Quel est le site Web ?

https://www.facebook.com/105615305807602/

Moun Sove, Ville de léogane, Léogâne (2026)

26/04/2026

LESON DOMINIKAL POU 26 DIMANCH AVRIL 2026.

TIT : Pèsekisyon kretyen yo ak delivrans Bondye

LEKTI : Travay Apòt 12

TÉKS DÒ : Yon zanj Bondye te frape Ewòd, paske li te aksepte resevwa Iwanj ki fèt pou Bondye sèlman.
Travay 12:23

ENTWODIKSYON : Nan leson pase a nou te wè Levanjil la rive jouk nan lavil Antyöch nan peyi Siri. Nan leson nou jodi a, nou p ap kontinye istwa legliz lavil Antyöch la, n ap fè sa nan pwochèn leson an. Rezon an, se paske chapit 12 nan liv Travay Apôt yo fè nou retounen nan legliz tavil Jerizalèm lan anko.

Nan chapit 12 la, nou jwenn 3 gwo evénman ki pase: 1) Gwa pésekisyon legliz la, 2) delivrans Pyè, 3) Jijman Ewod. Satan toujou kont egzistans vrè legliz la sou latè. Se sa k fè li atako i nan diferan sans pou kraze tout efð legliz la ap fè. Men entèvansyon Bondye yo tèlman fò, sa få tout moun sezi epi anpil moun aksepte Levanjil la.

I. LEGLIZ LA ANBA PÈSEKISYON

Nan kòmansman liv Travay Apot yo, nou wà chếf Jwif yo te påsekita legliz Jerizalèm lan. Dèfwa, yo te arete Pyè ak Jan epi mete yo nan prizon (4:1-3; 5:17,40). Yo te sitèlman pa renmen wè kretyen yo, yo te rive touye dyak Etyèn (ch. 7). Aprè sa, pésekisyon an te vin tèlman cho ke anpil kretyen te oblije kite lakay yo pou ale nan plizyè lòt vil. Tout kote yo pase, yo tap preche Levanjil la epi fonde plizyè lòt legliz ozalantou lavil Jerizalèm.

Premye pèsekisyon sa se te chef Jwif yo ki t ap maltrete kretyen yo. Men nan chapit 12 la, nou wè se reprezantan leta W ôm lan k ap pèsekite kretyen yo. Se te yon tan difisil pou kretyen yo, grangou a te peze byen fo sou yo epi yo te anba-pésekisyon. Ewòd te fè touye apòt Jak, epi sa te fè Jwif yo kontan. Lè Ewód wè sa, li fè arete Pyè pou touye li nan yon gwo espektak piblik. Pyè te nan prizon an ap tann jou ekzekisyon li rive.

II. BONDYE DELIVRE PYÈ NAN PRIZON AN

Vèsè 4 la di nou ke Pyê te fèmen nan gran prizon epi 16 sòlda 1 ap veye li. Sa k fè yo bay yon gwo siveyans konsa, se paske yo te tande anpil gwo bagay apòt yo t ap fè. Kisa siveyans sòlda yo te kapab të kont pwisans Bondye? Lè Jezi te mouri, yo te mete anpil sõlda veye pou Jezi pa resisite, men sa pa t anpeche pwisans Bondye aji. Tout solda yo to tonbe atè tankou moun mouri epi Kris resisite (Matye 27:62-66; 28: 11-15).

A. Pyè te mare nan 2 chèn

Pyè te fèmen nan prizon mare ak 2 chèn. Men legliz la tap priye pou li. Legliz la te nan yon konsantrasyon lapriyè ak jèn pou yo te jwenn delivrans Pyè. Pyè te byen fèmen nan gran prizon an mare ak 2 chèn, li t ap dòmi nan mitan 2 sòlda epi lòt santinėl t ap veye pòt yo.

Nan lannwit anvan jou pou yo fè Pyè konparèt devan chèf yo, pandan kretyen yo t ap priye, yon zanj Bondye rantre nan prizon an. Yon gwo limyè t ap klere prizon an, epi chèn yo nan men Pyet ap tonbe atë, Zanj lan reveye Pyè epi fë I mete rad li ak senti li. Pyě te mache déyé zanj lan jouk yo rive nan lari. De (2) pòt ak yon gwo pòtay ouvri devan yo. Pyé te panse li te fè yon rèv. Se lè zanj lan te kite 1 epi li te kanpe poukont li sou lari, li te konprann Bondye delivre I vre.

B. Solda yo mouri nan plas Lepot Pyé

Espektak Jwif yo t ap tann lan pa t rive. Nan plas Pyé, se te solda yo ki te mouri, men mesye sòlda yo pa t janm ka eksplike sa k te pase ak Pyè, Sólda ki t ap veye Jezi yo te wé sa k te pase, men sålda sa yo pa t kapab di anyen, menm 2 zóm ki te kote Pyè yo te etone pou wė I pat la. Ewód te fè chache Pyè toupatou, men li pa t jwenn li, li te tèlm an fache, li odone touye tout gad yo epi aprè sa li kite zòn lan. Kisa nou panse sou pwisans Bondye?

Legliz la pa t manke kontan epi yo remèsye Bondye pou tout sa li fè. Ala bèl bagay pou nou lapriyè epi repons lan vin jwenn nou. Pyè te eksplike legliz la tout sa Bondye te fè epi li te pati pou yon lòt zòn selon volonte Bondye.

