Eglise Evangelique de Jésus-Christ

Page d'Accueil
Haiti
Thomazeau
Eglise Evangelique de Jésus-Christ

Eglise, Organisation et Vie d'Ensemble.(EEJC). à but non lucratif. Contactez-nous :�Whatsapp (+509) 38548919 / 40060204.

"Une Église, une mission, la prédication de la croix de JÉSUS-CHRIST "

31/05/2026

Kontinye fè BonDye konfyans.

Men sa pawòl li di: (sòm 91.11)

"BonDye ap pase zanj li yo lòd pou yo veye sou ou, pou yo pwoteje ou kote ou pase."

Toujou fèl konfyans ou pa pou kont ou , Li toujou pase lòd pou siveye w. Si se pat li ou pakonn kòman sa t ap ye pou ou.

Di BonDye mèsi pou sa liye nan lavi w e pou tout proteksyon li ba ou. Amèn

Mèsi Senyè Jezi🙏

Eglise Evangelique de Jésus-Christ

30/05/2026

Jodi a se joue se Senyè a te fè, se yon bèl okazyon pou nou leve kè nou ak vwa nou pou di BonDye mèsi. Mèsi pou lavi a, pou souf nou, pou pwoteksyon li, pou favè li ak pou tout benediksyon li mete sou chemen nou chak jou.

Aksyon de gras pa depann de kantite sa nou genyen, men de kapasite nou genyen pou rekonèt bonte BonDye nan lavi nou. Menm lè nou ap travèse moman difisil, nou toujou gen rezon pou nou di: "Mèsi Seyè!"

Lè nou remèsye Bondye, nou montre nou fè li konfyans e nou rekonèt se li ki sous tout sa ki bon nan lavi nou. Yon kè ki plen rekonesans se yon kè ki ouvè pou resevwa plis favè ak plis lapè.

Jodi a, ann pran tan pou nou konte benediksyon nou yo olye nou konte pwoblèm nou yo. Paske Bondye toujou fidèl, e mizèrikòd li dire pou tout tan. Mèsi Seyè pou sa Ou fè, pou sa Ou ap fè, ak pou sa Ou pral fè. Tout glwa se pou Ou. Amèn. 🙏

Eglise Evangelique de Jésus-Christ Mowadson Ernest fans

30/05/2026

Pa tann sèlman lè bagay yo vin mal pou chèche BonDye nan lapriyè. Pale avèk BonDye lè w kontan, rele Li lè w fatige, epi mete konfyans ou nan Li menm lè tout bagay sanble pa mache.

Nan lavi sa a, gen jou ki konn difisil anpil. Gen pwoblèm, estrès, traka ak desepsyon ki konn fè lespri moun boulvèse. Men lapriyè se youn nan pi gwo fòs yon moun ka genyen. Paske lè w priye, ou pa poukont ou ankò.

Lapriyè pa toujou chanje sitiyasyon an touswit, men li chanje kouraj ou, li bay kè w lapè, epi li fè w jwenn fòs pou kontinye avanse.Gen kèk batay ou pa ka genyen ak kòlè ni ak fòs pa w se sèlman ak lapriyè ak lafwa ou kapab kenbe fèm jis ou rive genyen laviktwa.

"Pa janm sispann lapriyè."(1Tesalonik 5.17)

Pale avèk Li chak jou. Nan lajwa w, nan dlo nan je w, nan silans ou, menm nan moman kote w pa jwenn mo pou pale yo BonDye konprann sitiyasyon ke w ap travèse a.Yon moun ki aprann priye san rete, se yon moun ki pap janm pèdi espwa. Amèn 🙏

Eglise Evangelique de Jésus-Christ Mowadson Ernest Christmaceau Orilus Église Évangélique de la Paix.Inc Pierre Jean

29/05/2026

Gen batay nan lavi a nou pa kapab genyen ak fòs pa nou sèlman.Gen moman kote BonDye mande nou yon sèl bagay fè l konfyans e rete silans. "Seyè a ap goumen pou nou. Nou menm, poze san nou." (Egzòd 14.14)

Pèp Izrayèl la te mandel te fè silans devan lamè wouj la. E BonDye te rive fè yon mirak ke pèsòn pat pat panse pou yo. Li te rive fè yo travèse lamè wouj la. BonDye kapab fè enemi ou sezi men ou dwe aktive lafwaw e fè silans.

