ቤተ ክህነት ትግራይ

ቤተ ክህነት ትግራይ ናይ ክርስቶስ ወንጌል ንተጋሩ ዝስበኸሉ ገጽ እዩ
(1)

ሃይማኖታውን ባህላውን በዓላት እንትነኽብር ዝተፀገሙ ወገናት ብምሕጋዝን ብምዝካርን ክነብዕል ይግባእ።ማህደረ ስብሐት ቅድስተ ቅዱሳን ማርያም ጉግሳ ካቴድራል ቤት ትምህርቲ ሰንበት መቐለ ምስ ሰ...
23/08/2026

ሃይማኖታውን ባህላውን በዓላት እንትነኽብር ዝተፀገሙ ወገናት ብምሕጋዝን ብምዝካርን ክነብዕል ይግባእ።

ማህደረ ስብሐት ቅድስተ ቅዱሳን ማርያም ጉግሳ ካቴድራል ቤት ትምህርቲ ሰንበት መቐለ ምስ ሰበካ ጉባኤ ብምትሕብባር "ቁርስና ልነዳያን" ብዝብል ዝተዳለወ አብ ፆመ ፍልሰታ ንዝተፀገሙ ወገናት ናይ ምሕጋዝ ምድላው ንኻልኣይ ዙር ካብ ገባሪ ሰናይ ኣይተ ፍረዝጊ ዘመንፈስ ቅዱስ ብዝተለገሰ 30 ኹንታል ጣፍ ን150 ወገናት ብምክፍፋል ሓገዝ ኣበርኪቱ።

አብቲ ስነ ስርዓት ሓገዝ ዝተረኸቡ ኣመሓዳሪ'ቲ ካቴድራል መጋቤ ስብሐት ጌራ ወርቅ ፡ ፆም መንፈሳዊ በዓል ምኽባር ትርጉሙ ትእዛዝ እግዚአብሔር ምፍፃም ብምኻኑ ፆምን በዓላትን እንትነብዕል ዝተፀገሙ ወገናት ብምዝካር ክኾን ኸምዘለዎ ገሊፆም።

ብልዕሊ 400 ሺሕ ብር ዋጋ ሓገዝ ንዝተገበረሎም ወገናት ምስጋኖኦም ብምግላፅ ንብዙሓት ዘዐንግል ሰናይ ስራሕ ብምኻኑ ኻልኦት'ውን እዚ ሰናይ ተግባር ክስዕብዎ ፀዊዖም።

ቤተ ክርስትያን ኣይነፍርስይ ዝበሉ ኣቕሽቲ ተኣሲሮም‼️====================================ትማሊ ንጉሆ ኣብ መቐለ-ኣይናለም ከባቢ ሽላናት (ዲያስፖራ) ዝርከብ 'ዳ ማርያም...
09/08/2026

ቤተ ክርስትያን ኣይነፍርስይ ዝበሉ ኣቕሽቲ ተኣሲሮም‼️
====================================
ትማሊ ንጉሆ ኣብ መቐለ-ኣይናለም ከባቢ ሽላናት (ዲያስፖራ) ዝርከብ 'ዳ ማርያም ቤተ ክርስትያን ኣፍርሱ ተባሂሎም። ከፍርሱ ዝተወሰኑ ናይ ጉጅለ ድሕረት አባላት ናብ ቤ/ክ እንትመፁ ድማ፣ እቶም ተባዓት ኦርቶዶክሳውያን ካህናት "ኣየነፍርስይ" ብምባሎም ኬህናትን ኣባላት ሰበካ ጉቤኤ ካብ ውሽጢ ቅዳሴ ብዕጡቓት ሓይሊ ተወሲዶም እዮም።

- ቀሲስ ማህደር ወረደ
- መጋቤ ኣእላፍ ዮናስ
- መርጌታ ዘካርያስ ዘውገ
- ኣቶ ኣዲስ ገ/መድህን ሰበካ ጉባኤ ....

=> እዞም ጀጋኑ ካህናትን ኣያታትናን ኣብ ዓዲሓቂ ጣብያ ከይድኹም ጠይቕዎም።

እዚ ዝግበር ዘሎ ድማ ብፎቴ እትሪእዎ ዘለኹም፣ #ሃይላይ ወልደስላሰ ዝተብሃለ በዓል ግዘ ዓሌት ወረርቲ "ኣመሓዳሪ" ሓድነት ክፍለከተማ እዩ።

08/08/2026

በዛ ናይ ትማሊ ፖስት ብዙሓት ናይ ኮሌጅና ተምሃሮ ብውሽጢ ብዙሕ መረዳእታ ይልእኹለይ ኣለው:: ብጣዕሚ ዝገርም ናይ ተሃድሶ ሰንሰለት እዩ ኣብቲ ኮሌጅ ዘሎ! እሞ ነቃልዓዮም ዶ ወይስ ቁሩብ ንጸበዮም?

