas ki prepare pou nou.
Aprė Kris te fin resisite, li te pale ak Pyè pou bali yon travay espesyal. Jezi te di l' pran swen ti mouton mwen yo. Sa vle di Pyè te dwe travay kom paste oubyen ansyen. Nou wè nan travay Apot chapit 2 a 15 epi 1 Pye 5:1-5 se ministé sa Pyè reyèlman l'ap okipe, Men le Pye t'ap pral chache pou I' fouye konnen kisa Jan ta pral devni, Leseye Jezi te di l' kisa sa mele ou (Jan 21:15-23). Seyè a toujou ap egzése menm dwa sa poul kondi nou chak epi bannou travay pa nou pou n' fè pou li.
IV. Bondye kontwole fason ak rezilta ministè nou (12:6).
Vèsè 6 la nan orijinal la, sa vle di nan lang Grèk la, li difisil pou tradwi mo ke Bib fransė a tradwi kò operasyon se Energema' ki pale sou efè yon enėji genyen, sa vle di li pale sou rezilta yo. Vésè a di gen divèsite nan rezilta don espirityèl yo nan legliz men se menm Bondye ki bay tout rezilta yo. Lapot Pol di nan 1 Korentyen 3:6, "Mwen plante, Apolòs wouze men se Bondye ki fè plant lan pouse". Sa vle di nou responsab pou fè ministè nou byen nan legliz la ak tout jefò nou, men nou pa bezwen chaje tèt nou pou rezilta travay la. Rezilta nan men Bondye.
Travay Apot plen egzanp verite sa a, Pòl te preche pou twa (3) jou repo nan lavil Tesalonik sèlman, men travay li te gen yon gwo rezilta. Nan ti tan sa a, yon legliz fò te vin fonde ki te gen yon temwayaj ki te rive Iwen: "Travay 17:1-8; 1 Tesalonisyen 1:7-8). Men se pa menm Jan nan lavil Korent". Pol te travay nan Korent pandan 18 mwa, men legliz la te plen pwoblèm (Travay 18:11); (1 korentyen 3:1). Ou kapab bay menm mesaj nan de (2) legliz diferan, nan yon kote gen anpil moun konvèti men löt kote a yon sèl. Alò, se Bondye ki wè ke rezilta li bezwen nan tèl sityasyon oubyen nan tèl zòn pou manifeste laglwa li.
Konklizyon:
Bondye Trinite a toujou an kontwol, li toujou nan travay depi nan kòmansman jouk lafen. Se enteresan pou wè Bondye Trinite a kreye inite nan legliz la epi mande chak kwayan pou yo konsève inite sa pou nou kapab frape lemonn tout bon vre. Sentespri a bay don yo pou itil chak moun, Seyè a mete nou nan plas ki konvenab pou nou itilize don sa e pwodwi rezilta ki nesesè aprè chak sikonstans. Paske Bondye vle sèvi ak sa yo ki fidėl epi ki pliye volonte yo anba volonte li pou li fè sa li vle fè avè l' pou anpil bagay fèt nan legliz ak nan lemonn. Èske ou prèt pou ou fè sa?
REPONN KESYON YO:
5) Ki ministè Seyè a te bay Pyè?
6) Kilès ki mete nou nan plas travay legliz la?
7) Nan ilistrasyon jaden an, lapot Pòl bay nan 1 Kor 3, kilès ki te plante, kilės ki te wouze epi kilès ki te fè plant yo pouse?
8) Konbyen tan Pol t'ap evajelize nan lavil Tesalonik epi Konbyen tan li te pase lavil Korent?
1) Konplete: Ko Kris la gen anpil gen diferans ak anpil Diferans pou I' ka mache byen. Chak manm Plas pa l' nan sa pou l' ka fè Pa li.
2) Ki twa (3) sije Pòl touche chak fwa li pale sou legliz la kom ko Kris la?
3) Bay definisyon yon don espirityėl?
4) Poukisa Janbatis pa t' janm fè mirak?
Dave DDgraph Dumond
