მღვიმევის ყოვლადწმინდა ღვთისმშობლის შობის სახელობის ტაძარი

23/05/2026

21/05/2026

📜დღეს, როდესაც სრულიად მართლმადიდებელი სამყარო მაცხოვრის ამაღლების— დღესასწაულს ზეიმობს , რომელიც კაცობრიობის განღმრთობისა და ზეციური სამკვიდრებლისკენ გზის განმზადების სიმბოლოა, ჩვენს ტაძარსა და მრევლს კიდევ ერთი განსაკუთრებული და საზეიმო მიზეზი აქვს სიხარულისა.
​ზუსტად 32 წლის წინ, 1994 წლის ამაღლების დიდებულ დღესასწაულზე, უფლის განგებულებითა და ლოცვა-კურთხევით, მარგველმა მიტროპოლიტმა კონსტანტინემ (მელიქიძემ) მღვიმევის ყოვლადწმინდა ღვთისმშობლის შობის სახელობის ტაძარში ჩვენს ძვირფას მოძღვარს დეკანოზ თადეოზს ხელი დაასხა დიაკვნად 🤍
📜​ამაღლების დღესასწაულზე სასულიერო ხარისხში აყვანა უღრმესი სიმბოლური დატვირთვის მატარებელია. როგორც უფალმა აამაღლა ადამიანური ბუნება ზეცად, ისე ამ დღეს დაწყებული მსახურებაც არის მუდმივი სწრაფვა სულიერი ამაღლებისკენ, ზეციური სიმართლისა და უფლის საყდრის ერთგულებისკენ. ეს არის მოწოდება, იყო მიწიერი ეკლესიისა და ზეციური დასის დამაკავშირებელი ხიდი.🤍
​უკვე სამ ათეულ წელზე მეტია, ჩვენი მოძღვარი სწორედ ამ ერთგულებითა და მისთვის ჩვეული, დაუცხრომელი სულიერი შემართებით ემსახურება ქრისტეს წმიდა ეკლესიასა და სამწყსოს.
​ უდიდესი სიყვარულითა და პატივისცემით ვულოცავთ ჩვენს მამაოს დიაკვნად კურთხევის დღეს!🤍
​უფალმა იესო ქრისტემ, თავისი დიდებული ამაღლების მადლით, უბოძოს მას სულიერი და ფიზიკური სიმტკიცე, ურყევი ჯანმრთელობა და ის ხელუხლებელი ენერგია, რომლითაც წლების განმავლობაში შეურყევლად წინამძღვრობს ჩვენს სულებს. ვუსურვებთ კიდევ მრავალ წელს, კვლავინდებური შემართებითა და ღვთიური სიბრძნით ეღვაწოს დედაეკლესიისა და მრევლის საკეთილდღეოდ.🤍
​მრავალჟამიერ იყოს თქვენი მსახურება, მაღალ ღირსო მამაო!🤍

20/05/2026

📜ხვალ სადღესასწაულო საღმრთო ლიტურგია დაიწყება დილით ათის ნახევარზე

20/05/2026

ზუგდიდისა და ცაიშის მიტროპოლიტ გერასიმეს (შარაშენიძე) ვულოცავთ დაბადების დღეს 🤍
მრავალსა წელსა მრავალჟამიერ ინებოს ღმერთმა თქვენი სიცოცხლე მეუფეო🤍

ისპოლა ეტი დესპოტა🤍

17/05/2026

📌 17 მაისი , ოჯახის სიწმინდის დღე, მსვლელობა ჭიათურაში, ანდრია პირველწოდებულის სახელობის საკათედრო ტაძრიდან.

📸📸 გიორგი ხარატიშვილი