07/01/2022
ማንም አልተወለደም
****
ማንም ያለወንድ ፈቃድ አልተወለደም።
ማንም ከድንግል አልተወለደም።
ማንም ፈቅዶ አልተወለደም
ማንም በግርግም አልተወለደም
ማንም ቀድሞ ኖሮ አልተወለደም
ማንም ንጉስ ሆኖ አልተወለደም
ማንም አምላክ ሆኖ አልተወለደም
ማንም ከሰማይ ወርዶ አልተወለደም
ማንም ነፍሱን ሊሰጥ አልተወለደም
ማንም ነፍስ ሊያድን አልተወለደም
ማንም የሀጥያት መስዋዕት ሊሆን አልተወለደም
ማንም መከራ ለመቀበል ሊል አልተወለደም
ማንም ሀጥያተኛ ወዶ አልተወለደም
አንተ ብቻ ኢየሱስ የኛ ንጉስ ተወልደሃል
ሰው ጠፍቶብህ ልትፈልገው ልትቤዠው ሰው ሆነሃል።
ኢሳይያስ 9
¯¯¯¯¯¯¯¯¯¯
² በጨለማ የሄደ ሕዝብ ብርሃን አየ፤ በሞት ጥላ አገርም ለኖሩ ብርሃን ወጣላቸው።
³ ሕዝብን አብዝተሃል፥ ደስታንም ጨምረህላቸዋል፤ በመከር ደስ እንደሚላቸው፥ ሰዎችም ምርኮን ሲካፈሉ ደስ እንደሚላቸው በፊትህ ደስ ይላቸዋል።
⁴ በምድያም ጊዜ እንደ ሆነ የሸክሙን ቀንበር የጫንቃውንም በትር የአስጨናቂውንም ዘንግ ሰብረሃል።
⁵ የሚረግጡ የሰልፈኞች ጫማ ሁሉ፥ በደምም የተለወሰ ልብስ ለቃጠሎ ይሆናል፥ እንደ እሳት ማቃጠያም ሆኖ ይቃጠላል።
⁶ ሕፃን ተወልዶልናልና፥ ወንድ ልጅም ተሰጥቶናልና፤ አለቅነትም በጫንቃው ላይ ይሆናል፤ ስሙም ድንቅ መካር፥ ኃያል አምላክ፥ የዘላለም አባት፥ የሰላም አለቃ ተብሎ ይጠራል።
⁷ ከዛሬ ጀምሮ እስከ ዘላለም ድረስ በፍርድና በጽድቅ ያጸናውና ይደግፈው ዘንድ በዳዊት ዙፋንና በመንግሥቱ ላይ አለቅነቱ ይበዛል፥ ለሰላሙም ፍፃሜ የለውም። የእግዚአብሔር ቅንዓት ይህን ያደርጋል።
የጌታን ትህትና እና ራስን ዝቅ ማድረግ የምናስብበት በዓል ይሁንልን። Merry Christmas to you all.
