ሓፈሻዊ ቤት ምኽሪ ጉዳያት እስልምና ትግራይ

  • Home
  • Ethiopia
  • Mekelle
  • ሓፈሻዊ ቤት ምኽሪ ጉዳያት እስልምና ትግራይ

ሓፈሻዊ ቤት ምኽሪ ጉዳያት እስልምና ትግራይ እዚ ገፅ እዚ ወግዓዊ ገፅ ሓፈሻዊ ቤት-ምኽሪ ጉዳያት እስልምና ትግራይ እዩ።

ብምኽንያት ዒድ ኣል-ኣድሓ 1447 ዓመተ ሂጅሪያ ብ ሓፈሻዊ ቤት ምኽሪ ጉዳያት እስልምና ትግራይ ዝተወሃበ መግለፂዕለት፦ 18/09/2018 (መቐለ, ትግራይ, ኢትዮጵያ)ኣስ-ሰላሙ ዓላይኩም ወራ...
26/05/2026

ብምኽንያት ዒድ ኣል-ኣድሓ 1447 ዓመተ ሂጅሪያ ብ ሓፈሻዊ ቤት ምኽሪ ጉዳያት እስልምና ትግራይ ዝተወሃበ መግለፂ

ዕለት፦ 18/09/2018 (መቐለ, ትግራይ, ኢትዮጵያ)

ኣስ-ሰላሙ ዓላይኩም ወራሕመቱላሂ ወባራካቱሁ!

ብመጀመርያ ንመላእ ማሕበረሰብ ሙስሊም እንኳዕ ን1447 ዓመተ ሂጅሪያ ዒድ ኣል-ኣድሓ ዓረፋ ኣብፀሐኩም ብምባል ሰናይ ትምኒትና ክንገልፅ ንፈቱ። ብምቕፃል እዚ በዓል ንምኽባር ኣብ እንተኣኻኸበሉ እዋን፡ ዓሚቝ መንፈሳዊ ትርጉም እቲ ብ ኡድሕያ ዝፍለጥ ዒድ ኣል-ኣድሓ ክንዝክር ይግባእ።

እዛ መዓልቲ እዚኣ ነቲ ዘይንቕነቕ እምነትን ተወፋይነትን ነብይ ኢብራሂም (ዓ.ሰ) ዘዘኻኽር ጥራሕ ዘይኮነስ ነቶም ኣብ እምነትና ዝርከቡ መትከላት መስዋእቲ፣ ርህራሄን ሓድነትን ሓያል መዘኻኸሪ ኮይና እተገልግል እያ።

ዒድ ኣል-ኣድሓ፡ ኣብ መላእ ዓለም ብሚልዮናት ዝቑፀሩ ሙስሊሚን ብዓሚቝ ተወፋይነትን ኣስተንትኖን ዝገብርዎ ጉዕዞ ሓጅ ዝዛዘመሉ እዋን እዩ። ኣብ ዒባዳ እንተኣኻኽበሉ፣ ኡድሕያና እነቕርበሉ፣ ዝተዓደለና በረኸት ምስ ዝተፀገሙ እነካፍለሉ እዋን እዩ።

ኣብዚ እዋን እዚ፡ እምነትናን ማሕበረሰባዊ ምትእስሳርናን ካብ ዝኾነ እዋን ንላዕሊ ኣገዳሲ ዝኾነሉ እዋን እዩ። ኡድሕያ ምግባር ሓዊሱ ስርዓታት ዒድ ኣብ እንፍፅመሉ ዘለና እዋን ነቶም ዝተፀገሙ ወገናትና ዘኪርና ልግስና ነስፍሕ። ብኢስላማዊ ኣስተምህሮ መሰረት ንሰናይ ተግባርን ማሕበራዊ ፍትሕን ዘለና ተወፋይነት ደጊምና ብምርግጋፅ በረኸት ናይዚ ዕለት ናብ ኩሉ ክበፅሕ ንግበር።