Nou jwenn anpil bèl leson nan evènman sa a. Satan toujou fè tout sa li kapab pou kraze tout mouvman evanjelik pou preche Levanjil la epi pou delivre moun nan esklavaj peche. Satan ap toujou sèvi ak m oun ki disponib nan men li, swa nan legliz, swa deyò. Lè Satan konnen se bouch Levanjil la l'ap bouche, se lè sa a Levanjil la preche pi byen.

Pwisans Bondye parèt alè pou anpeche disip Satan yo fè espektak sou sèvitė Bondye. Lè legliz gen yon moun nan danje, legliz la dwe nan lapriyè pou delivrans frė oubyen sè a. Kèk fwa, moun sa a kapab manke fòs pou lapriyè, m en lòt frè yo dwe kenbe fèm nan lapriyè. Sa va pi bèl ankò lè repons lan rive menm lè n'ap priye a.

III. BONDYE JIJE WA EWÒD

Ewòd ak chef Jwif yo te gen plan pou detwi tout lidè relijye legliz la, tankou Jak, Pyè... Kretyen yo pa t sèlman priye pou delivrans Pyè, men pou pèsekitè yo tou. Bondye sèvi ak tout kalite evènman pou fè giwa li parèt aklè. Ewód te fache anpil sou moun Tir ak Sidon yo. Moun peyi sa yo te oblije mande wa fè lapè ak yo, paske moun peyi yo depann sou wa a pou yo viv. Yo rive pran tèt yon ofisye wa a epi yo ale pou fè lapè ak wa a. Lè jou a te rive, Ewòd te gen yon ògèy ekstraddinė sou li. Misye mete abiman wayal li sou li, li pran pale devan pép la ap fè elój tèt li. Avèk gwo aplodisman, pep la te rele ke se yon dye k ap pale, se pa yon nonm. Menm lè a, yon zanj Bondye te frape Ewod epi li te tounen yon pil vé. Ala yon gwo evènman!

Vèsè 24 la di nou, Pawòl Bondye t ap kontinye gaye, li t ap fè anpil pwogrè. Lanmo Ewod te yon gwo delivrans pou kretyen yo epi yo te vin gen anpil libète pou preche Levanjil la.

KONKLIZYON : Leson jodi a te anseye nou sou pésekisyon legliz la, delivrans lapot Pyè epi lanmò W a Ewod. Nan yon premye tan, se te chèf Jwif yo ki te pèsekite kretyen yo. Apati chapit 12 liv travay Apot yo, se pral moun lot nayon yo Satan pral itilize pou ralanti travay evanjelizasyon Legliz la. Li te itilize W a Ewod pou fè sa. Ewod pou fè plèzi ak Jwif yo, te fè touye Lapot Jak, arete ak mete Lapot Pyè nan prizon nan demen pou touye li. Nan aswè, Bondye delivre Pyè. Se Ewod ki te mouri nan plas li. Nan Ezayi 59:19 Nou li: "Lè lènmi an debòde tankou yon fièv, lespri Letènèl la ap fè li pran kouri". Pèsòn p ap ka detwi legliz kris la, paske li fonde sou w solid la, ki se Kris la (Mat. 16:18). Kretyen yo dwe kontinye temwaye lafwa yo paske Bondye ap toujou kanpe pou yo.

DEVWA YO.
1) Kisa ki te pouse kretyen yo pou al preche Levanjil la nanlöt kote yo?

2) Ki gwo efè pèsekisyon an te fè sou legliz Jerizalèm?

3) Ki diferans ki genyen ant pèsekisyon an nan chapit 12 la aknan premye chapit Travay Apòt yo?

4) Eske pèsekisyon gouvènman an te di pou kretyen yo? Kisu k te pase?

5) Ki mezi sekirite yo te monte kont lapôt Pyè nan prizon an? Poukisa?

6) Ki demach kretyen yo te fè pou delivrans Pyè?

7) Koman Bondye te delivre Pyè? Kilės ki te mouri nan plas li?

8) Ki wòl legliz lè gen yon frè an danje?

9 ) Ki gwo plan chëf relijye ak chèf politik yo te genyen pou akonpli?

10) Nan konferans lapè Ewòd t ap fè a, ki pozisyon Ewód te pran epi ki rezilta Ewòd te genyen?

Tenez encore ferme pour vous servir votre ami frère Yvenson Vernet Qui vous dit prenez soin de vous 🙌

19/04/2026

LESON DOMINIKAL POU DIMANCH 19 AVRIL 2026

TIT : Pòl ede Banabas ak fondasyon Legliz Antyòch

LEKTI : Travay Apòt yo 11:19-28

TEKS DÒ : Pouvwa Bondye te avèk yo; anpil nan moun Lagrès yo rive kwe, yo te tounen vin jwenn Bondye. Travay Apot 11:21

ENTWODIKSYON : Levanjil la te kòmanse preche nan Jerizalèm epi li te fè anpil pwogrè. Disip yo te konsantre yo nan sant Jerizalèm lan jouk lè yon gwo pèsekisyon te leve kont kretyen yo. Youn pami dyak yo, Etyèn, te mouri anba kout woch (Trav. 7:54-60). Sa te fè anpil kretyen dispèse pou ale lòt kote. Tout kote yo te pase yo tap preche Levanjil la. Bondye te pèmèt pésekisyon sa pou Levanjil la te ale pl Iwen.

I. LOVANJIL LA RIVE LAVIL ANTYÖCH

Lavil Antyöch se vil kapital peyi Siri a (Gen yon lot vil Antyöchki nan peyi Pisidi). Nan tan apôt yo, lavil Antyòch nan peyi Siri te gen apepré 500 mil abitan. Se te yon vil komèsyal ki rich; te gen tout kalite moun, ras ak pèp nan vil la. Se la dezyèm sant pou predikasyon Levanjil la te ye.

