ስንክሳር ብትግርኛ

ስንክሳር ብትግርኛ ገድለ ቅዱሳን ካብ ስንክሳር ብቛንቋ ትግርኛ ዝቐርበሉ ገጽ

✟✟✟ ፳፪ ነሐሰ ✟✟✟በስመ አብ ወወልድ ወመንፈስ ቅዱስ ፩ አምላክ ፡ አሜን! ✟✟✟ ነቢይ ሚክያስ ✟✟✟፳፪ ነሐሰ ፡ በዛ መዓልቲ እዚኣ ፡ ወዲ ኢዩኤል ዩአክስ (ወዲ ሞራት ዝብል እውን አ...
27/08/2026

✟✟✟ ፳፪ ነሐሰ ✟✟✟

በስመ አብ ወወልድ ወመንፈስ ቅዱስ ፩ አምላክ ፡ አሜን!

✟✟✟ ነቢይ ሚክያስ ✟✟✟

፳፪ ነሐሰ ፡ በዛ መዓልቲ እዚኣ ፡ ወዲ ኢዩኤል ዩአክስ (ወዲ ሞራት ዝብል እውን አሎ) ዝኾነ ዓቢይ ነቢይ ሚክያስ አዕረፈ። አቡኡ ኢዮራም እውን ይበሃል እዩ። እዚ ጻድቕ አብ ዘመን ንጉሥ ይሁዳ ኢዮሳፍጥ ወዲ አሳፍ ፡ አብ ዘመነ አካዝያስን ንግሥቲ ጎቶልያን ትንቢት ተናገረ። ብዛዕባ ሠናያት ምግባራት እግዚአብሔር ብአፉ ተናገሮ። ካብኡ እውን ፡ ክብርን ምሥጋናን ንዕኡ ይኹን እሞ ፡ ስለ ትስብእት መድሐኒና ኢየሱስ ክርስቶስ ክምዚ እንትብል ትንቢት ተነበየ።
"እነሆ እግዚአብሔር ካብ ቦትኡ ክወጽእ እዩ። ክወርድን አብ ልዕሊ ምድሪ ክመላለስን እዩ" ድማ በለ። ጎይታ አብ ቤተ ልሔም ከም ዝውለድ እውን ተነበየ።
"ወአንቲኒ ቤተ ልሔም ምድረ ኤፍራታ: ኢትቴሐቲ እምነገሥተ ይሁዳ: እስመ እምኔኪ ይወጽእ ንጉሥ: ዘይርዕዮሙ ለሕዝብየ እሥራኤል::" "አንቲ ቤተ ልሔም ምድሪ ኤፍራታ: ካብ ከተማ ነገሥታት ይሁዳ አይትንእስን ፡ ንህዝበይ እስራኤል ዝጓስዮም ንጉሥ ካባኺ ክወጽእ እዩ እሞ::" በለ::
ስለ ምኵራብ አይሁድ ተሳዒሩ ፡ አብ ክንድኡ ብካልእ ቤተ መቅደስ ካብ ጫፍ ጫፍ ዓለም ከም ዝትካእ እውን ትንቢት ተናገረ። ብዛዕባ ወንጌል እውን ከምዚ እንትብል ትንቢት ተናገረ; "ሕጊ ካብ ጽዮን ፡ ቃል እግዚአብሔር ድማ ካብ ኢየሩሳሌም ክወጽእ እዩ።" በለ። ብዛዕባ ንጉሥ ሰማርያ አክዓብ እውን ከምዚ እንትብል ትንቢት ተናገረ; "ንስኻ
አብ ናይ ገለዓድ ኤዶም ውግእ ክትመውት ኢኻ"። ከምቲ ትንቢቱ እውን ተፈጸመ። ዘመነ ትንቢቱ ድማ ቅድሚ ትስብእቲ ጎይታና አከባቢ 800 ዓመት እዩ::
ንነዊሕ ዘመናት ተቐሚጡ: ናብ ሠናይ ሽምግልና በጺሑ: (አብ ዘመነ ንጉሥ ሕዝቅያስ) ናብቲ ዝፈተዎ እግዚአብሔር ፈለሰ:: ምራታ አብ ዝተብሃለት ቦትኡ ድማ ተቐበረ።

እግዚአብሔር ብጸሎቱ ይምሐረና ፡ ልዘለዓለመ ዓለም ፡ አሜን።

ዐርኬ

ሰላም ለሚክያስ ነባቤ ትንቢት በልሳኑ
ዘይከውን በዘመኑ
እንዘ ከመዝ ኂሩተ አምላክ ይዜኑ
ከማከ እግዚኦ እም እለ አማልክተ ኮኑ
አበሳ ርስቱ ዝይትዓዶ መኑ።

ንእግዚአብሔር ምሥጋና ይኹን ፡ ነኣና እውን ብጸሎት እዚ ጻድቕ ነቢይ ይምሐረና ፡ ልዘለዓለመ ዓለም ፡ አሜን።

ብቴሌ ግራም ንምክትታል ነዚ ሊንክ 👉 https://t.me/snksarTigrinyaaamealtawi እናተንከፍካትኩም እተዉታ ትንሽ ይመልከቱ ትንሽ ይመልከቱ

✟✟✟ ፳፩ ነሐሰ ✟✟✟በስመ አብ ወወልድ ወመንፈስ ቅዱስ አሐዱ አምላክ፡ አሜን✟✟✟ ተዝካረ በዓለ ለእግዝእትነ ✟✟✟፳፩ ነሐሰ ፡ በዛ መዓልቲ እዚኣ ፡ ንአምላኽ ብሥጋ ናይ ዝወለደት ናይ እም...
26/08/2026

✟✟✟ ፳፩ ነሐሰ ✟✟✟

በስመ አብ ወወልድ ወመንፈስ ቅዱስ አሐዱ አምላክ፡ አሜን

✟✟✟ ተዝካረ በዓለ ለእግዝእትነ ✟✟✟

፳፩ ነሐሰ ፡ በዛ መዓልቲ እዚኣ ፡ ንአምላኽ ብሥጋ ናይ ዝወለደት ናይ እምበይተና ድንግል ማርያም መዘከርታ በዓላ እዩ። ንሳ ኹሉ ጊዜ ምእንታና ትማልድ እያ እሞ።

ንእግዚአብሔር እውን ምስጋና ይኹን ፡ ነዓኣ ንአዲኡ ወደብ ሕይወትን መድሐኒትን ንኽትኮነና ሂቡና እዩ እሞ። በረከታ እውን አብ ልዕሊ ኹልና ሕዝበ ክርስቲያን ይሕደር ፡ ልዘለዓለመ ዓለም ፡ አሜን።

ዐርኬ

ሰላም ለኪ ለዘእምኔኪ ወጽአ
ዘያድሕን እግዚእ እንስሳ ወሰብአ
በቊስለ ሐጢአት ሥጋየ አመ በኍበኈ ወጼአ
ኢረከብኩ ማርያም እንበሌኪ አሐደ ባቊዐ
እም ኢገበርኪ ሊተ ሐዲሰ መልክዐ።

