Waldaa Afuurawaa Barattota Oromoo

27/07/2026

IBSA GADDAA
"Heeneesiifooruun yeroo baay'ee waan na boqochiiseef Gooftaan warra mana isaa jiraataniif araara haa buusu; inni hidhamuu kootti illee hin qaanofneetii. Akkasumas inni yeroo Roomaa dhufetti hamma na argutti dhimmee na barbaadaa ture. Akka inni guyyaa sanatti Gooftaa irraa araara argatuuf fedhii Gooftaa haa ta'u! Inni Efesoon keessatti karaa baay'een akka na tajaajile ati iyyuu sirriitti beekta." (2Xim.1÷16-18) jechuun Qulqulluun Phaawuloos gargaaraa isaa Efesoonitti tajaajila Wangeela Mootummaa Waaqayyoo gaarummaan raawwatee boodarra du'aan fudhatameef kadhate.
B/sa Dn Lammii Baay'isaa Abbaasaa Obboo Baay'isaa Birdiidaa fi haadhasaa Aaddee Gonfee Caalaa irraa bara 1982 B.A Godina Horroo Guduruu Wallaggaa aanaa Coomman Guduruu magaalaa Ayyaleetti dhalate.
Dn Lammiin naamusaa fi jaalatamummaa guddaan guddatee barnoota saayinsii baratu cinaatti barnoota mana kiristaanaa Ortodoksii Tawaahidoo barachaa, bara 2004 B.Atti aangoo diyaaqonummaas fudhachuun mana kiristaanaa bakka dhalootasaa Baalawaldii Ayyalee irraa eegalee manneetii kiristaanaa magaalaa fi baadiyaa naannawaa isaanii kanneen biroo keessatti illee tajaajila afuurawaa bal'aa gaggeessaa ture.
Bara 2009 B.Atti ammoo gara barnoota sadarkaa olaanaatti darbuun Yunivarsiitii Riift Vaalii Damee Ambootti Biiznas Administreeshin barachuun hanga bara 2013 B.A digriin eebbifametti tajaajila afuurawaa Waldaa WABO Wiirtuu Amboo, akkasumas tajaajila manneetii kiristaanaa baadiyaa naannawaa Amboo keessatti nama hojii guddaa hojjete ture. Erga eebbifamee boodas WABO Wiirtuu Muummee fi Wiirtuu Buraayyuu irratti tajaajilli inni gaggeessaa ture laphee fi sammuu amantoota hedduu keessatti chaappeffamee kan jiruu fi jiraatudha.
Waggoota sadan darban ammoo sababa carraa hojii argateen CBE Damee Kiiramuutti ramadamee hojjetaa kan ture yoo ta'u, leenjiirra turee magaalaa Naqamtee irraa gara bakka hojiisaatti osoo deebi'aa jiruu bakka Angar Guutee jedhamutti humnoota finxaaleyyii faannootiin haala suukaneessaan Adoolessa 17/2018 B.A wareegame.
Egaa tasa du'a fooniin darbuun obboleessa keenyaa akka namummaa keenyatti gadda ta'ee nutti dhaga'amuyyuu kiristaanni tokko 'amantii fi icciitii mana kiristaanaatiin' qaama Kiristoos ta'ee waan ijaarameef abdii jireenyaa inni samiirratti qabu kan Gooftaa fi Qorichi keenya Iyyasuus Kiristoos foonummaa isaatiin du'aa fi tortoruu haqee daandii fayyinaa gochaan raawwatee agarsiisee, warra fayyisummaasaa kanatti amananii fi fayyan gara tokkummaasaatti walitti qabe ilaalaa ofis, maatii fi firoottan fooniif afuuraa gaddi itti gale jajjabeessina.
"Isin garuu gara tulluu Tsiyoon, gara magaalaa Waaqayyo jiraataa Iyyarusaaleem ishee samii keessaatti dhuftaniittu. Gara ergamoota kumaatamaa gammachuun walitti qabamanii dhuftaniittu. Gara waldaa hangafootaa maqaan isaanii samii keessatti barreeffamee dhuftaniittu. Gara Waaqayyo Abbaa Murtii waan hundaa, gara afuurota namoota qajeeltota warra mudaa hin qabne taasifamanii." (Ibr.12÷22-23)
Waldaa Afuurawaa Barattoota Oromoo Wiirtuu Muummee
Adool. 20/2018 B.A

