Mercy-Gate International Evangelism Ministry-MIEM

16/04/2023

💒ውድ ወንድሞችና እህቶች💥
እንኳን ለጌታችን እና ለመድኅኒታችን ለእየሱስ ክርስቶስ የትንሳኤ መታሰቢያ በዓል በሰላም አደረሳችሁ!!💥💥💥

1ኛ ቆሮንቶስ 5:6-8
መመካታችሁ መልካም አይደለም። ጥቂት እርሾ ሊጡን ሁሉ እንዲያቦካ አታውቁምን?
እንግዲህ ያለ እርሾ እንዳላችሁ አዲሱን ሊጥ ትሆኑ ዘንድ አሮጌውን እርሾ አስወግዱ። ፋሲካችን ክርስቶስ ታርዶአልና፤
ስለዚህ በቅንነትና በእውነት ቂጣ በዓልን እናድርግ እንጂ በአሮጌ እርሾ በክፋትና በግፍ እርሾም አይደለም።
እርሾ ኃጢአትን የሚያመለክት ሲሆን ትቂት እርሾ ሊጡን ሁሉ እንደሚያቦካው የእኛም ህይወት ጥቃቅን በሚመስሉ የኃጢአት ልምምዶች እንዳይበከል ራሳችንን ከእርሾ ልንጠብቅ ይገባናል። ፋሲካችን ክርስቶስ ታርዶልናልና በቅንነት እና በእውነት ንጹሕ በሆነ ማንነት በዓል እናድርግ።
💥💥መልካም የትንሳኤ በዓል! 💥💥

05/01/2023

እንኳን ለጌታችን እና ለመድኃኒታችን ለኢየሱስ ክርስቶስ የልደት በአል በሰላም አደረሳችሁ!

መልአኩም እንዲህ አላቸው፦ እነሆ፥ ለሕዝቡ ሁሉ የሚሆን ታላቅ ደስታ የምሥራች እነግራችኋለሁና አትፍሩ፤
ዛሬ በዳዊት ከተማ መድኃኒት እርሱም ክርስቶስ ጌታ የሆነ ተወልዶላችኋልና። ሉቃስ 2:10-11

የሰው ልጆች በኃጢአት ከወደቁበትና ኃጢአት ወደ አለም ከገባበት ጊዜ አንስቶ አለም ሁሉ በድቅድቅ ጨለማ ውስጥ ይመላለሳል። ነገር ግን እግዚአብሔር ለሰው ልጆች ካለው ታላቅ ፍቅር የተነሳ ከድቅድቅ ጨለማ የሚያወጣንን የአለም መድኃኒት እርሱም ኢየሱስ ክርስቶስን ላከልን። ይህም የሆነው በነቢያት መጽሐፍ “በጨለማ የሄደ ሕዝብ ብርሃን አየ፤ በሞት ጥላ አገርም ለኖሩ ብርሃን ወጣላቸው።” ተብሎ የተጻፈው ይፈጸም ዘንድ ነው።
ኢሳይያስ 9፥2
ለሰው ሁሉ የሚያበራውን እውነተኛውን የአለም ብርሃን (ዮሐንስ 1:9) ኢየሱስ ክርስቶስን የነፍሳችን አዳኝ አድርገን በማመን ንስሐ ገብተን እንቀበለው። እርሱም ይቅር ብሎን የእግዚአብሔር ልጆች እንሆን ዘንድ ስልጣን ይሰጠናል። (ዮሐንስ 1:12) ከጨለማም ወደሚደነቅ ብርሃን ያሸጋግረናል። (1ኛ ጴጥሮስ 2:9)
የአለም ብርሃን መጥቶ ሳለ በጨለማ ልንመላለስ አይገባምና ብርሃን ወደ ሆነው ወደ ክርስቶስ እንምጣ። (ዮሐንስ 3:16-21)
ከእርሱም ጋር መኖር እንጀምር። (ዮሐንስ 15:5-7፣ ዮሐንስ 14:23-24)
💥 መልካም የልደት በአል ይሁንልን 💥

05/01/2023

እንኳን ለጌታችን እና ለመድኃኒታችን ለኢየሱስ ክርስቶስ የልደት በአል በሰላም አደረሳችሁ!

