Semayawi Thought, Dembel City Center 12th floor, Addis Ababa (2026)

21/08/2026

ጌታ ኢየሱስ በዮሐንስ 21:19 ላይ ለጴጥሮስ «ተከተለኝ» የሚል ጥሪ ሲያቀርብለት፤ ከፊቱ የሚጠብቀውን መራራ መስዋዕትነት እና የሞቱን መንገድ ቁልጭ አድርጎ ከነገረው በኋላ ነበር። ይህ የክርስቶስ ጥሪ፤ ዛሬ እኛ የምንኖርበት የዲጂታል ዓለም ከሚሰብከው እውነታ ጋር ሲነጻጸር እጅግ ጥልቅ የሆነ ተቃርኖን ያሳያል።

በአሁኑ የሶሻል ሚዲያ እና የዘመናዊው ባህል እሽክርክሪት ውስጥ ሰዎችን ለመሳብ እና «ተከታይ» (Followers) ለማፍራት የሚኬድበት መንገድ በፍጹም የተለየ ነው። ዛሬ ብዙዎች ተከታይ የሚያበዙት የሰዎችን ስሜት የሚያስደስት፣ ምቾት የሚሰጥ እና ፍላጎታቸውን ብቻ የሚያረካ ነገር በመናገር ነው።

የሰዎችን ስሜት የሚደግፍ እና መስማት የሚፈልጉትን ብቻ የሚያበስር አካልን መከተል እጅግ ቀላል ነው፤ የሰው ልጅ ተፈጥሮም ወደዚህ ያደላል። እንዲህ ያለው መንገድ ምንም ዓይነት ዋጋ መክፈልን፣ መስዋዕትነትን ወይንም ራስን መካድን አይጠይቅም። የዛሬው የዲጂታል ዓለምም የሚያበረታታው ይህንኑ የቅጽበታዊ ደስታ እና የእራስን ስሜት የማርካት አቋራጭ መንገድ ነው።

በሌላ በኩል ግን... የጌታ ኢየሱስ ጥሪ ሙሉ በሙሉ ተቃራኒ ነበር!
ክርስቶስ ሰዎችን የጠራው ጊዜያዊ ምቾትን፣ ቁሳቁሳዊ ሀብትን ወይም ሰዎችን ለሙገሳ ቃል በመግባት አይደለም። ይልቁንም እውነትን እና የእውነተኛ ደቀ መዝሙርነትን ዋጋ በግልጽ ጠረጴዛው ላይ በማስቀመጥ ነበር!

ኢየሱስ ለጴጥሮስ ከፊቱ የሚጠብቀውን የበረታ ፈተና እና አሰቃቂ ሞት ሳይደብቅ «ተከተለኝ» ማለቱ፤ የእሱ ጥሪ በጊዜያዊ ስሜት ሳይሆን፣ በጥልቅ እምነት እና በመስዋዕትነት ዐለት ላይ የተመሠረተ መሆኑን ያበስራል።

በጊዜያዊ ስሜትና በይስሙላ ደስታ ላይ የተመሠረተ ተከታይነት የጥዋት ጤዛ ነው፤ ሁኔታዎች ሲቀየሩ ወይም ፈተናዎች ሲደቅኑ ያ ጥረት አየር ላይ በኖ ይቀራል! ዋጋውን አውቆ፣ እውነቱን ተቀብሎ እና መስቀሉን ተሸክሞ መከተል ግን የጸና እና የማይናወጥ የህይወት መሠረት ይፈጥራል።

አዎ! በስሜታችን የሚያስደስቱንን ነገሮች መከተል ይቀል ይሆናል፤ ነገር ግን በህይወታችንም ሆነ በትውልድ ላይ እውነተኛ እና ዘላቂ ለውጥ የሚያመጣው ዋጋ የሚያስከፍለውን የእውነት መንገድ መከተል ብቻ ነው።

Jo Yoseph

18/08/2026

ሕንፃ ሰርተን አሁን ሕንፃው ላይ ትውልድ መጥቶ ልጠቀም ሲል እንኳን የማንፈቅድ ሆነናል። ትውልድ ተገኝቶ መጥቼ ላምልክ፣ መጥቼ ልካፈል፣ የመዝሙር ፌስቲቫል ላድርግ፣ እግዚአብሔርን ላምልክ ብሎ እንኳን እየጠየቀ፤ አዳራሽ ታበላሻላችሁ፣ ይሄን ትሰብራላችሁ፣ እንደዚህ አይደረግም፣ ይቆሽሻል ብለን ቤተክርስቲያን የምንዘጋ ሰዎች ነን፣ ወይም ጉዶች ነን።

አሁን የተሰሩ ሕንፃዎች እንደዛ እየተደረጉ ነው። ማለት ኃላፊነት አይኑረው ማለት አይደለም፣ ብዙ ብር ነው የወጣባቸው፣ ብዙ ኢንቨስት ነው የተደረው፣ ምንም ጥያቄ የለውም። So what? ያንተ ብር አይደለም ሲጀምር እግዚአብሔር ነው የሰጠው። አንዳንዶቹ ሕንፃዎች በተአምራት የተሰሩ ናቸው፣ የእግዚአብሔር provision ናቸው።

እነዚህን ለትውልዱ ካልተጠቀምክበት፣ እየገቡ፣ እየሰበሩ፣ እያቆሸሹ፣ ትውልድ ይፍራ... በቃ ቢፈርስስ ነገ እኮ ይሠራል! ይሄ ትውልድ እግዚአብሔርን እየፈራ ካደገ እንደገና የተሻለ እኮ ይሠራል። ግን ንፁህ አድርገን፣ ቆሻሻ እንዳይገባበት ቆልፈን፣ እሁድ እና ረቡዕ እየከፈትን እንዴት ይሆናል?

