17/10/2025
KOO
Garee Dura Buutota Waaqeffannaa(Worship team) waldaa kiristiyaanaa hundaaf:-
Akkataan waaqeeffachuu fi waaqeeffannaa gaggeessuu waldaadhaa waldaatti,namaa namatti garaa garummaa xiqqoo kan qabu yoo ta'e iyyuu kan waaqeeffamuu Waaqayyoo tokkicha waan ta'eef namoonni waaqeeffachiistan naamusa waaqeeffannaa sirrii ta'e qabaachuutu irraa jira.Kanaafuu qabxii armaan gadii kana osoo hojirraa olchiitanii jedheen yaada.
1.Yeroo dheeraa namoota hin dhaabbachiisina.
Kunis namoonni akka isin hin nuffineef isin gargaara.Dabalees namoonni haala garaagaraatiin yeroo dheeraa dhaabbachuu hin dandeenye jiraachuu danda'u.
2.Waltajjii irratti farfaannaa saba hin shaakalsiisina.
Kana jechuun farfannaa sabni sun hin beeknee fudhattani gara waltajjiitti hin ba'ina!
Kana yoo gootan sintuu waaqeeffachaa jira malee saba sana miti.
Kanaafuu faarsaa sabni beekuun waaqeeffachiisa.
3.Waltajjii irraa dhaabbattanii odeessuu fi sagalee meeshaa ol kaasuu dhiisaa.
Yeroo tokko tokkoo sagaleen meeshaa sagalee keessaan waan caaluuf wanta isin dubbattan dhaga'uun rakkisaadha.
4.Erga farfaachiistanii booda walga'ii sana dhiistanii hin ba'ina.
Taa'aatii saba wajjiin dubbii baradha!
Yoo barachuu baattan eessaa fiddanii farfattuu?
Farfannaan dubbii sagalee Waaqayyoo keessa jira.
5.Sochii ulfina Waaqayyoo hin mul'isnee fi hiika hin qabne hin mul'isiina.
6.Hafuura waaqeeffannaa dhugaa keessa namoota hin baasina.
Wanti yeroo baay'ee mul'atuu farfannaa tokko jalqabani erga namoonni of kennanii sirritti farfachuutti galani dafani faarsaa jijjiirruudhaan namoota bitacheessuudha.Kun immoo hafuurri waaqeeffannaa namoota akka dhaamuu(baduu) taasisa.
7.Farfannaan keessaan humna akka godhatuuf kadhadha.
Yoo akkas ta'e sabaan gad jedha,ol jedha,utaala jechuu isin hin barbaachiisuu.
Hafuurri qulqulluun ofii isaatii sabni akka hiikamee waaqeeffatu ni gargaara.
8.Sirritti shaakalaati waltajjiitti ba'a.
9.Daqiiqa isiniif kennamee qofatti fayyadamaa
