Diocese of the Armenian Apostolic Church in Georgia

28/05/2026

28/05/2026

ქარ⤵️ Рус⤵️ Eng ⤵️
Շնորհավորում ենք ...
Համայն հայությանը շնորհավորում ենք Հայաստանի Առաջին Հանրապետության հռչակման օրվա կապակցությամբ: Մաղթում ենք, որ Մայիսյան հաղթանակներով դրված հայոց պետականությունն ամրապնդվի, հանուն արդարության մղած հաղթական պայքարը լինի անշրջելի, իսկ Խաղաղությունն ու կայունությունը դառնան Հայոց աշխարհի պետականության հզորացման և բարօրության գրավական:

სრულიად სომეხ ხალხს ვულოცავთ სომხეთის პირველი რესპუბლიკის გამოცხადების დღეს. ვუსურვებთ, რომ მაისის თვეში მიღწეული გამარჯვებებით დაწყებული სომხური სახელმწიფოებრიობა კიდევ უფრო განმტკიცდეს, სამართლიანობისათვის გამართული გამარჯვების ბრძოლა შეუქცევადი, ხოლო მშვიდობა და სიმტკიცე სომხური სახელმწიფოს კეთილდღეობის და სახელმწიფოებრიობის გაძლიერების საწინდარი ყოფილიყოს.

Поздравляем всех армян с днем провозглашения Первой Республики Армения. Желаем, чтобы армянская государственность, созданная майскими победами, укрепилась, а борьба за справедливость была необратимой. Пусть мир и стабильность станут залогом благополучия и укрепления Армении.

We congratulate all Armenians on the occasion of the establishment of the First Republic of Armenia. We wish that the Armenian statehood, which was founded at the basis of May victories, be strengthened for the sake of the irreversibility of victorious struggle for justice. May peace and stability ensure the welfare of Armenian people and statehood!

28/05/2026

Ն.Ս.Օ.Տ.Տ. ԳԱՐԵԳԻՆ Բ ԱՄԵՆԱՅՆ ՀԱՅՈՑ ԿԱԹՈՂԻԿՈՍԻ ՇՆՈՐՀԱՎՈՐԱԿԱՆ ՈՒՂԵՐՁԸ ՀԱՆՐԱՊԵՏՈՒԹՅԱՆ ՏՈՆԻ ԱՌԻԹՈՎ
_________

Մայր Աթոռ Սուրբ Էջմիածնից Հայրապետական Մեր օրհնությունն ու շնորհավորանքն ենք հղում համայն մեր ժողովրդին ի հայրենիս և ի սփյուռս՝ Հանրապետության տոնի առիթով:

Հայաստանի առաջին Հանրապետության հիմնադրումը նշանավորելով՝ հիշում ենք Սարդարապատի, Ղարաքիլիսայի ու Բաշ Ապարանի հերոսամարտերը։ Այդ պատմական գոյամարտերում վճռորոշ դերակատարություն ունեցավ Ամենայն Հայոց Գևորգ Հինգերորդ Կաթողիկոսը։ Կենաց-մահու պայքարում մեր ժողովրդի քաջարի զավակները, այդ թվում մեր Սուրբ Եկեղեցու հոգևորականները, հաղթանակ տարան և սերունդների համար ապահովեցին հարազատ հողում անկախ ու ազատ ապրելու արդար իրավունքը: Նույն անվեհեր ոգով ազգիս նվիրյալ զավակները նոր ժամանակներում անձնվիրաբար պաշտպանեցին երկիր հայրենին, շատեր իրենց անգին կյանքը զոհեցին մեր պետականության անսասանության և անվտանգ ու արժանապատիվ ապագայի համար։ Այսօր մենք ազգովի գլուխ ենք խոնարհում մեր հերոսների առջև և անմար պահում նրանց լուսավոր հիշատակը մեր սրտերում։

Ներկա բարդ ժամանակներում, արտաքին ու ներքին մարտահրավերներին հանդիման, պիտի միաբանվենք և միասնաբար հզորացնենք մեր պետությունը, ծաղկուն ու շեն դարձնենք համայն հայոց կյանքը։