A. Lavil Antyöch resywa mesai Levanjil la

Akoz pésekisyon, Kretyen yo ki te dispèse te rive nan Fenisi, Lil Chip ak nan Antyöch. Yo tap preche Levanjil la bay Jwif yo sèlman. Sepandan te gen kèk kretyen ki rive Antyòch ki anonse Levanjil la pou Grok yo tou. Bondye te beni travay la epi li te pèmètyon foul moun konvėti. Travay la te vin tèlman gran ke misyonè yo pa t ase prepare pou föme kwayan sa yo. Bri a te rive nan zòrèy dirijan yo nan lavil Jerizalém epi yo te delege Banabas pou ale Antyoch.

B. Legliz Jerizalém voye Banabas Lavil Antyoch

Nou kapab genyen don evanjelis, kote nou kapab wè anpil moun ap konvėti nan ministè nou, men fök gen yon moun ak don apòt pou fòme legliz la, epi se konsa dirijan yo te voye Banabas pou metebaz yon nouvo legliz.

Banabas, delege legliz Jerizalèm lan, te yon nonm de byen, li pa 1 yon vakabon ki ta pral bay move doktrin pou enterè tèt li pou detounen moun yo. Banabas te ranpli ak Sentespri a epi li te plen ak konfyans nan Bondye. Se karakteristik sa yo chak kretyen bezwen pou yo kapab pran yon pa aktif nan evanjelizasyon. Dayé tout moun ki ranpli ak Sentespri a se moun debyen yo ye pou fè bon travay nan legliz. Banabas te kontan pou gwo pwogrè ki t ap fèt, pou i te wė koman moun t ap reponn ak apèl Levanjil la.

II. FOMASYON LEGLIZ ANTYÖCH (25-30)

Banabas te rive epi li te kòmanse egzôte tout nouvo kretyen yo pou kenbe fèm nan Seyê a. Anpil moun te vin konvėti menm jan ak nan Jerizalém. Konsa li te bezwen éd.

A. Banabas al chache Pôl lavil Tàs (25,26)

Travay la te vin anpil nan men Banabas, sa te fè li ale lavil Tas pou chache Pòl pou ede li ak travay la. Li te jwenn Pòl epi ansanm, yo te bati fondasyon legliz Antyöch la. Sa te pran tout yon ane ansèyman pou mete legliz la chita. Kwayan sa yo te tèlman föme nan doktrin Kris la ke pèp payen yo te rele yo kretyen, sa vle di patizan Kris yo. Pita nou kapab wè ke Antyöch te devni yon gwo sant misyonè pou evanjelize lemonn. Jodi a, éske gen yon enterè evanjelizasyon nan legliz yo?

B. Efè Levanjil la nan Antyöch (27-30)

Nan menm lè sa, te gen kèk pwofèt ki te sôti Jerizalèm monte Antyoch pou yo te kapab ede legliz la nan lafwa. Nou pa konnen si pwofèt sa yo se te menm liy pwofèt Ansyen Testamem yo ki te toujou pwofetize avèk senbål kòm nou wé Agabus te fè nan Travay 21:10. Jeremi ak lòt pwofèt yo te sèvi menm sistèm sa a. W ol pwofèt Nouvo Testaman yo se te plis ke yon predikatė čdinė, men se yon predikatè enspire ki t ap kominiko tout revelasyon ki koresponn ak redaksyon Nouvo Testaman an jouk II te fin ekri. Jodi a, nou kwè ke nou genyen kék pwofèt ilimine k ap bay entèpretasyon klè de Pawòl Bondye, k ap anonse verite Pawòl Bondye yo kòm sél règ kretyen yo kapab swiv. Alò nou ta di ke Agabus te yon pwofét Nouvo Testaman k ap sèvi ak menm sistèm Ansyen Testamen pou fo prediksyon anpil bagay ki pral rive, men nou pa wé fòm pwofèt sa yo ankò nan Nouvo Testamen an.

Agabis te predi yon grangou ki te rive sou rèy Kiod. Sa te mete kretyen yo nan anpil pwoblèm. Yo te anba pèsekisyon leta epi grangou t ap kwense yo. Kretyen legliz Antyòch yo te òganize yon sekou pou voye bay frè yo nan Jerizalèm ak nan lòt legliz yo nan Jide. Se Pol ak Banabas ki te pote sekou sa a nan non legliz Antyòch. Nou wè jan legliz Antyòch la te rive nan yon matirite espírityèl lè yo voye èd sa bay legliz yo ki t ap soufri.

Nou espere ke chak kretyen ap mete men yo nan evanjelizasyon pou genyen kék nanm pou Bondye. Apre sa nou bezwen anseye yo pou yo vin rive nan yon matirite espirityél pou yo viv lavi ke Kris mande a.

KONKLIZYON : Leson jodi a te anseye nou sou fondasyon legliz Antyöch. Nou te etidye kóman Levanjil la te rive la, fòmasyon legliz la epi efè Levanjil la te fè nan lavi moun Antyòch yo.

Se te Banabas legliz Jerizalèm te voye al fonde legliz Antyòch Men lè I li te rive, travay la te tèlman anpil, li t al lavil Tas al chache Pol pou ede li. De pastè sa yo te fè bon travay nan Antyòch, Travay yo te tèlman efikas, se nan lavil sa pou premye fwa yo pral rele disip Kris yo Kretyen, sa vle di moun k ap swiv Kris. Kretyen sayo te im ite Kris la epi mete byen yo apa pou ede lòt moun ki nan bezwen. Ki kalite kretyen ou ye? Eske w ap imite Kris la epi prèt pou sekouri moun ki nan bezwen?

