12/03/2026
"GADI HAA DHIIFAMU!
Obboleessi keenya Addisuu Raggaasaa, sababa obboleessa isaa Abdii Raggaasaa miidhaan irra gaheef “naaf birmadhaa” jedhee waamicha dabarseef hidhamee jira.
Jechoota inni miidiyaa irratti maxxanse keessatti dogoggorri jiraachuu danda’a, akkasumas jiraachuu dhiisuu danda’a. Inni garuu yeroo sana qaama miidhaa raawwate ifatti beekuu dhabuu isaa ibsee ture. Kanaafis, akka hubannoo isaa yeroo sanaatti dhugaa fakkaatee ta’uu ni danda’a; sababiin isaa odeeffannoo biraa hin qabneef.
Kana malees, inni hordoftoota amantaa biraa gocha kana raawwatan jedhee hin ibsine. Inni “Obboleewwan Muslimaa naaf birmadhaa” jedhee waamicha godhe. Kunis akka hubannootti, obboleessi isaa miidhamuun isaa yaaddoo guddaa itti ta’ee, Muslimoonni akka isa gargaaran ykn obboleessa isaa yaalchiisan gaafachuu fakkaata.
Dhimmichi kun akka ani hubadheetti waan amantaa lama walitti buusu kan fakkaatu miti. Obboleessi isaa miidhaan cimaa irra ga’ee mana yaalaa jira. Haala akkasii keessatti, obboleessa isaa yaaddoon qabamee jirutti isa hidhuun miidhaa dabalataa itti ta’uu danda’a.
Miidhaan lama itti fida:
1. Obboleessa isaa yaalchisuuf carraa dhabuu
2. Yaaddoo fi jeequmsa sammuu cimaa keessa seenuu
Qaamonni seera kabachiisan, yoo dogoggorri jiraate illee, yeroo biraatti seeraan itti gaafatamuu ni danda’a ture. Garuu haala yeroo sanaa keessatti, jalqaba obboleessa isaa yaalatee haala isaa mirkaneeffachuun irra ture jechuun yaada kiyya.
Akka odeeffannoo dhageenyeetti, guyyaa sana yeroo lamaaf hidhamee ture:
Yeroo jalqabaatti Majlisa Magaalaa shaggariitiin hidhaa baafame.
Ergasii immoo qaamni biraa Hospitaala Careland irraa deebisee qabee hidhe jedhama.
Walumaagalatti, yoo jechoota keessatti dogoggorri jiraate illee, mirgi wabii isaa eegamee yeroo sanaaf hidhaa irraa gadi dhiifamee akka obboleessa isaa yaalatuuf carraa kennamuu qaba ture. Hanga ammaattis furmaanni ifaan hin mul’anne.
Kanaafuu, qaamonni dhimmi ilaallatu obboleessa keenya Raggaasaa hidhaa irraa akka gadi dhii