ሙሉ ውይይቱን በሚከተለው መስፈንጠሪያ ይከታተሉ 👇
https://www.youtube.com/watch?v=ANMOvhI2q6w

የመልካም ዩቲዩብ ቻናልን ሰብስክራይብ ያድርጉ፤ ለሌሎችም ያጋሩ።
https://youtube.com/.podcast?si=Q-7_73G3-X8CKRdx
#መልካም

10/08/2026

በቤተክርስቲያን ኤጲስቆጶስ መሆን ያለበት ሰው፣ መሪ መሆኑ ሳይሆን ሰውየው ነው ዋናው ነገር።

እኔ ብዙ ጊዜ ሳየው የመዋቅር ችግር አይመስለኝም። እዚህ ጋር ሰዎች በጣም ተጋጩበት የምትለው መዋቅር ሌላው ጋር ደግሞ በጣም ፍሬያማ ሲሆን ታያለህ።

ስለዚህ እኛ ምንስተው ነገር ሚመስለኝ፣ ማነው በቤተክርስቲያን መሪ መሆን ያለበት ሰው ሚለው ላይ ነው። መጽሐፍ ቅዱስ የሚሰጠን ነገር እኮ አለ። 'ኤጲስ ቆጶስ እንዲህ ሊሆን ይገባል' ይላል። በዝርዝር ተቀምጧል።

በተወሰነ መልኩ ይቅርታ አድርግልኝና በእጅ ብልጫ ብቻ የሚሆን አይመስለኝም።

ይሄ መንገድ አያስሄድም እያልኩኝ አይደለም። ግን መሪነትን በጣም የተረዳንበትን ደርዙን ትንሽ ሰፋ ብናደርገው።

መሪነት በተወሰነ መልኩ ጥሪም ጭምር ይመስለኛል። ወደ መሪነት የምናመጣቸው ሰዎች ምን ያህል እንደ መጽሐፍ ቅዱስ መመዘኛ ነው የምናመጣቸው? ባህሪያቸው የተሰራ፣ ለቤተክርስቲያን ሽክምና ልብ ያላቸው፣ምሳሌ መሆን የሚችሉ፣ ኢጎአቸውን የጣሉ፣ በትህትና የሚያገለግሉ፣ ያ የክርስቶስ ልብ ያላቸው ሰዎች ናቸው ወይ የሚመጡት?

በጣም ቅዱስ እና ንጹሕ የምትለው መዋቅር ኖሮ ያልሞተ ማንነት ያላቸው መሪዎች ሲመጡ ቤተክርስቲያን እንደምታየው በብዙ ጉድ ውስጥ ትወድቃለች።

ሙሉ ውይይቱን በሚከተለው መስፈንጠሪያ ይከታተሉ 👇
https://youtu.be/g0Jzf0Ijs-I

የመልካም ዩቲዩብ ቻናልን ሰብስክራይብ ያድርጉ፤ ለሌሎችም ያጋሩ።
https://youtube.com/.podcast?si=Q-7_73G3-X8CKRdx
#መልካም See less

07/08/2026

ወንድሜ፣ እህቴ፣ በስጋ ችን የምናደርገው ነገር ሁሉ ዋጋ ያስከፍለናል። ስጋ ረክሶ መንፈስ ሊቀደስ አይችልም። እንዲያውም መንፈስ የሚረክሰው፣ ነፍስ የምትረክሰው በስጋ በኩል ነው።

ለዚህ ነው ጴጥሮስ "ነፍስን ከሚዋጋ ስጋዊ ምኞት ትርቁ ዘንድ፣ እንግዶችና መጻተኞች እንደመሆናችሁ እመክራችኋለሁ" ይላል። ወገኖቼ ልንገራችሁ፣ እባካችሁ ይሄንን ሰውነት ለጌታ ስጡት። እናንተ ወጣቶች ይሄን ልምላሜ፣ ይሄንን እድሜ ለርኩሰት ሳይሆን፣ ለኃጢአት ሳይሆን፣ ለክፋት ሳይሆን፣ ለቅሚያ፣ ለተንኮል ሳይሆን፣ እባካችሁ ለባለቤቱ መልሱት።

ያን ጊዜ እግዚአብሔር፣ እለት እለት በመንፈሱ ይሞላችኋል። ለምን? ምን ብሎ ተስፋ ሰጥቷል? "ስጋን በለበሰ ሁሉ ላይ ከመንፈሴ አፈሳለሁ" ይላል። ተመልከቱ፣ እግዚአብሔር ይሄን አድርጉ፣ ያን አድርጉ አይደለም ያለን... "ስጡኝ" ነው ያለን። ዛሬ ራሳችሁን ለእግዚአብሔር ትቀድሳላችሁ ወይ?

አንዳንድ ሰዎች፣ "አቃተኝ፣ ተቸገርኩ በቃ ኃጢአት ዋጠኝ ይላሉ"። ወገኖቼ፣ የሴሰኝነት ዘመን ነው ዘመኑ። ተቸገርኩ በቃ... በተለይ በተለይ በሴክሹዋል ኢሞራሊቲ፣ በወሲብ፣፣ በዝሙት፣ በፍትወት፣ ምኞት በቃ ተቸገርኩ ይላሉ።

ለምን እንደሚቸገሩ ልንገራችሁ፤ ምንም የሆነ ልዩ ሀይል መጥቶ አይደለም የሚያስቸግራቸው። ራሳቸው... ትንሽዬ ትል ነበረቻቸው። ከዛ በላይ እየመገቡ፣ እየቀለቡ፣ እየቀለቡ፣ እየቀለቡ፣ እየቀለቡ፣ አሳድገው አሁን አውሬ ሆኗል። እና "ዋጠኝ" ይላሉ።

እለት እለት ምንድነው የምታየው? ምንድነው የምታዪው? ምንድነው የምትሰማው? ምንድነው የምትሰሚው? በስልክህ፣ በስልክሽ፣ በኮምፒውተርህ፣ በአይፓድሽ፣ ምንድነው የምናየው?

ወገኖቼ እግዚአብሔር ኖርማል አድርጎ ነው የፈጠረን: አንዳንዱ የኔ የተለየ ነው ያላል። ወገኖቼ ስንቀልበው ስንቀልበው በውስጣች ያለውን የሃጢአትና ምትኞት ምን ይሆናል መሰላችሁ፤ ያድግ ያድግና አውሬ ይሆናል። ከዛ በኋላ ግን እ በፍጹም ሊሸነፍ የማይችል፣ ተስፋ የሚያስቆርጥ፣ እራሳችንን ለቀን እንድንነዳ፣ እኔ እንደዚህ ነው የተፈጠርኩት ማለት ነው? እኔ በቃ እንደዚህ ነኝ ማለት ነው? ብለን እንድናስብ ያደርገናል::