DEVWA YO..

1) Site dezyèm sant misyonė pou legliz primitiv la.

2 Ki sitiyasyon vil sa a nan lè sa a?

3) Ki kalite moun ki te konpoze legliz Antyòch?

4) Ki diferans ki genyen ant moun ki gen don evanjelis akdon apòt?

5) Kilės Banabas te ye?

6) Site 2 premye pastè legliz Antyöch.

7) Konbyen tan sa te pran pou dirijan yo te poze yon bon baz pou legliz Antyöch?

8) Ki wòl pwofèt Nouvo Testaman yo? Ki wol moun ki gen don

9) Ki kalite pwofèt Agabus te ye? Eske nou genyen kalite pwofèt pwofesi jodi a?

10) Ki gwo jès lanmou legliz Antyòch te fè pou kretyen Jerizalèm yo?

Tenez encore ferme pour vous servir votre ami frère Yvenson Vernet Qui vous dit prenez soin de vous 🙌

05/04/2026

LESON DOMINIKAL POU DIMANCH 5 AVRIL 2026.

TIT : Kris resisite

LEKTI : Mak 15:42-16:7

TEKS DÒ : Ann fé Iwanj Bondye... paske nan kè sansib li, li ban nou lavi ankò, lè li te fè Jezi leve sòti vivan nan lanmò. Sa fè nou viv ak anpil espwa.
1 Pyė 1:3

ENTWODIKSYON : Si Kris pat resisite, Levanjil la tap san valè epi lafwa nou ta anven, li t ap san kontni. Põl te konsidere rezirèksyon Jezi köm yon evènman enpòtan anpil, paske li te fonde lafwa li sou li. Si Kris pa t resisite, peche nou yo pa t ap padone. Sa t ap di anpil pou Kris la pa ta resisite paske sakrifis li yo t ap anven (1 Korent 15:17-18). Men erèzman se pa konsa, Jezi resisite epi nou kapab gen asirans ke peche nou yo jwenn padon epi syèl la ouvri pou nou. Nan leson jodi a n ap etidye nan maten rezirèksyon sa a: antèrman Jezi epi rezireksyon li.

I. ANTÈMAN JEZI (Mak 15:42-47)

Yo te kloure Jezi sou lakwa a vè nevè nan maten, men se jouk twazè nan lapremidi li mouri.

A. Evènman ki te pase nan vandredi aprè midi a

Jezi te mouri jou vandredi an anvan Saba a. Nan menm vandredi aprè midi sa a, anvan solèy kouche, Jozef Arim ate, yon nonm fidėl epi ki tap tann Wayòm Bondye a, te mande Pilat pou ba li ko Jezi. Se te koutim pou yo antere ko moun yo kloure sou lakwa yo anvan solèy kouche. Se avèk anpil kouraj Jozef tal m ande Pilat ko Jezi. Nou konnen Pilat te byen fache ak moun Sanedren yo paske Yo te fose li kondane yon nonm ki te inosan.

Pilat te sezi lè li aprann ke Jezi te gentan mouri. Souvan kriminel yo te konn rete pann sou kwa a pou kèk jou anvan yo te mouri. Pilat te kite Jozef pran kò a. Se te byen pou Jozef te vin reklama kó Jezi a paske yo pa ta kapab jete li menm kote ak ko kriminėl ki te sou lòt 2 kwa yo.

B. Jozef antere ko Jezi

Aló, Jozef te desann ko Jezi, li vlope li nan yon lenn byen vlope, li mete li nan yon tonm tou nèf. Se ste yon tonm ki te fouye nan woch, kòm sa te koutim lan nan tan sa a. Yo rapòte ke Nikodem te la tou ap ede Jozef. Lè yo te fin depoze ko a nan tonm lan, yo te woule yon wòch pou bět sovaj pa vin manje chè a. Te genyen Mari Magdala ak Mari, manman Jak ki te asiste antėman an.

Nan gran amou yo pou Jezi, yo pat kite I. Men nou remake disip li yo te gentan abandone li depi lè yo te arete I. Yo te konstate ke lavi yo an danje. Men afeksyon fanm yo te fè yo rete ap asiste tout sa yo tap fè avěk Jezi.

II. REZIRÈKSYON JEZI (Mak 16:1-7)

Lè Saba a pase, Mari Magdala, Mari manman Jak ak Salome te pote pafen espesyal pou anbonmen kò Jezi. Akòz Saba a ki te kòmanse vandredi lè sòlèy kouche pou fini samdi sòlèy kouche, yo pa t gen tan pou anbonmen kò Kris la avan sa a. Se poutèt sa yo te leve dimanch gran maten pou vin okipe sa. Men yo t ap reflechi ke sa pa t ap fasil pou yo jwenn ko Jezi, paske te gen de (2) pwoblèm: Jozef te woule yon gwo woch devan tonm lan epi Gad yo t ap veye kò a.

Medam yo nan tout wout la tap di ant yomenm: Kimoun ki va woule wóch ki fèmen bouch kavo a pou nou?

Chèf yo te krenn ke disip yo ap vin vòló ko Jezi nan nwit. Donk, yo bay lòd pou sõlda yo al veye tonm lan.