ድሕሪ ብዙሕ ክርክር ኣብዚ በጺሕና ኣለና! ከምቲ ዝፍለጥ ንብዙሕ ጊዜ ኣብ ፍሬምናጦስ ኮሌጅ ናይ ሰንበት ጉባኤ ይግበር ኣሎ! ሕልፍ ሕልፍ ኢለ ተሳቲፈ ነይረ እየ:: ነቲ ጉባኤ ንከተሓባብሩ ብ...
06/08/2026

ድሕሪ ብዙሕ ክርክር ኣብዚ በጺሕና ኣለና! ከምቲ ዝፍለጥ ንብዙሕ ጊዜ ኣብ ፍሬምናጦስ ኮሌጅ ናይ ሰንበት ጉባኤ ይግበር ኣሎ! ሕልፍ ሕልፍ ኢለ ተሳቲፈ ነይረ እየ:: ነቲ ጉባኤ ንከተሓባብሩ ብዙሓት ጽሩያት ኦርቶዶክሳውያን ዋላኳ እንተነበሩ ብሽርሒ ነቲ ጉባኤ ዘተሓባብሩ ካብ ውሽጥን ካብ ደገን ዝመፁ ተረፍ መረፍ ሸዋዊ ስብከት ዝኾነ ክሕደት ዘለዎም እዮም:: ኣብዚ ጉዳይ ብዙሕ ቓልሲ እዩ ሓሊፉ! ግን ንሳቶም ሒዞሞ! ስለዚ ድማ ካብ በዓለ ትንሳኤ ጀሚሩ ክሳብ ሐዚ ንዝሓለፉ 4 አዋርሕ "ስም ኢየሱስ ጥራሕ ኢና ንጽውዕ" ብዝብል መፈክር ብዛዕባ ቅዱሳን ኮነ ብዛዕባ ኦርቶዶክስ ቤ/ክ ንከይዝረብ ልዕል ርብርብ እናገበሩ እዮም ጸኒሖም::

ኣብ ዝሓልፈ ናይ ሰነ 12 ሚካኤል፣ ሰነ 21 በዓለ ማርያም ኮነ ሓምለ 19 ገብርኤል ብዛዕባ ቅዱሳን መሠረት ዝገበረ ትምህርትን መደብን ንክህሉ ብዙሕ ተሓቲቱ ዋላኳ እንተነበረ ነቲ ጉባኤ ዘዋድዱ ቆልዑ ግን ካልዕዔእላማ ዘለዎም ስለዝኾኑ "ብዘይካ ንኢየሱስ ንካሊእ ኣይንዝምርን" ብዝብል ቐፂሎም እዮም:: ሎሚ ግና ጾመ ፍልሰታ ስልዝኣተወ "ኣብ ፍልሰታ ከመይ ኢልና ብዛዕባ ወልዳኢተ አምላክ ዘይተዛረብና ንተርፍ?" ዝብል ሕቶ ካብቶም ኦርቶዶክሳውያን ተምሃሮን መማህራንን ስለዝበዝሐ እንሆ ስለ ድንግል ማርያም ርእሲ ዘለዎ ጉባኤ ተዳልዩ ኣሎ!

እዚ እውን እንተኾነ ብድፍኢት እምበር ብድልየቶም ኣይኮነን! ኣብቲ ጉባኤ ብዛዕባ ናይ ማርያም አማላድነት ንከይዝረብ... ከም ሓንቲ ተራ ክርስቲያን ጥራሕ "አማኒት እያ... ሓፍትና እያ" ወዘተ እናበሉ ንክምግሩ እዮም ዝዳለው ዘለው:: ዝተምሃርናሉ ኮሌጅ ሎሚ ከምዚ ናይ ተኳሉ መፍረዪ ክኾን መርኣይ ዘሕዝን እዩ! ናይቶም ነዚ ዘዋድዱ ዘለው ቆልዑ ኩሉ ትምህርቶም ሒዘ ክቐርብ እየ:: ኣብቲ ጉባኤ ንረኸብ

