Gori-Ateni Diocese გორისა და ატენის ეპარქია

18/06/2026

✨ ქრისტიანობის სახელმწიფო რელიგიად გამოცხადების 1700 წლის საიუბილეო თარიღთან დაკავშირებით გრძელდება საზეიმო ლოცვითი მსვლელობა. გორიჯვრიდან თხოთის მთამდე.

🙏 ქადაგებები • ⛪ ეპარქიის სიახლეები • ✨

🔗 https://youtube.com/channel/UCBI9QqvqU6K1f2Gk58KISrA?si=8UVEimVznHb4IEpU

18/06/2026

მღვდელმოწამე დოროთე, ტვირელი ეპისკოპოსი (+დაახლ. 326)
5(18) ივნისი
წმიდა მღვდელმოწამე დოროთე (+დაახლ. 362) ტვირის ეპისკოპოსი იყო იმპერატორ დიოკლეტიანეს (284-305) დროს. სახარებისეული შეგონების მიხედვით: „რაჟამს გდევნიდნენ თქვენ ამიერ ქალაქით, მიივლტოდეთ სხუად“ (მთ. 10,23), მან დატოვა ტვირი და განერიდა მტარვალებს. კონსტანტინე დიდის (306-307, ხს. 21 მაისს) მეფობისას ის დაუბრუნდა თავის საეპისკოპოსო კათედრას და 50-ზე მეტი წლის განმავლობაში ერთგულად განაგებდა სამწყსოს. როცა იულიანე განდგომილის (361-363) დროს ქრისტიანთა დევნა განახლდა, წმიდა დოროთე უკვე 100-ზე მეტი წლის იყო. მან კვლავ დატოვა ქალაქი ტვირი და მიზიის ქალაქ უდს (დღევანდელ ვარანს) მიაშურა. აქ იგი მეფის კარისკაცებმა შეიპყრეს და კერპებისთვის მსხვერპლის შეწირვა მოსთხოვეს. წმიდანმა უარი განაცხადა. მაშინ მტარვალები შეეცადნენ სატანჯველებით მოედრიკათ მხცოვანი აღმსარებელი. წმიდანი წამების დროს გარდაიცვალა (+დაახლ. 362 წელს).

„წმიდანთა ცხოვრება“, ტომი II, თბილისი, 2001 წ.
https://www.orthodoxy.ge/tveni/ivnisi/05-dorote_tvireli.htm

17/06/2026

ღირსი მართა და მარიამი, ლაზარეს დანი (I)
4 (17) ივნისი
ღირსი დები მართა და მარიამი ჯერ კიდევ მანამ შეუდგნენ ქრისტეს, სანამ იგი მკვდრეთით აღადგენდა მათ ძმას - ლაზარეს. მთავარდიაკონ სტეფანეს მკვლელობის, იერუსალიმის ეკლესიებზე დევნისა და წმიდა ქალაქიდან ლაზარეს განდევნის შემდეგ, ისინი თან ახლდნენ ძმას სხვადასხვა ქვეყანაში და შეეწეოდნენ მოციქულებრივ ღვაწლში. ცნობები წმიდა დების აღსრულების ადგილისა და დროის შესახებ არ შემონახულა.

„წმიდანთა ცხოვრება“, ტომი II, თბილისი, 2001 წ.
https://www.orthodoxy.ge/tveni/ivnisi/04-marta_mariami.htm

