24/05/2026
*Dimanch 24 me 2026/ Selebrasyon fèt Lapannkot*
*Refleksyon sou Levanjil Jan chapit 20, 19-23*
Nan dimanch la Pannkot la, Levanjil la ap envite nou pou n kontanple Lesprisen an kòm yon Souf lapè, Souf rekonsilyasyon ak misyon. Jezi ki leve byen vivan nan mitan mò yo vin transfòme laperèz patizan l yo nan yon kè kontan san parèy.
Men kèk pwen kle k ap ede n nan refleksyon nou an:
1). *Lesprisen an devan laperèz nou yo* :
Pòt kay kote disip yo reyini yo fèmen aklè akoz laperèz ki te anvayi yo. Jezi pa tann yo gen kouraj pou leve tèt yo; li vini nan mitan laperèz yo.
Men ki mesaj li pote pou nou: Dout nou yo, laperèz nou yo ak limit nou yo ki menase nou yo pa ka sèvi kòm baryè pou Kris la. Li vini rankontre nou nan *"Pòt fèmen"* nou yo pou l ofri nou lapè li a.
2). *Souf Kreyasyon ak Padon an* :
Jezi "soufle sou yo" epi li di: "Resevwa Sentespri a." Jès sa a fè n sonje istwa kreyasyon an (Jenèz 2:7), kote Bondye soufle yon nouvo lavi nan limanite.
Mesaj li pote pou nou sèke Lespri a refè nou nèt nan tout nou menm sitou anndan kè nou, li chanje nou. Lè Jezi padone peche nou yo, li libere nou , li fè nou sòti nan eta koupab nou te ye pou l fè nou tounen moun kòrèk epi li bannou fòs pou nou padone lòt yo tou konsa nou vin tounen moun k ap travay pou lapè.
*Soti nan prizon rive nan misyon* :
3).Kris la montre disip li yo kote l te blese yo, li transfòme laperèz yo nan lajwa. Touswit apre yo fin resevwa Lespri a, li voye yo al fè misyon pou li *“Menm jan Papa a te voye m nan, se konsa mwen menm tou mwen voye nou.”*
Men mesaj li voye pou nou: Pannkòt se pa yon evènman ki rete sou plas men se yon nouvo depa, se yon lòt oryantasyon li pote pou nou, yon lavi tou nèf . Lespri a desann sou nou pou n rive soti nan zèz nou yo, nan gwo chato nou yo , nan lògèy nous yo, nan konpòtman granpanpan nou yo pou ka ale pwoklame Levanjil la bay tout moun toupatou sou fas tè a.
*Bòn fèt Pannkot ! Bon dimanch! Bòn refleksyon !*