✟✟✟ ቅድስቲ ኄራኒ ✟✟✟

ካብኡ እውን ፡ በዛ መዓልቲ እዚኣ ፡ ትርጒም ስማ ሰላምን ፍቕርን ዝኾነ ጓል ንጉሥ ሉክያኖስ ቅድስቲ ኄራኒ ሰማዕት አዕረፈት። እዛ #ቅድስቲ ጎርዞ ድማ መልክዕ ምስ ጽባቐ: #ምግባር ምስ ምስ ዝተሓባበረላ ሰማእት እያ:: #ኄራኒ ማለት " #ሰላማዊት: #ዝተፈትወት" ማለት እዩ:: ከምኡ እውን ብጥረኡ " #ሰላምን #ፍቕርን" ማለት እዩ:: ቅድስቲ ኄራኒ አብ መጀመርታ 100 ክ/ዘመን ኣብ ንእሽቶይ እስያ ጓል ንጉሥ #ሉክያኖስ እያ:: ካብ ትውለድ ጀሚራ ስለ ክርስትና ሰሚዓ አይትፈልጥን:: ምኽንያቱ አቦኣ ጣዖት መምላኺ ካብ ምዃኑ ንላዕሊ ንክርስቲያን ይቐጽዕ ስለዝነበረ እዩ:: ንጉሥ ንጓሉ ንቅድስቲ ኄራኒ ቤተ መንግስቲ ሰርሐላ:: ዋላ ሓደ እውን ከይኣቱ አብ ዝርያኡ 12 ሓጹር ሓጸረሉ:: ነቲ ጣዖት ክትዓጥን ድማ አገልገልቲ ሾመላ:: ምናልባት ሓጹር ንሰብ ክኽልክሎ ይኽእል እዩ:: #እግዚአብሔር ግን እግዚአብሔር እዩ እሞ ዋላ ሓደ አይኽልክሎን:: ጎይታ ድማ ነዛ ጎርዞ ንናይ ወንጌል አገልግሎት ይደልያ እዩ:: ሓደ መዓልቲ አቡኣ: ጓሉ ምህርቲ ምእንቲ ክትኾነሉ፡ አሎ ዝተበሃለ ሽማግለ ፋላስፋ ቆጸረላ:: ናይ እግዚአብሔር ጥበብ ማለት እዚ እዩ:: አቦኣ እዚ ሽማግለ ንመን ከምዘምልኽ ይፈልጥ ኣይነበረን:: እቲ አረጋዊ ፋላስፋ ብጣዕሚ ዝድነቕ ክርስቲያን እዩ ዝነበረ:: ግን ማንም አይፈልጦን:: እቲ አረጋዊ ንቅድስቲ ኄራኒ ሱቅ ኢሉ ክሰብካ አይፈተወን:: መጀመርታ ብሥነ ምግባር ሃነጻ:: ቀጺሉ ግን "ኦ ጎይታ! ብጎደናኻ ምርሐያ" እናበለ ክጽልየላ ጀመረ:: ጎይታና ናይዚ ኣረጋዊ ጸሎት ስለዝሰምዐ እዛ ቅድስቲ ሓደ መዓልቲ ዘገርም ራእይ ርአየት፡፡ ንሳ ንማአዲ ተቀሚጣ እንተላ: ናይ ምብራቕን ናይ ምዕራብን መስኮት ተኸፊቱ እንተሎ: ብአንፈት ምብራቕ ብዘላ መሽኮት ጻዕዳ ርግቢት አብ አፋ ቆጽሊ አውሊዕ ሒዛ አትያ አብ ልዕሊ እቲ መአዲ አንቢራቶ ከደት:: ደዲሕሪኣ ተኸቲሉ ድማ ንስር ፡ አብ አፉ አክሊል ሒዙ አትዩ አብቲ መአዲ አቐሚጥዎ ከደ:: አብ መበል 3ይ ግን ኳኽ: ተመን አብ ኣፉ ሒዙ ብአንፈት ምዕራብ ብዘላ መሽኮት አትዩ አብ መአዳ አቐሚጥዎ ወጸ:: ቅድስቲ ኄራኒ ዝርአየቶ ራእይ ስለዘጨነቃ ንቱ ሽማግለ መምህራ "ተርጒመለይ" በለቶ:: ንሱ ድማ "ዛ ጓለይ! ንዘመናት ዝጽበዮ ዝነበርኩ ትምኒተይ እዩ ጎይታ ዘርአየኪ:: ናይ ሕልምኺ ትርጉም ከምዚ እዩ:- ጻዕዳ ርግቢት ናይ መንፈስ ቅዱስ (ናይ ሃይማኖት) ምሳሌ እያ:: እቲ ቖጽሊ ዘይቲ (አውሊዕ) ድማ ( #ሜሮን) እዩ:: ኳኽ ናይ ርጉማት ነገሥታት ምሳሌ ክኸውን እንተሎ ተመን ናይ መከራ ምሳሌ እዩ:: #ንስሪ ናይ ዓወት ምልክት ክኸውን እንተሎ አኽሊል ድማ ናይ መንግሥተ ሰማያት ምሳሌ እዩ:: ጓለይ! ክርስቲያን ኮይንኪ ዝበጽሐኪ ኩሉ ጎይታ አርእዩኪ አሎ" ኢሉ ተርጒሙላ ተስናቢትዋ ኸደ:: ንሳ ድማ ናብ ወገን ምብራቕ ዘወር ኢላ ጸለየት:- "ዘይፈልጠካ አምላኸይ! ናብ ሓቅኻ ምርሐኒ" ክትብል ለመነት:: በታ ሰዓት ናይ እግዚአብሔር መልአክ መጺኡ አጸናንዓ:: ዘጥምቓ ከም ዝልእኸላ እውን ነገራ:: በቲ ጊዜ አቦኣ አትዩ "ጓለይ! ካብ ወገን መሣፍንቲ ንዝኾነ ከመርዕወኪ ስለዝኾንኩ እንታይ ትብሊ?" በላ:: "3 መዓልቲ ሃበኒ" በለቶ ንሱ ድማ እሺ በላ:: አብታ ዕለት ናብቲ ጣዖት ዘለዎ ቦታ ወሪዳ "ክምርዖ ዶ ወይስ ይትረፈኒ?" በለቶም:: ብወርቂ ዝተለበጡ አእማን እዮም እሞ ሱቕ በሉ:: ንሳ ድማ ንኹሉም ጣዖታት ቀጥቂጣ ሰባቢራቶም ተመለሰት:: አብቲ ዘመን (ብፍላይ በዓል ) ብሕይወተ ሥጋ ስለዝነበሩ ንቅዱስ ዻውሎስ ወዲ መዝምሩ ዝኾነ ሓደ ቅዱስ፡ እቲ ቤት ብዕጽዉ አተወ:: ክርስትና ካብ ጥንቱ ክሳብ ተፍጻሜቱ አምሂሩ አጥመቓ:: አብ መበል 3ይቲ መዓልቲ አቦኣ "እንታይ መኺርኪ?" እንተበላ "ናተይ ውሳኔ ምዃን እዩ" በለቶ:: አቦኣ ሰንበደ:: ብጣዕሚ ስለ ዝሓረቐ ናብ አደባባይ አውጺኡ: አሲሩ አብ መሬት አውዲቑ ፡ ብ100ቲ ዝቑጸሩ አፍራስ ከምዝረግጽዋ ገበረ::
አብቲ ወቕቲ ሰብ ዝጽበዮ ዝነበረ ናይ አካላ ቁርጽራጽ ነበረ:: ነገር ግን ጎይታ ምስኣ ስለዝነበረ ንልብሳ እኳ ጭቃ አይተንከፎን:: አቦኣ ንጉሥ ሉክያኖስን ሰራዊቱን ንዝርአይዎ ነገር ክአምኑ ክኣምኑ አይከኣሉን:: ኩሎም ድምጾም አልዒሎም "ብዘይካ ክርስቶስ ካልእ አምላክ የለን" በሉ:: ቅድስቲ ኄራኒ ምንም ከይተዛረበት ነዞም ኩሎም ሰባት ማረኸት:: ሽዑ እቲ ንጉሥ መልአኽተኛ ልኢኹ: ንናይ ቅዱስ ጳውሎስ ወዲ መዝሙር አጸዊዑ: ምስ ቤተሰቡ ተጠመቐ:: ናይዚ ዓለም ክብሪ ንዒቑ ድማ ንግሥናኡ ገደፈ:: ናይ ጸሎት ሰብ ድማ ኾነ:: ናይ ቅድስቲ ኄራኒ ተጋድሎ ግን ቀጸለ:: አብቲ አከባቢ ዝነበረ ንጉሥ መጺኡ ናይ አቦኣ መንግሥቲ ወረሰ:: ንዓኣ ድማ ብጣዕሚ አሳቐያ:: ንሱ ሓሊፉ አርማንዮስ ዝበሃል ንጉሥ እውን ከምኡ አሳቐያ:: ንሱ እውን ሓለፈ:: ድሕሪኡ ዝመጸ ንጉሥ እውን ብዙሕ መከራ አብ ልዕሌኣ አውረደላ:: ብዂናት ድማ ጎና ወጊኡ ቀተላ:: ድሕሪ ቅሩብ ሰዓታት ግን ልክዕ ካብ ድቃስ ከምዝነቅሐ ሰብ ተሲኣ ጸውዐቶ:: ብጣዕሚ ደንጊጹ "አምላኽኪ አምላኸይ እዩ" ክብል አመነ:: ልዕሊ 30,000 ዝኾኑ ሰራዊቱ ሒዙ ድማ ተጠመቐ:: ቅድስቲ ኄራኒ ብዝተረፈ ሂወታ ብስብከተ ወንጌል ክሳብ እስያ አብጸሐት:: ጎይታ አብሪሁላ: ንሳ እውን አብሪሃ: እልፍ ፍረ አፍርያ: በዛ መዓልቲ አዕረፈት::
በረከታ ምስ ኩልና ውሉደ ጥምቀት ይኹን ለዓለመ ዓለም አሜን

ዐርኬ

ሰላም ለሔራኒ ከመ ትርጓሜሃ ለስማ
ምስጢረ ጥምቀት ዘርእየት አምሳለ ቈጽለ ዘይት በሕልማ
በጊዜ ነጸሩ ኪያሃ በጽንዐ ሃይማኖት ቀዊማ
ሶበ ኢክህለ ሙቃሔ ወእግረ ፈረስ ያሕምማ
አሰረ ዚአሃ ተለዉ አቡሃ ወእማ።

ንእግዚአብሔር ምሥጋና ይኹን ፡ ለኣና እውን ብጸሎት እዞም ቅዱሳን ይምሐረና ፡ ልዘለዓለመ ዓለም ፡ አሜን።

ብቴሌ ግራም ንምክትታል ነዚ ሊንክ 👉 https://t.me/snksarTigrinyaaamealtawi እናተንከፍካትኩም እተዉታ

✟✟✟ ነሐሰ ፳ ✟✟✟በስመ አብ ወወልድ ወመንፈስ ቅዱስ ፩ አምላክ ፡ አሜን✟✟✟ አቡነ ሰላማ መተርጕም ✟✟✟ነሐሰ ፳ ፡ በዛ መዓልቲ እዚኣ ፡ አቡነ ሰላማ መተርጕም ዕረፍቶም እዩ። እዞም ዓ...
25/08/2026