መልአኩም እንዲህ አላቸው፦ እነሆ፥ ለሕዝቡ ሁሉ የሚሆን ታላቅ ደስታ የምሥራች እነግራችኋለሁና አትፍሩ፤
ዛሬ በዳዊት ከተማ መድኃኒት እርሱም ክርስቶስ ጌታ የሆነ ተወልዶላችኋልና። ሉቃስ 2:10-11

የሰው ልጆች በኃጢአት ከወደቁበትና ኃጢአት ወደ አለም ከገባበት ጊዜ አንስቶ አለም ሁሉ በድቅድቅ ጨለማ ውስጥ ይመላለሳል። ነገር ግን እግዚአብሔር ለሰው ልጆች ካለው ታላቅ ፍቅር የተነሳ ከድቅድቅ ጨለማ የሚያወጣንን የአለም መድኃኒት እርሱም ኢየሱስ ክርስቶስን ላከልን። ይህም የሆነው በነቢያት መጽሐፍ “በጨለማ የሄደ ሕዝብ ብርሃን አየ፤ በሞት ጥላ አገርም ለኖሩ ብርሃን ወጣላቸው።” ተብሎ የተጻፈው ይፈጸም ዘንድ ነው።
ኢሳይያስ 9፥2
ለሰው ሁሉ የሚያበራውን እውነተኛውን የአለም ብርሃን (ዮሐንስ 1:9) ኢየሱስ ክርስቶስን የነፍሳችን አዳኝ አድርገን በማመን ንስሐ ገብተን እንቀበለው። እርሱም ይቅር ብሎን የእግዚአብሔር ልጆች እንሆን ዘንድ ስልጣን ይሰጠናል። (ዮሐንስ 1:12) ከጨለማም ወደሚደነቅ ብርሃን ያሸጋግረናል። (1ኛ ጴጥሮስ 2:9)
የአለም ብርሃን መጥቶ ሳለ በጨለማ ልንመላለስ አይገባምና ብርሃን ወደ ሆነው ወደ ክርስቶስ እንምጣ። (ዮሐንስ 3:16-21)
ከእርሱም ጋር መኖር እንጀምር። (ዮሐንስ 15:5-7፣ ዮሐንስ 14:23-24)
💥 መልካም የልደት በአል ይሁንልን 💥

26/08/2020

በመንፈስ ቅዱስ ሙላት መመላለስ

"እግዚአብሔር ይላል፦ በመጨረሻው ቀን እንዲህ ይሆናል፤ ሥጋ በለበሰ ሁሉ ላይ ከመንፈሴ አፈሳለሁ፤ ወንዶችና ሴቶች ልጆቻችሁም ትንቢት ይናገራሉ፥ ጎበዞቻችሁም ራእይ ያያሉ፥ ሽማግሌዎቻችሁም ሕልም ያልማሉ፤ ደግሞም በዚያች ወራት በወንዶችና በሴቶች ባሪያዎቼ ላይ ከመንፈሴ አፈሳለሁ ትንቢትም ይናገራሉ።"
ሐዋርያት ሥራ 2:17-18

🙏እግዚአብሔር ለሰው ልጆች ከሰጣቸው ስጦታዎች መካከል እጅግ የላቀና ወደር የሌለው ስጦታ የመንፈሱ ስጦታ ነው። የጌታን መንፈስ የተቀበሉ አባቶች በሙሉ ለጌታ ኖረው አስከብረውታል። የክብር አገልግሎት አገልግለው ለምድር በረከት ሆነው አልፈዋል። የጌታን መንፈስ የተቀበሉ ሰዎች በምንም ምክንያት ተራ ኑሮ ሊኖሩ ወይም ተራ አገልግሎት ሊያገለግሉ አይችሉም። ስለዚህም እግዚአብሔር በብሉይም በአዲስም ኪዳን መንፈሱን በሰዎች ላይ በማፍሰስ ይጠቀምባቸውና ይከብርባቸው ነበር።
🙏ያለ መንፈስ ቅዱስ ሙላት የክርስትናን ህይወት መኖርም ሆነ እግዚአብሔርን ደስ የሚያሰኝ ፍሬያማ አገልግሎት ማገልገል አንችልም።
🙏የእግዚአብሔር ፈቃድም ሆነ ፍላጎቱ አማኞች በሙሉ በመንፈስ ቅዱስ ተሞልተን በመንፈስ ስንመላለስ የመንፈስን ፍሬ እያፈራን እርሱን ደስ ስናሰኘው ማየት ነው። ጌታ ኢየሱስም መንፈስ ቅዱስን መቀበልና መሞላት ለአማኞች እጅግ አስፈላጊ ስለሆነ በዚህ ጉዳይ በተደጋጋሚ ተናግሮአል።

