მომლოცველთა სახლი

13/04/2022

ბექა ელბაქიძე - მე შენ მიყვარხარBeqa Elbaqidze - Me Shen Miyvarxar

13/04/2022

"თუ დიდი ტკივილი ან განსაცდელი შეგხვდათ, ადამიანთა ბოროტების, მტრობის, შურის, ღალატის მსხვერპლნი გახდით, გული არ გაიტეხოთ. მიიღეთ ეს, როგორც თქვენთვის სარგო მწარე, მაგრამ მაკურნებელი წამალი, მიიღეთ, როგორც თქვენგან გასავლელი გზის საჭირო მონაკვეთი, რომელიც აუცილებლად დასრულდება. თუმცა მისი ხანგრძლივობა დამოკიდებულია იმაზე, თქვენი გული და გონება როგორ უპასუხებს ასეთ გამოწვევებს."

ილია ΙΙ

08/04/2022

"ჩემო სიცოცხლის მიზეზო, მამაო არსებისა ჩემისაო! დასჯილი შვილი მძიმე ცოდვებით დატვირთული და დაღონებული შენ გიგონებ, შენ გიწოდ, შენდამი აღვიხედავ, შენ უფალო, მხოლოდ შენ! სხვა არავინ არის ჩემი გულის ტანჯვათა მკურნალი, მხსნელი და ნუგეშინის მცემელი. გეძებს ტანჯული გული. მოიხილე სახიერო და მიხსენ ვითარცა გნებავს და ვითარცა უწყი ჩემი სულის უმჯობესი, რამეთუ სულით და ხორცით დავდრომილ ვარ მე, და თიხა განწმედად თავისა თვისისა ვერ შემძლებელ არს. გარეშე შენის ნათლის ეზოჲსა განვარდნილი ვგონებ ჩემს სიცოცხლეს, მომლოდინე თუ როდის იელვებს შენი მოხედვა ჩემზედ."

წმინდა ღირსი ალექსი ბერი (შუშანია)

21/03/2022

მ. ეფრემ არიზონელი (1927, 24 ივნისი - 2019, 7 დეკემბერი)იესოს ლოცვა წვავს დემონებს!ჩემო შვილებო, გევედრებით, ღვთის სიყვარული...

21/03/2022

"უნდა იცხოვრო მათთვის ვისაც - სჭირდები, იმეგობრო მხოლოდ იმათთან, რომლებშიც დარწმუნებული ხარ, უნდა იურთიერთობო იმ ხალხთან, რომლებიც სასიამოვნონი არიან შენთვის და უნდა იყო მადლიერი მათი, რომლებიც გაფასებენ".

— დოსტოევსკი / ადრეული წერილებიდან

14/03/2022

მხოლოდ ასე გადავრჩებით...

"ჩემო კარგო ქვეყანავ, რაზედ მოგიწყენია!...
აწმყო თუ არა გწყალობს, მომავალი ჩვენია."
ილია ჭავჭავაძე

ჭეშმარიტი სიყვარული გოდებაა სულისა,
სასუფევლის სასოება მალამოა გულისა,
ქილიკი და მითქმა-მოთქმა ნაყოფია შურისა,
უპატრონო მიწა-წყალი მსხვერპლი გახდა შუღლისა.
პატრიარქმა შეგვახსენა მოლოდინი ცუდისა,
"ქართლის ჭირი" აშკარაა, ნაკლებობა შუქისა,
ღალატი და დავიწყება ჭეშმარიტი რჯულისა,
ერთსულოვნად ღირსი ვხდებით წინაპართა "ფურთხისა".
ზოგს ევროპა ურჩევნია, ზოგს მონობა რუსისა,
ეკლესია მივატოვეთ, მოშურნე ვართ ცუდისა,
მარხვას ლხინი გვირჩევნია, გაკერპება კუჭისა,
ფარისევლებს მივემსგავსეთ, სახე გავხდით ჭუჭყისა.
ასე რატომ დაგვემართა, რა გენი გვაქვს ურჩისა,
რა ხანია, არ გვეღირსა გადაგდება უღლისა,
თავისუფლად დავწანწალებთ, შოვნა გვინდა ფულისა,
სადაც თავი გავაცანით სახელი გვაქვს ქურდისა.
ვფიქრობ, ცუდად დაგვიჯდება მიტოვება ფუძისა,
უცხოს უნდა პატრონობა ჩვენი ეზო-ყორისა,
შინაურ მტერს უხარია სმენა ძმათა ჩხუბისა,
აჭარაში მეჩეთები დაღუპვაა კუთხისა.
ერთგულება გადაგვარჩენს, ერთად შეკვრა მუშტისა,
მოვითხოვოთ მმართველობა ეროვნული გუნდისა,
აღსარება, ზიარება, დახმარება სუსტისა,
მხოლოდ ასე გადავრჩებით, მადლი მოვა უფლისა.

მამა გიორგი თევდორაშვილი
14.03.2018

12/03/2022

"არასოდეს არ დაუშვათ ის აზრი,რომ,თითქოს ღმერთმა მიგატოვათ.ღმერთმა ზუსტად იცის ვის რამდენის გადატანა შეუძლია და ამის მიხედვით უშვებს განსაცდელს."

+ პატრიარქი ილია II

11/03/2022

,,ეს წუთისოფელი მუდმივი ტანჯვა და სიმწარეა, და იშვიათად, ძალიან იშვიათად სიხარული".

წმ. ეფრემ კატ.

18/02/2022

ნუ დამწუხრდებით, როდესაც ზოგიერთი სიძულვილს გამოხატავს თქვენს მიმართ. უარესი იქნებოდა ყველას რომ ჰყვარებოდეთ: ეს კაცთმოთნეობის ნიშანი იქნებოდა. ქრისტეს ვერ იტანდნენ და შემდეგ ჯვარს აცვენ. ჩვენ რატომღა უნდა ველოდოთ საყოველთაო სიყვარულს, თუ ქრისტეს გზას მივყვებით? უფრთხილდით, რათა თქვენი სინდისი იყოს სუფთა და გეშინოდეთ არა ადამიანური სიძულვილის, არამედ სიძულვილის საკუთარ სულში.

მღვდელმონაზონი სერაფიმე როუზი

17/02/2022