✟✟✟ ነሐሰ ፳ ✟✟✟

በስመ አብ ወወልድ ወመንፈስ ቅዱስ ፩ አምላክ ፡ አሜን

✟✟✟ አቡነ ሰላማ መተርጕም ✟✟✟

ነሐሰ ፳ ፡ በዛ መዓልቲ እዚኣ ፡ አቡነ ሰላማ መተርጕም ዕረፍቶም እዩ። እዞም ዓብዪ ጻድቕ፡ ዝነበሩሉ ዘሙን ካብ 1340 ክሳብ 1380 ዓ/ም እዩ:: ብትውልዲ ግብጻዊ እኳ እንተኾኑ ንቅድስት ቤተ ክርስቲያንና ብዙሕ ውዕለታ ውዒሎም እዮም:: አብቲ ዘመን እቲ ጳጳስ ኮይኖም እኳ እንተመጽኡ ከም ካልኦት ጳጳሳት አብ ትሕቲ ከባቢታት ቤተ መንግሥቲ ፡ ስራሕ ፈቲሖም ፡ ክቕመጡ አይደለዩን::
ሽዑ ምስ መጹ ናይ ግዕዝ ልሳን እርይ አቢሎም ተምሃሩ:: ቀጺሎም ኻልኦት ሊቃውንት ውሽጢ ዓዲ አኪቦም ቅዱሳት መጻሕፍቲ ክትርጕሙ ጀመሩ:: እዚ ስራሕ አድካሚ ብምዃኑ፡ ንልዕሊ 30 ዓመታት ግዜ ወሰደ:: ካብ ዝተርጐምዎም መጻሕፍቲ ድማ:-
* #ስንክሳር
*
*
* #ፊልክስዩስ(መጽሐፈ መነኮሳት)
*
*ድርሳን ዘቅዱስ . . . ይጥቀሱ::
አቡነ ሰላማ ብስብከተ ወንጌል አገልግሎትን ብገዳማዊ ሕይወትን ይፍለጡ ነበሩ:: ብተወሳኺ ድማ ናብ ብዙሕ ቦታታት እናኸዱ ይናዝዙን: የጥምቑን ነበሩ:: አብቲ ወቕቲ ልክዕ ከም ስሞም ሰላም ንክሰፍን ይተግሁ ነበሩ:: ንመሣፍንትን: ነገሥታትን እታዓረቁቑ ንቤተ ክርስቲያን ብሓድነት ከም ዝቖሙ ገይሮምዎም እዮም::
እዞም ጻድቅ ንአቡነ ፊልጶስ ወሲኽካ ንብዙሓት ቅዱሳን ገኒዞም ቀቢሮም እዮም:: ብዝቐደመ ስሞም ዝባሃሉ ካልዕ (2ይ) ሰላማ አብ 1380 ዓ/ም ድሕሪ ናይ 40 ዓመታት ትግሃት ዓረፉ:: ክጽወዑ ከለው ድማ:-
* #መተርጉም (መጻሕፍቲ ዝተርጎሙ)
* ( ብርሃን አዜብ (አግዐዚት)
* ተባሂሎም ይጽወዑ::

በረከቶም ምስ ኵልና ትኹን ለዓለመ ዓለም አሜን

ዐርኬ

ሰላም ለከ ለዖመ ሃይማኖት ስርዋ
ትእዛዘ ኦሪት ወወንጌል እንተ ዲቤከ ተክዕዋ
ሰላማ ዝክርከ ከመ ኀቤነ ነዋ
በከናፍሪከ ምዑዛት እም መዓዛ ከርቤ ወዓልዋ
እምነ ዓረቢ ለግእዝ መጻሕፍት ተዓልዋ።

✟✟✟ ሰብዓቱ ደቂቅ ✟✟✟

ካብኡ እውን ፡ በዛ መዓልቲ እዚኣ ፡ ካብ ሀገረ ኤፌሶን ዝኾኑ ሸውዓተ ቅዱሳን ዕረፍቶም እዩ። እዞም ሰብዓቱ ደቂቅ ናይ ከሓዲ ንጉሥ ዳኬዎስ ሓለውቲ መዛግብቲ ነበሩ፡፡ ንጉስ አምልኮ ጣዖት ምስ አወጀ ግን ምስቲ ከንቱ ዝኾነ አምልኮ ስለ ዘይተሓባበሩ ተታሒዞም ተወንጀሉ፡፡ ሒዞም ድማ አሰርዎም፡፡ እቲ ንጉሥ ድማ ናብ ካልእ ቦታ ክኸይድ ከሎ ‹‹ምናልባት ክሳብ ዝምለስ ክቕየሩ ይኽእሉ እዮም›› ኢሉ ብምሕሳብ ካብ ዝተአሰርዎ ፈቲሕዎም ከደ፡፡ ንሳቶም ግን አገልገልቲ እቲ ንጉሥ ምዃን ገዲፎም ናብ ሓደ ገቦ ወጺኦም፡ አብኡ አብ ውሽጢ በዓቲ ተቀመጡ፡፡ ንጉሥ ካብ ዝኸዶ ከምዝተመልሰ ምስ ሰምዑ ናይቲ በዓቲ ማዕጾ ዓጽዮም ተቐመጡ፡፡
ካብ ወገን ጭፍራታት ዝኾነ ሓደ ፈታዊኦም ነበረ፡ ካብ ዕዳጋ ስንቂ ክገዝኡ በቢተራ ክወጹ ይርእዮም ስለ ዝነበረ ሕዚ ግን ስለዝጠፍእዎ ንሱ ናብ ባዓቶም ከደ፡፡ እቲ ማዕጾ ተዓጽዩ ስለዝረኸቦ ብጥምየት ዝሞቱ ስለዝመሰሎ ዓብዪ ሰሌዳ አምጺኡ ገድሎም ጽሒፉ ብቀዳድ ቦታ ናብቲ ውሽጢ በዓቲ አእተዎ፡፡ እዞም ሸውዓተ ቅዱሳን ብናይ እግዚአብሔር ፍቓድን ትእዛዝን ንሠለስተ ሚኢቲን ሰብዓን ክልተን (372) ዘመናት ደቀሱ፡፡
ዳኬዎስ ድማ ሞይቱ ክሳብ ቴዎዶስዮስ ብዙሓት ነገሥታት ነገሡ፡፡ አብ መበል 38 ዘመን ንጉሥ ቴዎዶስዮስ ‹‹ትንሣኤ ሙታን የለን›› ዝብሉ መናፍ*ቃን ተላዒሎም ብዙሓት ተኸተልዎም፡፡ በዚ ጊዜ ትንሣኤ ሙታን ከምዘሎ ግልጺ ገይሩ ምእንቲ ክምህር እግዚአብሔር ነዞም ሸውዓተ ቅዱሳን ድሕሪ 372 ዓመት አንቅሖም፡፡
ካብዞም ቅዱሳን ፡ ምስኦም ዝነበረ ብሩር (ናይ ንጉሥ ዳኬዎስ አርማ ዘለዎ ሳንቲም) ሂቦምዎ ምግቢ ንክገዝእን ደሃይ ንጉሥ ዳኬዎስ ከጸናጽንን ነቱ ሓደ ለአኽዎ፡፡ አብታ ከተማ ምስ አተወ ከዓ ኵነታት እታ ኸተማ ተለዊጣ ረኸባ። አብ መእተዊ እታ ከተማን አብ ቀጽሪ እታ ኸተማን ድማ ናይ መስቀል ምልክት ረአየ፡፡ አብ ውሽጢ እቲ ከተማ ድማ ፡ ሰባት፡ ክብርን ምሥጋናን ንዕዑ ይኹን እሞ ፡ ብስም ጎይታና ኢየሱስ ክርስቶስ እንትምሕሉ ሰምዐ፡፡ ‹‹ ብሱሩኸ እዛ ሃገር ኤፌሶን ዶ እያ?›› እንትብል እውን ሓተተ ‹‹እወ ኤፌሶን እያ›› በልዎ፡፡ ዝሓዞ ናይ ዳኬዎስ ስም ዝተቀረጸሉ ሳንቲም ነቲ በዓል ድኳን እንተሃቦ ‹‹ምሳኻ ዝተሓብአ ናይ ጥንቲ መዝገብ አሎ›› ኢሉ ተኸራኸሮ። በዚ ምኽንያት እንትበአሱ ሰሚዖም ሰባት ተአከቡ፡፡
ናብ ኤጲስ ቆጶስ አባ ቴዎድሮስን ናብ ንጉሥ ቴዎዶስዮስን ድማ ወሰድዎ፡፡ ንጉሥን ኤጲስ ቆጶሱን ድማ ‹‹ካበይ ኢኻ?›› በልዎ፡፡ ንሱ ድማ ካብ ንጉስ ዳኬዎስ ዝረኽብዎ ክብሪ ገዲፎም አብ ውሽጢ በዓቲ ደቂሶም ከምዝነበሩ ምስ ነቅሑ ድማ ዝምገብዎ ደልዮም ንሱ ናብዚ ድኳን ከምዝመጸ ነገሮም፡፡
ንንጉሥን ኤጲስ ቆጶስን ድማ እቶም ህዝቢ ተኸቲሎም ብሓባር ናብቲ በዓቲ መጹ፡፡ ናብቲ በዓቲ ምስ በጽሑ 6ቲኦም ቅዱሳን ተቐሚጦም ረኸብዎም፡፡ ታሪኾም ዝተጸሓፈሉ ዓቢይ ናይ ሐጺን ሰሌዳ ድማ ረኸቡ፡፡ እቲ ዘመን ድማ 372 ዓመት ከም ዝኾነ ፈለጡ፡፡ ንጉሥን ኤጲስ ቆጶሱን ድማ ምስቶም ህዝቢ ኮይኖም ብጣዕሚ ተደኒቖም ንእግዚአብሔር አመሥገኑ፡፡ ‹‹ትንሣኤ ሙታን የለን›› ዝብሉ ዝነበሩ ድማ ነዚ ድንቂ ተአምር ርእዮም ብርግጽ ትንሣኤ ሙታን ከምዘሎ ብግልጺ ርእዮም አመኑ፡፡
ነዞም ሸውዓተ ቅዱሳን ምስ ሐተትዎም አብ ልዕሊኦም ዝኾነ ነገር ኵሉ ነገርዎም፡፡ ድሕሪኡ ተመሊሶም ደቀሱ፣ ንነፍሶም ድማ ናብ ኢድ እግዚአብሔር ሃቡ፡፡ ንጉሥ ድማ ናይ ወርቂ ሳፁን አስሪሑ ንሥጋኦም አብኡ ኣንበሮ፡፡ ካብ ሥጋኦም ድማ ብዙሕ ዘደንቑ ተአምራት ተገሊጾም ተርአዩ፡፡ ናይዞም ዝኸበሩ ቅዱሳን ስሞም ድማ መክሲማኖስ፣ ታሙኪሮስ፣ መርዳዲሞስ፣ ዮሐንስ፣ ቆስጠንጢኖስ፣ ዲዮናስዮንን አዝሚናን ይበሃሉ፡፡ ረድኤት በረኸቶም ይሕደረና፣ ብጸሎቶም ይምሓረና፡፡ ለዓለመ ዓለም አሜን!

