მესტიის წმ. ელია თეზბიტელის დედათა მონასტერი

15/03/2026

იკერება და იყიდება სამღვდელო შესამოსელი.
(750 ლარი).
T-551142026

12/01/2024

📢 განგაშის ზარები!!!

,,წინ აღუდეგით ბოროტსა
და ივლტოდეს თქვენგან"

🔶️ მივმართავ ყველა იმ ადამიანს
ვისაც თავი ქრისტიანად მიაჩნია.
რელიგიური გულგრილობის თვალსაზრისით მდგომარეობა კრიტიკულად საგანგაშოა.
ჩვენ გვახსოვს როგორ შეურაცხყვეს წლების წინ ღმრთისმშობელი, მაგრამ არ მოყვა შესაბამისი რეაგირება საზოგადოებისგან და ვისაც ეს ევალებოდა და ხელეწიფებოდა, სწორედ ამიტომ დღეს ისევ აგრძელებენ სიწმინდეების შეურაცყოფას, ლიბერალურმა ძალებმა კიდევ ერთხელ წარმოაჩინეს მათი იდეოლოგიის მკვეთრად ანტიქრისტიანული არსი, რაც დასაგმობია ყველა მართლმადიდებელი მორწმუნის მხრიდან.

გვახსოვს ეკლესიის ავტორიტეტის შელახვის უამრავი მცდელობა, ჩვენს გარეშე ჩვენს გასაკეთებელს სხვა არავინ გააკეთებს. მოგიწოდებთ ყველას, რომ ვაღიაროთ ჭეშმარიტება წინაშე კაცთა, რათა უფალმა დუმილის გამო არ უარგვყოს წინაშე ანგელოზთა ცისათა.

უნდა გვახსოვდეს რომ უფალმა სიტყვით შექმნა სამყარო და ქრისტიანებსაც უძლეველ იარაღად მოგვცა მართლმკვეთელი სიტყვა, რომლითაც ერთობით უნდა ემხილოს ბოროტება, რადგან ერთობა გადამდებია როგორც ბოროტებაში ასევე სიკეთეში და ეს პირველ რიგში სასულიერო პირების მოვალეობაა, რადგან ხშირად მორწმუნეთა ნაწილი თავს იკავებს ჩვენი შემყურე, ნაწილი კი ორჭოფობს და ფიქრობს რომ ამის მოგვარება თითქოსდა ხელისუფლებასაც სურს, მაგრამ უცხოეთიდან ზეწოლის გამო მკვეთრ ნაბიჯებს ვერ დგამს.

თუ კი ხელისუფლების ეს სურვილი გულწრფელია, მაშინ ჩვენი აქტიურობა მას ხელს შეუწყობს, რომ ზეწოლის წნეხი რამდენადმე შემცირდეს, ხოლო თუ ეს არის თამაში ეკლესიის ვითომდა ლიბერალური ოპოზიციისგან დაცვისა, სინამდვილეში კი ,,ვერ" დაცვისა და მასთან ერთობლივი ბრძოლისა, მაშინ ჩვენ მოსარიდებელი არაფერი გვაქვს.

მესმის რომ ბევრისთვის სასულიერო პირთა ჩარევა პოლიტიკაში მიუღებელია, მაგრამ როგორც სულსა და ხორცს აქვთ თანაკვეთა ასევე აქვთ თანაკვეთა სახელმწიფოსა და ეკლესიას და როცა სახელმწიფო იღებს არამარტო ერის ფიზიკურად გამანადგურებელ, არამედ სულის დამღუპველ კანონებსაც მაშინ ყველას მოვალეობაა ხმა აღიმაღლოს.

მესტიისა და ზემო სვანეთის მიტროპოლიტი ილარიონი.

03/11/2023

💒 ✝️ მესტიისა და ზემო სვანეთის მიტროპოლიტ ილარიონის 21 წლიანი მოღვაწეობა და შედეგი, ჯერ კიდევ დაუსრულებელი, რომელიც დღესაც გრძელდება.

3 ნოემბერი, მესტიისა და ზემო სვანეთის ეპარქიის მიტროპოლიტ ილარიონის (ქიტიაშვილი), ეპისკოპოსად ხელდასხმის და ეპარქიის დაარსების 20 წლის იუბილე. მრავალჟამიერ თქვენი სიცოცხლე მეუფეო, გი­სურ­ვებთ ჯან­მრთე­ლო­ბას, მხნე­ო­ბას და დიდ­ხანს სი­ცო­ცხლეს.

მადლობა უფალს ყველაფრისათვის.

როგორც ჩვენი ეპარქიის სულიერ მამას, უდიდეს მადლობას გიხდით მზრუნველობისათვის და დაუღალავი შრომისათვის.