Men lè yo te prèt pou rive, yo we woch la te gentan woule. Fanm yo te sezi. Woch la pa prezante yon pwoblèm ankò. Men sezisman yo te chanje an freyè lè yo antre nan tonm lan. Pwiske wóch la te woule, yo te kwè ke moun yo te vin leve kò a. Yo kouri antre nan tonm lan epi yo wè yon moun abiye ak rad blan chita devan twal ki te vlope ko Jezi a. Se te yon Zanj Bondye. Li di yo: à"Pa pè !

N ap chache Jezi moun Nazarèt la, ke yo te kloure sou lakwa a, li leve nan lanmò, li pa isit, men kote yo te mete li a." Zanj lan te envite yo vin konstate lenn ki te vlope Jezi a. Lè fanm yo te tande sa, yo te etone. Men yo pa t dwe gade nouvèl sa a pou yomenm sèlman. Zanj lan te ba yo lod: "Men ale di disip li yo epi yo di Pyè ke Jezi ale tann yo nan Galile, se la nou va wè li jan li te di nou an."

Konbyen sa te yon jou de jwa pou Pyè! Malgre li te nye Jezi twa fwa, Seyè a voye di li espesyalman ke I ap tann li ak lòt disip yo nan Galile. Sa montre nou pasyans ak vrè lanmou Jezi pou tout moun, epi espesyalman pou sa yo ki gentan resevwa li.

KONKLIZYON : Rezirėksyon Kris se yon Bon Nouvel pou nou tout jodi a, nou ki gen esperans sali a. Se yon prèv ke Bondye aksepte soufrans ak lanmò Jezi pou padonnen peche lezóm. Jezi te soufri akòz ofans nou komèt, epi li leve pou nou kapab resevwa jistis (Róm 4:25). Se yon prèv ke Bondye rezève yon jou pou jije lezòm. "Li fikse yon jou lè li gen pou I jije tout moun san patipri: Li chwazi yon nonm pou sa, se Kris. Li bay tout moun prèv la lè I fè nonm sa a leve soti vivan nan lanmò" (Travay 17:31).

DEVWA YO.

1) Konbyen tan Jezi te pase ap soufri sou kwa a? (Byen kalkile)

2) Kilės ki te mande Pilat pou I ba li ko Jezi?

3) Kilės ki te asiste antėman Jezi?

4) Kilè antèman an te fèt?

5) Poukisa fanm yo pa t kapab anbonmen kò Jezi pou antèman an?

6) Ki jou fanm yo te ale pou anbonmen ko Jezi?

7) Kisa fanm yo te kwè ta yon obstak pou yo te ka rive nan tonm Jezi a?

8) Kisa zanj lan te di fanm yo? Kilės espesyalman yo te dwe pote mesaj la bay?

Tenez encore ferme pour vous servir votre ami frère Yvenson Vernet Qui vous dit prenez soin de vous 🙌

27/03/2026

LESON DOMINIKAL POU DIMANCH 29 MAS 2026..

TIT : Ministè Samson

LEKTI : Jij chapit 14-16

TEKS DÒ :
Women 12:1
Se sa k fè, frè m yo jan Bondye fè nou wè li gen kè sansib pou nou an, se pou nou ofri tout kò nou ba li tankou ofrann bèt yo mete apa pou Bondye, bèt yo ofri tou vivan epi k ap fè Bondye plezi. Se sèl jan nou dwe sèvi Bondye tout bon.

ENTWODIKSYON : Letènèl te avèk Samson. Pandan li te vin gran, Lespri Letènèl te ajite li pou fotifye li. Samson pa t yon jij ki t ap egzèse lajistis pami pèp la, men pito lespri Letènèl la t ap fötifye li nan bi pou delivre Izrayèl anba men Filisten yo. Ministè Samson te trè tris epi byen malere, nou kwè li te mouri trè jèn kòm esklav Filisten yo.

I. SAMSON YON NONM CHANÈL KI JWÈ AVÈK PWISANS BONDYE

Istwa Samson frape nou avèk yon melanj "bon ak pa bon". Nou jwenn anpil kote ki di: Lespri Letènèl sezi Samson epi li akonpli anpil bagay, tandiske nou gen devan nou yon nonm chanèl epi vyolan. Nou sonje ke Samson se yon eli Bondye, yon nazirea "mis à part" pou sèvis Bondye. Menm nonm sa a rete san chanjman pôtre lachè ak tout feblès yo.

Petèt ou kapab mande kõman Lespri Bondye kapab anpare yon Nonm konsa. Jodi a nou kapab genyen feblès pa nou yo diferan de Samson, eske Bondye abandone nou san li pa pran pasyans ak nou. Satan toujou chache feblès nou yo pou chache yon mwayen pou detwi nou. Lapot Pyê Konseye nou pou nou veye advèsè nou, dyab la. L ap fè wonn nou ap chache mwayen pou devore nou. 1 Pyè 5:8

A. Samson marye ak yon fanm etranje

Premye bagay Samson fè se marye avèk yon fanm lènmi, moun kap sèvi zidol. Se deja yon gwo dezobeyisans, li pa t swiv pawòl Bondye ki te entèdi maryaj miks. (Det. 7:3). Se pasyon ki t ap dirije li. Lanmou oubyen pasyon vin wa lavi li, pa konsekan, li devni yon gwo tiran k ap sakrifye tout bon prensip ki t ap dirije lavi li. Men lè se pasyon k ap kondwi lavi nou, li kapab mennen nou nan gwo depresyon ak menm nan sakrifis lavi nou san nou pa akonpli misyon Bondye te vle nou akonpli. Nou pa kwè daprè chapit 14:4, Bondye te kanalize Samson pou al fè mal, men Bondye sèvi ak nou malgre feblès yo epi espere yon chanjman lakay nou. Men si nou pa repanti, n ap mouri.

