Andramo ka izahao.page.

Andramo ka izahao.page. Organisation religieuse

08/09/2026

Enjoy the videos and music you love, upload original content, and share it all with friends, family, and the world on YouTube.

08/09/2026

Fintina an-tsoratra toriteny vavaka fiambenana Talata 8.9.26

Eksodosy 20:3
Ny didy voalohany : aza manana andriamani- kafa fa Izaho ihany hoy Jehovah. Hentitra izany teny izany, ary raha tsy voatandrina io didy voalohany io dia tsy hisy ho voatandrina ny didy sivy aoriany. Ny didy faharoa: Aza manao sarin- javatra viasokitra ho anao...tsy azo atao sary Andriamanitra. Misy olona manao sary an' i Jesosy, apetany amin'ny rindrina na ivavahany. Tsy Izy iny. Raha tsy manana andriamanitra hafa ianao dia mahatandrina izany. Didy fahatelo: aza manonona foana ny anaran' Andriamanitra. Ny olona tsy manana andriamanitra hafa koa dia manaja ny anaran' Andriamanitra entina mandainga na hanaovana ratsy. Didy faha- efatra moa dia manajà ny andro sabata, Jehovah irery ihany no nanome an' io andro io ka raha Izy no Andriamanitrao dia manaja izany ianao.
Didy faha- dimy: manajà ny ray sy reninao
Didy faha- enina: Aza mamono olona.
Didy faha- fito: aza mijangajanga
Didy faha- valo: aza mangalatra.
Didy faha- sivy: aza manao. vavolombelona mandainga.
Didy faha- folo: aza mitsiriritra...

Ireo didy rehetra ireo dia miankina amin'ny didy voalohany avokoa. Raha Izy irery no Andriamanitrao dia tsy hangalatra ny zavatry ny namanao ianao, tsy hiampanga namana, tsy handainga, tsy hitsiriritra ny fananany na ny vadiny. Vao mifoha ianao, iza no iankohofanao? Ataovy lohalararana Andriamanitra. Izany no dikan'io.

Misy olona sady mivavaka ihany no manompo sampy, minomino foana. Raha nisy olona efa nilaza zavatra ratsy tamin'ny fiainanao dia ninoanao, avy eo tanteraka tokoa ilay izy, mila hatao délivrance ianao. Nisy horonan- tsary iray, nisy vehivavy iray nisy mpijery karatra niteny hoe Bradley no ho anaran'ny vadiny rahatrizay, lasa tokoa izy nitady lehilahy hoe Bradley, tsy nahita akory. Mampijaly ny finoana zavatra tsy izy.

Tsy nitondra n'inon'inona afa-tsy fatiantoka ny ombilahikely volamena nataon'ny Zanak'Israely. Tsy misy olona afaka hijoro vavolombelona tsara izany raha manompo sampy fa fijaliana foana no iainany. Ny hazofijaliana kely amin'ny hazo na vy ireny, sampy ireny. Tsy ilaina akory ny manana an' iny. Tsy iny no mahavonjy fa Jesosy ary ny hazofijaliany natao fitaovana fotsiny hamonjena antsika sady efa tsy hita intsony koa iny, ka raha hanamboatra izany ny olona dia lasa sampy izany satria sarin- javatra voasikotra.

Ny mampahomby ny olona dia ny fananana Andriamanitra tokana nefa mahay ny zavatra rehetra. I Elia dia nanana an'i Jehovah tokana, fa nahavita izay rehetra nangatahany.

Tsy misy olona afaka milaza fa ratsy ny gâteau raha tsy mbola nihianana izy. Maro ny milaza fa tsy mampahomby ny fivavahana, nefa izy aza tsy mbola tena nivavaka sy nanompo an' Andriamanitra akory. Andramo ka izahao fa tsara Jehovah. Izy no Andriamanitra hatrizay ka ho mandrakizay, fa raha tsy nahasoa anay ny mivavaka Aminy, dia izahay mihitsy no niteny hoe aza mivavaka fa mahafaty antoka, fa tsia ! Tena mahasambatra ny manana an' Andriamanitra tokana.

TIA ANAO JESOSY. AMEN.
AKIRADIO
akiradio.radio12345.com
fans
Andramo Ka Izahao AKI.Radio
AkiRadio Andramokaizahao
Rado Akiradio
Andramo ka izahao.page.
Mampionona Akiradio

08/09/2026

Andramo Ka Izahao
Vavaka Fiambenana Talata 08/09/26.
AKIRADIO
Groupe 4
akiradio.radio12345.com
fans
Andramo Ka Izahao AKI.Radio
AkiRadio Andramokaizahao
Rado Akiradio
Andramo ka izahao.page.
Mampionona Akiradio

05/09/2026

Enjoy the videos and music you love, upload original content, and share it all with friends, family, and the world on YouTube.

04/09/2026

Enjoy the videos and music you love, upload original content, and share it all with friends, family, and the world on YouTube.

