23/09/2018
KUJDES ME KËTO VEPRIME TË DJALLËZUARA.
Vallë a kërkon feja islame të veprohet në këtë mënyrë, a është ky Islami që ka ardhur përmes të dërguarit Muhamed, Dita e Ashurës nuk është ditë kur njerëzit duhet të gjakosen, të malltretohen, të terorizojnë fëmijët, ti japin islamit një imazh negativ, dhe, që me padurim njerëzit dashakeqës të Islamit këto pamje dhe veprime i marrin dhe i adresohen Islamit,duke e quajtur një islam të dhunës, një islam të gjakosjes, një islam horor, i cili ky islam tregon të kundërtën e këtyre lëvizjeve të shehlerëve, dervishëve, apo të shiizmit në përgjithësi.
Andaj të kemi kujdes miq të nderuar, mos bini pre e këtyre veprimeve djallëzore, ku disa me vetëdije apo pa vetëdije i veprojnë. Këto sjellje dhe veprime nuk gjejnë mbështetje në fenë tonë Islame. Kjo është një ditë adhurimi dhe kaq mjafton, ndërsa ngjarjet që kanë përkuar të ndodhin në këtë ditë, janë pjesë e historisë, për të cilat ne nuk mund të sajojmë dhe shpikim kremtime mortore apo festive.
Nëse ka fatkeqësi vdekjeje më të madhe për muslimanët, ajo është vdekja e Profetit tonë a.s., e megjithatë askush nga ne nuk e kthen këtë ditë hidhërimi në një ditë përkujtimi zie dhe skenash makabre, që të vjen turp t’i shohësh.
Vdiq Ebu Bekri, Umeri, Osmani dhe Aliu u vranë nga armët gjakatare të njerëzve të padrejtë, por umeti islam nuk i shndërroi ditët e vdekjes së këtyre burrave, shumë më të rëndësishëm sesa Husejni, në ditë zie dhe ditë ku më shumë se asnjëherë tjetër shëmtohet imazhi i Islamit para syve të gjithë botës, nga njerëz të cilët për fat keq pretendojnë se janë ndjekës dhe dashamirës të familjes së Profetit a.s., por që në realitet rruga e tyre është shumë larg rrugës së tyre.
Andaj Kujdes se me këto veprime hidhërojmë Zotin, Pejgamberin Muhamed dhe Familjen e tij të dashur Ehli-Bejtin. (Senad Maku)