መፍትሄ አለ። ምን አድርገን ነው አሁን አውሬው እንደዚህ ያከለው። ለሊት አንተኛም ስልካችንን ይዘን ስክሮል ስናደርግ ነው ምናድረው። አብልተን አብልተን። ወገኖቼ ኢንተርኔት ኢንደስትሪው በጣም ትርፋማ ስለሆነ በኢንተርኔት ኔትዎርክ ውስጥ ቢሊየንስ ኦፍ ኢሞራል ይሆኑ ፀያፊ እግዚአብሄር የከበረ አድርጎ የፈጠረውን ቅዱስ ነገር የሚያረግሱ የሚያዋርዱ አላፋት ነገሮች አሉ! እኛ ቀለብተኞች ነን። ፖርኖግራፊ በዓለም ላይ በጣም ከሚታይባቸው ቦታዎች አንደኛው ህንድ ነው ሁለተኛው ኢትዮጵያ ነዉ። ኮንሲዩመር አለ ስለዚህ ዝም ብለን ያንን አፒታይት ስንመግብ እንውልና አስቸገረኝ እንላለን::

መፍትሄው ምንድነው ካላችሁኝ? አብልተን አብልተን አይደለ ያበጠው? እናስርበው፤ እንግደለው። በምንድነው መግደል የሚቻለው? አውሬውን መግደል የምንችለው በመታገል አይደለም። በማስራብ ነው። ወገኖቼ ዛሬ ብዙዎቻችን የምንጸልይበት ጊዜ የለንም። ብዙዎቻችን ቃሉን የሞንበላበት ጊዜ የለንም። ነገር ግን ስልካችንን ሙሉቀን የምናይበት ጊዜ አለን። ወገኖቼ በ ምኞት ሲቃጠል የኖረ ሰው እዚህ መጥቶ በመንፈስ ቅዱስ እሳት ሊቃጠል አይችልም!

ወገኖቼ ስጋችን ለቅድስና ተጠርቷል! ከየትኛውም የእርኩት የፍትህ የሴኝነት እስራት ውስጥ መውጣት ይቻላል። አብልተህ ያሳደከውን አውሬ አስርበህ ትገለዋለህ። ገንዘብን ከመውደድ ሱስ መውጣት ይቻላል። ከውሸት፣ ከማጭበርበር፣ ከተንኮል መውጣት ይቻላል! ኑሮዬ ይበቃኛል ማለት ይቻላል! በጌታ ደስ መሰኘት ይቻላል። "ስጋ በለበሰ ሁሉ ላይ ከመንፈሴ አፈሳለሁ" ይላል:: ወገኖቼ ድንጋይ አልበሳችሁም! እግዚአብሔር መንፈሱን በእናንተ ያፈሳል!

03/08/2026

የኢትዮጵያ ወንጌላውያን አብያተ ክርስቲያናት ህብረት 50ኛ ዓመት የወርቅ ኢዮቤልዩ እና የመሪዎች ኮንፈረንስ በስኬት ተጠናቀቀ!

የኢትዮጵያ ወንጌላውያን አብያተ ክርስቲያናት ህብረት ፕሬዝዳንት ፓስተር ደረጀ ታፈሰ፤ ከሀምሌ 7 እስከ 10 ቀን 2018 ዓ.ም. የተካሄደውን የመሪዎች ኮንፈረንስ እና የህብረቱን 50ኛ ዓመት የምስረታ የወርቅ ኢዮቤልዩ የመዝጊያ በዓል አስመልክተው የእንኳን ደስ አላችሁ እና የምስጋና መልዕክት አስተላልፈዋል።

በመልዕክታቸውም ፕሮግራሙ በተያዘለት መርሃ ግብር መሰረት እጅግ ደስ በሚልና ስኬታማ በሆነ መንገድ መጠናቀቁን ገልጸው፤ በአካል ተገኝተው ጉባኤውን ለተካፈሉ የቤተ እምነትና የአጥቢያ መሪዎች፣ የሚኒስትሪ ዳይሬክተሮች እንዲሁም ለመላው የህብረቱ ቤተሰቦች የእንኳን ደስ አላችሁ መልዕክታቸውን አድርሰዋል።

ልዩ ምስጋና፡
⚬ ከእግዚአብሔር ቃል ማካፈል ጀምሮ መርሃ ግብሩን በማቀናጀት ዋጋ ለከፈሉ አገልጋዮች
⚬ ለጽህፈት ቤቱ ሰራተኞች፣ ስታፍ እና የሀገር አቀፉ የበዓል ዝግጅት ኮሚቴ አባላት
⚬ በተለያዩ ዘርፎች የራሳቸውን አስተዋፅኦ ላበረከቱ ወገኖች በሙሉ ፕሬዝዳንቱ ላቅ ያለ ምስጋናቸውን እና በረከታቸውን አቅርበዋል።

ይህ የ50ኛ ዓመት የመዝጊያ በዓል፤ ከዚህ ቀደም ታይቶ የማያውቅ ልዩ የህብረት እና የአንድነት መንፈስ የተንጸባረቀበት እንደነበር የተገለጸ ሲሆን፤ "ይህ በዓል ለኛ የመዝጊያ ብቻ ሳይሆን፣ በአዲስ መንፈስ እንድንነሳ እና አዲስ የአገልግሎት ጅማሬን የፈጠረልን ታላቅ ጉባኤ ነው" ብለዋል።
"እግዚአብሔር በድንቅ ረድቶናል፤ ኤቤንዔዘር ሆኖልናል፤ እስከዚህ ድረስ ረድቶናል፣ ለነገም ደግሞ ተስፋችን ነው!" በማለት መልዕክታቸውን ደምድመዋል።
Evangelical Churches Fellowship of Ethiopia

31/07/2026

‹ አጥብቆ ጠያቂ የእናቱን ሞት ቢረዳም›› እውነቱን አውቆ እርሙን ማውጣት፣ ማድረግ ያለበትንም አስተውሎ ማድረግ ይሻለዋል፡፡
የእኛ አገር ነገር አደናጋሪ፣ አሳሳቢ፣ አስጨናቂ፣ አጠያያቂ ከሆነ ሰነበተ፡፡ በአንድ ወገን ሲቃና በሌላ ወገን ይደረመሳል፣ ዛሬ በሰለ ሲባል አድሮ ቃሪያ ይሆናል፡፡ እፎይታ የሩቅ ህልም እየመሰለ ሄደ፡፡ ውጥረትና ሁካታ የወትሮ ልብስ ሆኑ፤ ጣርና ሲቃ አየሩን ሞሉት፡፡ ለምንድነው ይህ የሚሆነው? ምን ቢሆን ነው የሚስተካከለው? መቼ ነው ይህ አገር አደብ የሚገዛው? ብርቱ ጥያቄ ልቦናችንን ይገዘግዛል፡፡ እንደ አገር ሁሉ ቤተክርስቲያንም እንደታመመች እንዳቃሰተች አለች፡፡ የብርሃን ማማ እንድትሆን የተጠራች፣ የተስፋ ቋት እንድትሆን የምንጠብቃት ይህች የክርስቶስ አካል ኩራዟ እየተስለመለመ፣ ጎተራዋ እየተመናመነ የሚሄድ ይመስላል፡፡

ለምን ይህ ሁሉ ሆነ?