Թող Բարձրյալ Տերը առատապես օրհնի և հաստատուն պահի մեր երկիրն ու Քրիստոսասեր մեր ժողովրդին ի Հայաստան և ի սփյուռս այսօր և միշտ. ամեն:

28/05/2026

Օրվա խորհուրդ

Մայիսի 28

Աստված ոչ թե նեղություններն է հեռացնում մեզնից, այլ նեղության պահին ուղեկցում է մեզ։

Հետևե՛ք մեզ նաև տելեգրամում․
➡ https://t.me/aacgeorgia

Qahana, am

27/05/2026

🔹Էքսկուրսիա՝ Թբիլիսիի հայկական հետքերով

2026 թվականի մայիսի 24-ին, Հայ Օգնության Միության Ախալքալաքի Երիտասարդական կենտրոնի Հայոց պատմության խմբակի սաների Թբիլիսի կատարած էքսկուրսիայի նպատակը քաղաքի գեղատեսիլ վայրերին և հայկական հետքին ծանոթությունն էր: Կենտրոնի ղեկավար Կարինե Թադևոսյանի գլխավորությամբ շրջայցը Վրաստանի մայրաքաղաքում մեկնարկեց Վիրահայոց թեմի Սուրբ Գևորգ առաջնորդանիստ եկեղեցուց և կիրակնօրյա Սբ. Պատարագին մասնակցությամբ: Վիրահայ հասարակական գործիչ Լևոն Չիդիլյանը միանալով հյուրերին՝ ծանոթացրեց առաջնորդանիստ եկեղեցու պատմությանը, ցույց տվեց եկեղեցու բակում հանգչող Սայաթ-Նովայի շիրիմը և խոսեց աշուղի հիշատակին նշվող ավանդական «Վարդատոնի» մասին:
Այցի մասնակիցների համար առանձնապես տպավորիչ էր Հայ գրողների և հասարակական գործիչների Խոջիվանքի պանթեոնը: Երիտասարդները ակնածանքով էին մոտենում յուրաքանչյուր շիրիմին ու կարդում իրենց քաջածանոթ պանթեոնում հուղարկավորված ազգանունները:
Հետաքրքիր զուգադիպությամբ Հավլաբարի Սբ. Էջմիածին եկեղեցի այցելելությունից և «Հայարտուն» կենտրոնի գործունեությանը ծանոթանալուց հետո, երիտասարդները ներկա գտնվեցին «Հայարտանը» «Մեր մեծերը» շարքից Թբիլիսիի նախկին քաղաքագլուխ Ալեքսանդր Խատիսովին նվիրված վավերագրական ֆիլմի ցուցադրությանը: Այն հիրավի հետաքրքիր ու բովանդակալից անդրադարձ էր Թբիլիսիի հայկական հետքին:
Տպավորություններով հագեցած օրն ավարտվեց Թեմի «Հովհ. Թումանյանի տուն» գիտակրթամշակութային կենտրոնում: Այստեղ հյուրերի առջև բացվեց Մեծ լոռեցու կյանքի թիֆլիսյան տարիները, նրա ստեղծագործական և ակտիվ հասարակական գործունեությունը:
Շնորհակալության ջերմ խոսքերով ավարտվեց Ախալքալաքի երիտասարդական կենտրոնի «Թբիլիսիի հայկական հետքերով» խորագրով էքսկուրսիան:

Վիրահայոց թեմի մամլո դիվան

27/05/2026

Օրվա խորհուրդ

Մայիսի 27

«Երանելի է այն մարդը, որի հույսը Տիրոջ անունն է» (Սաղմոս 39.5):

Հետևե՛ք մեզ նաև տելեգրամում․
➡ https://t.me/aacgeorgia

Qahana.am

26/05/2026

Քահանայից ժողովի հայտարարությունը

————

Մենք՝ Հայաստանյայց Առաքելական Սուրբ Եկեղեցու հայաստանյան թեմերում սպասավորող քահանաներս, բարձր նախագահությամբ Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի, մայիսի 26-ին՝ Ավարայրի ճակատամարտի խորհրդանշական օրը, համախմբված Մայր Աթոռ Սուրբ Էջմիածնում, գոհություն և փառք ենք վերառաքում Ամենակալ Աստծուն՝ համատեղ աղոթքի և եղբայրական ոգով մեր սրբազան առաքելության շուրջ մտորելու առիթի համար։

