25/12/2025
Jilli hoggantoota Mana Marii Dhimmoota Islaamummaa Godina Shawaa Lixaa Sheekh Abdulaziz Abdulqaadiriin (B/B Dura taa'aa) durfamu Hoggantoota Majlisa Aanaa Daannoo fi Hawaasa Islaamaa bal'aa waliin Marii hubannoo murteessaa ta'e gaggeesse.
Muddee 16/2018/Rajaba 5/1447
Jilli Hoggantoota Majilisa Godina Shawaa Lixaa, Affeerraa Bulchaan Bulchiinsa Aanaa Daannoo Obbo Sisay Mulugeetaa Komii achi ture hiikuuf kutannoo qabanirraa ka'uun godhaniin, bakka hoggantoonni Aanichaa argamanitti hubannoo Kenneera.
Itti Aanaa Dura taa'a Mana Marii Dhimmoota Islaamummaa Godina Shawaa Lixaa kan ta'an Sheekh Naasir Huseen, hawaasni Islaamaa bakka hundatti, wal hubannaa fi wal dhageettiin inni qabu, galma gahumsa isaa boruuf bu'uura ta'uu kaasanii ammas duudhaan Kun jabaatee itti fufuu akka qabu dhaamanii, Hanqinoolee walirraa lakkaa'uu hambisuun dhadhaabbata waliif ta'uu akka qabu dhaamaniiru.
Barreessaa Mana Marii Dhimmoota Islaamummaa Godina Shawaa Lixaa Obbo Ismaa'il Usman dhimma hawaasni kaaseen wal qabatee, wal qixxummaan mirkanaa'uu akka qabu, Majliisni qaama kamiifuu aantee ykn diina kan hin taane ta'uu, caasaa dhimma Islaamaa kamirrattillee aangoo bulchiinsaa kan qabu ta'uu himanii Jaarmiyaa cimaa barbaadamu kana ijaaruu keessatti hunduu gaheesaaa akka bahatu, dammaqinaan akka hirmaatu dhaamsa hawaasaa dhaamaniiru. Komiin hawaasaan ka'aa tures, kana hanqinoota akka jaarmiyaatti qabnurraa kan madde, kana ammoo rakkoo hubannoo fi rakkoo Namoonni dhuunfaa uuman ta'uu hubatamee kana furuuf furmaanni wal sakaaluu caala wal tumsuun fala akka ta'e Jala muranii dhaamaniiru. Kana dura Hanqinoolee qabnu lakkoofnee hamilee cabuu osoo hin taane, haalaa fi yeroo eeggannee bakka wal bu'aa Jaarmiyaa cimaa barbaadamu ijaarree dhaloota dhufuuf dabarsuun qabna jedhaniiru.
Majlisa Oromiyaa - የኦሮሚያ መጅሊስ - Oromia Mejlis