የዚህ መጣጥፍ ርዕስ ከመጽሐፈ መሳፍንት ምዕራፍ 6 የተቀዳ ነው፡፡ ጌዴዎን ብርቱ ገበሬ እንደነበር ከትጋቱ እናስተውላለን፤ በጠላት በተዋከበ አገር ውስጥ ተደብቆም ቢሆን፣ ጉድጓድ ገብቶም ቢሆን ስንዴውን ይወቃል፣ አላረፈም፣ እጅ አልሰጠም፡፡ በሥራ ቦታው የተገለጠለት መልአክ ከጌዴዎን አስተሳሰብ ጋር የማይገጥም ከፍ ያለ ነገር ይናገራል፡፡ ‹‹ አንተ ጽኑዕ፣ ኃያል ሰው ፣ እግዚአብሔር ከአንተ ጋር ነው፡፡››
የመልአኩ ዐዋጅ እና የመሬቱ እውነታ አልገጣጠም ያለው ጌዴዎን ብርቱ ጥያቄ ጠየቀ፡፡‹‹ እግዚአብሔር ከእኛ ጋር ከሆነ ይህ ነገር ሁሉ ለምን ደረሰብን? ለምን የምድያም መጫወቻ ሆንን? ለምን ዘወትር በፍርሀት እና በሰቀቀን እንኖራለን? ለምን መቅኖ ቢስ ተንከራታቾች፣ የዋሻ እና የጉድጓድ ነዋሪዎች ሆንን? ስንት ታሪክ እየተተረከልን፣ ስንት ታምራት እየተነገረን አሁን ያለንበት ሰቆቃ ውስጥ ለምን ወደቅን?
የጌዴዎንን ታሪክ ዙሪያ ገባ ስናጤን መልሱ አጅግም ውስብስብ አይደለም፡፡ ሕዝበ እስራኤል ከባርነት ያወጣቸውን አምላክ በሌሎች አማልክት ተክተውታል፡፡ ‹‹ባዕዳን አማልክትን አታምልኩ›› ያላቸውን የታዳጊያቸውን ቃል አልሰሙም፡፡ በዚያ ላይ ደግሞ በመከራም ውስጥ ሆነው ትዕቢታቸው እና ‹‹ ከእኛ በላይ ላሣር›› የሚለው መፈክራቸው አልተለወጠም፡፡ ‹‹ እስራኤል እጄ አዳነኝ ብሎ እንዳይታበይብኝ የሰራዊቱን ቁጥር ቀንስ›› ብሎ እግዚአብሔር ጌዴዎንን ያዘዘው የልባቸውን ዐውቆ ነው፡፡ ከድል በኋላ እንኳ አንዳንዶቹ የታሪክ ሽሚያ ውስጥ ገብተው ‹‹ እኛን ሳትጠሩን ለምን ዘመታችሁ?›› እስኪሉ ድረስ ጉረኞች ነበሩ፡፡

በኢሳይያስ መጽሐፍ ውስጥ ደግሞ ሌሎች ጥያቄዎች አሉ፡፡ ‹‹ ፀሎት የማትመልስ ከሆነ ለምን ጾምን? ለምንስ ጸለይን? የሚሉ፡፡ ‹‹ አንተን ፈልገን እራሳችንን ያዋረድነው ፋይዳው ምንድነው? የሚሉ፡፡ ለእነዚህም መልሱ ሩቅ አይደለም፡፡ አስመሳይ ሀይማኖተኞች፣ ጸሎት አሳማሪ፣ ክፉ ሥራ ሠሪ ሆነው የተገኙ ናቸው፡፡ ግብዝ ሃይማኖተኝነት ከባዕድ አምልኮ አይተናነስም፡፡ ይጾማሉ፣ እንደ እንግጫ እራሳቸውን መሬት ላይ ያነጥፋሉ፤ ግን ከጸሎት ሲነሡ ያው የራሳቸውን ፍቃድ ይፈጽማሉ፡፡ ምንም ለውጥ የለም፡፡ ከጾምና ከጸሎት ሲመለሱ በግፍ ጡጫ ይማታሉ፣ ፍትህ ማጓደል፣ እብሪት ና ንፉግነት ያጠመቀው የኑሮ ዘይቤያቸው በሀይማኖተኝነት ካባ ተጀቡኖ ይጎማለላል፡፡

አምላክ እንዴት ይስማ?

የዕዝራ-ነህምያ ዘመን ሰዎች ደግሞ የገቡበት አስጨናቂ በደል ድብልቅነት ነበር፡፡ የተመረጠው ሕዝብ ከአሕዛብ ጋር ተደባለቀ፣ከርኩሰታቸው እና ከጸያፍ ሥራቸው ጋር ተባበረ፡፡ ልዩ ማንነቱን አሽቀንጥሮ ጥሎ ያው እንደጀማው፣ ያው እንደሰፈሩ፣ ያው እንደጎረቤቱ ሆነ፡፡ ‹‹ ፊቴን ወዳንተ ለማንሣት አፍራለሁ፣ እፈራማለሁ›› እስኪል ድረስ የካህኑ የዕዝራ ለቅሶ ከባድ ነበር፡፡ ለአገራዊ ችግሮቻችን ብዙ ፖለቲካዊ፣ ታሪካዊ፣ ኢኮኖሚያዊ ምናልባትም ሥነልቦናዊ ትንታኔ ሊሰጥ እንደሚችል አይጠፋኝም፡፡ሁሉም በአግባቡ ቦታ ይኖረዋል፡፡ ይሁን እንጂ እንደ እግዚአብሔር ሰዎች መሰረታዊ ምክንያቱን ቆፍረን ማግኘት ይገባናል እላለሁ፡፡

