31/08/2026
ჩვენი მხარდაჭერა საქართველოს პატრიარქს ❣️
ბოლო დღეებში საზოგადოებაში არაერთგვაროვანი გამოხმაურება მოჰყვა საქართველოს პატრიარქის ქადაგებიდან ერთ კონკრეტულ ფრაზას, რომელიც, ქადაგების საერთო კონტექსტისგან მოწყვეტილად იქნა აღქმული.
უპირველესად, ხაზგასმით უნდა აღინიშნოს: ქადაგებაში არ ყოფილა საუბარი იმაზე, რომ ადამიანს, რომელსაც სამედიცინო დახმარება ესაჭიროება, ექიმს არ უნდა მიმართოს.
ქრისტიანული სწავლებით, ადამიანის სიცოცხლე ძვირფასი და ღვთისგან ბოძებული საჩუქარია. უფალმა ადამიანს უბოძა როგორც სული, ისე სხეული და ორივეს სათანადო მზრუნველობა სჭირდება.
შესაბამისად, როდესაც ადამიანს სამედიცინო დახმარება ესაჭიროება, ექიმისთვის მიმართვა აუცილებელია.
ამ ქადაგებაში საუბარი იყო იმ შემთხვევაზე, როდესაც ადამიანის ჯანმრთელობის მდგომარეობა უკიდურესად მძიმეა, გარდაცვალება გარდაუვალია და სამედიცინო ჩარევას უკვე აღარ შეუძლია მისი მდგომარეობის შეცვლა.
როდესაც ადამიანი უკვე იმ მდგომარეობაშია, რომ მისი გარდაცვალება გარდაუვალია და მედიცინის შესაძლებლობები ამოწურულია, რა არის მისთვის იმ წუთებში უფრო დიდი დახმარება? მხოლოდ სხეულის მდგომარეობის შენარჩუნების მცდელობა, თუ ის სულიერი თანადგომა, ლოცვა და ზიარება, რომელიც მის სულს უფალთან შესახვედრად ამზადებს?!
●●●●●●●●
წმინდა პორფირი კავსოკალიველი:
„როდესაც მედიცინა ვეღარაფერს შველის, ნურაფერს გააკეთებთ ხელოვნურად. მიენდეთ ღმერთს. უფალმა უკეთ იცის, როდის არის საუკეთესო დრო ადამიანის სულის წასაყვანად. ხელოვნური დამატებითი საშუალებები, რომლებიც მხოლოდ აგონიას წელავს, ხშირად ხელს უშლის სულს იმ სულიერ სიმშვიდეში, რაც მას მარადისობაში გადასვლის წინ სჭირდება“
●●●●●●●●
წმინდა პაისი მთაწმინდელი
„ნუ შევეწინააღმდეგებით უფლის განჩინებას. როდესაც ხედავ, რომ ადამიანი მიდის ამ სოფლიდან და მკურნალობა უძლურია, ნუ ეცდები ღვთის განგებულების შეჩერებას. სიცოცხლის მიმცემი და მისი წამყვანი უფალია. როდესაც მისი ჟამი დადგება, ჩვენი ვალია არა სხეულის მიწიერ ჭერქვეშ ძალადობრივად დაკავება, არამედ სულის გაცილება ლოცვითა და სულიერი მშვიდობით“