በዚ መሰረት ሓፈሻዊ ቤት ምኽሪ ጉዳያት እስልምና ትግራይ፡ ኩሎም ኣመንቲ ኣብዚ ዒድ እዚ እቲ በዓል ብርህራሄን ልግስን ከኽብሩ ይላቦ፤
• ናይ ዒድ ሶላት ብስነ-ስርዓት ምስጋድ።
• ከከም ዓቕምና ናይ ኡድሕያ ስጋ ምስ ዝተፀገሙ ምክፋል።
• ስድራቤትን ፈተውትን ብምዝያር(ብምብፃሕ) ናይ ዘመድነት ምትእስሳር ምፍጣር።
• ንብጣዕሚ ዝተፀገሙ ወይ ድማ ዝተሃሰዩ ኣብ ዝድግፍ ግብረ ሰናይ ስራሕቲ ኣበርክቶ ምግባር።

ዒድ ሙባረክ!
ኣሏህ (ሱ.ወ) ንሰላትና፣ ኡድሕያናን ሰናይ ተግባርናን ይቀበሎ።

ወ ቢላሂ ተውፊቅ!
ሓፈሻዊ ቤት ምኽሪ ጉዳያት እስልምና ትግራይ

ዒድ ኣል-ኣድሓ ሙባረክ!
26/05/2026

ዒድ ኣል-ኣድሓ ሙባረክ!

መግለፂ ሓዘን ካብ ቤት ምኽሪ ጉዳያት እስልምና ክልል ትግራይ"ኢና ሊላሂ ወኢና ኢለይሂ ራጂዑን"(ንሕና ናይ ኣላህ ኢና፣ ናብኡ እውን ተመለስቲ ኢና)ቤት ምኽሪ ጉዳያት እስልምና ክልል ትግራይ፤...
24/05/2026

መግለፂ ሓዘን ካብ ቤት ምኽሪ ጉዳያት እስልምና ክልል ትግራይ

"ኢና ሊላሂ ወኢና ኢለይሂ ራጂዑን"

(ንሕና ናይ ኣላህ ኢና፣ ናብኡ እውን ተመለስቲ ኢና)

ቤት ምኽሪ ጉዳያት እስልምና ክልል ትግራይ፤ ነዊሕ ዕድመ ንዲንን ኡማን ብተወፋይነት ዘገልገላ፣ ኣብ ታሪኽ እስልምና ከተማ ኣኽሱም ዓብዪ ኣሰር ዘንፀባረቓ ዓባይ ናይ ቁርኣን መምህር ዝኾና ኡስታዛ (ኣብሻይ) ሸምሲያ ሸኽ ሷሊህ ብምዕራፈን ዝተሰምዖ መሪርን ከቢድን ሓዘን ይገልፅ።

ታሪኻዊ ኣሰርን ኣገልግሎትን ኡስታዛ ሸምሲያ

ኡስታዛ ሸምሲያ ሸኽ ሷሊህ፣ ናይ ኣቦአን ናይ ሸኽ ሷሊህ ናይ ፍልጠትን ዳዕዋን መስመር ብምስዓብ፡

ኣብታ ጥንታዊት ከተማ ኣኽሱም ንልዕሊ ፍርቂ ክፍለ ዘመን (50 ዓመታት) ሙሉእ ብኣሽሓት ዝቑፀሩ ህፃናትን መንእሰያትን ቁርኣን ብምስተምሃርን ብስነ-ምግባር ብምእናፅን ዘይተካእ ታሪኻዊ ግደ ዝተፃወታ ናይ ኩላትና ኩርዓት እየን።

ዲን እስልምና ብፍላይ ድማ ትምህርቲ ቁርኣን ከይጠፍእ ኣብ ዘርኣያኦ ፅንዓት፣ ብዙሓት መዋቕራውያን ፀገማትን ፈተናታትን እኳ እንተጋጥመን፣ ሓንቲ መዓልቲ እኳ ንድሕሪት ከይበላ ብፍቕርን ብትሕትናን ዘገልገላ ናይ ፅንዓት ተምሳሌት እየን።

ዱዓ/ፀሎትን ትምኒትን

ቤት ምኽሪ ጉዳያት እስልምና ክልል ትግራይ፣ ንኡስታዛ ሸምሲያ ሸኽ ሷሊህ ኣላህ (ሱ.ወ) ሰፊሕ ረሕመቱን ሕዝነቱን ክልግሰለን፣ ጀነተል ፊርደውስ ኣል-ኣዕላ እውን ከወርሰን ይምሕፀን።

ኣላህ ካብ ዝሰርሓኦ ሰናይ ተግባር ንላዕሊ ዓስበን ይኽፈለን ። ኣሚን!