"በእኔ የሚያምን መጽሐፍ እንዳለ፥ የሕይወት ውኃ ወንዝ ከሆዱ ይፈልቃል ብሎ ጮኸ። ይህን ግን በእርሱ የሚያምኑ ሊቀበሉት ስላላቸው ስለ መንፈስ ተናገረ፤ ኢየሱስ ገና ስላልከበረ መንፈስ ገና አልወረደም ነበርና።" ዮሐንስ 7:38-39

"እኔም አብን እለምናለሁ ለዘላለምም ከእናንተ ጋር እንዲኖር ሌላ አጽናኝ ይሰጣችኋል፤ እርሱም ዓለም የማያየውና የማያውቀው ስለ ሆነ ሊቀበለው የማይቻለው የእውነት መንፈስ ነው፤ ነገር ግን ከእናንተ ዘንድ ስለሚኖር በውሥጣችሁም ስለሚሆን እናንተ ታውቃላችሁ።" ዮሐንስ 14:15-17

"እነሆም፥ አባቴ የሰጠውን ተስፋ እኔ እልክላችኋለሁ፤ እናንተ ግን ከላይ ኃይል እስክትለብሱ ድረስ በኢየሩሳሌም ከተማ ቆዩ።" ሉቃስ 24:49

🙏እግዚአብሔር ከቤተክርስቲያን ምስረታ በፊት በተናገረው የተስፋ ቃል መሰረት ዘመኑ ሲደርስ መንፈሱን በህዝቡ ላይ አፈሰሰው። በዚያው ቀን ቤተክርስቲያን ተወለደች። ሐዋርያት ሥራ 2:1-4

🙏መንፈስ ቅዱስን መሞላት ወይም መንፈስ ቅዱስ በእኛ ውስጥ እንዲኖር ያስፈለገበት ምክንያት፦

1. እግዚአብሔርን በመንፈስ ማምለክ እንድንችል።

🙏 እግዚአብሔር መንፈስ ስለሆነ ልናመልከው የምንችለው በመንፈስ ቅዱስ እርዳታ እና ኃይል ነው። ዮሐንስ 4:24። በአምልኮ ህይወታችን ውስጥ መንፈስ ቅዱስ ከፍተኛውን ሚና ይጫወታል። አስመላኪው እርሱ ነውና።
"መንፈስ ይሙላባችሁ እንጂ በወይን ጠጅ አትስከሩ ይህ ማባከን ነውና፤ በመዝሙርና በዝማሬ በመንፈሳዊም ቅኔ እርስ በርሳችሁ ተነጋገሩ፤ ለጌታ በልባችሁ ተቀኙና ዘምሩ፤" ኤፌሶን 5:18-19

🙏መንፈስ ቅዱስ ከሌለ ወይም በመንፈስ ሆነን ማምለክ ካልቻልን አምልኮአችን ዝማሬያችንም ሆነ ጩኸታችን ከንቱ ነው። በሰው አስተሳሰብና ፍልስፍና ላይ የተመሰረተ አምልኮም ሆነ የክርስትና ህይወት በእግዚአብሔር ዘንድ ተቀባይነት የለውም። ኢሳያስ 29:13፣ ማቴዎስ 15:8-9

