Christian Press

19/08/2026

1. ከሃምሳ ሺህ ብር በላይ ጥሎሽ መስጠትና መቀበል፣ የመልስ ፕሮግራም ስኬድ ከአሥር ሰው በላይ መጋበዝ፣ አላስፈላጊ የልደት፣ የቤትና የትምህርት ምርቃት ላይ በመደገስ ስራ መፍታትና ማስፈታት፣ ሀብትና ሥልጣን ለመጋራት በወላጆች ጫና የሚፈጸም ያለ አቻ ጋብቻ
2. ከፍተኛ ውጪ በማውጣት የሚደረግ የመቃብር ሐውልት ግንባታና ምረቃ፣ የሟች ፎቶ ያለበትን ቲሸርት መልበስ፣ የህይወት ታሪክ ማንበብ፣ ባነር ማሰራት፣ ጥቁር ልብስ መልበስ
3. የሴት ልጅ ግርዛት
4. ለጫ*ትና ሺ*ሻ ቤት ማከራየት
5. የመስቀል በዓል ማክበር

በኢትዮጵያ ቃለ ሕይወት ቤተ ክርስቲያን የደቡብ ምስራቅ ሸዋ ቀጠና በስሩ ለሚገኙ ከሰባት መቶ በላይ የሚሆኑ አጥቢያ ቤተ ክርስቲያናት መሪዎችና መጋቢዎች የተሰማሙበትን መንፈሳዊና ማኅበራዊ ጉዳዮች ላይ ትኩረት ያደረገ ደንብ አርቅቆ ለምዕመናን ይፋ አድርጓል።

06/08/2026

ዕንቁ ግርማ የሙዚቃ ሙያ በዋናነት በሙዚቃ ቅንብር (Music Arranging)፣ በስቱዲዮ ፕሮዳክሽን (Music Production)እና በኪቦርድ/ፒያኖ ተጫዋችነት ላይ የተመሠረተ ነው። በኢትዮጵያ የሙዚቃ እድገት ውስጥ እርሱ የያዘውን የሙያ ድርሻ በዝርዝር ስናየው፡-
1. የሙዚቃ አቀናባሪነት (Music Arranger)
የአቀናባሪነት ሙያ ድምፃዊው ያመጣውን መሠረታዊ ዜማ (melody) ወስዶ ሙሉ የሙዚቃ ቅርጽ መስጠት ነው። ዕንቁ በዚህ ረገድ፦
* የሜሎዲ እና ሃርመኒ ቅንብር፡ የዘፈኑን መንፈስ የሚመጥን ድምፅ (harmonies)፣ የፒያኖ እና የኪቦርድ ቅኝቶችን ይቀርጻል።
* የሪትም አወቃቀር፡ የኢትዮጵያን ባህላዊ ቅኝቶች (እንደ አምባሰል፣ ትዝታ፣ ባቲ፣ አንቺሆዬ) ከዘመናዊ የከበሮ (drums) እና የባስ (bass) ምቶች ጋር አዋህዶ በማቀናበር ይታወቃል።
* የጋራ ስሜት መፍጠር፡ የዜማውን ስሜት ተከትሎ መቼ የሙዚቃ መሳሪያዎች ከፍ ወይም ዝቅ ማለት እንዳለባቸው (Dynamics) ይወስናል።
2. የኪቦርድ እና ፒያኖ ተጫዋችነት (Keyboardist / Pianist)
በስቱዲዮ ቀረጻዎችም ሆነ በመድረክ ላይ የላቀ የኪቦርድ አጫወት ችሎታ አለው።
* በ1990ዎቹ እና በ2000ዎቹ መጀመሪያ በነበሩት የዲጂታል ኪቦርዶች እና ሶፍትዌሮች አጠቃቀም ላይ ፈር ቀዳጅ ከነበሩ ባለሙያዎች አንዱ ነው።
* የብራስ (brass)፣ የስትሪንግስ (strings) እና የሌሎች መሳሪያዎችን ድምፅ በኪቦርድ ህይወት ዘርቶ በመጫወት መዝሙሮቹ የተሟላ የባንድ ስሜት እንዲኖራቸው ያደርጋል።
3. የሙዚቃ ፕሮዲዩሰርነት (Music Producer)
ከቀጥታ ቅንብሩ በተጨማሪ ሙሉ አልበሞች ከተነሱበት ዓላማ እስከ መጨረሻው ማስተሪንግ (Mastering) ድረስ የመምራት ስራ ይሰራል።
* ከድምፃውያን ጋር መስራት፡ ድምፃውያን ድምፃቸውን እንዴት ማውጣት እንዳለባቸው፣ የት ቦታ ላይ ማረፍ እንደሚያስፈልጋቸው እና ስሜቱን እንዴት ማስተላለፍ እንደሚችሉ የመምራት (Vocal Directing) ከፍተኛ ችሎታ አለው።
* የድምፅ ጥራት (Sound Engineering)፡ በስቱዲዮ ውስጥ የሚቀረጹ መሳሪያዎች ጥራት እና ሚዛን (Mixing) የተጠበቀ እንዲሆን ይከታተላል።
4. የሐይማኖታዊ እና ዓለማዊ ሙዚቃ ድልድይ
ዕንቁ በሙያው ልዩ የሚያደርገው በሁለቱም ዘርፎች የነበረው ከፍተኛ ተፅዕኖ ነው፦
* በወንጌል መዝሙሮች (Gospel Music)፡ በኢትዮጵያ የፕሮቴስታንት መዝሙሮች እድገት ውስጥ የሙዚቃ ቅንብር ጥራት ወደ አዲስ ደረጃ እንዲሸጋገር ካደረጉት ጥቂት መሃንዲሶች አንዱ ነው።
በአጠቃላይ የዕንቁ ግርማ ሙያዊ ብቃት የዘመናዊ የኢትዮጵያ ሙዚቃ ስቱዲዮ ቴክኖሎጂ እና የቅንብር ስልት ሲያድግ ትልቅ መሠረት የጣለ ነው።
©️ሙዚቃዊያን