17/06/2026

წმიდა მიტროფანე, კონსტანტინეპოლელი პატრიარქი (+326)
4 (17) ივნისი
წმიდა მიტროფანე, კონსტანტინეპოლელი პატრიარქი (+325-326) მოღვაწეობდა კონსტანტინე დიდის (306-337) დროს. მისი მამა, დომენტი რომის იმპერატორის პრობის (276-282) ღვიძლი ძმა იყო. დომენტიმ შეიცნო წარმართული რელიგიის უძლურება და ირწმუნა ქრისტე. ამ დროს რომში ქრისტიანთა სასტიკი დევნა დაიწყო და წმიდანი თავის ორ ვაჟთან - პრობსა და მიტროფანესთან ერთად ბიზანტიაში გაიხიზნა, სადაც სიწმიდით გამორჩეული ეპისკოპოსის ტიტეს (242-272) ხელმძღვანელობით დაიწყო წმიდა წერილის შესწავლა. ტიტემ, რომელიც ხედავდა თავისი მოწაფის საღვთო მოშურნეობასა და უფლის სადიდებლად მოღვაწეობის დაუცხრომელ სურვილს, მღვდლად დაასხა მას ხელი. ტიტეს სიკვდილის შემდეგ მღვდელმთავრის კვერთხი დომენტის გადასცეს (272-303), ამ უკანასკნელს კი საეპისკოპოსო ტახტზე მისი ვაჟები შეენაცვლნენ: ჯერ პრობი (303-315), შემდეგ კი - მიტროფანე (316 წელს).

ერთხელ ბიზანტიაში ჩასული იმპერატორი კონსტანტინე აღტაცებაში მოვიდა ქალაქის მშვენიერებითა და მოხერხებული ადგილმდებარეობით. მან იხილა სიბრძნით გაბრწყინებული მიტროფანეს წმიდა ცხოვრებაც და თან წაიყვანა იგი რომში. მალე კონსტანტინე დიდმა იმპერიის დედაქალაქი ბიზანტიონში გადაიტანა და წმიდა მამაც დააბრუნა აწ უკვე სამეფო ქალაქში. 325 წელს არიოზის ერესის უარსაყოფად ნიკეაში შედგა I მსოფლიო საეკლესიო კრება. წმიდა იმპერატორმა კრების წმიდა მამებს შესთავაზა, პატრიარქად წმიდა მიტროფანე აერჩიათ და, ამგვარად, იგი შეიქნა კონსტანტინეპოლის პირველი პატრიარქი. უკვე ღრმად მოხუცი წმიდანი ვერ ესწრებოდა კრებას და თავის ნაცვლად ქორეპისკოპოსი ალექსანდრე გაგზავნა. კრების დამთავრების შემდეგ იმპერატორმა წმიდა მამებთან ერთად მოინახულა ავადმყოფი პატრიარქი კონსტანტინე დიდის თხოვნით მან დაასახელა თავისი ღირსეული მემკვიდრე - ეპისკოპოსი ალექსანდრე და იწინასწარმეტყველა, რომ ამ უკანასკნელის შემდეგ ეკლესიის საჭეთმპყრობელი გახდებოდა პავლე, რომელიც იმჟამად მედავითნედ მსახურობდა. პავლეს შემდეგ კი პატრიარქის ტახტს არქიდიაკონი ათანასე დაიკავებდა.

წმიდა მიტროფანე გარდაიცვალა დაახლოებით 326 წელს, 117 წლის ასაკში. მისი უხრწნელი ნაწილები განისვენებს კონსტანტინეპოლში, მისივე სახელობის ტაძარში.

„წმიდანთა ცხოვრება“, ტომი II, თბილისი, 2001 წ.
https://www.orthodoxy.ge/tveni/ivnisi/04-mitrofane.htm

16/06/2026

✨ კვირას, 14 ივნისს, გორისა და ატენის მიტროპოლიტმა ანდრიამ საღვთო ლიტურგია აღავლინა ყოვლადწმინდა ღვთისმშობლის შობის გორის საკათედრო ტაძარში.

🙏 ქადაგებები • ⛪ ეპარქიის სიახლეები • ✨

🔗 https://youtube.com/channel/UCBI9QqvqU6K1f2Gk58KISrA?si=8UVEimVznHb4IEpU

ᲐᲓᲐᲛᲘᲐᲜᲘᲡ ᲦᲕᲗᲘᲡᲮᲐᲢᲝᲑᲐ - (ღირსი იუსტინე პოპოვიჩი)ადამიანის ბუნების...