2. አለምን፣ ሰይጣንንና ኃጢአትን ማሸነፍ የምንችልበትን አቅም እንዲሰጠን።

🙏ያለ መንፈስ ቅዱስ አሸናፊ የክርስትና ህይወት መኖር አንችልም። የአለምን ምኞት እንደ ጉድፍ ቆጥሮ መተው የሚቻለው፣ ስጋንም እየጎሰሙ ለጌታ ማስገዛት የሚቻለው፣ እንዲሁም በተለያየ መንገድ የሚዋጋንን የጨለማ ኃይል ተቋቁመን ማሸነፍ የምንችለው በመንፈስ ቅዱስ ኃይል ብቻ ነው።
🙏በጌታ እና በኃይሉ ችሎት መበርታት፤ ስጋ ምኞቱን እንዳይፈጽም መቆጣጠር፤ አለም እንዳትወርሰን በእግዚአብሔር ፍቅርና በመንፈስ ቅዱስ ኃይል መወረስ ሊሰመርባቸው የሚገቡ ዋና ነገሮች ናቸው።
ኤፌሶን6:10፣ 1ቆሮንቶስ 9:25-27፣ ያዕቆብ 4:1-5።

"ነገር ግን ኢየሱስን ከሙታን ያስነሣው የእርሱ መንፈስ በእናንተ ዘንድ ቢኖር፥ ክርስቶስ ኢየሱስን ከሙታን ያስነሣው እርሱ በእናንተ በሚኖረው በመንፈሱ፥ ለሚሞተው ሰውነታችሁ ደግሞ ሕይወትን ይሰጠዋል።
እንግዲህ፥ ወንድሞች ሆይ፥ ዕዳ አለብን፥ እንደ ሥጋ ፈቃድ ግን እንኖር ዘንድ ለሥጋ አይደለም። እንደ ሥጋ ፈቃድ ብትኖሩ ትሞቱ ዘንድ አላችሁና፤ በመንፈስ ግን የሰውነትን ሥራ ብትገድሉ በሕይወት ትኖራላችሁ።"
ሮሜ 8:11-13

3. የመንፈስ ፍሬዎችን እንድናፈራ።

🙏በወይኑ ግንድ ላይ ሆኖ ፍሬ የማያፈራ ቅርንጫፍ የመጨረሻ እጣ ፋንታው ተቆርጦ መወገድ ነው። ምክንያቱም እግዚአብሔር እኛን ሲጠራን በክርስቶስ ፍሬያማ የሆነ ህይወት እንድንኖር ነው። መጽሐፍ ቅዱስ ሙሉ በሙሉ ማለት እስኪቻል ድረስ ስለ የፍሬያማነት ህይወት ነው የሚያወራው። ኢሳያስ 5:1-4፣ ዮሐንስ 15:8፣ ቆላስይስ 1:10-11፣ ፊልጵስዩስ 1:9-11።

🙏ጌታን መከተል ከጀመርን አመታት የቆጠርን አማኞች የመንፈስ ፍሬዎችን ማፍራት በሚገባን ጊዜና ማፍራት በሚገባን መጠን አፍርተናል ወይስ የስጋ ሥራዎች ናቸው በህይወታችን እየታዩ ያሉት? እግዚአብሔር ለፍርድ የሚቸኩል አምላክ ስላልሆነ ምንም እንኳ በህይወታችን ተገቢ የሆነ የመንፈስ ፍሬዎችን ሳናፈራ ቀርተን በአንጻሩ ግን የስጋ ስራዎች ጎልተው ቢታዩብንም ተሻሽለንና በመንፈሱ ተሞልተን የመንፈስ ፍሬዎችን እስክናፈራ ድረስ ይታገሰናል። ሉቃስ 13:6-9

🙏የስጋን ፍሬ እና የመንፈስን ፍሬ አንድ ላይ ማፍራት አስቸጋሪ ነው። ከአንድ ምንጭ ጣፋጭና መራራ ውሃ እንደማይቀዳ ሁሉ ሁለት መልክ ያለው የክርስትና ህይወትም ይዞ መመላለስ አይቻልም። የግድ ስጋዊ ማንነት እየሞተ መንፈሳዊ ማንነት ሊያድግና ህያው ሆኖ ሊገለጥ ይገባል። ስጋዊነትና መንፈሳዊነት ሁለቱ እርስ በእርስ የሚቀዋወሙ ማንነቶች ናቸው።

