St. Behanans Indian Orthodox Church Hereford UK, St. Mary's Church, 29 Grandstand Road, Hereford (2026)

05/04/2026

𝑺𝑩𝑰𝑶𝑪 Hereford Easter Service

05/04/2026

SBIOC Hereford Good Friday Service ✝️

05/04/2026

𝗦𝗕𝗜𝗢𝗖 𝗛𝗲𝗿𝗲𝗳𝗼𝗿𝗱 𝗣𝗲𝘀𝘀𝗮𝗵𝗮 𝗤𝘂𝗿𝗯𝗮𝗻𝗮

02/01/2026

‘ഹെറിഫോഡ് പെരുന്നാൾ ’

ഹെറിഫോഡ് : ധീര ക്രൈസ്തവ രക്തസാക്ഷിയും, ഹെറിഫോഡിന്റെ കാവൽ പിതാവും, പരിശുദ്ധ സഭയുടെ മാധ്യസ്ഥനുമായ മാർ ബഹനാൻ സഹദായുടെ നാമത്തിൽ 2023ൽ സ്ഥാപിതമായ ഹെറിഫോഡ് സെന്റ് ബഹനാൻസ് ഇന്ത്യൻ ഓർത്തഡോൿസ്‌ ദേവാലയത്തിന്റെ മൂന്നാമത് ദേവാലയപ്രതിഷ്ഠ പെരുന്നാളും, ഒരുക്ക ധ്യാനവും, സഹദായുടെ ഓർമ്മയും അഭിവന്ദ്യ സഭാ പിതാക്കൻ മാരുടെ അനുഗ്രഹാശിസുകളോടെ ജനുവരി 9,10തീയതികളിൽ വിപുലമായ ആത്മീയ പരിപാടികളോടെ കൊണ്ടാടും. നേർച്ച കാഴ്ച്ചകളോടെ പെരുന്നാളിൽ സംബന്ധിച്ച് അനുഗ്രഹം പ്രാപിക്കുവാൻ എല്ലാ വിശ്വാസികളെയും സ്വാഗതം ചെയ്യുന്നതായി ഇടവക വികാരി വന്ദ്യ രെഞ്ചു സ്‌കറിയ അച്ചനും, ഇടവക ഭാരവാഹികളും അറിയിച്ചു.

30/12/2025

മെസ്തൂസോ സീസൺ 4

ലെസ്റ്റർ : സെന്റ് ജോർജ്ജ് ഓർത്തഡോൿസ്‌ ദേവാലത്തിന്റെ നേതൃത്വത്തിൽ 2025നവംബർ 29ന് നടത്തപ്പെട്ട മെസ്തൂസോ സീസൺ 4ക്വയർ മത്സരത്തിൽ ഇടവകയിലെ ടീം പങ്കെടുത്ത് പ്രശംസനേടി. 24ൽ പരം ടീമുകൾ പങ്കെടുത്തമത്സരത്തിൽ സംഗീത ആസ്വാദകരെ അക്ഷരാ ർത്ഥത്തിൽ അമ്പരപ്പിച്ച പ്രകടനം കാഴ്ചവച്ച ഹെറിഫോഡ് സെന്റ് ബഹനാൻസ് ഗായകസംഘത്തിന് ആസ്വാദകരുടെ ഊഷ്മളമായ കരഘോഷവും, അഭിനന്ദനങ്ങളും നേടുവാനായി 15അംഗങ്ങൾ 2മാസത്തിലേറെ ചിട്ടയായി പരിശീലനംനടത്തി അവതരിപ്പിച്ച ഗാനങ്ങൾ തികച്ചും മനോഹരമായി രുന്നു എന്നും അതിൽ ഇടവക ഒന്നടങ്കം സന്തോഷിയ്ക്കുകയും അഭിമാനിയ്ക്കുകയും ചെയ്യുന്നു എന്നും ഇടവക വികാരി രെഞ്ചു പി സ്‌കറിയ അച്ചനും, ഇടവക സെക്രട്ടറി ശ്രീമതി സിജോ ജോയിയും ഓർമ്മിപ്പിച്ചു. ഇടവക ജനങ്ങളുടെ പ്രാർത്ഥനയ്ക്കും, പ്രോത്സാഹനത്തിനും ഇടവക ട്രസ്റ്റിയും മെസ്തൂസോ കോർഡിനേറ്ററുമായ ശ്രീ ജെയ്സൺ ആറ്റുവാ നന്ദി അറിയിച്ചു.