እንደ ሕዝበ እስራኤል ሆነንስ ቢሆን?
በነባር ባህል ስም፣ በአባቶቻችን ቅርስ ስም ባዕድ አምልኮን አንግሠንስ ቢሆን?
ዐደባባዮቻችን ለሌሎች አማልዕክት መሠዊያ መሥሪያ ሜዳ ሆነውስ ቢሆን?
በየልባችን ጓዳ የፍቅረ ነዋይ፣ የአውስቦ፣ የዝና ጣዖታት እያባበለን ቢሆንስ?
በዘር፣በታሪክ ትምክህት ልባችን ተደፍኖ ዕብሪት እና ትዕቢት አፍኖን ከሆነስ?
በዝሙት፣ በርኩሰት፣ በከንቱ ፈንጠዝያ፣ በዓለማዊ ልማድ ተጠፍረን፣ እየፀለይንም፣ እየጾምንም እዚያው ረግረግ ውስጥ ተዘፍቀን እንደሆነስ?
በየቤታችን ፣በየመሥሪያ ቤታችን ግፍ እየፈፀምን፣ፍትህ እያዛባን ማስነን እንደሆነስ?
ይህን ሁሉ በክርስትና ካባ፣ በጮሌ ቋንቋ ሸፋፍነን እየተሳሳቅን ቢሆንስ?
የጥላቻ መርዝ በሠራ አካላችን ተሰራጭቶ በቁም የሞትን ሬሳ አድርጎንስ ቢሆንስ?

ይህን ሁሉ የምጠይቀው በትህትና ነው፤ተጨንቄ ነው፤ ራሴንም እዚያው ውስጥ እየተመለከትኩ ነው፡፡ ወገኖች‹‹ ይህ ነገር ሁሉ ለምን ደረሰብን?›› ብሎ መጠየቅ ነውር ነው እንዴ? አምላክ ጥያቄ አይፈራም፤ ለመልስም አይቸገርም፤ ስለዚህ በቅንነት እንጠይቅ፡፡

‹‹ አሁን የእኛ ኀጢአት ከሌሎች አገሮች እና ሕዝቦች በደል በልጦ ነው እንዴ?›› ቢባልስ?‹‹ እግዚአብሔርን ሽምጥጥ አድርገው የካዱት፣የሰደቡት ሕዝቦች ተመችቷቸው ይኖሩ የለ? እኛ ከእነርሱ ብሰን ነው?›› ወዳጆቼ መጽሐፍ ምን ይላል---- ‹‹ ለእያንዳንዱ እንደሥራው እከፍል ዘንድ ዋጋዬ ከእኔ ጋር አለ›› የሚል የምድር ሁሉ ዳኛ እንዳለ ይነግረናል፡፡ ለማን፣ መቼ ምን እንዳቆየለት አናውቅም፤ ብያኔው በእጁ ነው፡፡ ታሪክም በአንድ ትውልድ ዕድሜ አይቋጭም፡፡ እስራኤል የወጓቸው የአሞራውያን ኀጢአት ጽዋ እስኪሞላ አራት መቶ ዓመት ተጠብቋል፡፡ የዘመንን እና የፍርድ ነገር በጻድቁ አምላክ አጅ ነው፡፡ የእነርሱን ለእነርሱና ለእውነተኛው ዳኛ ትተን በራሳችን ጉዳይ ላይ ማትኮር ይሻለናል፡፡

ይህስ ይሁን----- መዳኛ፣ መቃኛ መንገድ የለም ወይ? ካልን ግን ለሁሉም አጥጋቢ መልስ ተሰጥቷል፡፡ ጌዴዎን ከመዝመቱ በፊት አባቱ የሠራውን የበዓልን መሠዊያ እንዲያፈርስ ተጠየቀ፡፡ በኢሳይያስ ትንቢት የተጠቀሱት ሰዎች የግፍ ሥራን ትተው በርኅራኄ እና በጽድቅ እንዲኖሩ ተነገራቸው፡፡ የዕዝራ-ነህምያ ዘመን የምርኮ ተመላሾች እራሳቸውን ከድብልቅ ሕዝብ እንዲያጠሩ ታዘዙ፡፡ ለእኛም ይኸው ነው፡፡ ቁርጠኛ የመመለስ እርምጃ መውሰድ፡፡

‹‹ በዚያን ጊዜ ብርሃንህ እንደንጋት ይበራል፣ ፈውስህም ፈጥኖ ይበቅላል፣ ጽድቅህም በፊትህ ይሄዳል፣ የእግዚአብሔርም ክብር በኋላህ ሆኖ ይጠብቅሃል፡፡ የዚያን ጊዜ ትጣራለህ እግዚአብሔርም ይሰማሀል፣ትጮኻለህ እርሱም እነሆኝ ይላል------;
(እባካችሁ ኢሳይያሰ 58 ን አንብቡ እና የእግዚአብሔርን ደግነት አስተውሉ፡፡)

በመካተቻው ግን እስከዛሬ ከተጠየቁት ‹‹ ለምን)›› ኦች ሁሉ የላቀውን ‹‹ለምን›› የመልሶች ሁሉ ዐውራ የሆነውንም መልሱን መናገር አለብኝ፡፡ ጠያቂው ጌታችን ኢየሱስ ክርስቶስ ነበረ፡፡ ‹‹ አምላኬ ፣ አምላኬ ለምን ተውኸኝ?›› ሰበቡም (መልሱም) የእኔ እና የእናንተ ኀጢአት ነበረ፡፡ መትረፊያውም መስቀሉ ነበረ፤ ነውም፡፡ ለዓለሙ ሁሉ ‹‹ለምን››ታ የእግዚአብሔር ቁርጥ መልስ የክርስቶስ ኢየሱስ መስቀል ነው፡፡ ወዳጆቼ ሆይ በመስቀሉ አምባ ውስጥ ተገን እናገኛለን፡፡ ሙጥኝታችን፣ ትምክህታችንም ራቁቱን የተሰቀለው መድኃኒታችን ኢየሱስ ክርስቶስ ነው፡፡

እኛን ያድነን ፤ አገራችንን ይፈውስልን፤ ቤተክስቲያንንም ያድስልን፡፡

28/07/2026

ዛሬ ዛሬ መጽሐፍ ቅዱስ ከፍተን ነው ሰባኪ መከታተል ያለብን። እጅ አጣጥፈን ከመድረክ ወደ እኛ የሚወረወረውን እንዲሁ እንደወረደ ለመቀበል መምጣት የለብንም። በሰባኪው እና በእኛ መካከል መጽሐፍ ቅዱስ መከፈት አለበት፤ ሚዛናችን እሱ ስለሆነ ማለት ነው።

አንደኛ ተሰሎንቄ 2: 6-12፡ "ከእናንተም ሆነ ከሌሎች ከማንም ከሰው የሚገኝ ክብር አልፈለግንም። የክርስቶስ ሐዋርያት እንደመሆናችን መጠን ሸክም ብንሆንባችሁም ነበር" ይላል። ክብርን ከሰው በመፈለግ ማንም ሊከሳቸው እንደማይችል በድፍረት ነው የሚጽፍላቸው።