ቤት ምኽሪ ጉዳያት እስልምና ክልል ትግራይ

ብሓፈሻዊ ቤት ምኽሪ ጉዳያት እስልምና ትግራይ ዝወፀ መግለፅን ናይ ምሕረት ፃውዒትን፣ዕለት፦ 25/08/2018ጉዳዩ፡ ኣብ ልዕሊ ዜጋታት ኢትዮጵያ ዝተመሓላለፈ ናይ ሞት ፍርዲ ብይቕሬታ ንክረአ ...
04/05/2026

ብሓፈሻዊ ቤት ምኽሪ ጉዳያት እስልምና ትግራይ ዝወፀ መግለፅን ናይ ምሕረት ፃውዒትን፣

ዕለት፦ 25/08/2018

ጉዳዩ፡ ኣብ ልዕሊ ዜጋታት ኢትዮጵያ ዝተመሓላለፈ ናይ ሞት ፍርዲ ብይቕሬታ ንክረአ ዝቐረበ ሕውነታዊ ናይ ሰላም ፃውዒት።

ንመንግስቲ ስዑዲ ዓረብ፤

ሰላም፣ ረድኤትን በረከትን ፈጣሪ ምስ ኩልኹም ይኹን እናበልና፤ ሓፈሻዊ ቤት ምኽሪ ጉዳያት እስልምና ትግራይ ነዚ ዝስዕብ ናይ ሕውነትን ናይ ይቕሬታን መልእኽቲ ብኽብሪ የቕርብ።

ከምዝፍለጥ፣ ኣብ ስዑዲ ዓረብ ንዝርከቡ ልዕሊ 200 ተወለድቲ ኢትዮጵያ ወገናትና ብቤት ፍርዲ ናይ ሞት ቅፅዓት ተፈሪድዎም ይርከብ። እዞም ወገናትና እዚኦም፣ ኣብ ሃገርና ብሰንኪ ዝነበረ ኲናትን ዝተፈላለዩ ፀገማትን፣ ንስራሕን ዝሓሸ ናብራን ኢሎም ስደት ዝመረፁ እዮም።

መንግስቲ ስዑዲ ዓረብ ነዚ ዝስዕብ ታሪኻዊ ሓቅታትን ነባሪ ሕውነትን መሰረት ብምግባር ፍሉይ ምሕረት ንክገብር ንምሕፀን፦

1. ታሪኻዊ ውዕለታ (ፈለማ ሂጅራ)፦ ቅድሚ 1400 ዓመታት፣ ነብዩ መሓመድ (ሰ.ዓ.ወ) ንሰዓብቶም (ኣስሓባ) ካብ መከራ ንኸድሕኑ ናብ ኢትዮጵያ (ምድሪ ሓበሻ) ክስደዱ እንትእዘዝዎም፤ "ኣብኡ ዘሎ ንጉስ ሰብ ኣይበድልን፣ እታ መሬት እውን ናይ ሓቂ መሬት እያ'' ብምባል ንምድሪ ሓበሻ ከም መርኣያ ፍትሕን ምኸባርን ገሊዖማ እዮም። እዚ ኣብ ሞንጎ ሓበሻን ዓረብን ዘሎ ቅዱስ ምትእስሳር፣ ኣብ ታሪኸ እስልምና ፈለማ ዝተመስረተ ናይ ስደተኛታት መሰልን ምሕረት ንጉስን ዝተራእየሉ ዓብይ ፍፃመ እዩ።

2. ናይ ምክእኣል መርኣያ፦ ምድሪ ሓበሻ ካብ ጥንቲ ጀሚራ ናይ እምነት፣ ናይ ምክእኣልን ምክባርን ምልክት ኮይና ዝፀነሐት እያ። እዞም ሕዚ ብሞት ዝተፈረደሎም ወገናትና እውን ካብዚ ታሪኻዊ መበቆል ዝወፁ እዮም።

