Eglwys y Crwys

05/09/2026

Newyddion y Crwys

Croeso cynnes yn ôl wedi gwyliau’r haf!

⛪ Sul 6 Medi – Oedfa Gymun am 10.30yb yn y Crwys ac ar-lein, ac oedfa am 6yh dros Zoom yn unig.

📖 Ysgol Sul – yn ailymgynnull fore Sul 13 Medi.

🤝 Bwydo’r digartref – tro’r Crwys yn y Tabernacl, Sul 13 Medi am 1.30yp. Croeso i wirfoddolwyr a chyfraniadau o deisennau a ffrwythau.

🚢 Logos Hope – oedfa Gymraeg ym Mae Caerdydd, nos Fercher 16 Medi am 7.30yh.

📚 Agor y Llyfr – ymarfer cyntaf y tymor yn festri’r Crwys, bore Iau 17 Medi am 10.00yb. Croeso i unrhyw un sydd â diddordeb.

Diolch hefyd i bawb a ddaeth i’r Bore Gwaith fore Sadwrn — cafwyd bore buddiol iawn! Dyma lun o’r gweithwyr yn cael panel haeddiannol!

Croeso cynnes i bawb.

03/09/2026

Yn ddiweddar cyhoeddodd y Parchg Richard Cleaves gyfrol newydd yn seiliedig ar ei waith ymchwil diweddaraf. Teitl y gyfrol yw Imagining Luke-Acts in Roman Britain through the Eyes of the People of the Bloomberg Tablets, the Vindolanda Tablets, and the Uley Tablets. Cewch yr hanes yn y rhifyn cyfredol o Cenn@d.

https://www.ebcpcw.cymru/wp-content/uploads/2026/09/Cennad-288-1.pdf

03/09/2026

📖 Mae rhifyn Medi o’r Gadwyn wedi cyrraedd!

Wrth inni ddechrau tymor newydd yn y Crwys, mae digon i’w ddarllen yn y rhifyn diweddaraf: newyddion a dyddiadau’r eglwys, atgofion o Eisteddfod y Garreg Las, teyrnged arbennig i Eirwen Jones, pererindod i Fro Ergyn, a darganfyddiad annisgwyl yn Siena — heb anghofio Tudalen yr Ifanc!

☕ Gwnewch baned, agorwch Y Gadwyn a mwynhewch ddarllen!
Croeso nôl i’r Crwys — a chroeso nôl i Y Gadwyn.

23/08/2026

Dyma drefniadau gweddill mis Awst a rhai dyddiadau pwysig i’w nodi:

Sul, 23 Awst – Eglwys Ebeneser
10.00yb – Canolfan yr Eglwys Newydd, Old Church Road
3.00yp – Yr Eglwys Fethodistaidd
Dan arweiniad y Barchg. Catrin Roberts.

Sul, 30 Awst – Eglwys Salem
10.30yb – Oedfa dan arweiniad y Parchg. Evan Morgan.
Cawsom hefyd wahoddiad i ymuno â’n cyfeillion yng Nghapel y Tabernacl am 6.00yh, dan arweiniad y Barchg. Sian Elin Thomas, Crymych.

🔨 Bore Gwaith – Sadwrn, 5 Medi, 9.30yb–12.00yp
Trefnir Bore Gwaith yn y Crwys. Gobeithio y gall cymaint â phosibl ddod draw i roi help llaw, am gyfnod byr neu am y bore cyfan.
A chofiwch eiriau Genesis: “Trwy chwys dy wyneb y bwytei fara!”

📣 Galwad am wirfoddolwyr – Sul, 13 Medi
Tro’r Crwys yw hi i helpu gyda bwydo’r digartref yn y Tabernacl. Gofynnir i bawb gyrraedd erbyn 1.30yp, a bydd y gwaith yn parhau tan tua 3.45–4.00yp. Byddem hefyd yn ddiolchgar iawn am gyfraniadau o deisennau a digon o ffrwythau. Os gallwch helpu, cysylltwch â mi.

Diolch yn fawr ymlaen llaw am eich cefnogaeth. Croeso cynnes i bawb.

19/08/2026

Cennad - yn ffres o’r wasg.