ብዙዎች እንደምትስማሙት ዛሬ ዛሬ በጣም በሚያስፈራው ሁኔታ አገልጋይ መሆን እና ክብርን ከሰው መፈለግ ላይፋቱ እርስ በርስ የተጋመዱ ሆነዋል። አገልጋይ መሆን እና ከበሬታን ያለምንም ቅድመ ሁኔታ (intentionally) ከጉባኤው መፈለግ እነዚህ ሁለቱ እርስ በርስ እየተጋመዱ ሆነዋል። በተለይ አገልጋይ ስለሆኑ ብቻ የፊት ወንበር እንዲለቀቅላቸው፣ ነጭ ሶፋ እንዲሰራላቸው፣ ወደ ጉባኤ ደግሞ ሲገቡ ካሜራውም ሕዝቡም እነሱን በአይኑ አስገብቶ አስቀምጦ... ያው የምታውቁት ትዕይንታዊ የሚመስል የአገልጋዮች ከጉባኤ ከበሬታን የመፈለግ አደገኛ ባህል እዚህ ምድርም ላይ እየገነነ መጥቷል።

አሁን አሁን አልፎ አልፎ ሶሻል ሚዲያ ላይ የምታዝበው ነገር፣ ልክ እንዲህ እናንተ በእሁድ ፕሮግራም ከቅዱሳን ጋር ህብረት ለማድረግ ስትመጡ አገልጋዮቹ እዛ ጋር ተጠባብቀው ነው የሚገቡት። ካሜራማኑ ግቡ ሲላቸው ነው... ልክ ሰልፉን ሲጀምሩት፣ መራመዱን ሲጀምሩት ራሱ ያስታውቃል። ሳያውቁት እራሳቸው ላይ ፓፓራዚ (paparazzi) ሆነዋል። እራሳቸውን በካሜራ እያደኑ የሚቀርጹ ናቸው። በግድ እጃቸው ላይ ባለው ስልክ፣ ሁልጊዜ እሁድ እሁድ ሙሽራ ሆኖ በጉባኤ የመታጀብ ባህል ወደ የኢትዮጵያ ቤተክርስቲያን እየመጣ ነው።

አገልጋይ ሆኖ፣ በተለይ የክርስቶስ አገልጋይ ሆኖ ከሚያገለግሉት ጉባኤ ክብርን መፈለግ ከትምህርት መሳሳት ጋር ብቻ አይደለም የሚገናኘው። ከስነ-ልቦና ቀውስም ጋር ይገናኛል። በልጅነት ትኩረት አጥቶ ያደገ ሰው ምልክትም ሊሆን ይችላል። ፍቅር አግኝቶ ያለማደግ ቀውስ (attachment disorder) ሊሆን ይችላል፣ ወይም ናርሲስቲክ ኢንጁሪ (narcissistic injury) ሊሆን ይችላል። ሁልጊዜ እየተገፋ ያደገ ሰው፣ እድልና አጋጣሚ በአመቻቸለት መድረክ ላይ ሲቆም ሰዎች ሁሉ በግንባራቸው ተደፍተው እንዲሰግዱለት ሊፈልግ ይችላል። አንዳንዱ የስህተት ትምህርት ነው፣ አንዳንዱ የስነ-ልቦና ቀውስ ነው፣ አንዳንዱ ፍጥጥ ያለ ወንጀል ነው።

በእግዚአብሔር ፊት ተቀባይነት (approval) ያገኘ፣ ልቡን ኩላሊቱን እግዚአብሔር የሚመረምርለት፣ ወንጌልን በአደራ መልክ ከእግዚአብሔር እጅ የተቀበለ አገልጋይ፣ ከሰው የሚገኝ ክብር አያማልለውም።

ጳውሎስ ይህንን ነው ቁጥር ስድስት ላይ የሚናገራቸው። "ከሰው የሚገኝ ክብር አልፈለግንም" ነው የሚለው። ከእናንተም ሆነ ከሌሎች ከማንም የሚል ቃል አለ። ከእናንተ ከተሰሎንቄ ሰዎች፣ ከአማኞች፣ ከሌሎችም በዙሪያችሁ ካሉ በሌሎች ከተሞችም ካሉ ቅዱሳን ከሰው ይለዋል... በጣም በእርከን እያሰፋው ይሄድና ክብርን አልፈለግንም። ምንም እንኳ የተሰሎንቄ ቤተክርስቲያን የተተከለችው በሐዋርያው ጳውሎስ ሚሲዮናዊ አገልግሎት ቢሆንም፣ ጳውሎስ ግን ክብርን ከተከለው ቤተክርስቲያን ነው አልፈልግም እያለው ያለው። ገና ለገና በእኔ ስብከት እና የወንጌል ተልዕኮ ነው የተተከላችሁት ብሎም፣ እንደ ዘመኑ መስራች ባለ ራዕይ ፓፓ ካላላችሁኝ ብሎ ጉባኤውን አላሰቃየም። ምንም ቢገባውም እንኳን፣ አልፈልግም የሚልን ግልጽ የሆነ መመሪያን ነው ለተከለው ቤተክርስቲያን የጻፈው።