26/07/2026

በሰርጌ ዕለት ነጭ ሱሪዬ ላይ ወጥ ተደፋብኝ... እሷ ደግሞ በሰርግ ምሽት «አባቴ ናፈቀኝ እቤት መልሱኝ!» ብላ ስቅስቅ ብላ አለቀሰች!

በሺዎች የሚቆጠሩ ሰዎችን ትኩረት የሳበው የነብይ እዩ ጭፋ እና የባለቤቱ እናት ነሽ (ፀጋ ነሽ) ያልተሰማ፣ በሳቅና በእንባ የተሞላ የ15 ዓመት የትዳር ጉዞ ምስጢር በመሴ ሾው (Mese Show) ላይ ይፋ ሆኖ ትልቅ መነጋገሪያ ሆኗል።

የዚህ ድንቅ የፍቅር ታሪክ መነሻ የወላይታ ቦዲቲ ከተማ ነው። እናት ነሽ ገና የ16 ዓመት ልጅ እያለች ከሐዋሳ ለክረምት ዕረፍት ወዳመራችበት ስፍራ ነብይ እዩ ጭፋ የሚያገለግልበት ቤተክርስቲያን ተገኘች። በመድረክ ላይ ሆኖ ሲያስተምር በሺዎች ከሚቆጠሩ ታዳሚዎች መካከል ዓይኑ እናት ነሽ ላይ አረፈ። ወዲያውኑ «የእኔ ናት» የሚል የመንፈስ እርግጠኝነት እንደመጣለት የሚናገረው ነብይ እዩ፣ ፕሮግራሙ እንደተጠናቀቀ በአስተናጋጅ አማካኝነት አስጠራት።

በወቅቱ ረጅም የፍቅር ጓደኝነት ወይም "እንተያይ" የሚባል ነገር አልነበረም። «እግዚአብሔር ለትዳር አሳይቶኛል፤ ማግባት ነው እንጂ መጫወት የለም» በማለት ቀጥተኛ የትዳር ጥያቄ አቀረበላት። በወቅቱ በያዘችው ጥቁር ኖኪያ 1600 ስልኳ ደጋግሞ ቢደውልም ስልኳ መብራት ጠፍቶ ተዘጋግቶ ስለነበር፣ በማግስቱ ጠዋት በዝናብ ውስጥ ትልቁን ጃኬቱን ደርቦ እሷ ያለችበት አጎቷ ቤት ድረስ በአካል መጣ!