"19፤ የሥጋ ሥራም የተገለጠ ነው እርሱም ዝሙት፥ ርኵሰት፥ 20፤ መዳራት፥ ጣዖትን ማምለክ፥ ምዋርት፥ ጥል፥ ክርክር፥ ቅንዓት፥ ቁጣ፥ አድመኛነት፥ 21፤ መለያየት፥ መናፍቅነት፥ ምቀኝነት፥ መግደል፥ ስካር፥ ዘፋኝነት፥ ይህንም የሚመስል ነው። አስቀድሜም እንዳልሁ፥ እንደዚህ ያሉትን የሚያደርጉ የእግዚአብሔርን መንግሥት አይወርሱም። 22፤ የመንፈስ ፍሬ ግን ፍቅር፥ ደስታ፥ ሰላም፥ ትዕግሥት፥ ቸርነት፥ በጎነት፥ እምነት፥ የውሃት፥ ራስን መግዛት ነው።" ገላትያ 5:19-22

4. እንዲያስተምረንና ወደ እውነት ሁሉ እንዲመራን።

መንፈስ ቅዱስ አስተማሪያችን ነው መሪያችንም ነው።

"አብ በስሜ የሚልከው ግን መንፈስ ቅዱስ የሆነው አጽናኝ እርሱ ሁሉን ያስተምራችኋል እኔም የነገርኋችሁን ሁሉ ያሳስባችኋል።" ዮሐንስ 14:26

🙏ብዙዎቻችን ከእግዚአብሔር እውቀት የምንጎድለው ከመንፈስ ቅዱስ የመማር ልምምዱ ስለሌለን ነው። መንፈስ ቅዱስ ሲያስተምር ለመስማት መንፈሳዊ ጆሮዎቻችን የተከፈቱ ሊሆኑ ይገባል። መንፈሳዊ ነገሮችን መለየትና መረዳት የምንችለው መንፈስ ቅዱስ በሚያስተምረን መሰረት ነው።

"10፤ መንፈስም የእግዚአብሔርን ጥልቅ ነገር ስንኳ ሳይቀር ሁሉን ይመረምራልና ለእኛ እግዚአብሔር በመንፈሱ በኩል ገለጠው። 11፤ በእርሱ ውስጥ ካለው ከሰው መንፈስ በቀር ለሰው ያለውን የሚያውቅ ሰው ማን ነው? እንዲሁም ደግሞ ከእግዚአብሔር መንፈስ በቀር ለእግዚአብሔር ያለውን ማንም አያውቅም። 12፤ እኛ ግን ከእግዚአብሔር እንዲያው የተሰጠንን እናውቅ ዘንድ ከእግዚአብሔር የሆነውን መንፈስ እንጂ የዓለምን መንፈስ አልተቀበልንም። 13፤ መንፈሳዊውን ነገር ከመንፈሳዊው ነገር ጋር አስተያይተን መንፈስ በሚያስተምረን ቃል ይህን ደግሞ እንናገራለን እንጂ የሰው ጥበብ በሚያስተምረን ቃል አይደለም።" 1ቆሮንቶስ 2:10-13

"ግን እርሱ የእውነት መንፈስ በመጣ ጊዜ ወደ እውነት ሁሉ ይመራችኋል፤ የሚሰማውን ሁሉ ይናገራል እንጂ ከራሱ አይነግርምና፤ የሚመጣውንም ይነግራችኋል።" ዮሐንስ 16:13

🙏መንፈስ ቅዱስ ምንድነው የሚያስተምረን ቢባል የእግዚአብሔርን ቃል ያስተምረናል፣ እግዚአብሔርን መፍራት ያስተምረናል፣ በጽድቅና በቅድስና ያለነውር መኖርን ያስተምረናል፣ እግዚአብሔርን የመምሰል ህይወት ምን አይነት እንደሆነ ያስተምረናል፤ ወዘተ...
ቲቶ2:11-14
🙏መንፈስ ቅዱስ የተሳሳተ ነገር ውስጥ እንዳንገባ፣ ግራ እንዳንጋባ፣ በየእለቱ የምናደርገውንም ሆነ የምንናገረውን ትክክለኛ ነገር እንድናውቅ ዘወትር ሊመራን በውስጣችን ይኖራል። ዋናው ነገር ግን መንፈስ ቅዱስ የሚናገረንን ድምጹን ለይተን ማወቅ መቻል ነው።