ብፁዕ አቡነ ጴጥሮስ ናይ ቅዱስ ሲኖዶስ ትግራይ ጊዚያዊ ሰብሳቢ ኾይኖም ተመሪፆም ኣለዉ። ብፁዕ አቡነ ዕንባቆም ከዓ ናይ ቅዱስ ሲኖዶስ ጊዚያዊ ጸሓፊ ኾይኖም ኣለዉ።"ገበርቲ ሰላም፡ ውሉድ ኣም...
29/07/2026

ብፁዕ አቡነ ጴጥሮስ ናይ ቅዱስ ሲኖዶስ ትግራይ ጊዚያዊ ሰብሳቢ ኾይኖም ተመሪፆም ኣለዉ። ብፁዕ አቡነ ዕንባቆም ከዓ ናይ ቅዱስ ሲኖዶስ ጊዚያዊ ጸሓፊ ኾይኖም ኣለዉ።

"ገበርቲ ሰላም፡ ውሉድ ኣምላኽ ኪበሀሉ እዮም እሞ፡ ብጹኣን እዮም" [ማቴዎስ 5:9]

ሠናይ:- ኣብ መንጎ ብፁዓን ኣቦታት መንበረ ሰላማ ዝነበረ ዘይምርድዳእ ብፍቕሪን ብሰላምን ተፈቲሑ ኣሎ። ሰበር:-ብጹዕ አቡነ መርሐ ክርስቶስ ጳጳስ ማእኸላይ ምብራቕ ዓዲግራት ሀገረስብከ...
28/07/2026


ሠናይ:-
ኣብ መንጎ ብፁዓን ኣቦታት መንበረ ሰላማ ዝነበረ ዘይምርድዳእ ብፍቕሪን ብሰላምን ተፈቲሑ ኣሎ።

ሰበር:-
ብጹዕ አቡነ መርሐ ክርስቶስ ጳጳስ ማእኸላይ ምብራቕ ዓዲግራት ሀገረስብከትን ላዕለዋይ መራሒ መንበረ ሰላማ ኦተቤት፣ ትማሊ ኣብ ዝሰደዎ ደብዳቤ ብምኽንያት ፀገም ጥዕና ኣብ መንበረ ሰላማ ካብ ዘለዎም ናይ መሪሕነት ሥልጣን ንክሰናበቱን ካልእ ጳጴስ ንክግበረሉን አፍሊጦም ኣለው።

28/07/2026

ኣምላኽ "እሺ" እንተኢሉካ ሎሚ ክህበካ እዩ፤
"ተፀበ" እንተኢሉካ ካብቲ እትደልዮ ዝበለፀ የዳልወልካ ኣሎ፤ "ኣይኮነን"እንተኢሉካ ድማ ካብ ዘይትፈልጦ ሓደጋ ይዕቅበካ ኣሎ። ኩሉ ንሰናይ እዩ

ትማሊ ሓምለ 18፣ 2018ዓ/ም ኣብ ዞባ ማእኸል ወረዳ ናዕዴር ጣብያ ተረገይ ብዘጋጠመ ሓደጋ መብረቅ (ነጎዳ) ኣብ ክልተ ቁሸታት ተረገይን ሶፋን ኣብ ሰብ ከቢድ መጉዳእት፣ ኣብ እንስሳ ድማ...
27/07/2026

ትማሊ ሓምለ 18፣ 2018ዓ/ም ኣብ ዞባ ማእኸል ወረዳ ናዕዴር ጣብያ ተረገይ ብዘጋጠመ ሓደጋ መብረቅ (ነጎዳ) ኣብ ክልተ ቁሸታት ተረገይን ሶፋን ኣብ ሰብ ከቢድ መጉዳእት፣ ኣብ እንስሳ ድማ ሞትን ኣብ ንብረት ምቅፃል ኣጋጢሙ ኣሎ። 💔

በቱ ሓደጋ ሲዒቡ ዘጋጠመ ክልተ ገዛ ሙሉእ ብሙሉእ ፈሪሱ፣ ሓደ ቆፎ ንህቢ፣ ሞት ክልተ ጤል፣ ሞት ሓሙሽተ ደርሆ፣ ሞት ሰለስተ ከፍቲ፣ ምቅፃል ክልተ ቆፎ እኽሊ ብሙሉእ ተቃፂሉ እዩ።

ቤት ትምህርቲ ሰንበት ምዝማርን ተኣኻኺብካ ምብታን ጥራሕ ኣይኮነን!" ✨​ኣብ ዝተኻየደ ናይ ምስረታ በዓል ቤት ትምህርቲ ሰንበት፣ ብብፁዕ ኣቦና አቡነ ጴጥሮስ (ኣባል ቅዱስ ሲኖዶስ ኦርቶዶክስ...
26/07/2026

