19/06/2026
🚨 SOS! ქუთაისის მუხნარის ივერიის ღვთისმშობლის მონასტერი სასწრაფო დახმარებას საჭიროებს!
ქუთაისის მუხნარის ივერიის ღვთისმშობლის სახელობის სამონასტრო კომპლექსის მშენებლობა კრიტიკულ ფაზაშია. ტაძარი დღეს უმძიმესი გამოწვევის წინაშე დგას და საზოგადოების სასწრაფო თანადგომას საჭიროებს.
ამ წმინდა საქმეს სულითა და გულით უძღვებოდა დეკანოზი კონსტანტინე გიორგაძე. სამწუხაროდ, მძიმე სენთან ორწლიანი ბრძოლის შემდეგ, მამაო მიმდინარე წლის თებერვალში გარდაიცვალა. მისი ავადმყოფობის პერიოდში, გადახურვის სამუშაოების დროს დაშვებული სერიოზული ტექნიკური ხარვეზების გამო, უძვირფასესმა და უმაღლესი ხარისხის მასალამ ფუნქცია ვერ შეასრულა.
დღეს ტაძრის კონსტრუქცია სრულიად დაუცველია ნალექისგან. ყოველი წვიმის დროს შიგნით წყალი ჩადის, რაც მამა კონსტანტინესა და უამრავი ადამიანის მრავალწლიან შრომას განადგურებით ემუქრება.
არსებული რეალობიდან გამომდინარე, ერთადერთ გამოსავალს სახურავის სასწრაფო დემონტაჟი და თავიდან გადახურვა წარმოადგენს. აღნიშნული სამუშაოები დაკავშირებულია უზარმაზარ ხელახალ ხარჯებთან, რისი სახსრებიც მონასტერს ამ ეტაპზე არ გააჩნია.
ეს აღარ არის მხოლოდ შენობის გადარჩენა — ეს მამა კონსტანტინეს დანატოვარი საქმისა და მისი ხსოვნის გაგრძელებაა. შექმნილ გამოუვალ მდგომარეობაში, ტაძრის დასრულება მხოლოდ ხალხის ერთობაზეა დამოკიდებული. ნებისმიერი მცირე ფინანსური წვლილი თუ პოსტის გაზიარება დღეს მონასტრისთვის სასიცოცხლოდ მნიშვნელოვანია.
საბანკო რეკვიზიტები:
• ბანკი: TBC
• ანგარიშის ნომერი (IBAN): GE66TB7661534060100001
• მიმღები: ქუთაისის მუხნარის ივერიის ღვთისმშობლის მონასტრის მშენებლობის ფონდი
თანადგომისა და პოსტის გაზიარებისთვის მადლობა თითოეულ გულშემატკივარს. უფალმა დალოცოს სრულიად საქართველო და ნათელში ამყოფოს მამა კონსტანტინეს სული! 🙏⛪