Առաքելական քարոզչությամբ հաստատված Հայոց Եկեղեցին Աստծո բարեխնամ հայացքի ներքո շարունակում է անշեղորեն ծառայել հայ ժողովրդին ի Հայրենիս և ի Սփյուռս՝ զորացնելու բարեպաշտ մեր ժողովրդի հավատքը, նախանձախնդրությամբ հետամուտ լինելու ազգային ինքնության պահպանությանը, նպաստելու հայեցի կրթությանն ու դաստիարակությանը և Տիրավանդ իր առաքելությամբ լինելու ճշմարտության ու արդարության ձայնը մեր հասարակության մեջ։

Հայոց Եկեղեցու համար դժվարին այս օրերին, երբ Հայաստանում պետական լծակների կիրառմամբ իրականացվող հակաեկեղեցական գործողություններով փորձ է արվում վերատեսության ենթարկել եկեղեցական դարավոր կարգն ու կանոնը, հրաժարական պարտադրել Ամենայն Հայոց Կաթողիկոսին, և Եկեղեցին, ըստ էության, ենթարկեցնել քաղաքական իշխանությանը, վճռականորեն հայտարարում ենք, որ Հայաստանյայց Առաքելական Սուրբ Եկեղեցու ինքնակառավարումը, կանոնական կարգն ու ներքին կյանքը ենթակա չեն որևէ քաղաքական ուժի կամ պետական մարմնի թելադրանքի։ Հակաօրինական և հակասահմանադրական այս արշավն ուղղակիորեն վտանգում է համազգային մեր համերաշխությունն ու հասարակական կայունությունը, լրջորեն հարվածում նաև հայոց պետականության հիմքերին։

Միաժամանակ, խիստ դատապարտելի ենք համարում կարգալույծ հռչակված անձանց կողմից պետական հովանավորչությամբ հակականոնական ու սրբապիղծ գործողությունները, վանքերի ու եկեղեցիների, եկեղեցական կառույցների ու միջոցների բռնազավթումն ու ապօրինի գործածումը։ Սա ոչ միայն կանոնական կարգի կոպիտ խախտում է, այլև միտումնավոր փորձ՝ ներսից խարխլելու եկեղեցական միաբանությունը։ Ցավով ենք արձանագրում նաև, որ որոշ քահանա հայրեր ներգրավվում են այս պառակտիչ գործընթացներում՝ դառնալով հակաեկեղեցական ձեռնարկների կամա թե ակամա գործակիցներ։ Նման ընթացքը խորթ է քահանայական ուխտին և չունի հոգևոր, բարոյական ու կանոնական, այլև մարդկային որևէ արդարացում։ Կոչ ենք ուղղում մեր եղբայրներին՝ վերատեսության ենթարկելու իրենց խոտորյալ ընթացքը և բացառել կանոնազանց գործողությունները։

Գոհություն ենք հայտնում առ Աստված, որ աշխարհասփյուռ մեր ժողովուրդը հաստատակամ է իր հավատարմության մեջ առ Սուրբ Էջմիածինը և վճռական՝ պաշտպանելու Հայոց Եկեղեցու իրավունքներն ու արժանապատվությունը։ Յուրաքանչյուր փորձ՝ խաթարելու Մայր Աթոռ Սուրբ Էջմիածնի ինքնիշխանությունը, ոտնահարելու եկեղեցական կարգը կամ նսեմացնելու Ամենայն Հայոց Հայրապետի աստվածահաստատ իշխանությունը, բախվելու է համայն հավատավոր ժողովրդի և ուխտապահ ողջ եկեղեցականության հաստատուն ու անսասան դիմադրությանը։