Yn Cennad yr wythnos hon – Aled Davies sy’n cynnig Tair Tudalen o bigion o Eisteddfod y Garreg Las, Awst 1af i’r 8fed wrth i’r Eglwysi gynnig croeso i’r miloedd a rhaglen lawn o weithgareddau yn eu pabell.

https://www.ebcpcw.cymru/wp-content/uploads/2026/08/Cennad-286-1.pdf

19/08/2026

Calling all teachers! We still have a few Gopher Science Lab grants left for 2026 - don't miss out!

Gopher Science Lab supports transition from primary to secondary school with peer to peer learning across age groups. Secondary students learn how to deliver activities to primary pupils. Then those primary pupils are encouraged to deliver their own training to peers or younger year groups. This gives all participating students ownership of their learning and helps them gain confidence.

The Gopher Science Lab day includes:
- a grant of £600
- access to RSB’s Gopher Science Lab online training course
- a teacher mentor to help you train your students

A teacher who previously took part in Gopher Science Lab said, "We were delighted to find that the training materials provided by the RSB were extremely accessible and comprehensive. It was therefore a straightforward process to cascade the training down to our senior pupils."

Find out more including how to apply: www.rsb.org.uk/activity-resources

15/08/2026

⛪ Trefniadau’r Suliau – Gweddill Mis Awst

Dyma drefniadau’r Suliau ar gyfer gweddill mis Awst wrth inni ymweld ag eglwysi eraill (felly nid yn y Crwys):

📅 Sul, 16 Awst – Eglwys Minny Street
🕤 9.30 y bore a 6.00 yr hwyr
Y Parchedig Dylan Rhys Parry

📅 Sul, 23 Awst – Eglwys Ebeneser
🕙 10.00 y bore – Canolfan yr Eglwys Newydd, Old Church Road
🕒 3.00 y prynhawn – Yr Eglwys Fethodistaidd
Y Parchedig Catrin Roberts

📅 Sul, 30 Awst – Eglwys Salem
🕥 10.30 y bore yn unig
Y Parchedig Evan Morgan

📌 Nodyn ar gyfer eich dyddiaduron – Bore Gwaith yn y Crwys

Ar ran Pwyllgor yr Adeilad, mae Eurwyn Wiliam yn ein hatgoffa y cynhelir Bore Gwaith ar fore Sadwrn, 5 Medi, rhwng 9.30 y bore a 12.00 y prynhawn.

Roedd y sesiwn ddiwethaf yn fuddiol iawn, ond mae tro byd wedi ers hynny! Gobeithiwn y gall cymaint â phosibl ddod draw i roi help llaw — am gyfnod byr neu am y bore cyfan.

Ac fel y dywed Genesis:
“Trwy chwys dy wyneb y bwytei fara!” 😊

Diolch yn fawr ymlaen llaw am eich cefnogaeth.

13/08/2026

🎓 Pob dymuniad da ar Ddiwrnod Canlyniadau Lefel-A ac AS!

Heddiw, rydym yn meddwl yn arbennig am ein pobl ifainc sy’n derbyn eu canlyniadau Lefel-A ac AS. Llongyfarchiadau mawr ar eich holl waith caled, a phob bendith wrth i chi edrych ymlaen at y bennod nesaf - beth bynnag fo’r canlyniadau a pha lwybr bynnag sydd o’ch blaen.

Mae Diwrnod Canlyniadau yn gallu dod â chymysgedd o lawenydd, rhyddhad, pryder neu ansicrwydd. Ond ceisiwch gofio mai doethineb a dealltwriaeth yw’r pethau sy’n wirioneddol werthfawr wrth inni wynebu’r dyfodol:

“Y fath fendith sydd i’r sawl sy’n darganfod doethineb, ac yn llwyddo i ddeall.”
Diarhebion 3:13

🙏 Wrth i chi gamu ymlaen, cofiwch nad yw eich gwerth yn cael ei fesur gan rifau ar bapur, ond gan y doethineb, y cymeriad, a’r gobaith sy’n eich arwain. Pob dymuniad da a phob bendith i chi heddiw ac i’r dyfodol.

12/08/2026

01/08/2026

CYWIRIAD O Ran Ymuno Yn Rhithiol - Cyhoeddiadau’r 2il o Awst a Thu Hwnt -

Awst 23ain – Eglwys Ebeneser 10.00 y bore – Canolfan yr Eglwys Newydd, Old Church Road 3.00 y prynhawn – Yr Eglwys Fethodistaidd Y Parchedig Catrin Roberts