ጥያቄው በቀረበ በአንድ ወር ጊዜ ውስጥ ሽማግሌዎች ተላኩ። በወቅቱ እናት ነሽ ገና በልጅነት ዕድሜዋ ላይ ስለነበረች፣ ሽማግሌዎች እሷን ለመጠየቅ ከቤት ሲገቡ እሷ ምንም ሳታስብ ውጭ ገመድ እየዘለለች ትጫወት እንደነበር በሳቅ ታስታውሳለች።

የሰርጋቸው ዕለት ደግሞ ፈጽሞ የማይረሱ ሁለት ትልልቅና አስቂኝ አጋጣሚዎችን አስተናግዷል፡

• በነጭ ሱሪ ላይ የተደፋው ወጥ: በሰርጉ ዕለት ነብይ እዩ ሰርገኞችንና አስተናጋጆችን ለማገዝ ሲሯሯጥ ያልታሰበ አደጋ አጋጠመው—በለበሰው ነጭ ሱሪ ላይ ወጥ ተደፋበት! ሌላ የሚቀይረው ሱሪ ስላልነበረው፣ ወጡን በጨርቅ ጠራረገው ቀጥታ ወደ መድረክ በመውጣት የቃል ኪዳን ስነ-ስርዓቱን ፈጸመ።

• የሰርግ ምሽት ለቅሶ: ስነ-ስርዓቱ አልቆ፣ እንግዶች ወደየቤታቸው ሲበታተኑ እናት ነሽ ገና ልጅ በመሆኗ የነገሩ አሳሳቢነት ገና የገባት ያኔ ነበር። «አባቴና ቤተሰቦቼ ናፈቁኝ! እኔስ አብሬያቸው እቤት እመለሳለሁ» በማለት በሰርግ ቪሎዋ ስቅስቅ ብላ ማልቀስ ጀመረች!

ዛሬ ላይ ያ ሁሉ አልፎ 15 ዓመታትን አብረው ዘልቀዋል። የ5 ልጆች (ሬዲኤት፣ ሃያል፣ ኬዝያ፣ ግሎሪ እና አንቶኒዮ) ወላጆች ሲሆኑ፣ ነብይ እዩ ጭፋ ለስኬቱና ለትልቅ የአገልግሎት ማዕረጉ ከእግዚአብሔር ቀጥሎ ትልቋን ድርሻ የምትወስደው ባለቤቱ እናት ነሽ መሆኗን በፍቅር ይገልጻል። ቤቱን፣ አምስቱን ልጆችና የቤተክርስቲያኑን አስተዳደራዊ ስራዎች በአስተዋይነት የምትመራ ጠንካራ ሚስት መሆኗንም አድናቆቱን አጎናፅፏታል።

ትዳር እንደ ቀልድ በሚታይበትና በፍጥነት በሚፈርስበት በዚህ ዘመን፣ የእግዚአብሔርን ቃልና ፍቅር መሰረት ያደረገ ትዳር ምን ያህል ፍሬያማና በረከት እንደሆነ ይህ የፍቅር ታሪክ ትልቅ አስተምህሮ ይሰጠናል።

ትዳር በፍቅር፣ በትግስትና በእግዚአብሔር ፍርሃት ሲገነባ በረከቱ ለትውልድ ይተርፋል!

25/07/2026

በሀገራችን በጣም ብዙ ደጋፊዎች ያሉት የ Liverpool እግር ኳስ ቡድን በሚያሳዝን መልኩ ለተመሳሳይ ጾታ ድጋፍ እንደሚሰጥ ይፋዊ የማህበራዊ ሚዲያ ገጾቹን በLGBTQ+ ባንድራ ''አሽሞንሙኗል''።
እንግዲህ ማንን እንደምንደግፍ እንወቅ
Christian press

20/07/2026

ጄስቲን ቢበር (Justin Bieber) ትላንት ማታ (እሁድ ጁላይ 19 ቀን 2026) በዓለም ዋንጫ ፍጻሜ ጨዋታ (FIFA World Cup 2026 Final) የዕረፍት ሰዓት መድረክ ላይ ያቀረበው "Everything Hallelujah" የተሰኘውን የፋይና (Gospel/Worship) መዝሙር በሚገርም ርጋታ ዘምሯል።

- በታሪክ ለመጀመሪያ ጊዜ በተዘጋጀው የዓለም ዋንጫ የዕረፍት ሰዓት ሙዚቃዊ ትርኢት (Halftime Show) ላይ በመሆኑ ለብዙ ቢሊየን ህዝብ ተመልክቶታል።

የመዝሙሩም ይዘት=-ምንም እንኳን ጄስቲን ቢበር የፖፕ ዘፋኝ ቢሆንም፣ በዚህ ትልቅ መድረክ ላይ አኮስቲክ ጊታር በመያዝ ኢየሱስ ክርስቶስን የሚያመሰግንበትንና የክርስትና እምነቱን የሚገልጽበትን የወንጌል መዝሙር (Gospel song) መርጦ አቅርቧል። ይህም በዓለም ዙሪያ ባሉ ተመልካቾች ዘንድ ትልቅ መነጋገሪያ ሆኗል።
Christian press