ዐርኬ

ሰላም እብል ሰብዓተ አኀወ
አዝማነ ዕልወታት ያኅልፉ ብፅወ
ዓፀደ አባግዕ ይሕንጽ አመ ብእሲ ፈተወ
ማዕጾ በዓቶሙ በሥምረተ አምላክ ተርኅወ
ነቂሖሙ እም ኅየ ይግበሩ ፍናወ።

ልእግዚአብሔር ምሥጋና ይኹን ፡ ለኣና እውን ብጸሎት እዞም ቅዱሳን ይምሐረና ልዘለዓለመ ዓለም ፡ አሜን።

ብቴሌ ግራም ንምክትታል ነዚ ሊንክ 👉 https://t.me/snksarTigrinyaaamealtawi እናተንከፍካትኩም እተዉታ ትንሽ ይመልከቱ

✟✟✟ ፲፱ ነሐሰ ✟✟✟በስመ አብ ወወልድ ወመንፈስ ቅዱስ ፩ አምላክ ፡ አሜን! ✟✟✟ ቅዱስ መቃርስ ዓብዪ ✟✟✟፲፱ ነሐሰ ፡ በዛ መዓልቲ እዚኣ ፡ ናይ ቅዱስ መቃርስ ዓብዪ ሥጋኡ ካብ ሳስዊር...
24/08/2026

✟✟✟ ፲፱ ነሐሰ ✟✟✟

በስመ አብ ወወልድ ወመንፈስ ቅዱስ ፩ አምላክ ፡ አሜን!

✟✟✟ ቅዱስ መቃርስ ዓብዪ ✟✟✟

፲፱ ነሐሰ ፡ በዛ መዓልቲ እዚኣ ፡ ናይ ቅዱስ መቃርስ ዓብዪ ሥጋኡ ካብ ሳስዊር ናብ ገዳመ አስቄጥስ ዝፈለሰሉ እዩ:: ቅዱስ መቃርስ ዓብዪ ምስ አዕረፈ (ካብቲ ክቡር ሥጋኡ ብዙሕ ተአምራት ይረአ ነበረ'ሞ) ናይ ሃገሩ ሳስዊር ሰባት ሰሪቖም ወሰድዎ:: (ሳስዊር ማለት እዚ ቅዱስ ኣቦና ተወሊዱ ዝዓበየላ ወለዱ(አብርሃምን ሣራን) ዝነበሩላ ቦታ እያ:: አብ ውሽጢ ግብጺ ከዓ ትርከብ::)

ናብ ሳስዊር ወሲዶም ድማ: ቤተ ክርስቲያን ብስም እዚ ቅዱስ አቦና ሃኒጾም ብኽብሪ አንበርዎ:: አብኡ ከዓ ንአማኢት ዓመታት ተቐመጠ:: ተንባላት (እስላም) ክሳዕ ዝነግሡ እውን አብኡ ጸንሐ። (አብ 7ተ ሚኢቲ ክ/ዘመን ግን ተንባላት (እስላም) መጺኦም ነቲ ቤተ ክርስቲያን አጥቅዕዎ:: በዚ ጊዜ ድማ እቲ ሕዝቢ ናይዚ ጻድቅ አቦ ዓጽሚ ሒዞምዎ ሃደሙ:: አብ ካልእ ቦታ ከዓ እንደ ገና ብስሙ ቤተ ክርስቲያን ሃኒጾም አብኡ አንበርዎ:: ክሳዕ ዘመን አባ ዮሐንስ ሊቀ ጳጳሳት ን440 ዘመናት አብዚ ቦታ ጸንሐ።

አባ ሚካኤል ሊቀ ጳጳሳት አብ ልዕሊ ቤተ ክርስቲያን አባ መቃርስ ምስ ተሼመ ድማ: ቅድስቲ ጾም ክጸውም ናብ ገዳም አባ መቃርስ ደየበ። ሻዒቱ ከምዚ እናበለ ፈጺሙ በኸየ; " ዎ ጎይታይ ኢየሱስ ክርስቶስ አነ ሠናያን ዝኾኑ ጌዜታት ክረክብ፣ ሥጋ ቅዱስ አባ መቃርስ ድማ አብዚ ደብሪ እዚ አብ ማእኸልና ንክኸውን እደልይ አለኹ።"
ብድሕሪ ቅሩብ ጊዜ አባ ሚካኤልን ካልኦት አረጋዊያን መነኮሳትን ንአገልግሎት ደብሪ ኸዱ። ብድሕሪኡ ልቦም ተሃወኸ ፡ መንፈሳዊ ሐሳብ እውን ምጽኦም፡ ንሥጋ አባ መቃርስ ናብ ዘለዎ ቦታ በጺሖም ድማ ክወስድዎ ደለዩ።

ንሥግኡ ሒዞም ንምውሳድ እንተፈተኑ ግን ክኾነሎም አይከኣለን:: ምክንያቱ ከዓ ናይቲ ቤተ ክርስቲያን ሓላዊ ደወል ደዊሉ ንኹሎም ህዝቢ ጸዊዕዎም ስለ ዝነበረ እዩ:: ህዝብን ገዛኢ እታ ሃገርን እቲ ዝኾነ ነገር ምስ ሰምዑ "ናይዚ ቅዱስ አቦ ሥጋ እንተተንኪፍኩም ክንቀትለኩም ኢና" ኢሎም ሰይፊ: እምኒ: ጐመድን ኲናትን ሒዞም መጽእዎም::

እቶም መነኮሳት ግን ጥርሖም ክምለሱ ስለዘይፈቐዱ ምሉእ ለይቲ ክበኽዩን ክጽልዩን ሓደሩ:: ፍርቂ ለይቲ ምስ ኮነ ድማ አባ መቃርስ ብግርማ ወሪዱ ነቲ መኰንን "ንምንታይ ናብ ደቀይ ከይከይድ ትኽልክለኒ አለኻ?" ክብል ብራእይ ተቖጥዖ:: በዚ ምኽንያት ከዓ ነቶም መነኮሳት ጸዊዑናይዚ ቅዱስ አቦና ሥጋ ሃቦም::

ሕዝቢ ከዓ ብዝማሬን ብማኅሌትን: ምስ ብዙሕ ንብዓት አፋነውዎም:: ሥጋ ቅዱስ መቃርስ ዓብዪ ናብ ገዳሙ ምስ በጽሐ ከዓ ዓብዪ ደስታ ተገብረ። ቅዱሳን ደቁ ካብ መንፈሳዊ አቦኦም ተባሪኾም ብክብሪ አንበርዎ::

ምሥጋና ልእግዚአብሔር ይኹን ፡ ለኣና ለ ብጸሎት እዞም ቅዱሳን አቦታትና ይምሐረና ፡ በረከቶም እውን ይብጽሐና ፡ ልዘለዓለመ ዓለም ፡ አሜን።

ዐርኬ

ሰላም እብል ፍልሰተ ሥጋሁ ክቡረ
ለመቃርስ ዘየዓቢ መንገለ ሐነጸ ደብረ
በከሊአ በድኑ ቅድስት ለእለ አንሥኡ በትረ
ለምንት ይቤሎሙ ትከልኡኒ ሐዊረ
ምስለ ውሉድየ አሀሉ ኅቡረ።

✟✟✟ ቅዱስ ፊንሐስ ካህን ✟✟✟

ካብኡ እውን ፡ በዛ መዓልቲ እዚኣ ፡ ወዲ አልዓዛር ዝኾነ ፊንሐስ ካህን ዝዝከረሉ እዩ። በረከቱ ምስ ኵልና ትኹን ለዓለመ ዓለም አሜን!

