MHRT Church Ethiopia

29/05/2025

06/05/2025

የሰው ልጅ ዓለሙ እግዚአብሔር ነው
እግዚአብሔር አሳን ሲፈጥረው ከውሃ (ከባህር) ጋር ነው ያወራው፡፡
ዘፍ 1፡20-23 “እግዚአብሔርም አለ፦ ውኃ ሕያው ነፍስ ያላቸውን ተንቀሳቃሾች ታስገኝ፥ ወፎችም ከምድር በላይ ከሰማይ ጠፈር በታች ይብረሩ። እግዚአብሔርም ታላላቆች አንበሪዎችን፥ ውኃይቱ እንደ ወገኑ ያስገኘቻቸውንም ተንቀሳቃሾቹን ሕያዋን ፍጥረታት ሁሉ፥ እንደ ወገኑ የሚበሩትንም ወፎች ሁሉ ፈጠረ፤ እግዚአብሔርም ያ መልካም እንደ ሆነ አየ። እግዚአብሔርም እንዲህ ብሎ ባረካቸው፦ ብዙ፥ ተባዙም፥ የባሕርንም ውኃ ሙሉአት፤ ወፎችም በምድር ላይ ይብዙ።”
እግዚአብሔር ዛፍን ሲፈጥር ለአፈር (ለመሬት) ነው ያወራው፡፡
ዘፍ 1፡11-12 “እግዚአብሔርም፦ ምድር ዘርን የሚሰጥ ሣርንና ቡቃያን በምድርም ላይ እንደ ወገኑ ዘሩ ያለበትን ፍሬን የሚያፈራ ዛፍን ታብቅል አለ፤ እንዲሁም ሆነ። ምድርም ዘርን የሚሰጥ ሣርንና ቡቃያን እንደ ወገኑ ዘሩም ያለበትን ፍሬን የሚያፈራ ዛፍን እንደ ወገኑ አበቀለች። እግዚአብሔርም ያ መልካም እንደ ሆነ አየ።”
እግዚአብሔር ሰውን ሲፈጥር እራሱ መጥቶ ነው የሰራው፡፡
ዘፍ 1፡26-27 “እግዚአብሔርም አለ፦ ሰውን በመልካችን እንደ ምሳሌአችን እንፍጠር፤ የባሕር ዓሦችንና የሰማይ ወፎችን፥ እንስሳትንና ምድርን ሁሉ፥ በምድር ላይ የሚንቀሳቀሱትንም ሁሉ ይግዙ። እግዚአብሔርም ሰውን በመልኩ ፈጠረ፤ በእግዚአብሔር መልክ ፈጠረው፤ ወንድና ሴት አድርጎ ፈጠራቸው።”
ውሃ ያለ ዓሳ ውሃ ነው ውሃ እንደሆነ ይቀጥላ፡፡ ዓሳ ያለ ውሃ መኖርም መተንፈሰወም አይችልም ምክኒያቱም ውሃ ለዓሳ የመኖሩ ምከክኒያት ነው፡፡
አፈር (መሬት) ያለ ዛፍ አፈር (መሬት) እንደሆነ ይቀጥላል፡፡ ዛፍ ግን ከአፈር ከተነቀለ መጠውለግ፣ መድረቅ እና መሞት ይጀምራል፡፡
ሰውም ያለ እግዚአብሔር የሞተ ነው፣ ያለ እግዚአብሔር ሰው ምንም ነው፡፡ ምክኒያቱም ሰው የተሰራው በእግዚአብሔር ደግሞም ለእግዚአብሔር ስለሆነ ነው፡፡ የሰው ልጅ ዓለሙ እግዚአብሔር ነው፡፡
አሜን መጋቢ ያሬድ ለሜሳ