16/06/2026

ორშაბათს, 15 ივნისს, დაიწყო საქართველოში ქრისტიანობის სახელმწიფო რელიგიად გამოცხადების 1700 წლისთავთან დაკავშირებული მომლოცველობითი მსვლელობა გორიჯვარი - თხოთის მთა. მომლოცველობითი მსვლელობა გაგრძელდება 5 დღის განმავლობაში, მასში მონაწილეობას მიიღებენ გორისა და ატენის და სამთავისისა და კასპის ეპარქიების სასულიერო დასისა და მრევლის წევრები. მსვლელობის დროს შესრულდება პრაკლისები, წირვები და სოფლების დალოცვა. მომლოცველები შევლენ შემდეგ სოფლებში: გორიჯვარი, ხიდისთავი, დოესი, ხოვლე, გრაკალი, თელიანი, სასირეთი, ზემო და ქვემო ხანდაკი, მეტეხი, ქ. კასპი, მიქელწყარო, აღაიანი.
მომლოცველობით მსვლელობასთან დაკავშირებით გორისა და ატენის მიტროპოლიტმა ანდრიამ გორიჯვრის წმინდა დიდმოწამე გიორგის ტაძარში შეასრულა მცირე წყალკურთხევის წესი.
გორიჯვარზე აღვლენილ ლოცვას დაესწრნენ: შიდა ქართლის სახელმწიფო რწმუნებული ბ-ნი სიმონ გულედანი, გორის მუნიციპალიტეტის მერი ბ-ნი კონსტანტინე ბუზალაძე და საკრებულოს თავმჯდომარე ბ-ნი მარლენ ნადირაძე, ქ. კასპის მუნიციპალიტეტის მერი ბ-ნი ვახტანგ მაისურაძე და საკრებულოს თავმჯდომარე ბ-ნი შოთა ბეგლარაშვილი, მუნიციპალიტეტის თანამშრომლები და საკრებულოს წევრები.
მიტროპოლიტმა ანდრიამ დალოცა მსვლელობის მონაწილეები და ტაძარში შეკრებილი მრევლი.

15/06/2026

„თუ ჩვენი გონება და აზრები ქრისტესკენ მიისწრაფის და გულში ღვივის ქრისტესთან ყოფნის სურვილი, ქრისტე ყოველთვის მზად არის, რომ ჩვენ მიგვიღოს.

მზად არის ჩვენი უძლურებისა და სისუსტეების მიუხედავად, და მასთან ერთად ჩვენ ფეხზე დავდგებით, გავძლიერდებით, მხნე გავხდებით და მოწყალე ღმერთი ცხოვნების ღირსადაც გაგვხვდის.

ეს უნდა გვახსოვდეს, ძვირფასო ძმანო და დანო, და ყოველთვის გულში და ჩვენს აზრებში ვიქონიოთ ქრისტე და მისკენ მისწრაფება“. 🤍✨

✨ გორისა და ატენის მიტროპოლიტი ანდრია

🙏 ქადაგებები • ⛪ ეპარქიის სიახლეები •

🔗 https://youtube.com/channel/UCBI9QqvqU6K1f2Gk58KISrA?si=8UVEimVznHb4IEpU

15/06/2026

კვირას, 14 ივნისს, გორისა და ატენის მიტროპოლიტმა ანდრიამ საღვთო ლიტურგია აღავლინა ყოვლადწმინდა ღვთისმშობლის შობის გორის საკათედრო ტაძარში.

15/06/2026

✨ ქრისტიანობის სახელმწიფო რელიგიად გამოცხადების 1700 წლის საიუბილეო თარიღთან დაკავშირებით, შესრულდა მცირე აიაზმის წესი და დაიწყო საზეიმო ლოცვითი მსვლელობა. მსვლელობა გორიჯვრიდან თხოთის მთამდე გაგრძელდება.

🙏 ქადაგებები • ⛪ ეპარქიის სიახლეები • ✨

🔗 https://youtube.com/channel/UCBI9QqvqU6K1f2Gk58KISrA?si=8UVEimVznHb4IEpU

14/06/2026

„მიტროპოლიტ ანდრიას ქადაგება შაბათს ლიტურგიაზე.“📌 დეტალები ვიდეოს...