ምሥጋና ልእግዚአብሔር ይኹን ፡ ለኣና ለ ብጸሎት እዞም ቅዱሳን ይምሐረና ፡ ልዘለዓለመ ዓለም ፡ አሜን።

ብቴሌ ግራም ንምክትታል ነዚ ሊንክ 👉 https://t.me/snksarTigrinyaaamealtawi እናተንከፍካትኩም እተዉታ

አከባብራ በዓል ማርያ (ትንሣኤን ዕርገትን ወላዲት አምላኽ ቅድስት ድንግል ማርያም) አብ ግብጺ ቤተክርስቲያን ዘርእይ ቪድዮ እዩ - አብ ቲክቶክ። አቲኹም ረአይዎ።ኮላይ ፎሎው በሉ።
23/08/2026

አከባብራ በዓል ማርያ (ትንሣኤን ዕርገትን ወላዲት አምላኽ ቅድስት ድንግል ማርያም) አብ ግብጺ ቤተክርስቲያን ዘርእይ ቪድዮ እዩ - አብ ቲክቶክ። አቲኹም ረአይዎ።

ኮላይ ፎሎው በሉ።

✟✟✟ ፲፰ ነሐሰ ✟✟✟በስመ አብ ወወልድ ወመንፈስ ቅዱስ ፩ አምላክ ፡ አሜን! ✟✟✟ ቅዱስ እለእስክንድሮስ ሊቀ ጳጳሳት ✟✟✟፲፰ ነሐሰ ፡ በዛ መዓልቲ እዚኣ ፡ መበል 19 ሊቀ ጳጳሳት እስክ...
23/08/2026

✟✟✟ ፲፰ ነሐሰ ✟✟✟

በስመ አብ ወወልድ ወመንፈስ ቅዱስ ፩ አምላክ ፡ አሜን!

✟✟✟ ቅዱስ እለእስክንድሮስ ሊቀ ጳጳሳት ✟✟✟

፲፰ ነሐሰ ፡ በዛ መዓልቲ እዚኣ ፡ መበል 19 ሊቀ ጳጳሳት እስክንድርያ ዝኾነ ቅዱስ እለእስክንድሮስ ሊቀ ጳጳሳት አዕረፈ። እዚ ቅዱስ ዓብዪ ጠበቓ ሃይማኖት ክኸውን ከሎ ዝተወለደሉ ቦታ ግብጺ እዩ:: ዝተወልደሉ ጊዜ ድማ አብ መበል 300 ሚኢቲ ክ/ዘመን ክኸውን እንተሎ ብሥነ ምግባሩን ብትምህርቱን ንምእመናን መምህር ኮይንዎም እዩ:: ቅዱስ እለእስክንድሮስ ገና ቆልዓ ከሎ ምሥጢረ ክርስትና ንክመሃር ናብ ቅዱስ ዼጥሮስ ተፍጻሜተ ሰማዕት ኸደ።

ቅዱስ ዼጥሮስ ናይ ግብጺ መበል 17ተ ፓትርያርክን ሊቅን ክኸውን ከሎ አብ ታሪክ ናይ ዘመነ ሰማእታት መጨረሽታ ሰማእት ተባሂሉ ይፍለጥ::
ኣብ ትሕቲ እዚ ቅዱስ ሰማእት ዝመሃሩ ብዙሓት ኣርድእት ኡኳ እንተነበሩ እዞም 3ተ
ግን ተጠቀስቲ ነበሩ::
1.ቅዱስ እለእስክንድሮስ (ሊቅ)
2.አኪላስ (ውዳሴ ከንቱ ፈታዊ)
3.አርዮስ (ናይ ቤተ ክርስቲያን ጸላኢ)

ካብዚኣቶም ድማ አርዮስ ቤተ ክርስቲያን ንምጥፋእ ይተግህ ነበረ:: አኪላስ ድማ ከብዱ ዘመዱ: ስለ ምንም ዘይጨንቆ ሰብ ነበረ:: ቅዱስ እለእስክንድሮስ ግን ብጾምን ብጸሎትን እናተግሀ ንመምህሩ ንቅዱስ ዼጥሮስ ንምምሳል (ንምትካእ) ይጽዕር ነበረ::

እቲ ወቕቲ ዘመነ ሰማዕታት ስለዝነበረ እዚ ቅዱስ ምስ መምህሩ ኮይኑ ብዙሕ ነገራት የሕሊፉ እዩ:: ኣርዮስ ክሒዱ: ቅዱስ ዼጥሮስ ምስ ኣወገዞ ከም ሓው መጠን እውን ገሲጹ ክመልሶ ፈቲኑ ነይሩ እዩ:: ነገር ግን ንናይ አርዮስ ክፍኣት ካብ ጎይታ ስለ ዝተረድኦ ቅዱስ ዼጥሮስ ንወዲ መዝሙሩ
ንእለእስክንድሮስ ጸዊዑ መኸሮ::

"አነ ምስ ሞትኩ አኪላስ ክትካእ እዩ:: ግን ምስ አርዮስ ስለዝተዓራረኽ አብ 6 ወርሑ ክቕዘፍ እዩ:: ንስኻ ግን ካብ ናይ አርዮስ መርዚ ተሓሎ" በሎ:: ነዚ ምስ በሎ ወተሃደራት ንናይ ቅዱስ ዼጥሮስ ክሳዱ ሠየፉዎ:: እዚ ዝተገብረ ድማ ብ311 ዓ/ም/ፈ እዩ::

ሽዑ ድማ ኣኪላስ ተሾመ:: ከም ዝተበሃለ ድማ ምስ አርዮስ ስለዝተዓራረኸ ኣብ 6ተ ወርሑ ተቀዝፈ:: በታ ዓመት ድማ ቅዱስ እለእስክንድሮስ ናይ እስክንድርያ (ግብጺ) መበል 19
ፓትርያርክ (ሊቀ ዻዻሳት) ኮይኑ ተሾመ::

እዚ ሊቅ ምስ ተሾመ ጽቡቅ አጋጣሚ ዝነበሮ እቲ ናይ መከራ ዘመን ምሕላፉ ክኸውን ከሎ እቲ ብጣዕሚ ከቢድ ዝኾነ ነገር ድማ ናይ ኣርዮስ ተኸተልቲ ካብ ግምት ንላዕሊ ምብዛሖም እዩ:: እዚ ቅዱስ ሊቅ ኣብ ናይ ጵጵስና መንበር ን17 ዓመታት ክጸንሕ ከሎ ድቃስ ኮነ ዕረፍቲ ኣይነበሮን::

ኵሉ ጊዜ እናጾመ: እናጸለየ: ንሥጋኡ እንዳጎሰመ ንፈጣሪኡ ይግዛእ ነበረ:: አብ ልዕሊኡ ድማ ንህዝቡ ወግሐን ጸብሐን ከይበለ ይምህር:: ንምእመናን ካብ ናይ ኣርዮስ ናይ ኑፋቄ መርዚ ንምድሓን ብኣፉ ኮነ: ብምጽሓፍ (ብደብዳቤ) መሃረ::

ብርሃን ዝኾነ ወዲ መዝሙሩ ቅዱስ አትናቴዎስ
እንዳሓገዞ: ንኣርዮስ ምስ ሰዓብቱ ኣሕፈሮ:: ንኹሉ ናይ ኑፋቄ ሕቶታት ግቡእ መንፈሳዊ መልሲ ካብ ምሃቡ ንላዕሊ ንኣርዮስን ሓደ ክልተ 3ተ ግዜ ኣብ ጉባኤ ኣውጊዝዎ እዩ::

እቲ ነገር ግን በዚ ክቋረጽ ብዘይምክኣሉ ንጉሥ ቅዱስ ቆስጠንጢኖስ ጉባኤ ኒቅያ ምእንቲ ክግበር ኣዋጅ ነገረ::
ብ325 ዓ/ም/ፈ (ብናትና ብ318 ዓ/ም) ካብ ምሉእ ዓለም ነቲ ጉዳይ ዝምርምሩ 2,348 ዝኣኽሉ ሰባት ተአከቡ:: ካብ መንጎ እዞም ክሎም 318ተን ሊቅነትን ምስ ቅድስና ዝደረቡ: ስለ ቅንዕቲ ሃይማኖት ብዙሕ መከራ ዘሕለፉ ነበሩ::

ነዚ ዝተቐደሰ ጉባኤ ክመርሕ ድማ መንፈስ ቅዱስ ንቅዱስ እለእስክንድሮስ መረፀ:: እዚ ሊቅ ድማ ምስ አቦታት ቅዱሳን ኮይኑ ብአሸሓት ዝቑጸሩ ተኸተልቲ ንዘለዎ ንአርዮስ ተኸራኺሩ ረትዖ::

