07/11/2024
Pou yon rezon ou pou yon lòt dòmi potko ka pran m, poutan madanm mw te gentan ap ronfle bò kote m nan. Se konsa yon mesaj moute sou ekran telefòn mw, se te yon demand dami sou fesbouk kem te kouri aksepte. Yon ti mesaj moute
_Hello ti makak de mwa
_Ou konnen m?
_Yon ansyen zanmi nou apèn di m ke w marye, poutan mw pa janm sispann renmen w.
Se te yon ex mw, yon fanm ke m te renmen anpil men ki pat bay lanmou m enpotans. Li te toujou panse m trò renmen l pou m ta kite l yon jou, sa koz li te konn neglije m, tronpe m ect…. Nomalman se toujou konsa lèw renmen yo yo pa konprann ou. Li vin kòmanse ap voye yon pakèt foto l pou mw, fòk mw di nou li pi bèl fanm tou ke madanm mw. Men ak madanm mw m gen lapè, vagabon pap lonje dwèt sou mw, m pa nan rele zanmi pou jije m ak menaj mw vire tounen, an gro madanm mw se tout sa m te ka bezwen.
Depi lè l fin di m ke l toujou renmen m nan m pa reponn ankò, men li te kontinye ap ekri kontinye ap voye foto kontinye ap raple m bel moman ke nou te konn pase ansanm. M depoze telefòn nan, epi m ap gade madanm mw kap domi bò kote m nan. Respirasyon l dous menm jan avè l, m amize m ap gade jan l ap vire sou kabann nan, jan l sanble te fatige pandan jounen an ak presyon kay la paske madanm mw se fam o fwaye. Map imajine jan madanm konn fyè pou l di moun ke m pa janm tronpe l, jan madanm mw te alèz lakay paran l jan frè ak sèl yo renmen l. Li kite tout konfò sa pou l vin viv avè m. M repran telefòn nan epi m bloke limena.
Nuit lan te jèn, m leve tèt madanm mw met sou lestomak mw epi m domi jouk li jou. Gen fason yon fanm devwa pou l viv avè w ou pa al chèche pyès ranvwa pou vin kraze sa nan men w. M ret fidel ak madanm mw jouskaske li menm li sispann banm rezon pou sa. Maryaj mw se youn nan pi gro reyalizasyon m, se bagay ki fèm grandi ki fè m moun, ki fèm wè lavi yon lòt jan. M pap boukante l pou anyen.