5. በአገልግሎታችን ፍሬያማ እንድንሆንና ጌታን እንድናስከብረው።

🙏 አንድ አማኝ ቤተክርስቲያንን የሚያንጽና እግዚአብሔርን የሚያስከብር አገልግሎት ማገልገል የሚችለው አማኙ በመንፈስ ቅዱስ ሙላትና ቁጥጥር ውስጥ ሲሆን ብቻ ነው። አለዚያ አገልግሎታችን ከንቱ ድካም ነው የሚሆነው።

"እኔ መረጥኋችሁ እንጂ እናንተ አልመረጣችሁኝም፤ አብም በስሜ የምትለምኑትን ሁሉ እንዲሰጣችሁ፥ ልትሄዱና ፍሬ ልታፈሩ ፍሬአችሁም ሊኖር ሾምኋችሁ።"
ዮሐንስ 15:16
🙏የተመረጥነው የተሾምነውም ፍሬ እንድናፈራ እና ፍሬያችንም እንዲኖር ነው። ስለዚህ በምንሄድበት ሁሉ ይህንን ፍሬ እንድናፈራ ዘወትር በመንፈስ ቅዱስ ልንሞላ ያስፈልጋል። አገልግሎት ያለ መንፈስ ቅዱስ ፍሬ የለውም ወይም ምንም አይጠቅምም። ስለዚህ ጌታን የምናገለግል ሁሉ በልምድ ወይም በልምምድ ከማገልገል ተላቀን በመንፈስ ቅዱስ ኃይል እና በጸጋ ሙላት ማገልገል ይኖርብናል።

🙏በኤፌሶን 5:18 ላይ "መንፈስ ይሙላባችሁ" ተብሎ እንደተጻፈ ዘወትር መንፈሱን ለመሞላት በጌታ ፊት በጥማት መቅረብ ይኖርብናል። ጌታ ኢየሱስም ማንም የተጠማ ቢኖር ወደ እኔ ይምጣና ይጠጣ ብሎአል። ስለዚህ መንፈስ ቅዱስን እንጠማው። እስክናገኘው ድረስ እንፈልገው። በመንፈሳዊ ድርቀት ውስጥ መመላለስና ከመንፈስ ቅዱስ ጋር ሳይተዋወቁ እንግዳ ሆኖ መኖር ይብቃን።
ጌታ ይባርካችሁ!!!

ወንድማችሁ ዳንኤል መንግስቱ ነኝ
ጸጋ ይብዛላችሁ !!!

19/06/2020

ኢትዮጵያ በብዙ እንባና በብዙ ፀሎት የመጣላትን መልካም ዘመን ፍሬቢስ ሊያደርጉ የሚመክሩ የውስጥና የውጭ ጠላቶች ምክራቸው ይደባለቅ! ከልዩ ልዩ አቅጣጫ በአንድነት ተስማምተው በኢትዮጵያ መልካም ዘመን ፊት የቆሙ ተግዳሮቶች በሰባት መንገድ ይበተኑ! መከራዋንና ተግዳሮትዋል እንደገና መልሰው ለመገንባት የሚደክሙ እጆች የተረገሙ ይሁኑ! እግዚአብሔር ሆይ ኢትዮጵያን አስብ! ምህረትህም ትግነን!

27/05/2020

ማነው ተተኪው አገልጋይ?

"እንዲህም ሆነ፤ የእግዚአብሔር ባሪያ ሙሴ ከሞተ በኋላ እግዚአብሔር የሙሴን አገልጋይ የነዌን ልጅ ኢያሱን እንዲህ ብሎ ተናገረው፦ ባሪያዬ ሙሴ ሞቶአል፤ አሁንም አንተና ይህ ሕዝብ ሁሉ ተነሥታችሁ ለእስራኤል ልጆች ወደምሰጣቸው ምድር ይህን ዮርዳኖስ ተሻገሩ።"
(መጽሐፈ ኢያሱ ወልደ ነዌ ምዕ. 1:1-2)