ቤት ትምህርቲ ሰንበት ምዝማርን ተኣኻኺብካ ምብታን ጥራሕ ኣይኮነን!" ✨
​ኣብ ዝተኻየደ ናይ ምስረታ በዓል ቤት ትምህርቲ ሰንበት፣ ብብፁዕ ኣቦና አቡነ ጴጥሮስ (ኣባል ቅዱስ ሲኖዶስ ኦርቶዶክስ ተዋሕዶ ወሊቀ ጳጳስ ዞባ ሰሜን ምዕራብ ሽረ እንዳ ሥላሴ) ዓሙቝን ወሳንን ዝኾነ ቃለ-ምዕዳን ተዋሂቡ።💫💫💫
​ብፁዕ ኣቦና "ቤት ትምህርቲ ሰንበት ማለት እንታይ ማለት እዩ❓" ብዝብል ሕቶ ብምብጋስ፣ መዝሙር 1፥2-3 ብምጥቃስ ነቲ ትርጉም ብሰፊሑ ኣብርሀምዎ፦☘️☘️🌿🌿
​"ወዘሕጎ ያነብብ መዕልተ ወሌሊተ። ወይከውን ከመ ዕፅ እንተ ትክልት ኀበ ሙሓዘ ማይ፤ እንተ ትሁብ ፍሬሃ በበጊዜሃ፤ ወቈጽላኒ ኢይትነገፍ፤ ወኵሎ ዘገብረ ይፌጽም።" መዝ 1፥2-3🎇🎇🎇
💥​ተማሃራይ ቤት ትምህርቲ ሰንበት ማለት እንታይ ማለት እዩ❓
ቃለ እግዚኣብሔር ለይትን መዓልትን ኣብ ልቡ ዘመላልስ፣ ምስ ሥግኡ ዘስተማቐሮን ዝነብሮን እዩ። ኢድካ ናብ ስርቂ እንትትዝርጋሕ ምቑጣብ፣ ሕዋሳትካ ናብ ሓጢኣት እንትስሕባ ባዕልኻ ምግታእ እዩ—እዚ እዩ ናይ ብሓቂ ተማሃራይ ቤት ትምህርቲ ሰንበት!💥💥💥
​📊​ብሓፈሻ ቤት ትምህርቲ ሰንበት ኣብዚኦም 5 ዓበይቲ መሰረታት ዝተመርኰሰ እዩ፦
​1️⃣ ሕግን ትእዛዝን ምፍላጥን ምንባርን፦ ፈለማ ቃል እግዚኣብሔር ምፍላጥን ኣብ ግብሪ ምውዓልን።
2️⃣ ምዝማርን ምትእኽኻብን፦ ድሕሪ ሕጊ ምፍላጥን ምንባርን ዝስዕብ ናይ ምስጋናን ሓድነትን ተግባር።
3️⃣ ማሕበራዊ ምርድዳእን ምትሕግጋዝን፦ ፍቕርን ሓገዝን ፈለማ ንኣባል፣ ብድሕሪኡ ንመላእ ሕብረተሰብ።
4️⃣ ልውውጥ ተሞክሮ፦ ካብ ካልኦት ኣብያተ ትምህርቲ ሰንበት ሰናይ ተሞክሮታት ምውሳድን ምምሃርን።
5️⃣ ተተካኢ ወለዶ ምፍራይ፦ ንቤተክርስቲያንን ንሃገርን ዝዀኑ እሙናት ተተካእቲ ምእመናን ምምሃርን ምቕራብን።
✨​ብፁዕ ኣቦና ነዚ ሓሳብ መንእሰያት ብዝርድእዎ ኣገባብ ድሕሪ ምምሃር፣ ብናይ ኣቦነት ቡራኬኦም ትምህርቶም ዛዚሞምዎ።✨
🎇​ንብፁዕ ኣቦና ነዊሕ ዕድመን ጥዕናን ይሃብልና! ቡራኬኦም
ይብጻሓና! 🤲🏾✨
Tigray Orthodox Tewahedo Church Diocese of North West Endasslasie

Address

Aksum

Website

Alerts

Be the first to know and let us send you an email when ቤተ ክህነት ትግራይ posts news and promotions. Your email address will not be used for any other purpose, and you can unsubscribe at any time.

Shortcuts

Share

Category