አብ መወዳእታ ጉባኤ አርዮስ "አይምለስን" ብምባሉ ንዕኡ አወጊዞም: ጸሎተ ሃይማኖት ሰሪቶም: 20 ቀኖና አውጺኦም: ናይ ቅዳሴ መጽሓፍ ደሪሶም: ናይ ቤተ ክርስቲያን በዓላት ጽኒዖም ተፈላለዩ:: ናይዚ ኩሉ ፍረ መራሒኡ ድማ ቅዱስ እለእስክንድሮስ እዩ::

ንሱ ንጎይታና ኢየሱስ ክርስቶስ "ወልድ ዋሕድ:
አምላክ: ወልደ አምላክ: ናይ ባሕርይ አምላክ"
ምዃኑ መስኪሩ ክብሪ ረኺቡ እዩ:: ናይ እምነትና
መሰረት ድማ እዚ እዩ:: ንክርስቶስ "ፈጣሬ ሰማያት
ወምድር: ናይ ባሕርይ አምላክ: ዘዕሩይ ምስለ አብ
በመለኮቱ (ምስ አቡኡ ብመለኮቱ ማዕረ ዝኾነ)" ኢልካ እንተዘይኣሚንካ አሹንኳይ ድሕነት ክርስትና እውን የለን::

ድሕሪ ጉባኤ ኒቅያ ቅዱስ እለእስክንድሮስ ብጽቡቕ ጐዳና እናተጋደለ: ንምእመናን ድማ እንዳጽነዐ ነበረ:: ኵሉ ጊዜ እውን ወንጌል ብፍቅሪ የንብብ ስለዝነበረ ክጽሊ እንተሎ ናይ ዓምዲ ብርሃን ይወርደሉ ነበረ::

ስለ ውዕለታኡ ድማ ቤተ ክርስቲያ አብ ግብጺ ካብ ዘብርሁ 5ተ ከዋክብቲ ሊቃውንቲ ከም ሓደ ተኽብሮ:: እዚ ቅዱስ ሊቅ ብ328 ዓ/ም/ፈ (ብናትና 320 ዓ/ም) በዛ መዓልቲ አዕሪፉ፡ ብክብሪ ተቐብረ::

በረከቱ ምስ ኵልና ትኹን፡ ለዓለመ ዓለም አሜን!

ዐርኬ

ሰላም ለከ እለእስክንድሮስ ሥዩም
በዕብሬትከ ዘወረደ ኀይለ አርያም
ለአርዮስ ውቁይ በሠይፈ መርገም
እስከ ኢተርፈ ሎቱ እንበለ አነዳ ወዐጽም
ንዋየ ውስጡ ተክዕወ ከመ ፀፍዕ ዘላሕም።

ካብኡ እውን በዛ መዓልቲ እዚኣ ፡ ናይ እንድራኒቆስ ዲያቆን መዘከርታኡ እዩ። እግዚአብሔር ብጸሎቱ ይምሐረና ፡ ልዘለዓለመ ዓለም አሜን።

ንእግዚአብሔር ምሥጋና ይኹን ፡ ለኣና እውን ብጸሎት እዞም ቅዱሳን ይምሐረና ልዘለዓለመ ዓለም ፡ አሜን።

ብቴሌ ግራም ንምክትታል ነዚ ሊንክ 👉 https://t.me/snksarTigrinyaaamealtawi እናተንከፍካትኩም እተዉታ

✟✟✟ ፲፯ ነሐሰ ✟✟✟በስመ አብ ወወልድ ወመንፈስ ቅዱስ ፩ አምላክ፡ አሜን!✟✟✟ ቅዱስ እንጣዎስ ✟✟✟፲፯ ነሐሰ ፡ በዛ መዓልቲ እዚኣ ፡ ቅዱስ እንጣዎስ አሞራዊ ሰማዕት ኮነ። እዚ ቅዱስ እ...
22/08/2026

✟✟✟ ፲፯ ነሐሰ ✟✟✟

በስመ አብ ወወልድ ወመንፈስ ቅዱስ ፩ አምላክ፡ አሜን!

✟✟✟ ቅዱስ እንጣዎስ ✟✟✟

፲፯ ነሐሰ ፡ በዛ መዓልቲ እዚኣ ፡ ቅዱስ እንጣዎስ አሞራዊ ሰማዕት ኮነ። እዚ ቅዱስ እንጣዎስ አቐዲሙ ንጎይታና ክርስቶስ ዝኸሓደ ሰብ ነበረ፡፡ ገንዘብ ንምእካብ ድማ ብዙሕ ይተግህ ነበረ፡፡ አብ ሓደ ዕለት ድማ ናብ ከተማ ደማስቆ ኸደ፡፡ መዓልቲ በዓሎም ስለ ዝነበረ ኹሎም ህዝቢ ተአኪቦም እንተለዉ ናብ ውሽጢ ናይ ምብራቃዊ ቅዱስ ቴዎድሮስ ቤተ ክርስቲያን ኣተወ፡፡ ኣትዩ ድማ ንንዋያተ ቅዱሳት ከቃጽል ጀመረ፡፡ ንቅዱስ መስቀል ድማ ሰበረ፡፡

ድሕሪኡ አብ ውሽጢ ሰማይ ፍላጻታት እሳት ንኸሓድቲ ክነድፎም ረአየ፡፡ ንዕኡ ድማ አብ የማናይ ጎኑ ሓንቲ ፍላጻ ነደፈቶ፡፡ አብቲ ጊዜ እቲ ድማ ተጨኒቁ ረሃጹ ኮረር ኮረር በለ፡፡ አብ ናይ ጭንቂ ሓሳብ ኮይኑ ድማ ከምዚ ኢሉ ብዓውታ ተዛረበ፡- ‹‹ኦ ናይ ቅዱስ ቴዎድሮስ አምላክ ኢየሱስ ክርስቶስ ብኣኻ አመንኩ›› በለ፡፡ ደጊሙ ድማ ካልእ አምላክ ከየምልኽ ብልቦናኡ ቃል ኣተወ፡፡

አብ ውሽጢ ቤተ ክርስቲያን ዝነበሩ ሰባት ድማ አብ ልዕሌኡ ዝተፈጥረ ነገር አይፈለጡን ዝነበሩ፡፡ ነገር ግን ገዓሩን ዝዛረቦ ዝነበረን ሰሚዖም አድነቑ፡፡ እንጣዎስ ድማ ኤልያስ ናብ ዝበሃል ጳጳስ ከይዱ አብ ልዕሊኡ ዝኾነ ኹሉ ነገሮ፡፡ ናይ ክርስትና ጥምቀት ንከጥምቖ ድማ ለመኖ፡፡ እቲ ጳጳስ ድማ አብ ልዕሊ ማይ ምስ ጸለየ ናይ ብርሃን ዓምዲ ከም ቀስተ ደመና ኮይኑ ኹሎም ህዝቢ እናርአይዎ ወረደ፡፡ እንጣዎስ ከኣ ተጠመቐ፡፡ ብዝተመልከትዎ ተአምር ድማ ምስኡ 10798 ሰባት አሚኖም ብሓንቲ ሳዕ ተጠመቑ፡፡

ቅዱስ እንጣዎስ ከዓ ከምዚ በለ፡- ‹‹እነሆ እዚ እናአድነቕኩ ከለኹ ራእይ ተመልከትኩ፡፡ ብርሃን ዝለበሰት ሰበይቲ ኢደይ ሓዘት እሞ ወሲዳ ናብ ኢየሩሳሌም አብጸሐትኒ፡፡ ናብ መሰዊእኡ ከዓ አቕረበትኒ ቅዱስ ቁርባን ንምቕባል ተቐረብኩ፡፡ አብቲ ውሽጢ መሠውኢ ከዓ ጻዕዳ በጊዕ ረአኹ፡፡ ካህን ድማ ብዕርፈ መስቀል ምስ ሰውዖ ደሙ ናብ ውሽጢ ጽዋዕ ተመልአ፡፡ ካብኡ ከዓ ናይ ክርስቶስ ሥጋን ደምን ምስ ተቐበልኩ እቲ ሥጋ ንጹሕ ኅብስቲ እቲ ደም ከዓ ንጹሕ ወይኒ ኮነ›› ኢሉ ዝረአዮ ነገሮም፡፡

ድሕሪ እዚ ከዓ አብ ጎደና ደማስቆ እንትጒዓዝ አቐዲሞም ዝፈልጥዎ ሰባት ሓዝዎ'ሞ ናብ ንጉሥ ወሰድዎ፡፡ ንጉስ ከዓ ቅዱስ እንጣዎስ ንክርስቶስ ምእማኑ ርእዩ ‹‹ብክርስቶስ ምእማንካ ግደፍ›› በሎ፡፡ ቅዱስ እንጣዎስ ከዓ ፈጺሙ ንጎይታና ከም ዘይክሕዶ ምስ ነገሮ እቲ ንጉሥ ከዓ ብጣዕሚ ብምቑጣዕ አስናኑ ክሳብ ዝረግፍ ንአፉ እውቅዖ፡፡ ደሙ ከዓ
አብ ልዕሊ ምድሪ ፈሰሰ፡፡

