22/08/2026
📖 ქრისტიანობის გავრცელებიდან 1700 წელი — სულიერი და საგანმანათლებლო შეხვედრა ქ. ჯვარში
დღეს, Zugdidi-Tsaishi Diocese ზუგდიდისა და ცაიშის ეპარქიის მიტროპოლიტ გერასიმეს ლოცვა-კურთხევით, საქართველოში ქრისტიანობის გავრცელების 1700 წლისთავთან დაკავშირებული ღონისძიება წალენჯიხის მუნიციპალიტეტის ქ, ჯვარის ადმინისტრაციულ ერთეულში გაიმართა.
ღონისძიება დაიწყო ქ. ჯვარის ყოველთა წმინდანთა სახელობის ტაძარში, სადაც ტაძრის წინამძღვრის, დეკანოზ ანდრია მარღანიას აღვლენით, მრევლთან და მოწვეულ სტუმრებთან ერთად, სავედრებელი პარაკლისი აღესრულა.
🙏 პარაკლისის დასრულების შემდეგ, ქ. ჯვარის კულტურის სახლის სააქტო დარბაზში გაიმართა საგანმანათლებლო შეხვედრა და დოკუმენტური ფილმების ჩვენება. წარმოდგენილი იყო ფილმები, რომლებიც საქართველოს ქრისტიანული ისტორიისა და სულიერი მემკვიდრეობის მნიშვნელოვან საკითხებს შეეხებოდა:
🎬 „ანდრია პირველწოდებულის შემობრძანება საქართველოში“
🎬 „ეკლესიის ისტორია და კულტურა“
🎬 სრულიად საქართველოს კათოლიკოს-პატრიარქის, უწმინდესისა და უნეტარესის ილია II-ის მოღვაწეობა.
ღონისძიება საქართველოს საპატრიარქოს ორგანიზებით და ზუგდიდისა და ცაიშის ეპარქიის ერთოივი მხარდაჭერით ჩატარდა.
ღონისძიებას ესწრებოდნენ ტაძრის წინამძვარი, დეკანოზი ანდრია მარღანია
მრევლისა და საზოგადოების წარმომადგენლები, საქართველოს საპატრიარქოს დელეგაციის წევრები და მოწვეული სტუმრები.
✨ ზუგდიდისა და ცაიშის ეპარქიის ახალგაზრდობის, განათლებისა და კულტურის ცენტრი მადლობას უხდის ღონისძიების ორგანიზატორებსა და მხარდამჭერებს.
მსგავსი შეხვედრები განსაკუთრებულ მნიშვნელობას იძენს ახალგაზრდა თაობისთვის, რადგან ხელს უწყობს საქართველოს მრავალსაუკუნოვანი მართლმადიდებლური სარწმუნოების, ეკლესიის ისტორიისა და სულიერი მემკვიდრეობის გაცნობიერებას, ეროვნული ფასეულობებისა და ქრისტიანული ღირებულებების განმტკიცებას.
🎓 ჩვენი ცენტრის ერთ-ერთი მნიშვნელოვანი მიმართულება სწორედ არაფორმალური და ღირებულებითი განათლების ხელშეწყობაა. მიღებული ცოდნის სკოლებსა და ახალგაზრდულ სივრცეებში გაზიარება ხელს შეუწყობს ახალგაზრდების სულიერ და ინტელექტუალურ განვითარებას, ეროვნული ფასეულობების გაცნობიერებასა და ჯანსაღი ღირებულებითი ორიენტირების ჩამოყალიბებას.
🙏 ღმერთმა დალოცოს ჩვენი ახალგაზრდობა, ჩვენი სკოლები, ჩვენი ეკლესია და სამშობლო!
მრავალჟამიერ ქრისტიანულ საქართველოს! 🇬🇪☦️