B. Samson tounen esklav Dalila

Samson te desann etap pa etap jouk pou rive esklav yon pwostitiye ki rele Dalila.

1. Malgre avėtisman manman ak papa li, li te marye ak yon lènmi, andeyò pawòl Bondye. Fwaye sa a pa tpran anpil tan pou kraze paske li pa t fonde sou baz volonte Bondye.

2. Samson, etan Nazirea te ale viv ak yon pwostitiye nan Gaza, li pèdi madanm marye li, li al viv ak yon pwostitiye (16:1).

3. Si se pat gras Bondye, li ta kapab pèdi lavi li, men Bondye fidèl, nan bonte ak gras li, li pwoteje moun li rachte epi sove.

4. 4) Samson toujou ale viv ak yon fanm ki rele Dalila. Fwa sa a anpil konpwomi fèt pou donte Samson. Samson te kòmanse jwe ak peche a jouk li pa t fè atansyon ak malè ki t ap tann li. Aprè 2 fwa lit ap bay manti, li t ap jwe ak dife, li kòmanse desann nan reyalite a menm pou touche sekrè nazirea li ki te lye li ak Letènèl. Nou pa kwèse cheve a ki te fè Samson gen fòs li, men se Lespri Letènèl la ki kapab fè tout bagay. Chak fwa Sam son te anfas yon sikonstans, Lespri Letènèl sezi li epi fè gwo aksyon. Lè li te vann sekrè konsekrasyon li, lè sa a menm li fayi.

Finalman Samson di Delila trese cheve li epi anfen koupe yo. Samson t ap mache pou lanmò, men li pa t kapab kontwole li. Li te bay ènmi an tout sekrè pou venk li. Enmi an touche tout kob li epi bay Samson pou touye. Köman nou kapab vin sot devan riz Satan? L ap pale sou renmon, tandiske li prêt pou sakrifye nou, lê nou anba pasyon nou pa gen kontwol fèt nou anko. Salomon eksplike tout malè ki kapab frape tout moun ki pran chemen sa a (Pwovèb 5,7).

II. KONSA VIKTWA AK FEN LAVI SAMSON

Samson te sitèlman vin yon vanyan ewo ke anpil moun ap di èske listwa vrè. Nou konnen se yon istwa vrè ki kapab ban nou anpil leson pou lavi kretyèn nou. Kòm nou te di deja, se pa prensip nazirea ki tə bay Samson fös la, men se pwisans Letènèl sou kondisyon prensip yo.

A. Samson chache kont ak Filisten yo

Samson te pase nan move chemen pou fè kont ak Filisten yo epi se sa ki te fè li viktim. Nan chapit 14:6, Samson te rankontre ak yon lyon, Lespri Letènèl te sou li, san anyen li dechire lyon an an moso. Nan vèsè 19-20, Sam son désann Asklon, li touye 30 om pami Filisten Izrayèl anba ènmi Filisten yo ki ap oprime yo. Koulyeya yo kòmanse pale sou Samson epi fè plan pou touye li. Men kilès ki kapab reziste devan pwisans Samson? Daprè chap. 15:1-8, Samson toujou nan yon espri vanjans: boule jaden ble Filisten yo avèk yon trik de 300 rena. Filisten yo te vanje Samson lè yo te boule madanm li ak bòpè li. Aprè sa Samson te atake Filisten yo avèk raj epi kraze anpil ladan yo.

B. Samson goumen kont Filisten yo

Kounyeya yon veritab lagè kòmanse ant Samson ak Filisten yo. Filisten yo monte nan peyi Jida pou fini ak Samson. Moun Jida yo te ale epi mare Samson mennen I bay Filisten yo. Filisten yo te trè kontan là yo wè Samson anba kòd la. Kou yon fil, Samson te kase kòd yo, li sezi yon machwè bourik epi mil Filisten pèdi lavi yo. Sa pi grav koulyeya Filisten yo pa konn sa pou yo fè, yon sèl òm ap detwi yo. Depi lè sa, yo nonmen Samson kom jij nan Izrayèl epi li pase ven ane (20) kom jij (15:18-19), Bondye te fann woch la pou apeze swaf ewo a. Jezi se wóch ki kapab apeze swaf chak sévité li yo. Li te fè I pou pèp Izrayèl la, li fè I pou bu tou jodi a frape roche a, epi swaf ou ap pase.

C. Samson fo fizikman men fèb espírityèlman

Malgre senk gwo viktwa Samson te ranpòte sou Filisten yo avèk fös sinatirèl li ki soti nan Bondye, jouk koulyeya Samson pa t janm repanti, Ii desann toujou kay Filisten yo avèk fanm movèzvi a. Koman nou vle Bondye delivre nou nan tantasyon si nou al kanpe devan tantasyon.

Samson te pran plezi pou jwe avèk dife, li pa t kapab gade kè I pase tout bagay, li te fò nan lachè, men fèb nan lespri. Samson fwa sa a te pran nan pèlen fanm ki rele Delila, li rive nan dènye bout li. Pwovèb 5 ak 7 dekri trè byen listwa trajedi sa a. Pawòl fanm etranje a ap koule tankou myèl, epi se lwil k ap koule nan goje I, men alafen se yon kouto de bò k ap peze ou. Tantasyon Delila yo te tèlm an fò ke Samson te bliye tèt li. Twa (3) fwa Samson te ba li manti epi katriyèm fwa a li te prèske bay sekrè a finalman, li t ap goumen ak lanmò, paske lajan viktim nan prèske nan men li. Si nou nan jwèt, énmi an va ranpòte laviktwa sou nou yon jou, paske I ap toujou gen pasyans jouk li va ranpòte laviktwa.