3. ''ናይ ይቕሬታ ፀጋ፦ ዝኾነ ይኹን ዝተፈፀመ ገበን ወላ እንተሃለወ፣ ይቕሬታ ምግባር ናይቶም ልዑል ኢማንን ሰፊሕ ልቦናን ዘለዎም መለለዪ እዩ። 'ይቕሬታ ምግባር ንዝበለፀ ሰላምን ጥንኩር ሕውነትን መንገዲ ይኸፍት' ከም ዝበሃል፤ መንግስቲ ስዑዲ ዓረብ ነዚ ሕዚ ዘጋጠመ ፀገም ብመንፅር እቲ እስልምና ዝህቦ ዓቢይ ቦታ ይቕሬታን ሰላማዊ መፍትሕን ብምርኣይ፣ እቲ ጥንታዊ ምትእስሳርና ንክሕደስን ንክጠናኸርን ንምሕፀን።'' ስለዚ፣ መንግስቲ ስዑዲ ነዚ ብነብዩ መሓመድ (ሰ.ዓ.ወ) ዝተመስከረሉ ታሪኻዊ ሕውነትን ውዕለታን ብምዝካር፣ ነዞም ተወለድቲ ኢትዮጵያ ዝኾኑ ወገናትና ምሕረት ገይሩ ናብ ዓዶም ብሰላም ዝስደዱሉ መንገዲ ንከመቻችው ብሽም እምነት እስልምናን ብሽም ሰብኣውነትን ፃውዒትና ነቕርብ።

እዚ ሰናይ ተግባር እዚ ንክልቲኦም ህዝብታት ዝበለፀ ፍቕርን ምትእስሳርን ከምዝፈጥር እምነትና እዩ።

መግለፂ ሓፈሻዊ ቤት ምኽሪ ጉዳያት እስልምና ትግራይርእሰ-ጉዳይ፦ ብዛዕባ ግዝያዊ ምምዝጋብ ታሪኻዊ መስጅድ ኣል-ነጃሺ ኣብ ትካል ትምህርቲ፣ ሳይንስን ባህልን ሕቡራት መንግስታት (UNESCO) ...
01/05/2026

መግለፂ ሓፈሻዊ ቤት ምኽሪ ጉዳያት እስልምና ትግራይ

ርእሰ-ጉዳይ፦ ብዛዕባ ግዝያዊ ምምዝጋብ ታሪኻዊ መስጅድ ኣል-ነጃሺ ኣብ ትካል ትምህርቲ፣ ሳይንስን ባህልን ሕቡራት መንግስታት (UNESCO) ንመላእ ህዝቢ ትግራይን ፈተውቲ ሰላምን ዝተመሓላለፈ ናይ እንኳዕ ደስ በለኩም መልእኽትን ምስጋናን፤

ቀዳማይ ስደት ናብ ምድሪ ሓበሻ (ትግራይ) ብምግባር፣ ንዓለም ለኸ ምስፍሕፋሕ እምነት እስልምና መሰረት ዝኾነ ታሪኻዊ መስጅድን መቓብር ሰሃባን "ኣል-ነጃሺ"፣ ኣብዚ ሕዚ እዋን ብትካል ዩኔስኮ (UNESCO) ኣብ ግዝያዊ መዝገብ ቅርስታት ዓለም (Tentative List) ክምዝገብ ብምኸኣሉ፣ ሓፈሻዊ ቤት ምኽሪ ጉዳያት እስልምና ትግራይ ዝተሰምዖ ዓቢይ ሓጎስ እናገለፀ፣ ንመላእ ህዝቢ ትግራይ "እንኳዕ ደስ በለኩም" ይብል።

እዚ ዓወት እዚ ብሃንደበት ዝተረኽበ ዘይኮነስ፣ ብርክት ዝበሉ ትካላት ብሓባር ዝሰርሕሉ ናይ ዓሰርተታት ዓመታት ፃዕሪ ውፅኢት እዩ። ስለዝኾነ ድማ ቤት ምኽሪ ጉዳያት እስልምና ትግራይ ነዞም ዝስዕቡ ኣካላት ልዑል ምስጋና የቕርብ፦