04/09/2026

Fintina an-tsoratra toriteny vavaka fiambenana zoma 4.9.26

2 Mpanjaka 4:1-7
Ny nampitomboan'i Elisa ny diloilon'ilay vehivavy maty vady.
Tantara tena nahavariana ato anaty baiboly ity.
Nisy vehivavy iray vadin'ny zanaky ny mpaminany, maty ny vadiny sady nananan'olona trosa izy. Saika nalain'ny tompo- trosa ny zanany roa lahy hatao andevo mba hanefana ny trosany. Soa fa mpivavaka izy ireto. Mivavaha na dia tsy ho anao aza fa ho amin'ny ho avin'ny zanakao. Nitaraina tamin'i Elisa izy ary nolazainy fa mpanompon' Andriamanitra ny vadiny. Nanana notanisaina izy. Ianao koa, mivavaha mba hanana toy izany ianao tanisainao amin'i Jesosy. Hoy I Elisa tamin'ilay hoe inona no misy ao aminao. Fanontaniana mipetraka foana izany. I Mosesy koa dia nanontanian' Andriamanitra hoe inona iny an- tananao iny? Tehina no teny aminy, toa hazo tsy nisy nilana azy, fa lasa fitaovana nanaovany fahagagana. Ianao koa, misy zavatra ao aminao ao, toa tsy nilainao hatrizay fa havadik' Andriamanitra ho lasa lasa fitahiana ho anao.

Marka 6:38
Jesosy tsy namorona m**o fa nampitombo. Tsy hiresaka famoronana isika fa fampitomboana.

Ilay vehivavy maty vady efa tsy nanana fanantenana intsony, fa nitoditodika izy nijery izay sisa nananany. Hoy izy tamin'i Elisa hoe tsy manana n'inon'inona afa-tsy diloilo iray tavoara monja aho. Kely tokoa izany, fa misy.

Nisy mpivady izay niaraka nivavaka taminay taloha, tao anaty fahasahiranana izy ireo. Nanana menaka kely izay izy ireo, nataony ary izy mihitsy no namorona azy, fa kely no tao sisa, tsy nanana " fond" izy nampitomboana azy mba hamidy. Nasainay nentiny ilay tavoahangy kely misy menaka, notsofina rano nivavahana. Fotoana fohy taorian'izay, nahazo vola kely izy nahafahana nanomboka namokatra ilay menaka, nanomboka nivarotra ary tsy nitsahatra nitombo ny " commande ". Lasa nipariitaka be io menaka io, ary manerana an'i Madagascar izany izao. Ho an' Andriamanitra ny voninahitra. Tena mampitombo Izy. Mbola manao fahagagana Jesosy.

Nasain'i Elisa nindrana vilany tsy misy n'inon'inona tamin'ny olona manodidina izy telo mianaka kely, ary nafarany mihitsy hoe aza atao vitsy, satria Jehovah tsy manao zavatra kely izany. Rehefa tafiditra ao an- trano dia nasainy nirindrim- baravarana. Anao sy Jehovah io adinao io. Aza avela ho itan'ny olonaa akory. Nanomboka nampidinina tao anaty vilany ny diloilo, feno avokoa ny vilany rehetra fa tsy nety ritra ilay diloilo.

Nisy ankohonana iray, efa kely sisa ny vary tao aminy nefa tsy mbola nananaa vola nividianana. Olona mpivavaka izy ireo. Naka vary tao anaty daba fitoerany izy, nak foana fa tsy nety lany ilay vary, mandrapahatongan'ny fotoana iray nijeren'ilay renim- poanakaviana izay tao anatiny tao, teo vao lany ilay vary.

Teto koa, tsy ritra ilay diloilo fa ny vilany no nametra azy, satria efa namoaka teny I Elisa hoe tsy ho ritra ny diloilo. Ianao koa, manàna finoan, aza mametra ny herin' Andriamanitra.

Misy lehilahy atao hoe Georges Mueller, olana naditra be izy io ary efa nigadra. Taty aoriana izy, niova fo ka lasa évangéliste. Tena olom- bavaka izy io. Nanangana centre fitaizana kamboty izy, ary nataony tanjona mihitsy ny hoe tsy hangataka aman' olona fa miandry an' Andriamanitra foana, amin'ny sakafon' ireo ankizy ireo, sy izay nilainy. Matetika no tsy misy sakafo ny ankizy, fa amin'ny ora farany misy tonga foana ao manatitra sakafo. Tena natoky an' Andriamanitra izy ary niteny hoe tsy mbola nisy zavatra nangatahany tamin' Andriamanitra ka tsy azony. Nosoratany avokoa ny valim-bavaka azony izay efa aman' aliny. Isika koa, andao hatoky an' Andriamanitra. Manàna finoana fa hainy atao ny mampitombo io kely eo an- tananao io.

Afaka ny trosan'izy telo mianaka, mbola nanana ambim- bava izy. Ianao koa, manantenà an' Andriamanitra. Manana zavatra ianao. Arolory an' i Jesosy, io hery kelinao io, fotoana kely, fonao sy fiainana efa ampahany kely io sisa no mba milamina, omeo azy hampitomboiny dia ho afaka ny zavatra manahirana anao. Tsy kamboty ianao fa manana Azy. Mahereza.

Salamo 81:10
Jehovah anie hameno ny vavanao izay mitanatana eo Aminy.

TIA ANAO JESOSY. AMEN
AKIRADIO
akiradio.radio12345.com
fans
Andramo Ka Izahao AKI.Radio
AkiRadio Andramokaizahao
Rado Akiradio
Andramo ka izahao.page.
Mampionona Akiradio

04/09/2026

Andramo Ka Izahao
Vavaka Fiambenana
Zoma 04/09/26.
AKIRADIO
akiradio.radio12345.com
fans
Andramo Ka Izahao AKI.Radio
AkiRadio Andramokaizahao
Rado Akiradio
Andramo ka izahao.page.
Mampionona Akiradio

Adresse

Meaux

Téléphone

+33783889739

Site Web

Notifications

Soyez le premier à savoir et laissez-nous vous envoyer un courriel lorsque Andramo ka izahao.page. publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Raccourcis

Partager

Type