,,ესრეთ ბრწყინევდინ ნათელი თქუენი წინაშე კაცთა რათა იხილონ საქმენი შენნი და ადიდებდნენ მამასა შენსა ზეცათასა ყოვლადვე აწდა მარადის და უკუნითი უკუნისამდე".

28/07/2023

გილოცავთ კვირიკობის დღესასწაულს, შეგეწიოთ და მადლი გიმრავლოთ

09/10/2022

08/10/2022

შემოდგომა🍁🍂🌾🧡

23/03/2022

💒 შვილო, როგორც სიხარულის დროს, ისე მწუხარებისას, მუდამ ფრთხილად იყავი; ნურც სიხარულში გადახვალ ზღვარს, რაც ამჩატებასა და სიცილში გამოიხატება; ნურც მწუხარების დროს მოიღუშები სხვათა დასანახად, რადგან სატანა გულისსიტყვებს ისრებივით გვესვრის, მაგრამ არ შეუძლია გაიგოს, მიაღწევს თუ არა გულამდე. ის, როგორც ოსტატი, ბოროტი გულისსიტყვით შემოგვიტევს და აკვირდება ჩვენს სახეს, სხეულის ყველა მოძრაობას და ამით ხვდება, თუ რამდენად დაგვაზიანა მისმა ისარმა. თუ დაინახა, რომ სული დაშავდა, უფრო მეტ ისარს დაუშენს მოსაკლავად. მაგრამ თუ გარეგნულად შეამჩნია, რომ სული არ დაჭრილა, ცვლის ბრძოლის ტაქტიკას. ამიტომ დამალე, როცა გიხარია, რომ შენი დაუდევრობით გამჟღავნებული სიხარული რაიმე განსაცდელით არ მოგტაცოს. მწუხარების დროსაც ასე მოიქეცი, რომ დამამწუხრებელი მიზეზის ამოცნობით განსაცდელი არ გაგიმრავლოს. როცა სიხარულშიც და მწუხარებაში გაწონასწორებული ხარ, ეშმაკი ზუსტად ვერ ხვდება, რა ხდება შენში და არ იცის, როგორ გებრძოლოს.

ბერი ეფრემ ფილოთეველი

23/03/2022

გამხნევდი, შვილო, შენი მწუხარება სიხარულად იქცევა და დიდ სიკეთეს მოგიტანს. სევდა რკინის აბჯარივით გიცავს, მიწიერზე მიჯაჭვულობის ბოროტი ისრებისგან, რომ შენი გონება ზეციურ სიკეთეებსა და უკვდავ სულზე ზრუნვას არ განეშოროს. ს ი ხ ა რ უ ლ ს მ წ უ ხ ა რ ე ბ ა მ ო ჰ ყ ვ ე ბ ა დ ა მ წ უ ხ ა რ ე ბ ა ს ს ი ხ ა რ უ ლ ი, როგორც დღეს ღამე. ასე განსაზღვრა ზეციერმა მამამ ცხონებულთა გზა. ოღონდ მოთმინება და იმედი დაიმარხე გულის სიღრმეში და მათი საშუალებით ყველა წინაღობას გაუმკლავდები. ხელი ჩასჭიდე ტკბილ იესოს, მწუხარებაში მყოფმა მას უხმე, შენს მწუხარებაზე ზრუნვა მას მიანდე.

არქიმანდრიტი ეფრემ არიზონელი

06/03/2022

შენდობის კვირა - დიდი მარხვის წინა კვირა

ყველიერის შვიდეულის ბოლო კვირა დღე ერთადერთია მთელი წლის განმავლობაში, რომელსაც განსაკუთრებული სინანულითა და სულიერი განწმენდის სურვილით ხვდება თითოეული ქრისტიანი. ამ დღეს ყველა ტაძარში აღესრულება საგანგებო ღვთისმსახურება, იკითხება შენდობის ლოცვები. ეკლესია ამ დღეს სამოთხიდან ადამის განდევნას იხსენებს. ეკლესიის სწავლებით, პირველქმნილი ადამიანების მიერ სამოთხის დატოვების მიზეზი სინანულის არქონა გახდა. ამიტომ, ეს დღე საყოველთაო სინანულისკენ მოწოდებაა, რადგან მარხვის დარღვევით დაიკარგა სამოთხე, მარხვის დაცვით კი იგი მოიპოვება.

კვირა საღამოს ყველა ტაძარში საგანგებო ღვთისმსახურება აღესრულება, რომლის დროსაც შენდობის ლოცვები იკითხება. ამის შემდეგ, ეკლესიის ყველა წევრი ერთმანეთისგან შენდობას ითხოვს და თავადაც ყველას შეუნდობს.

ღმერთმა მოგვმადლოს გულწრფელი სინანული და შემუსვრილი გული

25/12/2021

თუ გინახიათ ასეთი უშბა?? ☀️