23/07/2026

በንግዱ አለም መውደቅም ሆነ መነሳት በአጋጣሚ ስለማይከሰት፣ ሆን ብለን የምንሰራው ስራ እና የምንገነባው ጠንካራ አስተሳሰብ (Mindset) ሊኖረን ይገባል። በማንኛውም የንግድ ስራ ውስጥ ስኬታማ ለመሆን መጀመሪያ አስተሳሰባችንን በትክክለኛው መንገድ መቃኘት ያስፈልጋል።
በአጠቃላይ በዩኒቨርስ ውስጥ ሁለት ዋና ዋና የንግድ መንገዶች ወይም ስብዕናዎች አሉ። አንደኛው እግዚአብሔር የሚያካሂደው ሲሆን፣ እርሱም የአንድን ሰው ነፍስ ከአለም ሁሉ በላይ አብልጦ የሚገምት ትርፍ ፈላጊ አምላክ ነው።
እግዚአብሔር ትርፍ ፈላጊ አምላክ ነው። እግዚአብሔር ኪሳራ አጋጥሞት ያውቃል። አንዱ ኪሳራ ያጋጠመው በኛ ምክንያት ነው። እኛ በወደቅን ጊዜ አዝኗል። አንድ ጊዜ እንደውም ቢዝነስ ዘግቷል፤ ሙሉ አለምን በጥፋት ውሃ አጥፍቶ አንድ ቅርንጫፍ (branch) ብቻ አስቀርቶ ሌላውን ሁሉ ዘግቷል። አሁንም ደግሞ ያለውን ቢዝነስ ቁጭ ብሎ ኦዲት የሚያደርግበት ጊዜ ይመጣል። የሚያተርፈው ትርፍ አለው፤ ኪሳራ ብሎ የሚያስበው ነገር ደግሞ አለው። ኤጀንቶች በየቦታው እንዲኖሩት ይፈልጋል። ይሄ ትልቅ የሆነ የቢዝነስ አመለካከት ነው። እግዚአብሔር በጣም ኢኮኖሚካል የሆነ አምላክ ነው። የሚያወጣውን ወይም የሚከፍለውን ዋጋ የሚያክል ምላሽ ይፈልጋል። ለምሳሌ የኛ ዋጋ አንድ ሰው “ነብሱን ቢያጎድልና አለምን ቢያተርፍ ምን ይጠቅመዋል” ሲል የአንድ ነፍስ ዋጋ በእግዚአብሔር ዘንድ ጠቅላላ አለም ተደምሮ ከአንድ ሰው ነፍስ እንደማይበልጥ ያሳየናል። አሁን እኛ እንደሱ እናስብ አናስብ አላቅም። ቢዝነሳችሁ ከአንድ ሰው ነፍስ ይበልጣል? እናንተ ቢዝነስ ውስጥ የአንድ ሰው ነፍስ ዋጋው ስንት ነው? ለእግዚአብሔር የአንድ ነፍስ ዋጋ፤ ልጁን በመላክ፤ የልጁን ህይወት በመሰዋት ያተረፈው ነው። ይሄ አለም ሁሉ የሚያልቀው በነጩ ዙፋን ፍርድ እግዚአብሔር ቢዝነሱን ሁሉ የሚዘጋበትና አዲስ የቢዝነስ አቅጣጫውን ወይም ደግሞ አዲስ ሰማይ እና አዲስ ምድር በሚለው መንገድ የሚጀመርበት ነው ።
በማቴዎስ ወንጌል ምዕራፍ 25 ላይ እንደተገለጸው የመክሊት ምሳሌ፣ ለእያንዳንዳችን እንደ አቅማችን የተሰጠን ሀብት፣ እውቀትም ሆነ ንግድ የባለቤትነት መብት ሳይሆን እግዚአብሔር በባላደራነት የሰጠንና ነግደን እንድናተርፍበት የሚፈልገው ልዩ ጥቅም (previlage) ነው።
በሌላ በኩል ደግሞ በአቋራጭ ጥቅም ለማግኘት መርህን በመጣስ፣ ሃሳብን በመሸጥ እና ራስን በማክበር ላይ የተመሰረተ የጠላት የንግድ መንገድ አለ። በትንቢተ ሕዝቅኤል 28 ቁጥር 12 ጀምሮ እንደተጻፈው፣ ሰይጣን (በጢሮስ ንጉስ ተመስሎ የተገለጸው) የተሰጠውን ግዛት በማበላሸቱና "በንግድህ ብዛት ግፍ ውስጥህ ተሞላ" በተባለው መሰረት ንግዱን ለራሱ ክብር ስላዋለ ከእግዚአብሔር ተራራ ተጥሏል። ይሄው ነጋዴ በዘፍጥረት 3 ላይ ለአዳምና ሔዋን የተሳሳተ አስተሳሰብን በመሸጥ ከሰጣቸው ሰፊ ቦታ እንዲያጡ አድርጓቸዋል።
በንግድ እና በሀብት ዙሪያ ያለውን መንፈሳዊ ውጊያ በደንብ ለመረዳት የመጽሐፈ ኢዮብ ታሪክን ማየት እንችላለን። ሰይጣን በምድር ላይ ዞሮ ሲመጣ እግዚአብሔር ስለ ኢዮብ ጽድቅ እና ቅንነት ሲነግረው፣ ሰይጣን ግን ኢዮብ እግዚአብሔርን የሚፈራው በከብቱ እና በሀብቱ ዙሪያ በተሰራለት አጥር ምክንያት እንደሆነ ተከራከረ። እግዚአብሔር አጥሩን ሲያነሳለት እና ህይወቱን ብቻ ሲተውለት፣ ሰይጣን የኢዮብን ሀብት በአንድ ቀን ሊያጠፋው ችሏል። ይህ የሚያሳየው ጠላት የሀብታችንን አድራሻ ጠንቅቆ እንደሚያውቅ እና በንግድ አለም ውስጥ ትልቅ መንፈሳዊ ኦዲት እና ፈተና እንዳለ ነው። በተመሳሳይ በሉቃስ ወንጌል ምዕራፍ 4 ላይ ሰይጣን ኢየሱስ ክርስቶስን ወደ ረጅም ተራራ አውጥቶ የአለምን መንግስታት ክብር ሁሉ አሳልፎ እንደሚሰጠው ቃል ገብቶ እንዲሰግድለት ሲፈትነው እንመለከታለን። ኢየሱስ ግን በአቋራጭ ሀብት ከማግኘት ይልቅ "ለጌታ ለአምላክህ ስገድ እርሱንም ብቻ አምልክ" በማለት አቋሙን በማሳየት በእግዚአብሔር መንገድ ንግዱን ቀጥሏል።
ስለዚህ በእውነተኛ ስኬታማ መንገድ የቢዝነስ ለመገንባት በንግዳችን ውስጥ የሶስት ነገሮችን ትክክለኛ ተዋረድ መጠበቅ ግዴታ ነው። እነዚህም እግዚአብሔር፣ ሰው እና ገንዘብ ናቸው። በማንኛውም ጊዜ እግዚአብሔር ከሁሉ በላይ ሊሆን ይገባዋል፤ ከላይ ካልሆነ በስተቀር ሌላ ቦታ የለውም። በሁለተኛ ደረጃ ሰውን ከመካከል በማድረግ፣ "ባልንጀራህን እንደራስህ ውደድ" በሚለው መርህ ሰውን ማክበር እና መውደድ ያስፈልጋል። ሰራተኞችንም ሆነ ደንበኞችን ከእኛ በታች አድርገን ባሪያ ማድረግም ሆነ ከእግዚአብሔር በላይ ጌታ ማድረግ አይፈቀድም። ገንዘብ ደግሞ ሁልጊዜም ከታች ሆኖ እንደ መሳሪያ (Tool) ብቻ ሊያገለግለን ይገባል፤ ምክንያቱም ገንዘብ በባህሪው ከመሃል መሆን ስለማይችል ወይ ባሪያ ነው ወይ ጌታ ነው።
ይህንን ተዋረድ የጠበቀ ቢዝነስ ጌታ "እናንተ የአለም ብርሃን እና የምድር ጨው ናችሁ" ባለው መሰረት በማህበረሰቡ ውስጥ ትልቅ ሃላፊነትን መወጣት ይችላል። የንግዳችን ብርሃንነት የሚታየው በንግዳችንን አቋም፣ መርህ እና ስነ-ምግባር (Ethics) ሲሆን፣ ዋጋ የሚያስከፍል ነገር ቢመጣም እውነትን አለመተው እና አለማመቻመችን ያመለክታል። በሌላ በኩል የንግዳችን ጨውነት ማለት ነው። ልክ ጨው ምግብ ውስጥ ገብቶ ሟምቶ እንደሚያጣፍጥ፣ ንግዳችንም ማህበረሰቡ ውስጥ ገብቶ የሰዎችን ችግር መፍታት፣ ሰዎችን ማገልገል እና ጠቃሚ መሆን ማለት ነው። እውነትን ሳንጥስ ሰዎችን የሚያገለግል ተቋም መፍጠር የዘመኑ ትልቁ የንግድ ጥሪ ነው።

