Zemari Tadele Fetula Abu

01/04/2026

የመጽሐፍ ጥቆማ
"ጌታ ሆይ! አንተ ውበትን የምትፈልግ ሳይሆን ውበትን የምትፈጥር ሙሽራ ነህና፤ ወደ እኔም ና። በሲካር ጉድጓድ አጠገብ ለዚያች ሴት እንደተገለጠህላት፣ ዛሬም በልቤ ደጃፍ ተገልጠህ 'ውሃ ስጪኝ' በለኝ። ጥማቴን የምታውቅ አንተ ብቻ ነህ፤ ምስጢሬን የምታውቅ አንተ ብቻ ነህ። የነፍሴ ሙሽራ ሆይ! በቃልህ ውሃ እጠበኝ፤ በጸጋህ ሽቶ አውደኝ። ያንቺን ታሪክ አውቃለሁ ባልከኝ ጊዜ ኃጢአቴን ሳይሆን ክብሬን እንደመለስክልኝ አውቃለሁና አሁንም 'የምነግርሽ እኔ እርሱ ነኝ' በለኝ። ከስድስቱ ወንዶች (ከዓለም ስሕተትና ከሥጋ ፍላጎት) አውጥተህ ሰባተኛ ወንድ (የፍጹምነት ሙሽራ) ሆነህ ተዋሐደኝ።
ማድጋዬን (ምድራዊ ጭንቀቴን) ጥዬ፣ ስለ ፍቅርህ ምስክር ሆኜ እሮጥ ዘንድ፤ የዘላለም ሕይወት ውሃን በውስጤ አፍልቅልኝ። አንተ ታማኝ ሙሽራ ነህና አትተወኝ፤ አንተ ውበት ፈጣሪ ነህና አትናቀኝ። እንደ ሰማርያዋ ሴት የነፍስ ትድግናን አድርግልኝ። የነፍሴ ሙሽራ ኢየሱስ ክርስቶስ ሆይ! እንደ ሰማርያዋ ሴት እኔም በሕይወቴ ቀትር ላይ ቆሜአለሁ። ዙሪያዬን የሚከበኝ የዓለም ጫጫታ ቢበዛም ውስጤ ግን እንደ በረሃ ደርቆ ቀርቷል። ለዘመናት የነፍሴን ጥማት ለማርካት ያልሄድኩበት መንገድ ያልቀዳሁበት ጉድጓድ አልነበረም። ጌታ ሆይ! አንተ ምስጢርን የምታውቅ ልብንና ኩላሊትን የምትመረምር አምላክ ነህና ማዳንህን እሻለሁ"
(ከመጽሐፉ የተወሰደ)
ይህን መጽሐፍ በማንበብ መልካም ገበያን ይገብዩ

28/02/2026

የድንግል ፍቅር እንደ ምድራዊ ፍቅር አያልቅም፣ አያረጅም፤ እንዲያውም በምንለምናት ቁጥር እንደ አዲስ ይለመልማል። ስብራታችንን የምትጠግኚው በሰማያዊ 'ክር' (በምልጃሽ) ነው። ድንግል ሆይ! 'ኡፍፍፍ' ብዬ ትንፋሼን ስተነፍስ፣ በዚያ ትንፋሽ ውስጥ የአንቺ ስም መዓዛ አለው። ዛሬም የልቤን ጓዳ ባዶነት አይተሽ 'ወይን የላቸውም' እንዳልሽው ሁሉ፣ 'ሰላም የለውም፣ ጽናት የለውም' ብለሽ ለልጅሽ ንገሪልኝ። አንቺን ሳስብ ደስተኛ የምሆነው፣ የምታውቂኝ እናቴ ስለሆንሽ ብቻ ሳይሆን፣ ወደ ልጅሽ ፊት የምታቀርቢኝ አማላጄ ስለሆንሽ ነው።

በስንት ህመም
ልቤ ታሞ አፌ ይዋሻል
ፊቴ ደምቆ ያልተጎዳው
ለሰው ይመስላል
አማላጄ ታውቂዋለሽ የልቤን
ስንቱን እሳት እንደቻልኩኝ ለብቻዬን

ልፅናና እንጂ ስላለሺኝ መፅናኛዬ
ታውቂው የለ ምን ልንገርሽ ይሄን ብዬ

Zemarit Mirtnesh Tilahun (New Ethiopian Orthodox Tewahedo Mezmur)© Mirtnesh Tilahun Official Page is the only Channel that has exclusive rights for all mezmu...

26/02/2026

ቢቆጠር ኖሮ በደሌ ቢቆጠር ኖሮ ኃጢአቴ
ቢቆጠር ኖሮ በደሌ ቢቆጠር ኖሮ ኃጢአቴ
እንዴት እቆም ነበረ በፊትህ አባቴ [፪]

እስከነ ድካሜ ወደ አንተ መጥቼ
ድንግዝግዙ ቀረ አየሁኝ አጥርቼ
ትናንትናን ሳታይ በዛሬ መዝነህ
ተቀብለኽኛል ፍሪዳህን አርደህ
ወደ አንተ የመጣ ወደ አንተ የመጣ
ወደ ውጪ አይወጣ

🔴 በማኅቶት ቲዩብ የተለቀቁ ተወዳጅ መዝሙሮችን ለማግኘት ይህንን ሊንክ ይጫኑ፡፡ 👇 👇 👇 https://bit.ly/3C2YHGp🔴 NEW 🔴 አዲስ የንስሃ ዝማሬ ቁጥር 3 " ቢቆጠር ኖሮ " ዘማሪ ዲያቆን አ...

26/02/2026

ቅዱስ ገብርኤል በፈተና ወቅት ጽናትን፣ በሐዘን ወቅት መጽናናትን የሚሰጥ የብርሃን ጓደኛ ነው፤ ጌታችን በመቃብር በነበረ ጊዜ ድንጋዩን አንከባሎ ትንሣኤውን ላበሰሩት ሴቶች ብርታትን እንደሰጠ፣ ዛሬም አንተ በሐዘን ድንጋይ ስር ብትወድቅ ገብርኤል መጥቶ ያን የመከራ ድንጋይ ያንከባልልሃል። ጨለማው ሲበረታብህ "እሰይ ነጋ" የምትልበትን የትንሣኤ ብርሃን የሚያሳይህ እርሱ ነው። በአማላጅነቱ ለሚታመኑት ሁሉ ገብርኤል ፈጣንና ታማኝ ረዳት ነው።