CMTV

20/05/2026

18/05/2026

በክርስቶስ ተልዕኮ ቤተክርስቲያን የእሁድ አገልግሎት

ርዕሰ ፦ ለእግዚአብሔር ክብር መገለጥ እራሳችንን እናዘጋጅ

- እግዚአብሔር አምላክ ክብሩ በእኛ እንዲገለጥ ይፈልጋል ።

- የሀጢያት ትልቁ ክፋት የእግዚአብሔርን ክብር ከህዝቡ መዉሰድ ነው ።

- እግዚአብሔር ሰዉን የፈጠረው በዚህ ምድር ላይ እንደ እንሰሳ ኑሮ እንዲያልፍ ሳይሆን የእግዚአብሔር ክብር መገለጫ እንዲሆን በዚህ ምድር ላይ ክብሩን እና ማንነቱን ተሸካሚ እንዲሆን ነው ።

- በሰማይ የእግዚአብሔርን ክብር የሚያንፀባርቅ የሚያስተጋባ እግዚአብሔርን በሙላት ሲገልጠዉ የኖረ ከዘላለም ዘመናት ጀምሮ ልጁ ኢየሱስ ክርስቶስ ነው ።

- እግዚአብሔር አስቀድሞ እኛን በእቅድ ደረጃ ሲያዉቀን ገና ሳይፈጥረን የወሰነን የልጁን መልክ እንድንመስል ነው ።

- እግዚአብሔር እኛን አስቀድሞ የወሰነን ያን የእግዚአብሔር ባህሪ እና ማንነት መገለጫ የሆነዉን ክርስቶስን እንድንመስል ነው ።

- ክርስቶስ የእግዚአብሔር የክብሩ የባህሪዉ የማንነቱ ነፀብራቅ ነው ።

- እግዚአብሔር በፈጠረው ፍጥረት ክብሩ ይገለጣል ።

- የእግዚአብሔር መገኘት ጥልቅ የሆነ የእግዚአብሔርን ህያዉነት መኖሩን ይገልጣል ።

- የእግዚአብሔር ክብር ሲመጣ ሰዎች ንሰሃ ይገባሉ ።

- የእግዚአብሔር ክብር ሲመጣ የሰው ልብ ይነካል ይቀልጣል።

- የሰዉን ልብ የሚነካዉ የእግዚአብሔር ክብር መገለጥ መገኘት ነው።

- የእግዚአብሔር ክብር ሲመጣ የህይወት መለወጥ ያመጣል ።

- የእግዚአብሔር ክብር ሲገለጥ የቅድስናዉ መታየት ይገለጣል ።

- ታምራት የእግዚአብሔርን ክብር ይገልጣል ።

- የእግዚአብሔር ክብር ቅድስናዉ ፣ ፍቅሩ ፣ ምህረቱ ፣ ፅድቁ ፣ እዉነተኛነቱ ፣ እነዚህ ባህሪያቶች የእግዚአብሔር ክብር ነው ።

18/05/2026

ልዩ የቅባት ቀን በክርስቶስ ተልዕኮ ቤተክርስቲያን
የፊታችን አርብ ግንቦት 14 ከ9፡00 ሰዓት ጀምሮ
እሁድ ግንቦት 16 በመጀመሪያው አገልግሎት ከጠዋቱ 1፡00
እንዲሁም በሁለተኛው አገልግሎት ከረፋዱ 4፡30 ጀምሮ ልዩ የቅባት ቀናት ይኖረናል።

ላምበረት ከአራራት አደባባይ ወደ ጉርድሾላ ቴሌ በሚወስደው መንገድ 100 ሜትር ወረድ ብሎ
https://goo.gl/maps/DN17Cszv2WRhfJjB9

17/05/2026

https://youtube.com/live/3dhXE5kWMw4?feature=share

ጌታን ለመቀበልና በቤተክርስቲያን ለመያዝ የሚከተለውን ፎርም ይሙሉ። https://www.cmmlife.org/new-soulየአገልግሎቱ ፓርትነር ይሁኑ: https://www.cmmlife.org/new-partners-registrationይስጡ፡ https://w...

16/05/2026

በክርስቶስ ተልዕኮ ቤተክርስቲያን የመንፈስ ቅዱስ ምሽት አገልግሎት

ርዕስ ፦ ዛሬ ክብሩን ታያላችሁ

- ፈተናዎቻችን እድሎች ናቸው

- ፈተናዎች የትልልቅ ታምራት መወለጃዎች ናቸው ።

- ፈተናዎች ኮሳሳ እንዳንሆን አቅመ ቢስ እንዳንሆን መንፈሳዊ ጡንቻ መገንቢያዎቻችን ናቸው ።

- ፈተናዎች የክብሩ መገለጫዎች እና ወደ ሚቀጥለው ደረጃ መሸጋገሪያዎቻችን ናቸው ማዕረግ መቀበያዎቻችን ናቸው ።

- በህይወታችን ዉስጥ አለ የምንለው ፈተና መጥፊያችን ሳይሆን መድመቂያችን መክበሪያችን ነው ።

- ፈተናዎች እግዚአብሔርን ማወቂያችን ናቸው ።

- ትልልቅ ታምራት የሚወለደው በፈተናዎች ዉስጥ ነው ።

- እምነት ለፈተናዎች መልስ ሲሰጥ ታምራት ይሆናል ።

- ክብር ማለት የሀይሉ ባለቤት እግዚአብሔር ለኛ ሲታወቅ ወይም ለኛ ሲገለጥ ማለት ነው ።

- ክብር ማለት የሀይሉ ባለቤት እግዚአብሔር ታምራታዊ አድራጊ ሀይሉ በሁኔታዎቻችን ላይ ሲገለጥ ማለት ነው።

- የእግዚአብሔር ክብር ኢየሱስ ክርስቶስ ነው ።

- ኢየሱስ ክርስቶስን ማወቅ ኢየሱስ ክርስቶስን መገንዘብ የእግዚአብሔርን ክብር ማወቅ ነው

- ያለ ክርስቶስ እግዚአብሔርን ማወቅ አይቻልም ።

- እግዚአብሔር ለፍጥረት ለመታወቅ ብሎ እራሱን የገለጠው ራሱን ያስተዋወቀዉ በልጁ በመድሀኒዓለም በኢየሱስ ክርስቶስ በኩል ነው ።

