18/05/2026
#ዝምታ #የማያድንበት #ጊዜ
#ሙሉ #ወንጌል #ቤተክርስቲያን #ዝምታው #ይበቃል !!!
ጥንታዊ ጴንጤቆስጣዊነት በሌሎች ስሞች ሲጠራ
⏰⏳⏳ “ጊዜ የሰጠው ቅል ድንጋይ ይሰብራል” ይላሉ አበው ። እውነት ነው ፤ አንዳንድ ጊዜ ዝምታ ከክርክር ይሻላል ። ነገር ግን ዝምታ ሐሰትን እውነት እንዲመስል ሲያደርግ ፣ ያ ዝምታ አደገኛ ይሆና ል ።
ዛሬ 🔥🔥 በጥንታዊ ጴንጤቆስጣዊት ቤተክርስቲያን ሙሉ ወንጌል ላይ ብዙ ድንጋይ እየተወረወረ ነው ። አንዳንዶች የጥንታዊ ጴንጤቆስጣዊነትን መንፈስ ከ“ሶስተኛው ሞገድ” እንቅስቃሴ፣ ከ“እምነት ቃል” አስተምህሮ፣ እና ከ“ብልጽግና ወንጌል” ጋር በአንድ ሙቀጫ ውስጥ ለመክተት ይሞክራሉ ።
🤔🤔 የሚገርመው ግን ከዚህ ሁሉ በላይ የቤተ እምነቱ ኃላፊዎች የመረጡት ዝምታን መሆኑ ነው ።
ግን ጥያቄው ይህ ነው ❓❓፦ እውነት ስትደበደብ ዝም ማለት ትሕትና ነው ? ወይስ ኃላፊነትን መሸሽ ? ጥንታዊ ጴንጤቆስጣዊነት ምንድን ነው ?
🙌🙌 ብዙ ሰዎች ጴንጤቆስጣዊነትን ሲሰሙ ወዲያው የሚያስቡት ጩኸት ፣ ተአምራት ፣ ወይም የብልጽግና ስብከት ነው ። ❗❗ ነገር ግን ይህ የጥንታዊ ጴንጤቆስጣዊነት እውነተኛ መልክ አይደለም ።
🔥🔥🔥 ጥንታዊ ጴንጤቆስጣዊነት በመሠረቱ ወደ ሐዋርያት ዘመን የሚመለስ እምነት ነው ። የመንፈስ ቅዱስን ሥራ ያምናል ፤ ነገር ግን ከቃሉ ውጭ አይሄድም ።
የመንፈስ ቅዱስን ኃይል ያስተምራል ፤ ግን ከመስቀል ሕይወት አይለይም ። ተአምራትን ይቀበላል ፤ ግን ቅድስናን ከተአምራት በላይ ያስቀምጣል ።
በእርግጥ ጥንታዊ ጴንጤቆስጣዊነት የተገነባው በሦስት ነገሮች ላይ ነው ፦
👉👉👉 በመጽሐፍ ቅዱስ
👉👉👉 በመንፈስ ቅዱስ
👉👉👉 በመስቀል ሕይወት
“ብልጽግና ወንጌል” እና ጥንታዊ ጴንጤቆስጣዊነት አንድ አይደሉም ፤ ይህ በግልጽ መነገር አለበት ።
⚡⚡“ብልጽግና ወንጌል” ብዙ ጊዜ ሰውን ወደ ሀብት ፣ ስኬት ፣ እና ምድራዊ ምቾት ያመራል ። ሰው ካልተባረከ እምነቱ ጎድሎበታል የሚል ድብቅ መልእክት አለው ።
🔥🔥🔥 ጥንታዊ ጴንጤቆስጣዊነት ግን ይህን አያስተምርም።
የጥንታዊ ጴንጤቆስጣዊ አባቶች ስብከት #ስለ መስቀል ነበር ፣ #ስለ ንስሐ ነበር ፣ #ስለ ቅድስና ነበር ፣ ስለ መንፈስ ቅዱስ ሙላት ነበር ። ብዙዎቹ በመከራ አገለገሉ ፤ በድህነት ተመላለሱ ፤ በስደት ኖሩ ።
#ስለዚህ ዛሬ የሚታየውን “ሀብት = በረከት” አስተሳሰብ ከእነርሱ ጋር ማያያዝ ታሪካዊ ፍትሕ አይደለም ።
የችግሩ ዋና ምክንያት — የሥነ-አፈታት ችግር
ዛሬ ብዙ ሰዎች ጥቅስ ያነባሉ ፤ ነገር ግን ቃሉን አይተረጉሙም።
🏛🏛 ትክክለኛ ሥነ-አፈታት (Hermeneutics) ማለት ጥቅስን ከአውዱ ፣ ከታሪኩ ፣ ከጻፈው ሰው ዓላማ ፣ እና ከመላው የመጽሐፍ ቅዱስ መልእክት ጋር አያይዞ ማንበብ ነው ።
🔥🔥🔥ጥንታዊ ጴንጤቆስጣዊያን የመንፈስ ቅዱስን ሥራ ቢያምኑም ፣ “ማንኛውንም መንፈሳዊ ልምምድ ተቀበሉ” አይሉም። ይልቁንም ፦ ልምምድ በቃሉ ይፈተናል ፣ ስሜት ከእውነት በላይ አይሆንም ፣ መንፈስ ቅዱስ ከጻፈው ቃል ጋር አይጋጭም ።
የቤተ እምነቱ ዝምታ 🤔🤔 እዚህ ጋር ነው ሕመሙ ያለው ። ነገር ግን ብዙ ጊዜ የተመረጠው ዝምታ ሆነ ።
👉👉 ዝምታው ግን ችግሩን አልፈታውም ፤ ይልቁንም ሌሎች ጥንታዊ ጴንጤቆስጣዊነትን በፈለጉት መልኩ እንዲተረጉሙት አደረጋቸው ። እውነት ሲጠፋ ባዶ ቦታውን ሐሰት ይሞላዋል ።
የዛሬ ጥሪ 🕢🕢🕢
ዛሬ የሚያስፈልገው ጩኸት አይደለም ፤ ግልጽ ድምፅ ነው ። ጥላቻ አይደለም ፤ እውነት ነው ። ስሜት አይደለም ፤ ጥልቅ ሥነ-መለኮታዊ መሠረት ነው ።
🔥🔥🔥 ጥንታዊ ጴንጤቆስጣዊነት ራሱን ከስህተት አስተምህሮዎች በግልጽ መለየት አለበት። ከ“ብልጽግና ወንጌል” ጋር አንድ አይደለም። ከማይመዘን መንፈሳዊነትም ጋር አንድ አይደለም ።
❗❗❗ ምክንያቱም እውነተኛ የመንፈስ ቅዱስ ሥራ ሁልጊዜ ወደ ክርስቶስ ይመራል፤ ወደ ሰው ክብር አይደለም።