28/12/2025

യെൽദോ പെരുന്നാൾ

സർവ്വജനത്തിനും മഹാസന്തോഷം പ്രദാനംചെയ്തു കാലിതൊഴുത്തിൽ ഭൂജതനായ ദൈവപുത്രന്റെ തിരു പിറവി ഇടവകയിൽ ഭക്തിയാദര പൂർവ്വം കൊണ്ടാടി. 24/12/2026.
വൈകിട്ട് 3മണി മുതൽ ക്രിസ്തുമസ് ഗാനാലാപം, ക്രിസ്തുമസ് സന്ദേശം, ഉപകരണസംഗീതം തുടങ്ങി വിവിധങ്ങളായപരിപാടികൾ നടത്തപ്പെട്ടു, വൈകുന്നേരം 5മണിയോടെ സന്ധ്യാനമസ്കാരവും തുടർന്ന് വിശുദ്ധ കുർബ്ബാനയും ജനന പെരുന്നാളും, തീജ്വാല ശുശ്രൂഷയും നടത്തപ്പെട്ടു 8.30നു കൈമുത്തി ക്രിസ്തുമസ് സന്തോഷം പങ്കുവച്ച് വിശ്വാസികൾ പിരിഞ്ഞപ്പോൾ സ്‌നേഹഭോജ്യവും, ക്രിസ്തുമസ് കേയ്ക്കും വിതരണം ചെയ്തു. ശുശ്രൂഷകൾക്ക് ഇടവക വികാരി വന്ദ്യ രെഞ്ചു പി സ്‌കറിയ അച്ചൻ നേതൃത്വം നൽകി, “സന്മനസ്സ് ഉള്ളവർക്ക് സമാധാനം എന്നതാണ് ക്രിസ്തുമസിന്റെ സന്ദേശം ”എന്ന് അച്ചൻ ഓർമ്മിപ്പിച്ചു. ഇടവകയിലെ ഈ കൊല്ലത്തെ ക്രിസ്തുമസ് കരോൾ ഭംഗിയായും, ചിട്ടയായും ക്രമീകരിയ്ക്കുന്നതിനു നേതൃത്വം നൽകിയ ശ്രീ. ലിജു രാജൻ, ഭവനങ്ങളും, ഭക്ഷണവും ഒരുക്കി കരോൾ സംഘത്തെ സ്വീകരിച്ചവർ, കാരോളിൽ അച്ചടക്കത്തോടെ സംബന്ധിച്ചവർ, ക്രിസ്തുമസ് സന്ധ്യ മനോഹരമാക്കിയവർ, പെരുന്നാൾ നേർച്ച നൽകിയവർ, എല്ലാവർക്കും ഇടവക ട്രസ്റ്റി ശ്രീ. ജെയ്സൺ ആറ്റുവാ നന്ദി അറിയിച്ചു.
ഈ കൊല്ലത്തെ ക്രിസ്തുമസ് പരിപാടികൾ ക്ക്‌ ഇടവക മാനേജിങ് കമ്മറ്റി നേതൃത്വം നൽകി.

13/11/2025

പരുമലപെരുന്നാൾ -

പരിശുദ്ധ പരുമല തിരുമേനിയുടെ ഓർമ്മ പെരുന്നാൾ ഇടവകയിൽ ഭക്ത്യാദര പൂർവ്വം കൊണ്ടാടി. നവംബർ 8ശനിയാഴ്ച രാവിലെ 8.45 ന് പ്രഭാതനമസ്കാരം, വിശുദ്ധ കുർബ്ബാന, പരിശുദ്ധ പരുമലതിരുമേനിയോടുള്ള മാധ്യസ്ഥ പ്രാർത്ഥന, പ്രദിക്ഷിണം, പെരുന്നാൾ നേർച്ച എന്നിവയോടെ 12 മണിയോടെ പെരുന്നാൾ ചടങ്ങുകൾ സമാപിച്ചു.പെരുന്നാൾ ശുശ്രൂഷകൾക്ക് ഇടവക വികാരി വന്ദ്യ രെഞ്ചു പി സ്‌കറിയച്ചൻ നേതൃത്വം നൽകി. പെരുന്നാളുകൾ ആഘോഷങ്ങളിൽ ഒതുങ്ങാതെ വിശുദ്ധൻ മാരുടെ ജീവിതം മാതൃകയാക്കി ക്രൈസ്തവ സാക്ഷ്യം മറ്റുള്ളവരിൽ എത്തിയ്ക്കുവാൻ നാം ശ്രമിയ്ക്കുകയും ശ്രെദ്ധിയ്ക്കുകയും ചെയ്യണമെന്ന് പെരുന്നാൾ സന്ദേശത്തിൽ വികാരി ഓർമ്മിപ്പിച്ചു. നേർച്ചകാഴ്ച്ചകളോടെ പരിശുദ്ധന്റെ ഓർമ്മപെരുന്നാളിൽ സംബന്ധിച്ച എല്ലാവർക്കും ഇടവക മാനേജിങ് കമ്മറ്റി നന്ദിയറിയിച്ചു.