ንቢሮ ባህልን ቱሪዝምን ትግራይ፦ ነቲ ስራሕ ብዋንነት ንዝመርሑን ሞያዊ ደገፍ ንዝገበሩን።

ንላዕለዎት ትካላት ትምህርቲ (ዩንቨርስቲ መቐለን ዩንቨርስቲ ዓድግራትን)፦ ብሳይንሳዊ መፅናዕትን ምርምርን ታሪኽ ኣል-ነጃሺ ንዓለም ንክፋለጥ ዝገበርዎ ዘይተሓለለ ፃዕሪ።

ን ሓፈሻዊ ቤት ምኽሪ ጉዳያት እስልምና ኢትዮጵያ፦ ነጃሺ ንምምዝጋብ ንዝገበርዎ ዘይተሓለለ ፃዕሪ።

ንባለስልጣን ቅርስን ጥበቃን ኢትዮጵያ፦ ነቲ መስርሕ ምምዝጋብ ካብ መጀመርታ ክሳብ መወዳእታ ንዘታሓባበሩ።

ንታላቁ ኣል-ነጃሺ 00 መንደርን መላእ ህዝቢ ነጃሽን፦ ነቲ ቅርስ ዓቂብኩም ንዘፅናሕኩምን ንዝገበርኩምዎ ኩለመዳያዊ ምንቅስቓስን።

ታሪኽ ኣል-ነጃሺ እንታይ ይነግረና? ኣል-ነጃሺ ምልክት ፍትሒ፣ እንግዶትን ሰላምን እዩ። ነብዩ መሓመድ (ሰ.ዓ.ወ) "ኣብኡ ዘይበደል ንጉስ ኣሎ'' ብምባል ንተኸተልቶም ናብ ትግራይ ንክስደዱ ምእዛዞም፣ ህዝቢ ትግራይ ካብ ጥንቲ ጀሚሩ ዘለዎ ሰብኣውነትን ሓድነትን መርኣያ እዩ። እዚ ኣብ ዩኔስኮ ምምዝጋቡ ድማ፣ እቲ ታሪኸ ንብረት ትግራይ ጥራይ ዘይኮነስ ሃብቲ መላእ ዓለም ምዃኑ ዘረጋግፅ እዩ።

ኣብ መወዳእታ፣ እዚ ምምዝጋብ እዚ ናብ ቀዋሚ መዝገብ ዓለም ንክሰጋገርን እቲ ከባቢ ብዝበለፀ ንክለምዕን ኩሉ ወገን ዝገብሮ ዘሎ ደገፍ ኣጠናኺሩ ክቕዕለሉ ሓፈሻዊ ቤት ምኽሪ ጉዳያት እስልምና ትግራይ ብኣላህ ስም ይፅውዕ።

ፍትሒ ይንገስ! ታሪኽና ይለምለም!

መግለፂ ሓፈሻዊ ቤት ምኽሪ ጉዳያት እስልምና ትግራይዕለት፦03/08/2018 ​ኣብ ከተማ ኣኽሱም ኣብ ልዕሊ ሙስሊም ማሕበረሰብ ዝተፈፀመ መጥቃዕቲ ኣመልኪቱ ዝወፀ መግለፂ​ሓፈሻዊ ቤት ምኽሪ ጉ...
11/04/2026

መግለፂ ሓፈሻዊ ቤት ምኽሪ ጉዳያት እስልምና ትግራይ

ዕለት፦03/08/2018

​ኣብ ከተማ ኣኽሱም ኣብ ልዕሊ ሙስሊም ማሕበረሰብ ዝተፈፀመ መጥቃዕቲ ኣመልኪቱ ዝወፀ መግለፂ

​ሓፈሻዊ ቤት ምኽሪ ጉዳያት እስልምና ትግራይ፤ ኣብዛ ታሪኻዊት ከተማ ኣኽሱም፡ ኣብ ልዕሊ ኣመንቲ እስልምናን መሳጅድን ዝተፈፀመ ኢ-ሰብኣዊ መጥቃዕቲ ብፅኑዕ ይኹንን።

