Mudiad Efengylaidd Cymru

Mudiad Efengylaidd Cymru Mae Mudiad Efengylaidd Cymru yn gwasanaethu eglwysi a Christnogion, eu cynorthwyo i ogoneddu Duw, ef Croeso i Dudalen Gweplyfr Mudiad Efengylaidd Cymru.

Mae Mudiad Efengylaidd Cymru yn gwasanaethu eglwysi a Christnogion, eu cynorthwyo i ogoneddu Duw, efengylu Cymru, a nerthu credinwyr. Mudiad o eglwysi, gweinidogion a Christnogion o wahanol fathau o sefyllfaoedd sy’n caru Iesu Grist, yn credu mai Gair Duw yw’r Beibl, ac sy’n argyhoeddiedig mai’r Efengyl yw’r unig obaith i’n byd colledig yw MEC. Rhannwn yr un daliadau craidd (a amlinellir yn natgan

iad ffydd MEC), a mynegwn ein hundod yng Nghrist trwy ddod at ein gilydd i’w wasanaethu Ef a’i bobl (yr Eglwys). Arweinir MEC gan arweinwyr eglwysi, felly, nid yw yn enwad neu yn Gymdeithas, ond yn was i eglwysi’r efengyl.

"Bydd yr ARGLWYDD yn cysuro Seion, yn cysuro ei holl fannau anghyfannedd; bydd yn gwneud ei hanialwch yn Eden, a'i diffe...
01/01/2026

"Bydd yr ARGLWYDD yn cysuro Seion, yn cysuro ei holl fannau anghyfannedd; bydd yn gwneud ei hanialwch yn Eden, a'i diffeithwch yn ardd yr ARGLWYDD; ceir o'i mewn lawenydd a gorfoledd, emyn diolch a sain cân."
Eseia 51:3

Mae’r Nadolig wedi mynd heibio ac rydym yn awr yn edrych ymlaen at y flwyddyn sydd o’n blaenau. Wrth i mi fodio drwy dudalennau’r Radio Times yr wythnos hon fedrwn i ddim peidio sylwi ar yr holl hysbysebion gwyliau oedd yno - lle hoffech chi fynd?

Roedd llawer o lefydd yn cael eu cynnig... Twrci (er dwi’n meddwl mod i wedi cael digon dros Nadolig), Barbados, saffari yn Affrica neu fordaith i Norwy. Byddai un o’r llefydd hynny yn braf iawn! Ond rwy’n siŵr fod yna un lle yr hoffai pob Cristion ymweld ag o - Gardd Eden. Pe bai’n bosib oni fyddech yn rhoi’ch holl eiddo i ymweld â’r lle hyfryd hwnnw? Mae’n rhaid ei fod wedi bod yn lle rhyfeddol wrth i brydferthwch y greadigaeth glymu’n berffaith gyda’r ffaith fod dyn, dynes a Duw yn cyd-fyw yn agored ac mewn gwirionedd. Dim marwolaeth, dim twyll, dim pechod a dim melltith.

Wrth i ni wynebu’r flwyddyn nesaf, mae’n gysur gwybod na fydd yn rhaid i ni deithio’n bell i gael blas o Eden. Mae’r felltith wedi ei chodi drwy waith ac aberth perffaith Iesu ac mae’r ffordd yn agored i bawb sydd wedi eu hachub a’u cymodi â Duw. Fel mae Paul yn dweud yn ei ail lythyr at y Corinthiaid “Felly, os yw rhywun yng Nghrist, y mae'n greadigaeth newydd; aeth yr hen heibio, y mae'r newydd yma. Ond gwaith Duw yw'r cyfan - Duw, yr hwn sydd wedi ein cymodi ni ag ef ei hun trwy Grist a rhoi i ni weinidogaeth y cymod.”

Wrth i ni wynebu’r flwyddyn nesaf, gadewch i ni wneud hynny gyda gobaith cadarn a ffydd yn Iesu. Ymunwch gyda ni i weddïo y bydd Duw yn ein cysuro ac yn rhoi'r fath olwg ar Ei gryfder, gras a gogoniant. O ddibynnu ar ein nerth ein hunain byddwn yn methu, ond wrth edrych ar wyneb Iesu, cawn ein trawsnewid i mewn i fyddin nerthol fydd yn canu gyda diolchgarwch yr holl ffordd adref i Eden newydd a gwell!

Pob bendith eleni,

Steffan Job

Mae'n hyfryd gweld plant wedi cyffroi am y Nadolig—partïon, dathliadau, ac, wrth gwrs, gwneud rhestr ar gyfer eu hanrheg...
22/12/2025

Mae'n hyfryd gweld plant wedi cyffroi am y Nadolig—partïon, dathliadau, ac, wrth gwrs, gwneud rhestr ar gyfer eu hanrhegion gan Siôn Corn! Gall rhestrau plant fod yn hir ac weithiau'n afrealistig (dw i'n dal i aros am y ci gofynnais amdano flynyddoedd yn ôl!). Mae oedolion yn breuddwydio hefyd—soffa newydd, gwyliau, efallai car, neu efallai rhywbeth mwy ystyrlon: iechyd, pwrpas, heddwch, a diogelwch.

Y newyddion da am y Nadolig yw bod Duw yn cynnig yr anrheg mwyaf oll—anrheg y mae'r Beibl yn ei ddweud sydd y tu hwnt i eiriau. Mae Iesu yn hollol hyfryd. Ef yw ein Brenin a ddaeth i fod yn Frawd i ni, gan ddod yn un ohonom, byw'r bywyd perffaith na allem byth ei fyw, a marw ar y groes i'n hachub. Mae’n gymaint o gysur gwybod ei fod wedi atgyfodi ac yn awr yn y nefoedd, yn eiriol drosom. Mae'r drysau yn llydan agored i berthynas fyw gyda'n Creawdwr—am rodd!

Mae wedi bod yn galonogol clywed am gynnydd yn nifer y bobl sy'n mynychu Gwasanaethau Carolau dros yr wythnosau diwethaf, ac rydym wedi gweld diddordeb cynyddol hefyd, gyda dros saith deg o bobl yn gofyn am Feibl am ddim trwy apêl Nadolig Ask/Holi hyd yn hyn. Mae llawer ohonynt hefyd wedi gofyn am fanylion eglwys leol. Gadewch inni barhau i weddïo y bydd yr Arglwydd yn dwyn ffrwyth o'r diddordeb rydym yn ei weld yng Nghymru. O am weld weld mwy o bobl yn cael eu tynnu i berthynas fyw â'u Creawdwr!

Diolch eto am eich gweddïau a'ch cefnogaeth eleni, a bydded i chi brofi bendith gyfoethog yr Arglwydd y Nadolig hwn.

Bydd archebion ar gyfer y Mini G yn agor ddydd Mercher!Bydd y cyfnod archebu ar agor am wythnos.
01/12/2025

Bydd archebion ar gyfer y Mini G yn agor ddydd Mercher!
Bydd y cyfnod archebu ar agor am wythnos.

Address

Bridgend
CF313UL

Telephone

+441248354653

Website

Alerts

Be the first to know and let us send you an email when Mudiad Efengylaidd Cymru posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to Mudiad Efengylaidd Cymru:

Shortcuts

Share