እግዚአብሔር በየዘመናቱ የፈቃዱ አገልጋዮች የሚሆኑለትን ተተኪዎች ማግኘት ይፈልጋል። ሙሴ እግዚአብሔር በሰጠው ዘመን የታመነ ባሪያ ሆኖ አገልግሎቱን ፈጸመ። የሙሴ የአገልግሎት ዘመን እንዳበቃ እግዚአብሔር ተተኪውን ኢያሱን ባሪያዬ ሙሴ ሞቶአልና አንተ በእርሱ ምትክ ተነስና ይህን ህዝብ ይዘህ ዮርዳኖስን ተሻገር አለው።

በእርግጥ የሙሴ የአገልግሎት ፍጻሜ ክብር የሞላበት እንደነበር በዘዳግም 34:10-12 ላይ አስደናቂ ምስክርነት ተጽፎለታል። ሙሴ ታሪክ ሰርቶ ያለፈ ሰው ነበር። እኛንም በዘመናችን ተራ ሰው ሆኖ ኖሮ ከመሞት ጌታ ያድነን።
እግዚአብሔር የእኛንም ፍጻሜ ያሳምርልን እያልኩ በዚህ ዘመን ያለውን የእግዚአብሔርን ሀሳብ አገልግሎ ለማለፍ ይቻለን ዘንድ ራሳችንን የተዘጋጀ የጽድቅ የጦር እቃ አድርገን ለጌታ እናቅርብለት። እግዚአብሔር በስራ ላይ ነው። በዚህ በመጨረሻው ዘመን ላይ ያለውን መደምደሚያ አገልግሎት ለመፈጸም የሚጠቀምባቸውን የታመኑና ነውር የሌለባቸውን አገልጋዮች ማግኘት ይፈልጋል።

የአዲስ ኪዳን ልጆች ሆነን ስንፈጠር እግዚአብሔር አስቀድሞ ያዘጋጀውን መልካሙን ስራ ለማድረግ በክርስቶስ እንደተፈጠርን በኤፌሶን 2:10 ላይ ተጽፎአል። ይህ መልካም ስራ እጅግ የከበረና ታላቅ የሆነ ስራ ነው። እያንዳንዳችን የተዘጋጀልን መልካም ስራ እና የተፈጠርንበት አላማ ምን እንደሆነ ለይተን እንድናውቀውና እንድንፈጽመው ይጠበቅብናል። የተዘጋጀልን ስራ በጊዜ ተተምኖ የተዘጋጀ ስለሆነ እግዚአብሔርም በጊዜ የሚሰራ አምላክ ስለሆነ ፈጥነን ተተኪው እኔ ነኝ ብለን እንነሳ። አገልግሎታችንንም እንፈጽም። ዳዊትም በራሱ ዘመን የእግዚአብሔርን አሳብ ካገለገለ በኋላ አንቀላፋ ተብሎ እንደተጻፈ (ሐዋ 13:36) እኛም ተሰፍሮ በተሰጠን የህይወት ዘመን የሰውን እና የአለምን አሳብ ከማገልገል ተላቅቀን የእግዚአብሔርን አሳብና ፈቃድ አገልግሎ ማለፍ ይሁንልን። ማንቀላፋት አይቀርምና በእግዚአብሔር መንግሥት ውስጥ ምንም አበርክቶት ሳይኖረን አንለፍ። የተሰጠንን ጊዜም ባለማስተዋል እንዳናባክነው አደራ።
እግዚአብሔርን ማገልገል ትልቅ ብድራት አለው።

19/04/2020

በጸጋ የተቀመመ በጎ ቃል!

"ለሚሰሙት ጸጋን ይሰጥ ዘንድ፥ እንደሚያስፈልግ ለማነጽ የሚጠቅም ማናቸውም በጎ ቃል እንጂ ክፉ ቃል ከአፋችሁ ከቶ አይውጣ።" ኤፌሶን 4:29

ይህ ለክርስቲያኖች የተሰጠ የምክር ቃል ነው። ክርስቲያኖች በማናቸውም ጊዜ እና ስፍራ የሚሰሙአቸውን የሚጠቅምና የሚያንጽ ጸጋ የሞላበት በጎ ቃል እንጂ ክፉ ቃል ከአንደበታቸው እንዳይወጣ የጌታ ቃል ያዛል።