እቲ ብ ሚያዚያ 02/2018 ዓ.ል (ጁምዓ) ዘጋጠመ ዘሕዝን ፍፃመ፡ ንዘመናት ዝፀነሐ ናይ ምክብባርን ብሓባር ናይ ምንባርን ባህሊ ህዝብና ዝፃባእ እዩ።

​ሓፈሻዊ ቤት ምኽሪ ጉዳያት እስልምና ትግራይ ነዞም ዝስዕቡ ነጥብታት የተሓሳስብ፦

​1. መበገሲ እቲ ፀገም
​እዚ መጥቃዕቲ እዚ ድንገታዊ ዘይኮነስ፣ ኣቐዲሞም ኣብ ማሕበራዊ ሚዲያታትን ዝተፈላለዩ መድረኻትን ክዝርግሑ ዝፀንሑ ናይ ፅልኢ ስብከታት ውፅኢት ምዃኑ ቤት ምኽሪ ይግንዘብ። "ሒጃብ ይከልከል" ካብ ዝብል ንላዕሊ፣ ንዘመናት ዝፀነሐ ናይ ኣዛን (ድምፂ መጉልሒ) ኣጠቓቕማ ብሓይሊ ደው ንክብል ዝተገብረ ወተሃደራዊ ፃውዒት ንሕገ-መንግስታዊ መሰል ናይ እምነት ናፅነት ዝጥሕስ እዩ።

​2. ግህሰት መሰላትን መጥቃዕትን
​ኣብቲ ዕለት ብኣካላት ፀጥታ እታ ከተማ ዝተወሰደ ናይ ድምፂ መጉልሒታት ናይ ምምንዛዕ ስጉምትን፣ ስዒቡ ድማ ብዝተወደቡ ኣካላት ኣብ ልዕሊ ሰገድቲ ዝተፈፀመ ናይ እምኒ ውርወራን ድብደባን ዝኾነ ዓይነት ሕጋዊ መመኽነይታ የብሉን። ብፍላይ ድማ ናብ መሳጅድ (መስጅድ እንዳበዋን መስጅድን ሽቑን) ብሓይሊ ብምእታው፦

• ቅዱስ ቁርኣን ምቕዳድን ኣብ ባይታ ምብትታንን፣
• ኣብ መሳጅድ ዝነበሩ ንብረታት (ሸልፍታት፣ ማዕፆታት፣ ሰዓታት) ምስባር፣
• ኣብ ልዕሊ ሰላማውያን ኣመንቲ (እኒ ኣይተ ዓብዳይ ወዲሰበረን ካልኦትን) ዝበፅሐ ናይ ኣካል ጉድኣት፣
• ዘይሕጋዊ ማእሰርቲ ኣባላትና፣ ቤት ምኽሪ ብፅኑዕ ዝኹንኖምን መንግስቲ ብህፁፅ ኢዱ ከእትወሎም ዝግባእ ተግባራት እዮም።
​
3. ናይ ሙስሊም ማሕበረሰብ ዓቕሊ
​ሓፈሻዊ ቤት ምኽሪ ጉዳያት እስልምና ትግራይ፤ ሙስሊም ህዝቢ ኣኽሱም ነዚ ኩሉ ተፃብኦታት ብዓቕሊ ብምሕላፍ፣ ብሰላማዊ "ተክቢራ" ጥራሕ ተቓውምኡ ብምግላፅ ዘርኣዮ ናይ ጨዋነት ባህሊ የድንቕ። እዚ ዓቕሊ እዚ ድማ ንሰላም ተባሂሉ ዝተገብረ እምበር ከም ድኸመት ከምዘይነ ክፍለጥ ይግባእ።

​4. ፃውዒት ቤት ምኽሪ
​ንመንግስቲ፦ እቶም ነዚ ናይ ፅልኢ ዘላዓዕሉን ዝመርሑን፣ ኣብቲ መጥቃዕቲ ኢድ ዘለዎም ኣካላት ፀጥታን ሲቪላትን ብህፁፅ ተታሒዞም ናብ ሕጊ ክቐርቡ ንሓትት።