Lè tout bagay sanble ap boulvèse bò kote w, pa kite laperèz pran plas lafwa nan kè w.Paske BonDye deja devan w nan konba a. Li wè dlo nan je w yo, li konnen doulè w yo, e li pa janm dòmi sou sitiyasyon pitit Li.

Menm lè chemen an sanble fè nwa, lafwa fè nou sonje gen yon limyè ki toujou ap tann nou devan. BonDye pa janm abandone pitit li yo.
🔸Rete fèm.
🔸Rete nan lapriyè.
🔸Rete kwè.

Pafwa, pi gwo prèv fòs se rete kalm pandan BonDye ap travay an silans pou ou. Amen 🙏

Eglise Evangelique de Jésus-Christ fans Mision Evangelica De las Asamblea de Dios Haitiana R.D Mowadson Ernest

29/05/2026

Pwoblèm yo anpil, pòt yo sanble fèmen, epi kè ou vin lou. Men, Bib la ki se Pawòl BonDye, fè nou sonje yon verite ki pisan nan Levanjil selon sen Matye 21.22 :“Si nou gen konfyans nan BonDye, n a resevwa tou sa n a mande l lè n ap lapriyè.”

Pafwa lavi a konn fè nou doute e dout se enmi ak lafwa. Lèw doute souvan sa moutre ke lafwa w pa fèm pa nan Jezi. Lafwa pa vle di tout bagay ap rive touswit, men li vle di menm lè w pa wè anyen chanje, BonDye toujou ap travay pou ou.

Pa gen okenn lapriyè sensè ki pèdi devan BonDye. Chak dlo nan je, chak kri nan kè, chak mo ou di an silans gen anpil enpòtans pou Li. Paske Li konprann kè kase ou yo, pè ou yo, Li tande vwa w nan silans ak difikilte ou yo.

Lè ou priye avèk lafwa, ou aprann mete konfyans ou pa sèlman nan sa je ou wè, men nan sa kè ou kwè. BonDye kapab ouvri yon chemen kote tout bagay sanble bloke, pote lapè nan mitan konfizyon, epi leve ou ankò lè ou te panse tout bagay fini.

Pa sispann priye. Menm si repons lan poko rive jodi a, kontinye kwè. Paske BonDye konn travay an silans avan Li fè gwo mirak parèt nan lavi ou. Kontinye priye ak lafwa BonDye ap fè l janw kwè l la. Amèn 🙏

Eglise Evangelique de Jésus-Christ fans Eglise Evangelique du Fils de Dieu

27/05/2026

Lè BonDye avèk ou, okenn batay pa pèdi davans. Menm lè laperèz ap frape pòt ou, menm lè pwoblèm yo sanble pi gwo pase fòs ou, sonje ou pa janm poukont ou.BonDye pa gade gwosè lènmi yo, Li gade grandè lafwa ou.

Gen batay dlo nan je pa ka genyen, zanmi pa ka konprann, men BonDye kapab transfòme yo an viktwa. Kidonk pa dekouraje. Kontinye vanse avèk konfyans, paske Sila k ap goumen pou ou a pa janm pèdi.

Pafwa BonDye pa kalme tanpèt la touswit, men Li bay kè ou fòs pou travèse loraj la san ou pa tonbe. Chak eprèv se yon okazyon pou BonDye montre fidelite ak pisans Li nan lavi ou.

Lèw vle pèdi lafwa nan batay la, raple w viktwa Moyiz devan farawon yo, viktwa Jozye pou antre Kanaan ak anpil lòt sevitè BonDye. ou Ou genyen batay ou ladan l lan deja, ou bezwen sèlman fè BonDye konfyans.