22/07/2026

Maqaa Abbaa Kan Ilmaa Kan Afuura Qulqulluu waaqa tokko Ameen!
"...JECHA ISAA TAJAAJILUUF NI CARRAAQNA" (Hoj.Erg. 6:4)
Waldaan Afuurawaa Barattoota Oromoo waqxiiwwan gannaa barsiisota wangeelaa akka leenjisu ni beekama. Leenjii ganna bara 2018 B.A kanas Adoolessa 30/2018 B.A Kutaa Biyya Lallabaa Shawaa Lixaa Kaatedraala Dabra Eedoom Qulqulluu Gabreelii Hoolataatti gaggeessuuf qophii xumuree jira.
Kanaaf:-
1. Tajaajiltoonni armaan dura ergaan isin qaqqabee fi irra deddeebiin gaafataa turtan guyyaa jedhametti akka argamtan
2. Tajaajiltoonni leenjii duukaa bu'ummaa kana fudhachuu barbaaddan carraa xiqqoo jirtutti fayyadamuu kan dandeessan ta'uu isin beeksifna. Ulaagaa barbaachisu lakkoofsa bilbilaa armaan gadiin bilbiltanii argachuu dandeessu.
1. Dn Haacaluu Dirribaa 0930844893
3. B/saa Shimallis Fiqruu 0910859903
4. B/saa Mokonnin Guutamaa 0912202459
Galanni Waaqayyoof haa ta'u!

12/04/2026

DU'AA KA'UMSI GOOFTAA KEENYAA DU'AA KA'UMSA KEENYA!
BAGA GEESSAN!
Gooftaa fi Fayyisaan keenya Iyyasuus Kiristoos kan ittiin kafaname naaf hiikaa boolla awwaalchaa naaf banaa osoo hin jedhiin akkuma laphee Waaqayyoo kan jedhame Qulqulluun Daawwiit "Waaqayyo akka waan irribarraa dammaquutti ka'e" (Faar.57) jedhee dubbate humnaa fi aangoo Isaatiin du'a injifatee ka'e. Du'aa ka'umsi Gooftaa keenyaa nuyi Kiristaanotaaf kabaja guddaadha. Nuyiin jaalatee kan nuuf du'e du'a injifatee abdii jireenyaa nu gonfachiise!
Miseensonni WABO fi amantoonni kiristaanaa hundi keessan baga kabaja ayyaana Ifa Du'aa Ka'umsa Gooftaa fi Fayyisaa keenya Iyyasuus Kiristoosiin isin gahe!
Ayyaana Gaarii!
Galanni Waaqayyoof haa ta'u.

08/04/2026

📌Torbee Dhukkubbii Gooftaa📌

☆Guyyaa 4ffaa torbee dhukkubbii

Guyyaa gaafa Roobii hangafni luboota Ayihuudotaa akkamittiin akka Gooftaa qaban kan itti mari'atanii fi murtoo dabarsan waan ta'eef Marii Ayihuudotaa jedhama. Waqxiin isaa waqxii kabaja ayyaana faasikaa ta'uusaa fi ummanni baay'eenis Gooftaa duukaa bu'aa waan turaniif hokkorri ni ka'a kan jedhu yaaddoo qabu ture. Garuu duukaa bu'oota kudha lamaan keessaa Yihuudaa inni Asqooroot Gooftaa dabarsee akka kennuuf waan waadaa galeef dhiphuun isaanii mulqamee itti waliif galani. (Luq.26:1-6)
Guyyaa foolii yookaan urgaa gaariis jedhama. Gooftaan keenya mana Simi'oon isa lamxiin dhukkubsataa turee taa'ee osoo jiruu dubartiin Maariyaam jedhamtu kan baroota jireenyashee hunda jireenya sagaagalummaan of xureessite urgooftuu albaasxiroos gatiin isaa qaalii ta'e fiddee Gooftaa irratti waan naqxeef guyyaan kun moggaasa kana argate. (Maat.26:6-7)
Guyyaa imimmaaniis jedhama. Dubartiin Maariyaam jedhamtu kanaa olitti ibsamte kun cubbuushee akka isheef dhiisuuf boo'icha guddaa boochee miillasaarratti kufteetti. (Maar.14:9)

05/04/2026

📌TORBEE DHUKKUBBII📌

Guyyaa kana taateewwan raawwataman:

⚜️1.Abaarsa Muka Harbuu(መርገመ በለስ):-Gooftaan keenya Biitaaniyaa bulee gara magaalaatti yemmuu deebi'u beela'ee yoon firii irraa argadhe jedhee gara harbuu daandii cinaa jirtu tokkotti gore; firiis ilaalee waan irraa dhabeef "bara baraaf firiin sirraa hin argamiin" jedhee abaareeni.Garuu wangeela Maarqoosirratti waqxichi waqxii firiin harbuu itti argamu akka hintaane dubbata.Maaliif osoo beekuu akkas raawwateree? Nan beeka jedhee hojiisaa hojjechuu akka hindhiisne nu barsiisuu barbaadeetidha.

Icciitiin harbuurraa firii barbaaduusaa jaalala ilmaan namootaa beela'ee harbuu/balasii kan taate Israa'eel Iyyarusaalemitti argatee amantaaf hojii gaarii yoon irratti argadhe jedhee yoo ilaalu irraa dhabe.Sababa kanaan namni gaariin si keessaa hin argamiin jedhee abaareeni.Maat.21:18, Maar.11:12-14

⚜️2.Mana Qulqullummaa Qulqulleessuu(አንፅሖተ ቤተ-መቅደስ):- Gaafa Hoosaa'inaa mana qulqullummaasaa daldaltootarraa qulqulleessee kan hafe wantoota xixiqqoommoo guyyaa kana waan qulqulleesseef mana qulqullummaa qulqulleessuu jedhama.