​ንህዝቢ ትግራይ፦ እዚ ተግባር እዚ ንትግራዋይነት ዘይውክል ብምዃኑ፣ ኩሉ ሰላም ፈታዊ ህዝብና ነዚ ፅዩፍ ተግባር ክኹንን ይግባእ።
​
ንኣመንቲ እስልምና፦ ኩልኹም ኣመንቲ እስልምና ትግራይ ምስ ኣሕዋትኩም ደው ክትብሉን፣ እቲ ቤት ምኽሪ ምስ ዝምልከቶም ኣካላት ኮይኑ ንዘካይዶ ናይ ፍትሒ ፃዕሪ ክትከታተሉን ንፅውዕ።

​ፍትሒ ንዝተበደሉ ኣሕዋትና!
ሰላም ንህዝብና!

ሓፈሻዊ ቤት ምኽሪ ጉዳያት እስልምና ትግራይ መቐለ፣ ትግራይ

ቢስሚላሂ ኣር-ራሕማኒ ኣር-ራሒም​ብምኽንያት ዒድ ኣል-ፊጥር 1447 ዓ/ሂ ብሓፈሻዊ ቤት ምኽሪ ጉዳያት እስልምና ትግራይ ዝተወሃበ መግለፂ​10/07/2018 (መቐለ, ትግራይ)​ኣስ-ሰላሙ ዓላይ...
19/03/2026

ቢስሚላሂ ኣር-ራሕማኒ ኣር-ራሒም

​ብምኽንያት ዒድ ኣል-ፊጥር 1447 ዓ/ሂ ብሓፈሻዊ ቤት ምኽሪ ጉዳያት እስልምና ትግራይ ዝተወሃበ መግለፂ

​10/07/2018 (መቐለ, ትግራይ)

​ኣስ-ሰላሙ ዓላይኩም ወራሕመቱላሂ ወባረካቱሁ!

​ብመጀመርያ ንመላእ ማሕበረሰብ ሙስሊም እንኳዕ ንዒድ ኣል-ፊጥር 1447 ሂጅሪያ ብሰላም ኣብፀሐኩም/ኣብፀሐና ብምባል ሰናይ ትምኒትና ንገልፅ። እዚ ዒድ እዚ፡ ድሕሪ እቲ ናይ ፆም፣ ቁርኣን፣ ዱዓን ሰደቓን ወርሒ ዝኾነ ዝተኸበረ ወርሒ ረመዷን ዝመፅእ ብምዃኑ ኣላህ (ሱ.ወ) ፆምናን ኹሉ ሰናይ ተግባርናን ክቕበለና፤ ንሃገርናን ህዝብናን ድማ ሰላምን በረኸትን ክህበና ንልምን።

​ዒድ ኣል-ፊጥር ንኣላህ (ሱ.ወ) ንስለ ኩሉ ውህብቶኡ እነመስግነሉ፣ ኣብ መንጎና ድማ ሕውነታዊ ምትእስሳር እነጠናኽረሉ ክቡር በዓል እዩ። በዚ መሰረት ሓፈሻዊ ቤት ምኽሪ ጉዳያት እስልምና ትግራይ፡ ኩሉ ኣማኒ እዚ በዓል እዚ ብርህራሄን ልግስን ክሓልፎ እዞም ዝስዕቡ መልእኽታት የተሓላልፍ፦

1. ዘካቱል-ፊጥር ቅድሚ ሰላት ዒድ ንፅጉማትን ሓገዝ ንዘድልዮም ወገናትን ምሃብ ግዴታዊ (ዋጂብ) ተግባር እዩ። እዚ ተግባር እዚ ንፆምና ዘፅሪ ጥራይ ዘይኮነስ፡ ዝተፀገሙ ወገናትና እውን ብሓባር ክሕጎሱ ዘኽእል ናይ ልግሲ መግለፂ እዩ።
2. ዒድ ናይ ምዝይያርን ፍቕሪ ናይ ምርኣይን እዋን እዩ። ንዘኽታማት፣ ስድራቤትናን ኣረጋውያንን ብምዝካር ናይ ሓገዝ ኢድና ክንዘርግሕ ይግባእ። እዚ በዓል እዚ ናይ ሕብረተሰብና ሓይልን ፅንዓትን መርኣያ ክኸውን ይግባእ።

