10/09/2026
《點解要返教會？》
好多人都覺得信咗耶穌就得，唔一定要返教會，一樣可以自己祈禱同讀聖經，甚或依家網上資源多的是，要尋求真理，自修都唔難吖。又或者有人倒返轉，覺得信耶穌可以，但因為要返教會同好多規則要守就卻步。依啲想法都無錯，但又啱唔晒。無錯嘅係只要心裡相信，口裡承認耶穌係主，就可以得救，有天堂嘅入場券，並無需任何附帶條件或者行動；啱唔晒嘅係真理除咗要學習，仲要實踐。小編對點解要返教會有以下2個回應：
1. 耶穌傳福音都唔係同人決完志就走咗去，佢牧養70個門徒，佢哋就係教會，教會唔係指一座建築物，而係一班信咗耶穌跟隨耶穌而相聚嘅人；如果教會係無用無目的，耶穌就不停單拖走去行神蹟叫人悔改就得，使乜帶咁多麻煩人；如果耶穌都建立同牧養教會，我哋信耶穌同跟隨嘅人就更需要跟；
2.讓信嘅人連於教會，藉住教會學習同實踐真理。正向就係有班持守相同教導嘅人，互相理解扶持；負向嘅亦正正係持守相同教導嘅人，但大家都不完全，各自嘅棱角，會帶嚟傷害、嬲惱、磨擦，傷害起上嚟得比唔信嘅人更傷，就更好咁去學習耶穌嘅愛同包容。基督教係一個強調愛嘅信仰，而愛嘅實踐就需要一個群體，需要同人有連結。希伯來書第10章第24-25節：“又要彼此相顧，激發愛心，勉勵行善。你們不可停止聚會，好像那些停止慣了的人，倒要彼此勸勉，既知道〔原文作看見〕那日子臨近，就更當如此。”聖經有唔同教導鼓勵參加聚會，而小編認為當中最重要嘅係對內要彼此相顧，互相激發愛心，然後一齊走出去勉勵行善。
如果你覺得返教會好形式化，小編仍然邀請你試下返教會去尋找嗰份連結同去實踐真理同愛，望住神、學耶穌，去到每個不完全但可愛嘅人相處，試下會唔會唔再一樣～
#實踐愛
#教會
![[開心x健康x家庭星期二🏠 - 暑假限定活動]話咁快今日就係各位大小朋友嘅開學日 🎒👶🏻信小編呢個暑假都幾充實🤭活動豐富 上星期就去左洗車活動🫧🧽呢啲車仔大小啱啱好 個款幾靚 😂入去之前可以揀左心儀嘅車車先如果人數太多可能會兩個人洗一架車...](https://img4.prayers1.com/979/266/1161478609792660.jpg)