“Seyè a, BonDye nou an, ap mache avèk nou. La goumen pou nou kont lènmi nou yo pou l fè nou genyen batay la.” ( Detewonòm 20:4)

Kèlkeswa batay w ap travèse jodi a, kenbe lafwa. Si BonDye avèk ou, viktwa w, ap vini nan bon moman an. Amen 🙏✨

Eglise Evangelique de Jésus-Christ fans Mowadson Ernest La Voix qui Crie dans le Désert. Pierre Jean Soirilus Ednord

27/05/2026

Leve ak lafwa, mache ak kouraj, epi kenbe espwa vivan nan kè w.

Sa BonDye prepare pou ou a pi gran pase tout sa w ap travèse jodi a.

Bon maten, ke lapè ak favè BonDye akonpaye w tout lajounen an.Amen 🙏

Mowadson Ernest Eglise Evangelique de Jésus-Christ Motivasyon 509 La Voix qui Crie dans le Désert. fans

26/05/2026

Gen moman nan lavi a kote pèsonn pa sanble konprann doulè nou, kote silans lan pi fò pase pawòl moun. Men gen yon sèl kote kè nou toujou jwenn repons, sèlman lè nou nan prezans BonDye.

Lè ou rele BonDye ak yon kè sensè, li pa janm fèmen zòrèy li. Li tande kri ou, li wè dlo nan je ou, li konnen batay ou menm lè pèsonn pa konnen yo. E menm lè repons lan pran tan, sa pa vle di li bliye w. BonDye toujou ap travay an favè moun ki mete konfyans yo nan li.

Lapriyè se pa sèlman pawòl, se yon koneksyon pwofon ak Papa ki renmen nou san limit la. Lè mond lan di “pa gen espwa”, BonDye di “mwen la toujou”.Kenbe lafwa ou vivan. Kontinye rele li. Paske BonDye ki tande w nan sekrè, ap reponn ou nan tan li ki pafè pou ou .

Fèl konfyans pandan w ap kontinye rele l nan lapriyè. Amèn 🙏.

Eglise Evangelique de Jésus-Christ Eglise Evangelique du Fils de Dieu Mowadson Ernest Soirilus Ednord Soirus Dunel Christmarceau Orilus Christmaceau Orilus

26/05/2026

🗣️Yon minit ajenou nan lapriyè

gen plis valè

pase yon bon bout tan ap viv nan enkyetid

ak dout nan lespri w. 🙏✨

Mowadson Ernest fans Eglise Evangelique de Jésus-Christ Soirilus Ednord

25/05/2026

Lavi sou tè a kapab pase tankou van, men pawòl BonDye yo ap rete pou tout tan. Lè Jezi di moun ki kwè nan li yo p ap janm mouri, li pa t ap pale sèlman de kò a, men de lavi etènèl BonDye prepare pou pitit li yo nan Jezi-Kri.

Gen moman kote doulè, pwoblèm, ak laperèz fè nou santi tout bagay fini. Men lafwa nan Kris la ban nou yon espwa ki depase limit lavi sa a. Yon espwa ki fè nou leve ankò, menm apre gwo tanpèt yo. Men lè nou ta rive mouri nan kò fizik nou men Seyè a genyen pouvwa pou resisite lavi nou. Zanmi Jezi, Laza se egzanp klè ke Kris moutre nou menm lè nou mouri li ka retabli lavi nan nou ankò.

“Moun k ap viv, epi ki mete konfyans yo nan mwen, yo p ap janm mouri. Eske ou kwè sa ?”
(Jan11.26). Mete konfyans ou nan Jezi, paske se li menm ki limyè nan fènwa, fòs nan feblès, ak lavi ki pa janm fini an.Li se kòmansman e lafen pagen anyen ki enposib pou li.

Lè mond lan di “tout bagay fini”, BonDye di “genyen yon nouvo kòmansman”. Amen 🙏✨

Eglise Evangelique de Jésus-Christ fans Soirilus Ednord Mowadson Ernest Christmaceau Orilus

Adresse

Rue Romain
Thomazeau

Site Web

http://soirilusednord.WordPress.com/

Notifications

Soyez le premier à savoir et laissez-nous vous envoyer un courriel lorsque Eglise Evangelique de Jésus-Christ publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.