Misyonè R.R. Soares - Haiti

27/08/2026

Relasyon nou avèk Bondye Papa a pa dwe baze sou bagay nou envante nan tèt nou pou fè Li plezi oswa pou jwenn sa nou bezwen, men li dwe baze sou repons nou bay pou sa Li te di nou nan Ekriti yo. Jezi te deklare Li pa aksepte temwayaj lèzòm; kidonk, Li pa aksepte non plis bagay nou envante pou konvenk Li nou se bon moun epi nou merite èd Li pou yon bagay oswa yon lòt. Bondye konnen sa ki pi bon pou moun ki pwoche bò kote Li, dapre Pawòl Li. Lè ou priye sou sa Bondye te revele nan Bib la, ou bay Sentespri a plas pou Li aji an favè ou. Se Li menm ki anseye ou, epi Li pral avèk ou jouk nan viktwa final la (Jan 14.26). Rele Bondye avèk odas sou sa ki ekri nan Pawòl Li epi kwè. Alelouya!

26/08/2026

Moun ki nan Kris la nan pozisyon yon moun ki genyen batay la nan tout sans. Se poutèt sa, li kapab fè menm travay Mèt la te fè yo. Sèl bagay nou bezwen itilize lè n ap deklare sa Pawòl Bondye di ki pou nou, se lafwa. Avèk lafwa, ou gen aksè imedyat devan twòn Bondye ki anwo nan syèl la. Natirèlman, gen kondisyon yon moun dwe respekte lè l ap pwoche bò kote Bondye avèk lafwa: “Ann pwoche bò kote Bondye ak yon kè ki sensè, avèk yon lafwa totalman sèten; annou gen kè nou ki netwaye anba move konsyans, epi kò nou lave avèk dlo pwòp.” (Ebre 10.22). Pa janm kite peche rete nan lavi ou. Men, si ou tonbe, konfese peche a imedyatman devan Senyè a, mande Li padon epi leve pou w aji kòm yon moun ki genyen batay la (1 Jan 1.9). Amèn!

25/08/2026

LÈZÒM PÈDI LANMOU YOUN POU LÒT.

25/08/2026

Youn nan gwo travay Jezi te fè pou limanite se te louvri chemen ki mennen nan Tanp lan pou moun ki gen lafwa kapab antre ladan l. Depi lè yo te bati tabènak la nan dezè a, ki te yon kopi sa ki nan syèl la, sa pa t janm rive. Men, lè Kris la te mouri, men Bondye te louvri pòt sa a pou nou. Konsa, avèk yon kouraj ki soti nan Bondye, san okenn laperèz, nou kapab antre ladan l: “Se poutèt sa, frè m yo, nou gen odas pou nou antre nan Tanp lan, grasa san Jezi.” (Ebre 10.19). Se nan Kote ki pi Sen an nou dwe egzèse sèvis prèt ak otorite wa nou (Revelasyon 5.10). Santiman nou pa diy ankò fini pou moun ki pou Bondye yo; kounye a, yo kapab fè travay Jezi te fè a (Jan 14.12), epi yo ka wè menm rezilta yo!

25/08/2026

24/08/2026

ABONEW AK ÁJ SA EPI VOYE DEMANN PRIYÈ.

24/08/2026

Lè Jezi te mouri, rido ki te anpeche nou antre nan prezans Bondye a te chire, sa ki te montre peche pa gen pouvwa sou nou ankò (Mak 15.38). Nou se sèvitè Bondye ki anwo nan syèl la, prepare pou nou fè travay ki fè Senyè a plezi. Se poutèt sa, apre nou fin konfese peche nou yo, mete lavi nou apa pou Bondye epi resevwa lafwa, nou kapab antre nan Kote ki Sen an epi sèvi kòm sen prèt, jouk nou santi lè pou nou bay lòd pou benediksyon nou an manifeste. Apre tou, Bondye fè nou tounen wa ak prèt pou nou akonpli misyon Li ban nou an: “Li fè nou vin wa ak prèt pou Bondye nou an, epi n ap gouvènen sou tè a.” (Revelasyon 5.10). Nenpòt difikilte kapab jwenn solisyon si nou sèvi ak otorite Bondye ban nou nan Kris la!

23/08/2026

Nan premye espas tabènak la, yo te rele l Tanp lan oswa Kote ki Sen an, te gen lanp lan, tab la ak pen yo te mete devan Bondye yo (Ebre 9.2). Se te yon kote sou tè a, men se la moun yo te jwenn pouvwa pou yo libere anba opresyon ak tantasyon ki t ap chèche fè yo kite bon chemen an. Men, pi gwo bagay toujou te konn fèt lè granprèt la t ap sèvi devan Bondye, e li te fè sa sèlman yon fwa chak ane. Nou menm, nou se tanp Bondye ki anwo nan syèl la; se poutèt sa nou ka rezoud sitiyasyon lavi chak jou nou nenpòt lè. Men, lè gen yon pwoblèm ki pi grav, lè mal la antre epi li pa vle soti, fòk nou pote sa devan Kote ki pi Sen an, ki nan syèl la, pou nou sèvi Bondye la (Ebre 10.19-22). Nan kote ki pi sen sa a, moun ki fèt yon lòt fwa kapab antre epi jwenn solisyon pou pwoblèm li. Rido a deja chire depi anwo jouk anba (Lik 23.45)!

22/08/2026

Pandan plizyè syèk, tabènak Moyiz te bati nan dezè a te vin yon kote ki te enpòtan anpil pou Izrayelit yo, ki te konn soti byen lwen pou al chèche Senyè a. Lè Bondye te bay sèvitè Li a travay sa a, Li te montre l modèl vrè tabènak ki egziste nan syèl la epi Li te ba li lòd pou l fè l egzakteman jan yo te montre l la. Moyiz te konsève tout enfòmasyon yo epi li te transmèt yo bay moun ki t ap konstwi tabènak la (Egzòd 25.40). Sa montre nou ki jan nou dwe preche Levanjil la: jan Mèt la te anseye l la, avèk tout detay Papa nou ki nan syèl la te bay yo. Konsa, Levanjil la ap pwodui menm efè li te pwodui nan epòk Sovè a. Se sèten anpil moun pral rete san pawòl lè yo mande yo poukisa yo pa t suiv egzanp Kris la te kite a.