18/07/2026

''ስጦታውን ሳይሆን የሰጠንን እንውደደው''

ከዶ/ር ማሙሻ ፈንታ ትምህርቶች

_| ​በአንድ ወቅት በአንድ ታዋቂ ባህር ዳርቻ ላይ በየቀኑ ትኩስ አሳ እያጠመደ፣ እየጠበሰ የሚሸጥ አንድ ወጣት ነበር።

ሰዎች እየመጡ በእሱ አሳ ይዝናናሉ። አንድ ቀን አንድ ሚሊየነር ሰውዬ ወደዚያ ባህር ዳርቻ መጥቶ ወጣቱን ሲያየው ሊመክረው ፈለገና እንዲህ አለው "ለመሆኑ ሕይወትህ ይሄው ነው? ለምን አትማርም?" አለው

​ወጣቱም፡ "ለመሆኑ ለምን እማራለሁ?" አለው

ሚሊየነሩም፡ "ተምረህ ትምህርትህን ስትጨርስ ትልቅ ሰው ትሆናለህ፤ እንደ እኔ ትልቅ ካምፓኒ ይኖርሃል" አለው።

ወጣቱም፡ "ከዛስ?" ሲል ጠየቀ።

"ከዛማ ብዙ ገንዘብ ታገኛለህ!"

"ከዛስ?"

"ከዛማ በቃ እንደ ልብህ እያረፍክ፣ ልክ እንደዚህ ባለ ቦታ እየመጣህ ትዝናናለህ!"

ወጣቱ ፈገግ ብሎ ሚሊየነሩን አየውና፡

"ታዲያ አሁንስ እያደረግኩ ያለሁት እሱን አይደል?" አለው።

​የዚህ ዓለም ነገር መጨረሻው ወደ ነበረበት መመለስ ነው። እኛ የምንለፋ፣ የምንበላው
፣ የምንጠጣ፣ ቤት የምንሠራ... ከዛስ? ከዚህ ሁሉ በኋላ በሕይወታችን ውስጥ የተጨበጠ ነገር ያስፈልገናል።

​በዕድሜያችን መጨረሻ ላይ ተጸጽተን፣ እንደ ንጉሥ ሰሎሞን በመክብብ መጽሐፍ ላይ "ሁሉ ከንቱ ነው፤ የከንቱ ከንቱ ፤ ነፋስንም የመከተል ያህል ነው" እንዳንል ጥንቃቄ ማድረግ ይኖርብናል።

የሰሎሞን የሕይወት ፍጻሜ ያሳዝናል፤ ምክንያቱም ሁሉን አግኝቶ መጨረሻው ባዶ ነበር።

​የሰሎሞን ጸሎት፡ ሰሎሞን እግዚአብሔርን ጥበብ ለመነ፤ እግዚአብሔርም ጥበብን፣ ማስተዋልንና ባለጠግነትን ሰጠው። ነገር ግን ዋናውና ከሁሉ የሚበልጠው ነገር እሱ አልነበረም።

​ሙሴ እግዚአብሔርን ሲጠይቅ የፈለገው ስጦታውን ሳይሆን ራሱን እግዚአብሔርን ነበር፤ "አንተን!" ነው ያለው። እግዚአብሔር ብቻ ነው ዘላለማዊና የተጨበጠው ነገር!

​በእግዚአብሔር መንግሥት ውስጥ የጨዋታ ተመልካች አትሁኑ!

​ዛሬ በመንፈስ ቅዱስ ስም የምነግራችሁ ታላቅ እውነት አለ፤ በእግዚአብሔር መንግሥት ውስጥ የጨዋታ ተመልካች አትሁኑ። በዕድሜያችሁ መጨረሻ ላይ ተጸጽታችሁ እንዳታለቅሱ፣ አሁን በጉልምስናችሁና በወጣትነታችሁ ዘመን እግዚአብሔርን በቅንነት አገልግሉ።

​ለመሆኑ እናንተ በዘመናችሁ እያደረጋችሁት ያለው ትርጉም ያለው ነገር ምንድር ነው?

16/07/2026

ዘማሪ ዳዊት ጌታቸው ለዚህ ትውልድ በረከት ነህ።

እንወድሀለን ተባረክ።

15/07/2026

ዘማሪት እየሩሳሌም ነጊያ ስለተሰጠሽ ጸጋ እግዚአብሔር ይመስገን።

ተባረኩ።

04/07/2026

30/06/2026