- ኢየሱስ ክርስቶስን ስንቀበል እግዚአብሔርን የምናዉቅበትን ብርሃን እናገኛለን ።

- ኢየሱስን ስንቀበል ስለ እግዚአብሔር ትክክለኛ እዉቀት ይኖረናል እግዚአብሔር ለኛ ያለው ሀሳብ እና እቅድ ይገልጥልናል።

11/05/2026

የፊታችን ቅዳሜ ግንቦት 8 ከቀኑ 7፡00 ሰዓት ጀምሮ በክርስቶስ ተልዕኮ ቤ/ክ ለሲኤም ቴሌቪዥን የወንጌል ማህበረተኞች የተዘጋጀ ልዩ የትምህርት እና የፀሎት ጊዜ!
በእለቱም ፓስተር ዶ/ር ተስፋሁን ሙሉዓለም የሚያገለግሉን ይሆናል።
ማሳሰቢያ፡ ይህ ፕሮግራም ለCMTV ፓርትነሮች ብቻ የተዘጋጀ ነው!

11/05/2026

በክርስቶስ ተልዕኮ ቤተክርስቲያን የግንቦት ወር ትንቢታዊ አዋጅ የእሁድ ሁለተኛው አገልግሎት

ርዕስ:- የዝግጅት ወር

- በተለያዩ የህይወት ጎዳናዎች መዘጋጀት ይኖርብናል።

- የመጀመሪያው ዝግጅት የማንነት ዝግጅት ነው ፤ ማንነታችንን ለእግዚአብሔር ማንነት ማዘጋጀት።

- ትልቅ ክንውን ፣ በረከት ፣ ትልቅ የእግዚአብሔር እጅ የፀሎት መልስ የምንፈልግ ከሆነ በመጀመሪያ ደረጃ ህይወታችን እና ኑሮአችንን ለእግዚአብሔር ማዘጋጀት ይኖርብናል።

- መልሱ የሚመጣው ከራሱ ከሰጪው ጋር ስለሆነ ለሰጪው ዝግጁ የሆነ ቤት እና ህይወት ለስጦታው ዝግጁ ይሆናል።

- ለስጦታው እጃችንን ከመዘርጋታችን በፊት ለሰጪው ልባችንን መክፈት ይኖርብናል።

- የምናዘጋጀው ህይወታችንን ነው ህይወትን የማዘጋጀት እና የማስተካከል ጊዜ ያስፈልገናል።

- ጌታ ሊያመጣ ላለው በጎ ነገር ፤ ሊያደርገው ላለው ታላቅ ነገር የተዘጋጀ የምህረት ዕቃ ለጌታ የሚጠቅም ይሆናል። 2ጢሞ 2: 21

- ዝግጅቱ የክብር የምህረት እቃ ለጌታ የሚጠቅም እቃ እንዳንሆን ከሚያደርጉ ነገሮች ራስን መከልከል ነው።

- የእግዚአብሔርን ማዳን እና ሀይል የምንጠባበቅ መልካም ነገር በመጣ ጊዜ አያልፈንም ፤ ክፉ ነገር ወደ ቤታችን አይገባም።

- እግዚአብሔር ተዘጋጁ የሚለን ልባዊ ፣ የማንነት ዝግጅት ነው።

- የመጀመሪያው ዝግጅት ህይወትን ከእግዚአብሔር መንገድ ጋር የማስተካከል ዝግጅት ነው።

- ነገ ላይ ከእግዚአብሔር ጋር ለመቆየት ከፈለግን ዛሬ ሁኔታዎች ሲቀየሩ ካልተቀየረው ከእግዚአብሔር ጋር መቆም ያስፈልጋል።

- በዙሪያችን እና በጊዜያችን ካለ ነገር ራሳችንን በማንፃት ነው የምንዘጋጀው።

- የልባችንን አቋም በማስተካከል ነው የምንዘጋጀው።

- ሰውን በሰውነት ልኩ እግዘብሔርን በእግዚአብሔርነት ልኩ ማወቅ ትህትና ነው።

- ክርስቶስ ሁለንተናችን እንዲሆን መድሀኒታችን ሀይላችን እንዲሆን ተልኳል።

- የእርሱ ገንዘብ ለመሆን ራሳችንን ማዘጋጀት አለብን።

11/05/2026

የክርስቶስ ተልዕኮ ቤተክርስቲያን ቤተሰቦች የፊታችን እሁድ ግንቦት 9 ከ2፡30 ጀምሮ ልዩ እና ድንቅ የሆነ የቃል፤ የአምልኮ እና የፀሎት ጊዜ በክርስቶስ ተልዕኮ ቤተክርስቲያን ተዘጋጅቷል፡፡
በዕለቱም ፓስተር ዶ/ር ተስፋሁን ሙሉዓለም በመንፈስ ቅዱስ ሀይል በሃይል የሚያገለግሉን ይሆናል እርሶም በእለቱ ተገኝተው ጌታን አብረውን እንዲያመልኩ እና ከቃሉ እና ከመንፍሱ በረከት እንዲካፈሉ ተጋብዘዋል፡፡