08/04/2026
Yesuus in du’e qofa miti. Inni dararamaa cimaa keessa darbe. Bara 1986tti, Dhaabbanni Ogeeyyii Fayyaa Ameerikaa barruu “Du’a Qaamaa Yesus Kiristoos” jedhu maxxanse. Barruun sun adeemsa guutuu murtii irraa jalqabee hanga du’a isaa irratti waa'ee fannoo Yesuus ibsa.
Luqaas 22 keessatti, osoo hin qabamin dura, Yesuus dhiphina guddaa keessa akka turee fi dhuphina cimaa irraa kan ka'e akka dafqa dhiigaa coccophsaa ture ibsameera. Kun dhukkuba “Hematidrosis” jedhamee beekamu yoo ta’u, yeroo dhiphina cimaa keessatti uumamuu danda’a, baay’ee muraasa ta’uus ni beekama.
Yeroo sanatti, fannoon du’a yakka raawwattoota hamaa irratti raawwatamu keessaa isa hamaa ture. Garuu kana qofa miti wanti Yesuus irratti raawwatame. Inni rukuttaa hamaadhaan, qaama isaa irraa foon akka buqqifamu godhame. Fuulli isaa akka miidhamee fi rifeensi funyaan isaa akka buqqaatu taasifame.
Gonfoo Qoree (crown of thorns) dheerinni isaa inchii 2-3 ta’u mataa isaa keessa seene. Qaccee foon isaa ittiin rukutan keessatti kubbaa sibiilaa xixiqqaa fi qara qara qabutu ture. Kubbaaleen kun miidhaa keessaa uumu; qarri ammoo foon isaa ciccira. Kanarraa kan ka'e maashaan qaamaa, hiddi dhiigaa fi qaamoleen keessaa mul’atu; dhiigni hedduun dhangala’a. Namoonni baay’een dararaa akkasii irraa hin oolan.
Erga akkasitti rukutamee booda, Yesuus fannoo isaa baachuuf dirqame, namoonni isa arrabsaa fi itti tufaa turan.
Fannoon, adeemsa dhukkubbii guddaa fi du’a suuta jedhu uumu ture. Mismaarri dheeraan inchii 8 ta’u harka isaa fi miila isaa keessa seensifame. Loltoonni Roomaa hiddi harka keessa jiru akka citu beekanii, inni akka dugda isaa fayyadamuun of ol qabee hafuura baafatu taasisan. Yaadi—dadhabina, dhukkubbii, garuu jabina isaa… Yesuus kana hunda sa’aatii sadii obsaan danda’e!
Yohannis keessatti, du’a isaa booda, loltuun Roomaa tokko cinaacha isaa waraane; dhiigaa fi bishaan keessaa ba’e. Saayintistoonni yeroo ibsan, sababa dhiiga baay’ee dhabuu (hypovolemic shock) irraa, bishaan naannoo onnee fi sombaa keessatti walitti qabama. Kana keessaa, naannoo onnee keessatti walitti kan qabamu “pericardial effusion” jedhama; kan sombaa ammoo “pleural effusion”.
Addunyaatti, Kiristaanummaan akka waan gowwummaa fakkaata. Namoonni tokko tokko akka inni dadhabootaaf du'eetti amanu. Garuu yoo dhugaa fannoo hubatte, inni suuraa bareedaa miti—gara jabeessa fi sodaachisaa dha.
Kun ba’aa Yesuus baate dha—cubbuu addunyaa hunda! Kun hundi akka nuti jiraannuuf, aariin Waaqayyoo guutummaatti Yesuus irratti baafame.
Kanaaf, qalbii jijjiirradhu, amani! Yesuus “Waaqayyoo nu wajjin” dha. Inni Fayyisaa keenya. Yesuus si jaallata; cubbuu keetii fi koo irraa siif jecha dararaa kana hunda keessa darbe.
Yesuus Gooftaa dha, Waaqayyo Jabaa, Abbaa bara baraa.
Galanni siif haa ta’u, Yesuus.
Kun fuula DR Ministirii ti. This page belongs to DR Ministry
Fuula kana jaaladhaa, hordofaa, hiriyyoota keessanis afeeraa, akkasumas yaada qabdan nu dhaqqabsiisaa. Like, follow and share