ስለዚህ እኛም ይህንን መልእክት የምናነብ ወገኖች ከአንደበታችን ስለሚወጣው ንግግር፣ ስለምንጽፈውና በተለይም በፌስቡክ ገጻችን ላይ ፖስት/Post/ ስለምናደርገው ነገር እጅግ ልንጠነቀቅ ይገባል።

ፖስት ከማድረጋችን በፊት የመልእክቱን ይዘት መፈተሽ፣ ከክርስቲያናዊ ማንነታችን ጋር የሚስማማ ወይም ከእኛ የሚጠበቅ መጽሐፍ ቅዱሳዊ ይዘቱን የጠበቀ መሆኑን መፈተሽ ይኖርብናል።

ጳውሎስ በቆላስይስ 4:6 ላይ "ንግግራችሁ ሁልጊዜ፥ በጨው እንደ ተቀመመ፥ በጸጋ ይሁን" ይለናል።

በጨው የተቀመመ ምግብ ለተመጋቢው ጣእም እንዳለው ሁሉ የእኛም ንግግር በየትኛውም ስፍራ በተለይም ፌስቡክ ላይ የምንናገረው ነገር የተቀመመና የሚጥም ሊሆን ይገባል። ሌሎችን ለማነጽ የተዘጋጀን ብልሃተኛ አናጺዎች ሆነን ለሰው ጥቅም ለእግዚአብሔር ክብር የሚሆን ሥራ መስራት ይጠበቅብናል።

ክርስቲያን የእግዚአብሔር አፍ ሆኖ ሁሌም ያገኘውን አጋጣሚ በመጠቀም የእግዚአብሔርን ወቅታዊ መልእክት የሚያስተጋባ ሊሆን ይገባል።
ሌሎች ሰዎች የፌስቡክ ገጾቻችንን ከፈት ሲያደርጉት መልካም ሽታ ሊኖራቸውና ከሚያነቡት የጸጋ ቃል የተነሳም የክርስቶስ መአዛ ሊያውዳቸው ጌታንም ሊያመሰግኑት ይገባል።

ስለዚህ ክርስቲያኖች የአሮጊቶችን ተረት ከሚመስል ለዚህ አለም ከሚመች ከንቱ ልፍለፋ ልንርቅ ይገባል፤ (1ጢሞቴዎስ 4:7)። በንግግራችን ውስጥ ማንነታችን ይገለጣልና ለዚህች ከንቱ አለም የሚመችና የሚያሳፍር ንግግርም ሆነ ምስል ፖስት ላለማድረግ ጥንቃቄ ማድረግ ይኖርብናል። ጊዜአችንንም ርካሽ ነገር በማንበብና በመጻፍ እንዳናባክነው አደራ እላለሁ። ጊዜን በሰጠን አምላክ እንጠየቃለንና። ይልቁን ጊዜአችንንና መድረካችንን መልካሙን የምስራች ቃል የምንሰብክበትና የሚያምኑትን የክርስቶስ ደቀመዝሙር በማድረግ የጌታችንን ዳግም መምጣት የምናፋጥንበት ቢሆንልን መልካም ነው። ጌታ ይባርካችሁ


መጋቢ ዳንኤል መንግሥቱ

19/04/2020

15/04/2020

14/04/2020

*COVID-19 will soon end, but we need to check and eliminate the Spiritual Viruses Out of our Life.*

DIAGNOSE and TREAT YOURSELF with The WORD OF GOD!

*🔹Wash your heart. (Psalm 73:1)*

*🔹Keep a social distance from evil. (Job 28:28)*

*🔹Avoid the crowd of wickedness and wicked men. (Psalm 1:1)*

*🔹Cover your mind from being infected from the sneeze of sin and hatred.(Leviticus 19:17)*

*🔹Do not shake hands with abomination.(Deuteronomy 25:16)*

*🔹Do not hug heresy and false teachings.(2 Peter 2:1)*

*🔹Be safe so that you will be saved. (Jeremiah 17:14)*

*🔹Sanitize your life with the Word of God. (Psalm 1:2)*.

*🔹In case you notice any symptoms of sin, call the helpline of Christ in PRAYER.(Jeremiah 33:3)* Extension 1 John 1:9

*🔹Always remember to boost your spiritual immunity with Faith and the Power of the Holy Spirit. (Jude 1:20)*.

ISN'T IT WORTHY SHARING?