Semen MKC

16/08/2026

13/08/2026

05/08/2026

🎓🌿 ሳምንታዊ የክረምት የዩኒቨርስቲና የኮሌጅ ተማሪዎች ፕሮግራም
በዚህ ሳምንት በእግዚአብሔር ጸጋ በተካሄደው የወጣት የዩንቨርሲቲና የኮሌጅ ተማሪዎች ፕሮግራም፣ "አማተርነት ወይስ ፕሮፌሽናሊዝም?" በሚል ርዕስ የተዘጋጀው የክርክር መድረክ በእውቀት፣ በውድድር ፣ በዝግጅት እና በመንፈሳዊ አንድነት የተሞላ ነበር። 🙏❤️

💡 በውይይቱ ውስጥ፦
📖 የአማተርነትና የፕሮፌሽናሊዝም ጽንሰ ሐሳብን፣
⚖️ የሁለቱን ጥንካሬና ድክመት፣
❤️ የተሰጥኦ እና የሙያ ብቃት ያላቸውን ሚና፣
✝️ እንዲሁም በክርስቲያናዊ አገልግሎት ያላቸውን ዋጋ በሰፊው ተወያይተናል።
🌱 በመጨረሻም የደረስንበት እውነት...
አማተርነት የነገሮችን ጅማሬ ያቀጣጥላል፤
ፕሮፌሽናሊዝም ደግሞ ያንን እውነት በሥርዓት ተፅዕኖ እንዲሰጥ ያደርጋል። 🔥
ሁለቱ ተቃራኒዎች ሳይሆኑ፣ እግዚአብሔርን ለማክበር እርስ በርሳቸው የሚደጋገፉ ሁለት ውብ ስጦታዎች መሆናቸውን ተረድተናል። 🤝✨

🎤 በዶ/ር ዳንኤል በተሰጠው ማጠቃለያ፣ ይህ ሚዛናዊ አመለካከት ለተማሪዎቻችን በትምህርት፣ በሙያ፣ በአገልግሎት እና በህይወት ጉዞ ጠንካራ መሠረት እንደሚሆን ተገልጿል። 🌍📚

🙌 ይህ የክረምት ጊዜ እግዚአብሔር ለእድገታችን የሰጠን ውድ እድል ነው። ስለዚህ ሁሉንም የዩኒቨርስቲና የኮሌጅ ተማሪዎች በቀጣዮቹ ሳምንታዊ ፕሮግራሞቻችን እንድትመጡ በፍቅር እንጋብዛለን። 💙

📖 "የምታደርጉትን ሁሉ ከልባችሁ እንደ ጌታ እንጂ ለሰው አይደለም ብላችሁ አድርጉ።" (ቆላስይስ 3፥23) ✝️

🕊️ ቀጣይ ሳምንት እስክንገናኝ፣ የጌታችን የኢየሱስ ክርስቶስ ፀጋ፣ የእግዚአብሔር ፍቅር እና የመንፈስ ቅዱስ ኅብረት ከሁላችን ጋር ይሁን! አሜን! 🤍✨

#የክረምትፕሮግራም 🌿
#የወጣቶችኅብረት 🤝
#የዩኒቨርስቲእናየኮሌጅተማሪዎች 🎓
#አማተርነት
#ፕሮፌሽናሊዝም
#እግዚአብሔር





✝️🙌

02/08/2026

ዛሬ የእሁድ አምልኮ ድንቅ ትምህርት ወንድማችን ዶ/ር ጸጋ ዘፕራጋ በቆላስይስ 1፡9-14 ላይ ተመስርቶ "ለፍሬያማ ሰዎች ስለሚደረግ ጸሎት" ጥልቅ የሆነ የእግዚአብሔርን ቃል ተካፍለናል። ክርስቲያን ዘወትር በቃሉ እና በመንፈስ ቅዱስ መሞላት እንዳለበት እና የእግዚአብሔርን የፈቃዱን እውቀት ስንሞላ ለጌታ የተገባና እርሱን በሁሉ ደስ የሚያሰኝ ኑሮ መኖር እንደምንችል በሰፊው ተምረናል።

በህይወታችን የእግዚአብሔርን ፈቃድ መሞላት እና ማወቅ ለምትፈልጉ ሁሉ ይህ መልእክት ትልቅ አቅም እና በረከት ይሆንላችኋል!
📌 በትምህርቱ የተዳሰሱ ዋና ዋና ነጥቦች፦
⚬ የሚጸለይላቸው ሰዎች እነማን ናቸው? (በወንጌል ፍሬ እያፈሩ ያሉ ቅዱሳን)
⚬ የጸሎቱ ርዕስ፦ የእግዚአብሔርን የፈቃዱን እውቀት መሞላት
⚬ ለእግዚአብሔር ደስታ የመኖር 4 መገለጫ መንገዶች (መልካም ስራ፣ ማደግ፣ ጽናት/ትዕግስት፣ እና ምስጋና)

ሙሉ ስብከቱን ይመልከቱ!

ዛሬ የእሁድ አምልኮ ድንቅ ትምህርት ወንድማችን ዶ/ር ጸጋ ዘፕራጋ በቆላስይስ 1፡9-14 ላይ ተመስርቶ "ለ...

16/07/2026

ከ 13 ዓመት በታች ልጆች ላሏችሁ ወላጆች እና አሳዳጊዎች፡
በሰሜን አዲስ አበባ መሠረተ ክርስቶስ ቤተክርስቲያን የልጆች አገልግሎት ክፍል ከጋብቻና ቤተሰብ አማካሪዎች (ጋቤማ) ጋር በመሆን ለጌታ የተገባ ትውልድ በሚል ርዕስ ባዘጋጀው ልዩ ውይይት እና ሥልጠና ላይ ቅዳሜ ሐምሌ 18 ቀን 2018 ዓ.ም ሙሉ ቀን እንድትገኙ በታላቅ አክብሮት እንጋብዛለን።

14/07/2026

እግዚአብሔር አምላክ በመካከላችን ስለነበረ ስሙ የተመሰገነ ይሁን! 🙏✨
የሰሜን አዲስ አበባ መሠረተ ክርስቶስ ቤተክርስቲያን ቤተሰቦች፤ በሐምሌ 4, 2018 ዓ/ም ባዘጋጀነው ልዩ የመዝሙርና የምስጋና ምሽት ላይ ጥሪአችንን አክብራችሁ በመገኘት ከእኛ ጋር በህብረት ስላመለካችሁ ከልብ እናመሰግናለን።