EBN Ethiopia Mindset Matters በሚል ርዕስ ባዘጋጀው ለባለሙያዎችና ነጋዴዎች በተዘጋጀው ፕሮግራም ላይ ከቀረበው ከዶክተር ምህረት መልእክት የተወሰደ | ሙሉ መልእቱን በሚከተው መስፈንጠሪያ ያገኙታል
https://youtu.be/pCJ4tMuFwQg

MindSet-ማይንድሴት

21/06/2026

መልካም ፖድካስት፣ የእግዚአብሔርን ሥራ የሚተርክ እና የሕይወት መንገድን የሚያመለክት አዲስ ሳምንታዊ የክር...

09/06/2026

አሁን የምናጸባርቀው አቋም የቆየ አቋም ነው፤ አልተቀየረም፡፡ ምክንያቱም ከአስራ ምናምን አመት በፊት በእነዚህ በሐዋርያት፣ በነቢያት ጉዳይ ሆነ በሌሎች የቃልእምነት እንቅስቃሴዎች ላይ የነበረን አቋም ነው፡፡ አዲስ ዛሬ ያወጣነው አይደለም፡፡ ነገር ግን የእኛ ፕሬዝዳንቶች የካውንስል፣ ፕሬዝዳንት ሲሆኑ እዚያ ጋ የሚመሩት ካውንስሉን ነው፡፡ ካውንስሉ ደግሞ ቃለ ህይወት ብቻ አይደለም፤ መካነ ኢየሱስ ብቻ አይደለም፤ ሁሉም አለ፡፡ ስለዚህ የቃለህይወትን አጀንዳና የቃለ ህይወትን ትምህርት እዚያ ላይ ማስረጽና የመጫን መብት የላቸውም፡፡ የካውንስሉ ተወካይ ናቸው፡፡

በየስብሰባዎቻችን ችግሮችን ለማስተካከል፣ መጥፎና ትክክል ያልሆኑ ልምምዶች፤ ካውንስሉ ያወጣውን የስነምግባር መመሪያ የጣሱ ሰዎችን የማረም እርምጃዎች ይደረጋሉ፣ ውይይቶችም ነበሩ፡፡ ግን ብዙ መፍትሄ አላመጡም፡፡ ስለዚህ መንፈሳዊ ነገሮች ይውጡና አስተዳደር ነገር ላይ ትኩረት ይደረግ እያልን ግፊት ብናደርግም፤ እሱ አልሆነም፡፡ አሁንም መንፈሳዊውም አለ፤ ሌላውም አለ፡፡ ያ ደግሞ ብዙ ግራ መጋባት እየተፈጠረ ስለመጣ ከዚህ በላይ ዝም ማለት የለብንም፡፡ በቃ መስመሩን ማስመር ነበረብን፡፡ ካውንስሉ ያስፈልገናል አብረን መሆናችን የጠቀሙ ነገሮች አሉ፡፡ ግን ያ ማለት እኛና ካውንስሉ ውስጥ ያለ አባል በሙሉ በሁሉም መሰረታዊ እምነት እንስማማለን ማለት አይደለም፡፡ ስለዚህ እኛና እነሱን አብራችሁ አይታችሁ ነገ አውጥተን ሐዋርያትና ነቢያት የዘመኑን አገልግሎት አንቀበልም ስንል ህዝቡ መደናገጥ የለበትም፡፡

የኢትዮጵያ ሃይማኖት ተቋማት ጉባኤም አለ፡፡ አሁን ካውንስሉ ሁላችንም ወክሎ ከመግባቱ በፊት ከሙስሊም ወገኖቻችን፣ ከኢትዮጵያ ኦርቶዶክስ፣ ከካቶሊክ፣ ከሌሎችም ጋር ቃለ ህይወት፣ መካነ ኢየሱስ አብረን ቁጭ እንል ነበረ፡፡ የምንነጋገርባቸው ጉዳዮች ዶክትሪናል ጉዳዮች አይደሉም፡፡ በሀገር ጉዳይ፣ በሰላም ጉዳይ፣ በሌላ ጉዳይ ነው፡፡ ስለዚህ ከማንም ጋር እንደዚያ አይነት እንደየሁኔታው ምናደርጋቸው ነገሮች አሉ፡፡ ካውንስሉም ቢሆን ሁሉም መጽሐፍ ቅዱስ ስለያዘና ሁሉም ወንጌላውያን ነን ስላለን ብቻ የሚሆን ነገር ስላልሆነ፤ አንድ ላይ በምንሰራቸው ነገሮች አብረን እንስራ፡፡ ከዚያ ውጪ በሆነ ነገር ግን የምንለይበትን በግልጽ መናገርና ማስተማር አለብን፡፡

Semayawi Thought

21/08/2026

18/08/2026

10/08/2026

07/08/2026

03/08/2026

31/07/2026

28/07/2026

23/07/2026

21/06/2026

09/06/2026

Address

Telephone

Website

Alerts

Contact The Place Of Worship

Shortcuts

Share

Listing takedown request