Samson te devni prizonye Filisten yo, yo te fè I prizonye nan Gaza, je I pete pou li pa janm wè limyè ankò. San vizyon, san libète ak san bi. Li fini malgre li pa mouri, yo pase I nan betiz, epi fè I viv nan esklavaj. Ala malere. Pandan li nan prizon, li kriye epi fè konfesyon a Bondye, men li te twò ta, li pèdi lavi li tou avèk plizyè milye Filisten. Ala malere.

KONKLIZYON : Nou kwè gen anpil bèl leson nou kapab tire nan Listwa sa a, pou lavi nou kòm kretyen. Pètèt ou kapab pase nan menm wout sa yo, men priye anpil pou ou kapab gen laviktwa. Pandan w ap priye fök ou veye tou. Nou dwe aplike Pawòl Bondye nan lavi nou. Tout moun ki pa pratike Pawòl Bondye, lavi yo ap fini mal, y ap fini nan lawont.

DEVWA YO.
1) Kisa ki frape nou lè nou li istwa Samson?

2) Bay kèk etap ki montre nou ke lavi Samson t ap desann oubyen tap degrade.

3) Kisa Samson te ye selon plan Bondye depi anvan li fèt?

4) Ki kote fòs Samson te soti? Ki siy vizib Samson te genyen pou fòs sa a?

5) Ki konsèy lapòt Pyè bannou nan chapit 5:8?

6) Koman Samson te manifeste gwo fos li a?

7) Apre anpil viktwa Samson sou Filisten yo, ki gwo tit li te vin genyen pami pèp Izrayèl la? Konbyen tan li te pase ala tèt pèp la?

8) Kòman Samson te tonbe anba kontwol Filisten yo? Kilès ki te otè zak sa a?

9) Koman lavi Samson te ye kòm esklav Filisten yo? Ki dènye sò li te genyen?

Tenez encore ferme pour vous servir votre ami frère Yvenson Vernet Qui vous dit prenez soin de vous 🙌

22/03/2026

LESON DOMINIKAL POU DIMANCH 22 MAS 2026.

TIT : Nesans Samson yon Nazirea

LEKTI : Jij 13:1-25

TEKS DÒ
: Jij 13:24 Aprè sa, madanm lan fè yon pitit gason, li rele I Samson. Pitit la grandi, Seyè a te beni I.

ENTWODIKSYON : Pèp Izrayèl la te fèk pase anviwon 25 ane lapè ak pwosperite. Men sa pa t fè yo rekonesan anvè Bondye. Kè lòm dezespereman rebèl kont Bondye; yo pa janm wè sa Bondye fè pou yo. Chapit 13:1 retounen avèk menm kantik la: Izrayèl fè sa ki pa fè Bondye kontan. Poutèt sa Letènèl livre yo nan men Filisten yo, yon lènmi ki sòti nan Sidwės bò lanmè Mediterane. Tribi Dann te kòt a kòt ak Filisten yo. Lè yon moun abandonnen Bondye, li vin goute amètim, peche, ki antrene

Jijman Bondye. Pandan 40 ane opresyon Filisten yo, se tribil Dann ki te plis soufri epi se nan tribi sa a liberate a va sóti pou komanse delivre pép la

I. BONDYE ANONSE DELIVRANS POU PÈP LA.

Yon bagay ki parèt nan teks la, nou pa we revey nan pëp la ki manda Bondye gras. Vèsè a pa di nou ke pèp la kriye bay Letènèl, menm jan ak lot delivrans sou lòt jij yo. Sa vie di aparisyon Samson se yon ekspresyon gras ak mizerikód Bondye. Bondye fè gras lè li vle, menm jan li te voya Jezikri nan gras li pou sove lèzòm, pa paske lézöm te mande, men selman nan gras ak nan mizeriköd II.

A. Samson pa t fin delivre pèp la nét

Nan chapit 13:5 nou wè ke delivrans la pa va konplèt daprè prediksyon zanj la. Samson p ap fini chase definitivman tout lènmi yo, paske yon jou li te mouri kom prizonye lénmi an (16:30). Li te sèlman kòmanse lit la, men se Samyèl ak David ki te fini lit la (1 Sam. 8:1). Pouki alò Samson pa t fin delivre pèp la anba opresyon énmi? Sanble pèp la pa t kontribiye, epi yo pat resevwa gras Bondye avèk yon kè brize, yo te resevwa gras Bondye a an ven epi delivrans yo pa tacheve. Yo te oblije pote kwa Filisten yo pou anpil ane avan yo te fin delivre nèt.

B. Samson te resevwa konsekrasyon nan vant

Nou dwe note tou ke Samson se te sèl jij ki te konsakre nan vant manman I (13:5). Samson se te sèl nazirea, sa vle di: "separe pou Bondye epi absteni de tout mal". Nenpòt moun, gason oubyen fanm, ki ta fè yon ve nazirea, epi ki antre nan yon sòt sasėdos ki endepandan de sasėdos levit yo. Lè sa a moun sa a dwe konsakre li nèt nan sèvis Bondye pou toutan an, men pou Samson se te pou tout lavi li jouk lè li mouri (13:7). Règ la se, pa koupe cheve, pa bwè diven ni bwason fò, pa touche anyen ki sal (Nomb 6:1-8). Samson se te sèl Jij Bondye te kite m ouri anba men ènmi li yo (16:20). Lavi Samson se yon gwo leson pou chak sèvitë Bondye. Se sa k fè liv jij la pase plis tan pou eksplike tout detay lavi li. Annou pran leson pou nou pa rive nan menm sitiyasyon ak li.