ቀጺሎም ከዓ እኽሊን ማይን ከየጥዓሙ አብ ጉንዲ ንሸውዓተ መዓልቲ አሰርዎ፡፡ ቀጺሎም እውን ናብ ደገ አውጺኦም ዲን፣ ፒሳ፣ ተይ፣ ስብሕን ካልኦት ዝጎድኡ ነገራትን ሓዋዊሶም ናብ ውሽጢ ዘንደድዎ እሳት አእተውዎ፡፡ ካብኡ ከዓ ጥዑም መዓዛ ሽታ ወጽአ፡፡ እቶም ወተሃደራት ከዓ ንቅዱስ እንጣዎስ አብ ውሽጢ እሳት ኮይኑ ክጽሊ ረኸብዎ፡፡ እቲ እሳት ምንም አይተንከፎን ነበረሞ ብምድናቕ ናብ ንጉሥ ወሰድዎ፡፡

ንጉስ ከዓ ናይቲ እቶን እሳት ከም ዘየቃጸሎ ምስ ረአየ ብጣዕሚ ተገሪሙ ‹‹ናይ ሥራይ ኃይሊ መዓስ ተማሂርካ›› በሎ፡፡ ቅዱስ እንጣዎስ ከዓ ንንጉሥ ‹‹ሥራይስ አይፈልጥን ነገር ግን ክብርን ምስጋናን ንዕኡ ይኹን እሞ ፡ ብጎይታይ ብኢየሱስ ክርስቶስ ኃይሊ ከሕፍረካ እየ›› በሎ፡፡ በዚ ጊዜ ንጉሥ ብቑጥዐ ተመሊኡ ንቅዱስ እንጣዎስ ርእሱ ብሰይፍ ንኽቆርጽዎ አዘዘ፡፡

ሽዑ እዚ ቅዱስ አቦና ገጹ ናብ ምብራቕ ተውዩ ምስ ጸለየ ካብ ሰማይ ከምዚ ዝብል ቃል መጽኦ፡- ‹‹ምስ እስጢፋኖስን ምስ ጊዮርጊስን ንክተዕርፍ ፡ አገልጋልየይ ብሰላም ናባይ ንዓ፡፡›› ቅዱስ እንጣዎስ ከዓ እዚ ድምጺ ካብ ሰማይ ምስ ሰምዐ ጸሎቱ ወዲኡ ብፍጹም ደስታ ክስይፍዎ ክሳዱ አሕሊፉ ሃቦም፡፡ እቶም ወተሃደራት ከዓ ክሳዱ ሰየፍዎ እሞ ፍጻሜ ሰማዕትነቱ ኮነ፡፡ ካብ ሥጋኡ እውን ስፍርን ቁጽርን ዘይብሎም ድንቂ ተአምራት ተገሊጾም ተራእዩ፡፡ ካብኡ እውን ንቅዱስ እንጣዎስ ሓዉ ቅዱስ አክራጥስ ምስክር ኮይኑ በዛ ዕለት አዕረፈ፡፡

ናይዞም ሰማእታት ረድኤት በረኸቶም ይሕደረና፣ ብጸሎቶም እውን ይምሓረና!

ዐርኬ

ሰላም ለእንጣዎስ ለሃይማኖት ዘአፅደላ
እምነ ኦርያሬስ ወዕብላ
ከመ ኢትትኀጐል ነፍሱ እግዚአብሔር ሶቦ ተሠሃላ
በሐጸ እሳት ቀዲሙ አቍሰላ
ወበ ጠለ ምሥዋዕ ካዕበ ለሊሁ አጥለላ።

✟✟✟ ቅዱስ ያዕቆብ ሰማዕት ✟✟✟

ካብኡ እውን በዛ መዓልቲ እዚኣ ፡ ካብ ዞባ አቡስ ላዕላይ ግብጺ ዝኾነ ቅዱስ ያዕቆብ ሰማዕት ብሰማዕትነት አዕረፈ። እዚ ቅዱስ አቦ ካብ ደቡባዊ ግብፅ ዞባ አቡስ ዝተረኽበ ዓብዪ ሰማዕት እዩ፡፡ ወለዱ አመንቲ ክርስትያን ስለዝነበሩ ብሃይማኖት ኰስኲሶም አዕበይዎ፡፡ ቅድሚኡ እውን 3 አዋልድ ቆልዑ ወሊዶም ነበሩ፡፡ ሠለስቲአን ቆልዑ ሃይማኖት ንኽመሃራ ንገዳም ሃብወን ምስ ተመሃራ ከዓ ደቆም፥ ካብ ናይ ደናግል ገዳም ምውጻእ አበያኦም፡፡ እዚ ቅዱስ ያዕቆብ ድማ በዚ ወቕቲ እዚ ብምውላዱ መጸናንዒ ኮኖም፡፡ ንሱ ከዓ ጓሳ ኮይኑ አብ ልዕሊ ንብረት አቡኡ አዛዚ ኾነ፡፡ መዓልቲ መዓልቲ አብ ስራሕ ፡ አብ ጓስነት ይውዕል ለይቲ ለይቲ ድማ አብ ውሽጢ ማይ ዝመልአ ጉድጓድ አትዩ እንትጽሊ ይሓድር ነበረ፡፡

አብ ዘመኑ ከዓ ሰይጣን አብ ልዕሊ ክርስትያን ዓብዪ መከራ አምጽአ፤ ብዙሓት ክርስቲያን እውን ሰማእታት ኮኑ፡፡ ቅዱስ ያዕቆብ ከዓ ሰማዕት ክኸውን ፈተወ እሞ ናብቲ ከሓዲ ንጉሥ ከደ፡፡ ነቶም ዝረኸሱ አማልክቲ እቲ ንጉሥ እውን ረገሞም፡፡ እቲ ንጉሥ ከዓ እዚ ምስ ሰምዐ ብጣዕሚ ተቆጢዑ ብዝተፈላለየ ስቓይ አሳቐዮ፡፡ እምኒ አብ እሳት አርሲኖም አብ ልዕሊ ከብዱ ገበሩሉ፡፡ ከምኡ ውን ወጮ አልቢሶም ጠቕሊሎም አብ ውሽጢ ባሕሪ ደርበይዎ፡፡ ነገር ግን ዝተአዘዘ መልአክ መጺኡ አድሐኖ። ደጊሙ እውን አብ ቅድሚ ንጉሥ አቆሞ፡፡ እቲ ንጉሥ ከዓ ፈርማ ናብ እትበሃል ሃገር ወሰዶ እሞ ምስቓዮም ቀጸሉሉ፡፡ ብመጀመርያ መልሓሱ ቆረጽዎ፡፡ ቀጺሎም ከዓ አዕይንቱ በብተራ አውጽእዎ፡፡ ሰብነቱ ከዓ ብመጋዝ ቆራሪጾም ደርበይዎ፡፡ ሕዚ እውን ቅዱስ ሱርያል መልአክ መጺኡ ካብዚ ኩሉ አሠቃቒ መከራ አድሐኖ፡፡ ፍጹም ጥዑይ ጌሩ ከዓ ኣብ ቅድሚ መኰንን አቕወሞ፡፡ እቲ መኰንን ከዓ ብ መጠረሻ ፡ ምስቓይ ምስ ሰልቸዎ ርእሱ ብሰይፍ ንኽቆርጽዎ አዘዘ፡፡ ቅዱስ ያዕቆብ ከዓ ጸሎቱ ምስ ወድአ ነፍሱ ንእግዚአብሔር ሂቡ ክሳዱ ንኽስይፍዎ ኡመቻቺዉ ሃቦም እሞ ሰማዕትነቱ ብዓወት ፈጸመ፡፡ አብ ሀገረ ፈርማ እናሃለወ ድማ ፡ ክልተ አብርሃምን ዮሐንስን ዝበሃሉ ካልኦት ሰማዕታት ምስኡ ሰማዕት ኾይኖም እዮም።

ጸሎቱን በረኸቱን ምስ ኵልና ሕዝበ ክርስቲያን ትኹን፡ አሜን!

ዐርኬ

ሰላም ለያዕቆብ ጸዋሬ ጥበብ እም ንእሱ
በከመ ተምህረ ብምድረ አብሱ
እብነ ርሱነ ዘአንበሩ በዲበ ከርሡ
ሰላም ለአብርሃም ወለዮሐንስ ዋርሱ
እለ ምስሌሁ ኅቡረ እም ዓለም ፈለሱ።

ንእግዚአብሔር ምሥጋና ይኹን ፡ ነዓና እውን ብጸሎት እዞም ቅዱሳን ይምሐረና ፡ ልዘለዓለመ ዓለም ፡ አሜን።

ብቴሌ ግራም ንምክትታል ነዚ ሊንክ 👉 https://t.me/snksarTigrinyaaamealtawi እናተንከፍካትኩም እተዉታ ትንሽ ይመልከቱ

✟✟✟ ፲፮ ነሐሰ ✟✟✟በስመ አብ ወወልድ ወመንፈስ ቅዱስ ፩ አምላክ ፡ አሜን! ፲፮ ነሐሰ ፡ በዛ መዓልቲ እዚኣ ፡ ናይ ወላዲት አምላኽ ቅድስቲ ድንግል ማርያም ናይ ሥጋኣ ዕርገት ዝዝከረሉ መ...
21/08/2026

✟✟✟ ፲፮ ነሐሰ ✟✟✟

በስመ አብ ወወልድ ወመንፈስ ቅዱስ ፩ አምላክ ፡ አሜን!