29/03/2026

📌Sooma Guddicha Torbee 7𝒻𝒻𝒶𝒶 (𝗡𝗶𝗾𝗼𝗼𝗱𝗶𝗺𝗼𝗼𝘀) Baga Geessan.

“Dhuguma, dhuguman sitti hima, nuyi isa beeknu in dubbanna, isa argines dhugaa in baana; utuma ta'uu iyyuu isin isa nuyi dhugaa baanu hin fudhattan.”
— Yoh. 3:11

📌Torbee Gaarii Nuuf Haa Ta'u🙏

Waldaa Afuurawaa Barattoota Oromoo

22/03/2026

Maqaa Abbaa Kan Ilmaa Kan Afuura Qulqulluu Waaqa Tokko Ameen!
GABRIHEER(TAJAAJILAA AMANAMAA)
Gooftaa fi Fayyisaan keenya Iyyasuus Kiristoos Gaara Ejersaarratti waa'ee mallattoo dhufaatiisaa isa lammaffaa erga hubachiiseenii booda addunyaa kanammoo akkamitti akka dabarsu fakkeenyaan barsiisuunii eegale.
Jalqaba babbareedduuwwan haxxoota shanii fi dhilbooftota shaniin, itti aansuun yaadannoo torban kanaa kan ta'een akkasiin fakkeesseefi. Namni gara biyya biraa deemu tokko garboota isaa waamee tokkoon tokkoosaaniif akka humnasaaniitti makliitii hireefii deeme. Garboota kana keessaa lamaan isaanii bu'aa buufatanii (waan gaarii hojjetanii) eeganiin. Inni tokko garuu makliitiisaa lafa qotee keessa awwaalee eegeen.
Gooftaan isaanii yemmuu deebi'ee dhufu garboota bu'aa buufatan lamaaniin jecha gammachuu "Garboota gaggaarii gara gammachuu Gooftaa keessaniitti galaa" kan jedhu yoo dhageessisuun isa bu'aa malee isa eegeen garuu "garbicha hamaa kana gara dukkana ala jirutti baasaanii achittis boo'ichaa fi gaabbiitu ta'a" jechuun barsiiseen.
Fakkeenyummaan isaa:- Gooftaan hundumaafuu akka humnasaatti amantaa erga qoodeefii booda hundumtuu hojii gaarii fi eebbaa akka ittiin hojjetan ajajeen. (Waaqayyo tokkoon tokkoof hammamtaa amantii akka kaffaluuf akka abbaa sammuutti akka yaadu malee eenyumtuu hangasaarra darbee oftuulummaan akka hin yaadne ... (Room.12:3)) Hojii gaarii fi eebbaa qabatanii yoo argaman akka galateeffatuun, mootummaa samii akka dhaalchisuun; hojii gaarii fi eebbaa osoo hinqabatiin warra itti dhihemmoo akka isaaniin komatu gara ibidda bara baraatti akka isaan darbatu kan barsiisudha.
Galanni Waaqayyoof haa ta'u!

21/03/2026

"Kana booddees samii keessatti lolli in ka'e. Mikaa'el, ergamoota isaa wajjin bineensa akka jawwee sana in lole; bineensichi akka jawwee sunis ergamoota isaa wajjin deebisee isa in lole. Bineensichi mirga hin arganne, deebi'ees isaaf ergamoota isaatiif samii keessatti iddoon hin argamneef"
-Mul. 12:7-6

Isa nuuf dhaabbatu, Isa diina keenya irra immoo dhaabbatu ergamaa guddicha Mikaa'el! Baga guyyaa ayyaana yaadannoo Isaa geessan!

Eegumsi Ergamichaa nurraa adda hin bahiin! Ameen!

20/03/2026

17/03/2026

📌Itti dhihaadhaa Imala Afuuraa Waldaan Afuurawaa Barattoota Oromoo Wiirtuu Gafarsaa Gujeef Wiirtuun Buraayyuu Gara Kawaalaa Cuqqaalaa(Abboo Zuqaalaa) Qopheessan kana waliin hirmaadhaa.

📌Bakki Ka'umsaa Wiirtuu Gujeef Mana Amantaa Gafarsaa Gujee Qulqulluu Ba'alwold.

⚜️Odeeffannoo Dabalataa.
📞0960548334

📌Wiirtuu Buraayyuu Mana Amantaa Abune Taklhaayimanoot Tsaratsiyoon.

⚜️Odeeffannoo Dabalataa.
📞0975156055

Imala Gaarii Waaqayyoo Waldaa keenya nuuf haa eebbisu Tokkummaa Kiristiyaanootaa nuuf haa cimsu bara baraan ameen!.