II. ZANJ LAN ANONSE NESANS SAMSON

Labib pale nou sou twa 3 nazirea: Samson, Samyèl ak Jan Batis. Yo tout te pran nesans nan yon fanmi ini nan soumisyon ak Bondye. Yon entèvansyon divin te make nesans yo. Tout, manman yo te esteril, sa vle di yo pa t kapab fè pitit aprè plizyè lane maryaj. Men Bondye te reponn lapriyè yo epi ba yo pitit sa yo (1 Sam 1:11; Lik 1:15). De (2) nan yo te resevwa vizit Bondye pou anonse nesans pitit yo. Le zanj lan te vizite fanmi Manoa, se madanm nan ki te resevwa vizité selés la (13:3), epi zanj lan te egzije obsèvasyon Iwa nazirea pou manman pandan gwosès la epi pou pitit la pandan tout lavi li. Bondye te oblije egzije iwa nazirea pou asire ke Samson va konsakre nan sèvis Bondye.

Zanj lan vin pale ak Manwak ansanm ak madanm li.

Manoa te priye pou yon lot vizit zanj lan pou konfime mesaj la. Li te vle klé sou komandman li yo. Bondye te egzose lapriyè li, zanj lan te Retounen pou bay plis enstrik syon sou nesans timoun nan. Zanj la te parèt devan madanm nan ankò, epi madanm nan t al chache mari I pou palo ak zanj lan. Nou wè ke koup sa, malgre yo pa t gen pitit, te gen inite ant yo. Aprè yon antretyen ant Manoa ke non li vle di "Mèveye". W I mèveye non Bondye kapab fè tout bagay (13:18; Ezayi 9:6). Pita zanj Gabriyèl te revele non sa bay Jozef: Jezi Sové (Mat 1:21).

Manoa toujou pa t konprann vizitè a, li te vle ba li manje. Vizitě a te pwopoze I pito yon sakrifis pou Bondye. Lè Manoa te boule bèt la sou yon wòch ki te sèvi kòm lotėl, zanj lan monte nan flanm nan epi disparèt. Koulye a yo te rekonět se te yon vizit Bondye menm. Sa se yon gras pou koup sa a fè eksperyans sa a ansanm. Nou kwè toujou aparisyon zanj lan se yon Kristofani, sa vle di se aparisyon Kris nan Ansyen Testam an. Manoa te kriye I ap mouri paske li te wè Bondye, men ankò madanm nan te gen revelasyon pou pataje avèk mari li, akóz sakrifis la nou pa p mouri. Nou kwè nou gen gwo leson pou tire nan gwo eksperyans sa a:

1) Madanm Manoa te dwe konsakre I pou yon valè tan pandan peryèd gwosès li, se te byen klè paske lit ap pote yon bebe ke Bondye mete apa pou li, li va yon anvwaye Bondye.

2) Pitit la ta dwe konsakre tout lavi li nan sèvis Bondye.

3) Se tout koup la ki te resevwa revelasyon Bondye pou yo kapab obeyi I tout bon vre.

4) Bondye fè nou gras pa mwayen sakrifis olokos li fè pou nou

KONKLIZYON : Eske noumenm kretyen tou pa nazirea (mis à part)pou tout lavi nou pou nou sèvi Bondye. Nou dwe etidyo epi konprann pawòl Bondye pou nou kapab mete I an pratik. Nou sove pa gras Bondye, gras a sakrifis li te fè pou nou, nou pa p mouri men nou va viv pou tout letènite.

DEVWA YO.
1) Eske chapit 13:1 montre nou yon mouvman de revéy pami páp Yzrayèl la menm jan sa te konn fèt anvan? Konpare avèk 3:9; 15: 4:3; 6:7 etc.

2) Ki ènmi ki tap dominen sou Izrayèl epi pou konbyen tan?

3) Ki tribi ki te soufri plis agresyon énmi an epi nan ki tribi liberate a te soti?

4) Kisa ou panse ki fè Samson pat kabab delivre pèp Izrayèl lanèt? 16:15-25.

5) Li Iwa nazirea nan Nonb 6:1-8 epi rezime 1.

6) Site 4 nazirea nan Bib la,

7) Kòman nou kapab eksplike lavi Samson?

8) Ki zanj sa a ki te anonse nesans Samson?

9) Estrateji batay Samson an, eske li te bon? Eske se nan Letènèl Ii sóti? Eske Letènèl va pouse pèsonn nan peche? Gade 14:4; 1 Sam. 2:25. Note ke Samson te manje, kouche, viv ak énmi li, eske se posib? Eske viv ak yon fanm etranje se pa peche?

10) Kóman zanj lan te reponn Manoa ke li rele? Sa sa vle di pou ou.

11) Bay 4 gwo leson nou kapab tire nan vizit zanj lan?

12) Eske tout vrė kretyen pa yon nazirea pou Letenėl?

Tenez encore ferme pour vous servir votre ami frère Yvenson Vernet Qui vous dit prenez soin de vous 🙌

Adresse

Ville De Léogane
Léogâne

Téléphone

+17863460503

Site Web

facebook.com

Notifications

Soyez le premier à savoir et laissez-nous vous envoyer un courriel lorsque Moun Sove publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Contacter Le Lieu De Culte

Envoyer un message à Moun Sove:

Moun Sove