Հայաստանում առաջիկա ընտրությունների և քաղաքական իրադարձությունների համատեքստում կոչ ենք ուղղում մեր հավատավոր ժողովրդին՝ դրսևորել պատասխանատու վերաբերմունք, զերծ մնալ ապօրինությունից, ատելության խոսքից ու ապատեղեկատվության տարածումից և նպաստել հասարակական համերաշխության կայացմանը։

Հավատարիմ լինելով մեր ուխտին և մյուռոնաբաշխ Սուրբ Էջմիածնին՝ որդիական մեր անվերապահ զորակցությունն ենք հայտնում Ն.Ս.Օ.Տ.Տ. Գարեգին Երկրորդ Ամենայն Հայոց Կաթողիկոսին՝ փորձության այս օրերին հայրապետական իմաստությամբ, հոգևոր արիությամբ և խաղաղ հաստատակամությամբ Հայաստանյայց Առաքելական Սուրբ Եկեղեցին առաջնորդելու համար։

Առ Աստված ապավինությամբ հայցում ենք, որ Տերն Իր ամենախնամ Աջը տարածի մեր ժողովրդի, մեր Հայրենիքի և Սուրբ Եկեղեցու վրա՝ պահելով Հայաստանը խաղաղ, Հայոց Եկեղեցին՝ անսասան, և մեր հավատքը՝ անխախտ։

26/05/2026

Օրվա խորհուրդ

Մայիսի 26

«Սիրեցի քո տան վայելչությունը, Տե՜ր, և քո փառքի բնակության վայրը» (Սաղմոս 25.8)

Հետևե՛ք մեզ նաև տելեգրամում․
➡ https://t.me/aacgeorgia

Qahana.am

25/05/2026

ქარ⤵️Рус⤵️Eng⤵️
Շնորհավորում ենք...
Հայ Առաքելական Սուրբ Եկեղեցու Վիրահայոց թեմի առաջնորդ Գրշ. Տեր Կիրակոս եպս. Դավթյանի, հոգևոր դասի և հավատացյալների անունից մեր շնորհավորանքները և բարեմաղթանքներն ենք հղում համայն Վրաստանին՝ անկախության տոնի առթիվ: Ժողովրդավարության ուղին բռնած Վրաստանին մաղթում ենք պետականության ամրապնդում և զարգացում, կյանքի բոլոր բնագավառներում առաջընթաց և բարգավաճում՝ ի փառս երկրի հզորացման և բազմազգ ժողովրդի բարեկեցության:

გილოცავთ...
საქართველოს სომეხთა ეპარქიის წინამძღვრის, მისი ყოვლადუსამღვდელოესობის ეპისკოპოს კირაკოს დავთიანის, სასულიერო დასისა და მორწმუნეთა სახელით, საქართველოს დამოუკიდებლობის დღესთან დაკავშირებით, ჩვენს გულითად მილოცვასა და კეთილ სურვილებს ვუძღვნით მთელ საქართველოს.
დემოკრატიის გზაზე მდგომ საქართველოს ვუსურვებთ სახელმწიფოებრიობის განმტკიცებასა და განვითარებას, ცხოვრების ყველა სფეროში წინსვლასა და კეთილდღეობას — ქვეყნის გაძლიერებისა და მრავალეროვანი ხალხის კეთილდღეობის სადიდებლად.

Поздравляем…
От имени Главы Епархии Армянской Апостольской Святой Церкви в Грузии Его Преосвященства епископа Киракоса Давтяна, духовенства и верующих, выражаем наши поздравления и наилучшие пожелания всей Грузии по случаю праздника Независимости.
Желаем Грузии, вступившей на путь демократии, укрепления и развития ее государственности, прогресса и процветания во всех жизненных сферах, во славу могущества страны и благополучия ее многонационального народа.

Congratulations…
On behalf of His Grace Bishop Kirakos Davtyan, Primate of the Diocese of the Armenian Apostolic Orthodox Holy Church in Georgia, the clergy, and the faithful, we extend our warmest congratulations and best wishes to all of Georgia on the occasion of Independence Day.
As Georgia continues along its democratic path, we wish the nation a strengthened statehood, continuous development, and prosperity in all spheres of life—for the greater glory of the country and the welfare of its multinational people.