01/09/2022
Fanm kon gason ki ap fè bagay dwe konnen l.
Genyen plizyè metòd ou ka itilize pou ou pa tonbe ansent san ou pa vle (grosès non dezire), ou ka fè abstinans (pa fè bagay ditou), konsa tou ou ka itilize kondòm (kapòt), ou ka pran grenn ak piki planin, fè operasyon (rete fè pitit) elatriye...
Jodi a nou pote pou ou yon metòd natirèl byen detaye nan tablo pi ba a👇 ki pa gen okenn risk pou sante w.
Li sifi sèlman ke w konnen chak konbyen jou ou gen règ ou (durée du cycle), apati de sa wap konnen ki jou w ta sipoze ovile (jour présumé de l'ovulation) epi wap wè ki peryòd ou pa sipoze fè bagay san kondòm (période de fécondité) si w pa deside fè pitit.
Nb: pou w kontrole chak konbyen jou ou gen règ (durée du cycle), ou dwe kòmanse premye jou règ nan yon mwa, rive nan jou ki avan premye jou règ nan lòt mwa ki vini aprè a. Si chak mwa ou jwenn yon dire ki diferan, wap kalkile mwayèn pou plizyè mwa.
Egzanp: yon fi ki te gen règ li 10 Jiyè e ki vin rewèl 8 Out, fi sa a gen yon "cycle" 28 jou, lè n gade nan tablo a, li ta sipoze ovile sou 14ie jou a ki se 24 Jiyè. Soti 9ie jiska 15ie jou a, sa vle di 19 jiska 25 Jiyè, li pa sipoze fè bagay san kapòt si li pa vle ansent.
Dr. Serge TITUS
(509) 31000636
Like, Abonner et partager!!!
