Capel Gellimanwydd

21/03/2026

Dewch i’r Sul o Fawl Dydd Sul y Blodau 29 Mawrth.
Catrin Hughes yn arwain a Meleri Morris yn cyfeilio.

13/03/2026

Cawsom brynhawn arbennig ddoe pan roedd Y Gymdeithas yn parhau a’n dathliadau Gŵyl Dewi. Cawsom Gawl a Chän hyfryd. Roedd y cawl wedi ei baratoi gan Y Gegin Fach a wedi’r wledd cawsom ein diddanu gan y ddeuawd amryddawn Keri Morgan ac Eifion Price. Roedd yn bleser cael bod yno yn dathlu a chymdeithasu.

01/03/2026

Dydd Gŵyl Sant hapus i chi gyd

17/02/2026

Pancos yn cwca yn y neuadd. Te crempog.
Beth ydych chi yn ei ddweud -
Pancos
Crempog
Cromoth
Ffrois

Prynhawn hyfryd.

03/01/2026

Mae Oedfa Gymun Gellimanwydd bore yfory, Ionawr 4ydd wedi ei chanslo oherwydd y tywydd. Bydd yr oedfa gymun nesaf ar 18 Ionawr.

30/12/2025

Yn ystod ein gwasanaeth Nadolig eleni daeth Briana Stayt, Swyddog Gorllewin Cymru elusen Arch Noa atom i dderbyn siec o £3,000 tuag at Ysbyty Arch Noa. Dyma hanner elw ein Cyngerdd Nadolig gyda Chôr Llanddarog.
Roedd yn hyfryd croesawu Briana i’r gwasanaeth a chawsom anerchiad pwrpasol ganddi yn esbonio sut bydd yr a***n yn cael ei ddefnyddio tuag at helpu plant a rhieni yn yr ysbyty.
Yn ogystal rydym wedi derbyn llythyr o ddiolch gan Mrs Susan Thomas, Ysgrifenyddes Pwyllgor Apêl Tŷ Bryngwyn yn diolch am y rhodd o £1,500 tuag at yr hospis.
Yn y llun gwelir ein Gweinidog Y Parchg Emyr Gwyn Evans a'n trysorydd Edwyn Williams yn cyflwyno'r siec i Briana.

28/12/2025

Cynhaliwyd Gwasanaeth Nadolig Yr Ysgol Sul eleni ar fore Sul 21 Rhagfyr.Roedd y plant hŷn yn arwain trwy ddarllen, gweddio, llefaru a chyflwyno'r emynau. Cawsom eitem hyfryd gan y plant lleiaf wrth iddynt ganu tair cân am y Nadolig.
Ar ddiwedd yr oedfa daeth Sion Corn i ymweld a'r plant a chyflwyno anrheg bach i bob un. Roedd y capel yn gyffyrddus lawn a cawsom wir fendith yn dathlu'r Nadolig gyda'n gilydd.

07/12/2025

Cawsom noson arbennig neithiwr, 6 Rhagfyr, yn y Capel pan gynhaliwyd ein Cyngerdd Nadolig gyda Chôr Llanddarog.
Roedd y naws yn arbennig a hyfryd oedd gweld y capel yn gyffyrddus lawn.
O dan arweiniad medrus Meinir RIchards cawsom wledd gan y Côr gyda amryw eitemau yn cynnwys y côr llawn, ensemble lleisiol, côr bechgyn a chôr merched ynghyd ac unawdau canu a llefaru.
Llywydd y noson oedd Mr Geraint Evans, Prifweithredwr S4C a chawsom araith hynod o ddiddorol ganddo.
I orffen y noson fe wnaeth y côr ganu Mab y Forwyn, tefniant Gareth Glyn; Teilwng yw'r Oen, Handel ac O Ddwyfol nos, Adolphe Adam.
Diolch i nawdd hael Roberts Concrete, er cof am Keith ac Elaine Roberts, sylfaenwyr y cwmni, ac i ferched y Gegin Fach am baratoi bwffe am ddim sydd yn golygu ein bod yn gallu rhoi £1,500 yr un i'n helusennau, Ysbyty Arch Noa a Tŷ Bryngwyn, Llanelli. Côr Llanddarog

03/12/2025

Dewch i ddathlu'r Nadolig gyda Chôr Llanddarog Nos Sadwrn yma 6 Rhagfyr yng Nghapel Gellimanwydd, Rhydaman am 7.00 o'r gloch.
Tocyn yn £10 - gewch dalu wrth y drws neu brynu un o flaen llaw yn siopau Cyfoes, Rhydaman; Cwtch, Pontyberem neu Siop y Pentan, Caerfyrddin.
Mae elw'r noson ym mynd tuag at Ysbyty Arch Noa a Tŷ Bryngwyn.
Dewch yn llu.

02/12/2025

29/11/2025

Join us to celebrate the Christmas season.
On Sunday the 14th of December at 3pm in Gellimanwydd chapel Ammanford.

11/11/2025

Dewch i gefnogi ein Cyngerdd Nadolig eleni yng nghwmni Côr Llanddarog. Mae'r elw yn mynd tuag at Ysbyty Arch Noa a Tŷ Bryngwyn. Mae tocynnau ar gael gan ein Gweinidog Y Parchg Emyr Gwyn Evans ar 01269 831083 neu [email protected]