​ኣብ መወዳእታ፡ ዒድና ናይ ሰላም፣ ናይ ጥዕናን ናይ ምርድዳእን ክኾነልና እናተመነና፡ ደጊምና ዒድ ሙባረክ! ንብል።

ሓፈሻዊ ቤት ምኽሪ ጉዳያት እስልምና ትግራይ

ናይ ሸዋል ወርሒ ሎሚ ዕለት ብዘይምርኣያ በዓል ዒድ ኣል-ፊጥር ጁምዓ ተኸቢሩ ክውዕል እዩ።ናይ ሎሚ ዓመት ረመዷን ፅባሕ ሓሙስ ሓዊሱ ን30 መዓልታት ዝፅወም ይኸውን።ኣላህ ፆምናን ኸይሪ ስራሕ...
18/03/2026

ናይ ሸዋል ወርሒ ሎሚ ዕለት ብዘይምርኣያ በዓል ዒድ ኣል-ፊጥር ጁምዓ ተኸቢሩ ክውዕል እዩ።

ናይ ሎሚ ዓመት ረመዷን ፅባሕ ሓሙስ ሓዊሱ ን30 መዓልታት ዝፅወም ይኸውን።

ኣላህ ፆምናን ኸይሪ ስራሕትና ብምሉኡን ይቀበለልና። ኣሚን!

ሓፈሻዊ ቤት ምኽሪ ጉዳያት እስልምና ትግራይ

መደብ ፆምን ሶላትን ዞባ መቐለን ከባቢኣን ረመዷን 1447 ዓ.ሂ 2018 ዓ.ልናይ ካልኦት ከባቢታት 'ወን ብተመሳሳሊ ክንልጥፍ ኢና።
18/02/2026

መደብ ፆምን ሶላትን ዞባ መቐለን ከባቢኣን ረመዷን 1447 ዓ.ሂ 2018 ዓ.ል

ናይ ካልኦት ከባቢታት 'ወን ብተመሳሳሊ ክንልጥፍ ኢና።

ኣሰላሙዓለይኩም ወራሕመቱሏሂ ወበረካትሁ ቃዲ ሸሪዓ ፌደራልን ላዕለዋይ ቤትምኽሪ ጉዳያት እስልምና ኢትዮጵያን ፆመ ረመዳን 1447 ሂጅሪያ ፅባሕ ረቡዕ ከምዝጅምር ገሊፆም። በዚ መሰረት ሓፈሻዊ ...
17/02/2026

ኣሰላሙዓለይኩም ወራሕመቱሏሂ ወበረካትሁ

ቃዲ ሸሪዓ ፌደራልን ላዕለዋይ ቤትምኽሪ ጉዳያት እስልምና ኢትዮጵያን ፆመ ረመዳን 1447 ሂጅሪያ ፅባሕ ረቡዕ ከምዝጅምር ገሊፆም።

በዚ መሰረት ሓፈሻዊ ቤትምኽሪ ጉዳያት እስልምና ትግራይ ንመላእ ማሕበረሰብ ሙስሊም ረመዷን 1447 ሂጅሪያ ካብ ፅባሕ ጀሚሩ ከምዝጅምር እናብሰረ ረመዷን ሙባረክ ኸይረኛ ረመዷን ይግበረልና ይብል።

ናይ ኢፍጣርን ሱሑርን ግዜ ኣብ መሳጂድ፣ ኣብ ገፃት ማሕበራዊ ሚድያ ቤትምኽርናን ካልኦትን ክንዝርግሕ ኢና።

Address

Mekelle

Opening Hours

Monday 02:30 - 23:00
Tuesday 02:30 - 23:00
Wednesday 02:30 - 23:00
Thursday 02:30 - 23:30
Friday 02:00 - 23:00
Saturday 02:30 - 23:00

Website

Alerts

Be the first to know and let us send you an email when ሓፈሻዊ ቤት ምኽሪ ጉዳያት እስልምና ትግራይ posts news and promotions. Your email address will not be used for any other purpose, and you can unsubscribe at any time.

Shortcuts

Share

Category