22/05/2026
დღეს, ზუგდიდის მუნიციპალიტეტის
რუხის ადმინისტრაციულ ერთეულში, ზუგდიდის საგანმანათლებლო რესურსცენტრის დაქვემდებარებაში არსებულ რუხის საჯარო სკოლაში გაიმართა ღონისძიება, რომელიც მიეძღვნა წმინდა ნიკოლოზის ხსენების დღესა და წმინდა ნიკოლოზის ტაძრის დაარსებიდან 10 წლის იუბილეს.
ღონისძიების ფარგლებში განსაკუთრებული ყურადღება დაეთმო უწმინდესისა და უნეტარესის, ილია მეორის, ცხოვრებასა და მოღვაწეობას, ასევე თემას — „ღმერთი, სამშობლო, ადამიანი“.
ღონისძიებას ესწრებოდნენ მუნიციპალიტეტის ადგილობრივი ხელისუფლებისა და სხვადასხვა სფეროს წარმომადგენლები. საპატიო სტუმრები ზუგდიდისა და ცაიშის ეპარქიის ახალგაზრდობის, განათლებისა და კულტურის ცენტრის აღმასრულებელი ხელმძვანელი ბატონი გიორგი ფიფია, სასულიერო პირები და ტაძრის წინამძღვარი დეკანოზი არჩილ ფიფია.
ღონისძიების დასასრულს, Zugdidi-Tsaishi Diocese ზუგდიდისა და ცაიშის ეპარქიის მიტროპოლიტის გერასიმე ლოცვა-კურთხევით და ამავე ეპარქიის ახალგაზრდობის, განათლებისა და კულტურის ცენტრის სახელით, რუხის საჯარო სკოლის დირექტორს, ბატონ ელისბარ ციკოლიას გადაეცა უწმინდესისა და უნეტარესის ილია II შესახებ გამოცემული წიგნი, რომელშიც წარმოდგენილია მისი ცხოვრების მნიშვნელოვანი ეტაპები, პატრიარქობის პერიოდის მოღვაწეობა, წმინდა წერილები და მდიდარი ფოტოარქივი.
ასევე, სკოლის ბიბლიოთეკას საჩუქრად გადაეცა ღვთისმშობლის პატიოსანი სამოსის — კვართის ხატის ასლი, რაც განსაკუთრებული სულიერი მნიშვნელობის მატარებელია და მომავალ თაობებს ეროვნული და მართლმადიდებლური ღირებულებების გაცნობასა და პატივისცემაში დაეხმარება.
აღნიშნული საჩუქარი სიმბოლურად ემსახურება ახალგაზრდა თაობაში სულიერი და ეროვნული ღირებულებების განმტკიცებას, ასევე უწმინდესის ღვაწლის უკეთ გაცნობასა და დაფასებას.
მიზანი:
ღონისძიების მიზანი იყო მოსწავლეებში სულიერი, ზნეობრივი და პატრიოტული ღირებულებების გაძლიერება, წმინდა ნიკოლოზის ცხოვრების, ღვაწლისა და მართლმადიდებლური ტრადიციების მნიშვნელობის წარმოჩენა. ასევე, უწმინდესისა და უნეტარესის ილია II ცხოვრების და მოღვაწეობის გაცნობა, თემის — „ღმერთი, სამშობლო, ადამიანი“ — მნიშვნელობის გააზრება და ახალგაზრდებში ეროვნული თვითშეგნების ამაღლება.
აქტივობები:
* მოსწავლეებმა წარმოადგინეს თემატური ლექსები, სიმღერები და ლიტერატურულ-მუსიკალური კომპოზიციები;
* გაიმართა პრეზენტაცია წმინდა ნიკოლოზის ცხოვრებისა და ტაძრის დაარსების ისტორიის შესახებ;
* მოსწავლეებმა ისაუბრეს უწმინდესისა და უნეტარესის ილია მეორის ღვაწლსა და საზოგადოებრივ საქმიანობაზე;
* შესრულდა საგალობლები და პატრიოტული ნომრები;
* მოწვეულმა სტუმრებმა და სასულიერო პირებმა საზოგადოებას სიტყვით მიმართეს.
შედეგი:
ღონისძიებამ ხელი შეუწყო მოსწავლეებში სულიერი და ეროვნული ცნობიერების ამაღლებას, მართლმადიდებლური ღირებულებების პატივისცემის გაღრმავებას და ეკლესიისა და სამშობლოს მნიშვნელობის უკეთ გააზრებას. ასევე, გაძლიერდა თანამშრომლობა სკოლას, ეკლესიასა და ადგილობრივ საზოგადოებას შორის.