27/10/2025

ആദ്യഫലപെരുന്നാൾ

ഹെറിഫോഡ് : ഇടവകയുടെ ഈ വർഷത്തെ ആദ്യഫലപെരുന്നാൾ 25/10/2025ശനിയാഴ്ച വിശുദ്ധകുർബ്ബാനയ്ക്ക് ശേഷം നടത്തപ്പെട്ടു ഇടവകജനങ്ങൾ നേർച്ച കാഴ്ച്ചകളായി നൽകിയ വിവിധതരം വിഭവങ്ങൾ വികാരിയച്ചൻ പ്രാർത്ഥിച്ച് ആശീർവദിച്ചു. തുടർന്ന് നടന്ന വാശിയേറിയ ലേലം വിളിയ്‌ക്ക് ഇടവക ട്രസ്റ്റീ ശ്രീ. ജെയ്സൺ ആറ്റുവാ നേതൃത്വം നൽകി. ഇടവക ജനങ്ങളുടെആത്മാർത്ഥമായസഹകരണം ഈ കൊല്ലത്തെ ആദ്യഫലപെരുന്നാൾ വൻ വിജയത്തിൽ എത്തിയ്ക്കുവാൻ സഹായിച്ചു. ഇതിലൂടെ ലഭിച്ച തുകയുടെ ഒരു ഭാഗം വിവിധ ചാരിറ്റി പ്രവർത്തനങ്ങൾക്ക് നൽകുകയുണ്ടായി. ഇടവകയുടെ ആദ്യഫലപെരുന്നാളിൽ സംബന്ധിച്ച എല്ലാവർക്കും ഇടവക വികാരിയും മാനേജിങ് കമ്മറ്റിയും നന്ദിയറിയിച്ചു.

26/10/2025

അനുമോദനസമ്മേളനം

ഹെറിഫോഡ് :ഇടവകയ്‌ക്കും, മലങ്കരസഭയ്ക്കും അതിലുപരി യുകെ മലയാളി സമൂഹത്തിനു മുഴുവൻ അഭിമാനമുഹൂർത്തം സമ്മാനിച്ച് വെയിൽസ് ഗവണ്മെന്റ് സ്വകാര്യ ആരോഗ്യമേഖലയിൽ നഴ്‌സ്‌മാർക്ക് ഏർപ്പെടുത്തിയ ‘ഗോൾഡൻ ഓസ്‌കാർ അവാർഡിന് ’അർഹത നേടിയ ഇടവകയുടെ പ്രിയപുത്രി ശ്രീമതി ഷൈനി സ്കറിയയെ ഇടവക ആദരിച്ചു. 25-10-2025ൽ വിശുദ്ധ കുർബ്ബാനാനന്തരം കൂടിയ അനുമോദനസമ്മേളനത്തിൽ ഇടവകയുടെ അഭിനന്ദനങ്ങൾ അറിയിച്ച് ഇടവകയുടെ ഉപഹാരം ബഹുമാനപ്പെട്ട ഇടവക വികാരി രെഞ്ചു സ്‌കറിയ അച്ചൻ ഷൈനിയ്ക്കു കൈമാറി. ഹെറിഫോഡ് ഹോൾമർ ചർച്ച് പ്രതിനിധി പൂച്ചെണ്ടുനൽകി സ്വദേശി സമൂഹത്തിന്റെ സന്തോഷം പങ്കുവച്ചു. ഇടവക ട്രസ്റ്റീ ശ്രീ. ജെയ്സൺ ആറ്റുവായും സെക്രട്ടറി. ശ്രീമതി.സിജോ ജോയ് യും ചേർന്ന് പൊന്നാട അണിയിച്ചു. മൂന്നു ഘട്ടങ്ങളിലായി നടന്ന ഈ മത്സരത്തിൽ ഒപ്പം മാറ്റുരച്ച അനേകം സ്വദേശിയരെയും, വിദേശികളെയും പിന്നിലാക്കി ഷൈനികൈവരിച്ചഈ സുവർണ്ണ നേട്ടത്തിൽ ഇടവകഒന്നടങ്കം ആഹ്ലാദിയ്ക്കുന്നതായി വികാരി ഓർമ്മിപ്പിച്ചു, ഭദ്രാസന പ്രതിനിധി ശ്രീ. അജി തോമസ്, ട്രസ്റ്റീ. ജെയ്സൺ ആറ്റുവാ, സെക്രട്ടറി. സിജോ ജോയ്, മാനേജിങ് കമ്മറ്റി അംഗങ്ങൾ ലിജു വർഗീസ്‌, സാമൂവൽ കുരുവിള, ഇടവക നഴ്സസ് ഫോറം പ്രതിനിധി ശ്രീമതി. ബീനാ ഷിനു എന്നിവർ ആശംസകൾ നേർന്നു. ഇടവക മാനേജിങ് കമ്മറ്റിയംഗവും, ഗായക സംഘം കോ -ഓർഡിനേറ്ററു മായ കൊല്ലം കുണ്ടറ സ്വദേശി ശ്രീ. ജേക്കബ്ബ് തരകന്റെ പത്നിയാണ് ഷൈനി.

St. Behanans Indian Orthodox Church Hereford UK

05/04/2026

05/04/2026

05/04/2026

02/01/2026

30/12/2025

28/12/2025

13/11/2025

27/10/2025

26/10/2025

Address

Website

Alerts

Contact The Place Of Worship

Shortcuts

Share

Category