፲፮ ነሐሰ ፡ በዛ መዓልቲ እዚኣ ፡ ናይ ወላዲት አምላኽ ቅድስቲ ድንግል ማርያም ናይ ሥጋኣ ዕርገት ዝዝከረሉ መዓልቲ እዩ።

ፍልሰታ ዝብል ቃል ‘ፈለሰ’ ካብ ዝብል ናይ ግእዝ ግሲ ዝወጸ ኮይኑ፤ ካብ ሓደ ቦታ ናብ ካልእ ቦታ ምግዓዝ፡ ሃገርካ ሰፈርካ ገዲፍካ ምኻድ ምስዳድ ምፍላስ ማለት እዩ። ፍልሰታ ለማርያም ክንብል ከሎና’ውን ሥጋ አዴና ቅድስት ድንግል ማርያም ካብ ጌቴሰማኒ ናብ ገነት ምፍላሱ፡ ዳኅራይ’ውን ካብ ትሕቲ ዕፀ ሕይወት ናይ ገነት ምፍላሱ ዘመልክት እዩ። ብሓጺሩ ካብ ምድሪ ናብ ሰማይ ምድያብ ወይ ምዕራጉ፡ ካብዚ ሥጋዊ ዓለም ናብቲ መንፈሳዊ ዓለም ምስግጋሩ፡ ካብዚ ሓላፋይ ዓለም ናብቲ ዘይሓልፍ ዓለም ምሕላፉ ዘመልክት እዩ።

አዴና ቅድስት ድንግል ማርያም ወላዲተ ኣምላክ ብ ፳፩ ጥሪ አብ መበል ፷፬ ዕድሚኣ ከም ዘዕረፈት ብንጹር ኣብ ታሪኽ ቤተ ክርስቲያን ተመዝጊቡ አሎ። ኵሉ እኳ ሞተ ሥጋ ዝመውት እንተኾነ፡ ሞተ ማርያም ግና ንኵሉ ዘድንቕ እዩ ከም ዝተባህለ ወላዲተ አምላክ ኮይና እናሃለወትሲ ንሳ እውን ከተዕርፍ አምላኽ ቅዱስ ፍቓዱ ኮነ።

ሓዋርያት ገኒዞም ክቐብርዋ ክኸዱ እንተለዉ፡ ገና ጌቴሰማኒ ከይበጽሑ ፡ እቶም ወትሩ ዝጻብእዋ ይሁድ ሕዚ’ውን ሸለል ከይበሉ ብእከይ ቅንኢ ተላዓዒሎም ሥግኣ ከቃጽሉ ተአኪቦም መጹ። እዚ ዝገበሩሉ ምኽንያት ድማ ንሓዋርያት “ቅድም ንወዳ ቀቢሮሞ ከብቕዑ፡ አብ ሣልስቱ ተንሢኡ፡ አብ ፵ መዓልቱ ናብ ሰማይ ዓሪጉ፡ ዳግማይ ከዓ ክምለስ እዩ" ኢሎም ንሕዝቢ ብዙኅ አታሊሎሞን ወሲዶሞን፣ ሕዚ ድማ ስቕ እንተበልናዮም ነዚኣ’ውን ከም ወዳ ወሲዶም አብ ዘይንፈልጦ አንቢሮም ንሳ እውን ተንሢኣ እናበሉ ክህውኹና ክነብሩ እዮም” ካብ ዝብል እከይ ሓሳብ’ዩ። ብመሠረት ምኽሮም ዶማ ታውፋንያ ዝተባህለ ሓደ ካብቶም አይሁድ ጎበዝ ሰብኣይ ንሥጋ ቅድስት ማርያም ምእንቲ ከንድዳ ዓራታ ክግምጥላ ኢሉ ናብቲ ሓዋርያት ተሸኪሞምዎ ዝነበሩ ዓራት ብድፍረት ቀረበ። ነቲ ዓራት ምስ ሓዞ፡ ቅዱስ ገብርኤል ካብ ሰማይ ወሪዱ ንታውፋንያ አእዳዉ ቆረጾ፤ አብቲ ዓራት እውን ተንጠልጢለን ተረፋ። ብድኅሪ’ዚ ምስ ዮሓንስ ገይሩ ብደመና ተነጢቓ አብ ገነት አእትዩ፣ አብ ትሕቲ ዕፀ ሕይወት አንበራ። ዕርገታውን ብምሥጋና መላእኽቲ ብስግደት ሰማዕታት ዝተሰነየ እዩ ነይሩ። ታውፋንይ ግና ብዝፈጸሞ ክፉእ ግብሪ ተጣዒሱ ናብ አዴና ስለዝተማኅጸነ ብኅቡእ ተአምራት አእዳዉ ናብ ናይ ቀደም ሰፈረን ተመሊሰናሉ እየን።

ድኅሪ’ዚ ሓዋርያት ካብኦም ብምፍላያ ጥራይ ዘይኮነ አበይ ከም ዘላን አበይ ከም ዝአተወትን’ውን ስለ ዘይፈለጡ ብብዙኅ ሓዘንን ብኽያትን ድኅሪ ምጽናሕ፡ ቅዱስ ዮሓንስ ካብ አዴና በረኸት ተቐቢሉ ካብ ገነት ምስ ተመልሰ፥ "አዴና ቅድስት ድንግል ማርያም ከመይ ኮነት?" ምስ በልዎ፡ ኣብ ትሕቲ ዕፀ ሕይወት ከም ዘላ ነገሮም። ዮሓንስ ርእይዋ ንሕና ከይረአናያ ብምባል ብመንፈሳዊ ቅንኢን ፍቕርን ተበጊሶም በቲ ሓደ ባዕሉ ዮሓንስ ብዝሓበሮም ከዓ በቲ ኻልእ አብ መጀመርያ ነሓሰ ጾም ጀመሩ። ንኽልተ ሰሙን ምስ ጾሙ ኣብ መወዳእታ ናይታ ካልአይቲ ሰሙን ሰንበት መዓልቲ ጐይታ ባዕሉ ንሥጋ አዴና ቅድስት ድንግል ማርያም አምጺኡ ሃቦም፤ ንሳቶም ኸኣ ብዓቢይ ዝማሬን ውዳሴን ከምኡ እውን ብጽኑዕ ምህለላ አብቲ ዝተዳለወ መካነ ዕረፍቲ አብ ጌተሴማኒ ቀበርዋ።
አብ ሣልስታ ሠሉስ መዓልቲ ሓዋርያ ቅዱስ ቶማስ ካብ’ቲ ብስብከተ ወንጌል ከይዱዎ ዝነበረ ሃገረ ስብከት ብደመና ተጻዒኑ እናተመልሰ ከሎ፡ ብ፲፮ ነሓሰ እግዝእትነ ማርያም ካብ መቓብር ተፈልያ ተንሢኣ መላእክት ብግርማ ናብ ሰማይ ከዕርግዋ ከለዉ ፡ አብ መገዲ አብ ሰማይ ተገልጸትሉ። ኵሎም ሓዋርያት ዕርገታ ርእዮም ንሱ ዝተረፈ ኸኣ መሰሎ። ሕዚ’ውን ትንሣኤ ቅድስት ድንግል ከይረአየ ዕርገታ ብምርካቡ “ብመጀመርያ ናይ ወድኺ ትንሣኤ ሕዚ ኸኣ ናትኪ ትንሣኤ ከይረአኹ ተሪፈ” ብምባል ብጓሂ “ወፈቀደ ይደቅ እምደመናሁ” ከም ዝበለ ካብቲ ተጻዒንሉ ዝነበረ ደመና ክወድቕ ክሳብ ዝደሊ ኾነ። ቅድስት ድንግል ማርያም ግን "አይትሕዘን! ምኽንያቱ እዚ ምርአይ እዚ እንትርፊ ንዓኻ ንካልእ አይተዋህበን" ኢላ አጸናንዓቶ፤ መግነዚኣ ሂባ ድማ ፍልሰታ ከበስሮም ናብቶም እኩባት ሓዋርያት አፋነወቶ።

ሽዑ ሓዋርያ ቅዱስ ቶማስ ናብ ሓዋርያት ከይዱ ከም ዘይፈለጠ ኮይኑ “ጒዳይ አዴና ቅድስት ድንግል ማርያምሲ እንታይ ኮነ ገለ ነገር’ዶ አይረኸብኩምን” በሎም። ንሳቶም ድማ እቲ ነገር ዘርዚሮም ሓበርዎ፤ ሓዋርያ ቅዱስ ቶማስ ግና “እዚ ከመይ ኢሉ ክኸውን ይኽእል፡ መቓብራ ከፊትኩም ሥጋኣ እንተዘይአርአኹምኒ አይአምንን” በሎም። ሊቀ ሐዋርያት ቅዱስ ጴጥሮስ ብተግሣጽ “ንስኻ ኵሉ ግዜ ማንታ ዝልቡ ተጠራጣሪ ኢኻ ቅድም ትንሣኤ ክርስቶስ እናተነገርናካ፡ አእዳው እንተዘይሓዝኩ፣ ዝተወግአ ጎኑ ከይዳህሰስኩ አይአምንን ኢልካስ ሕዚ እውን ከምኡ ትብል አለኻ” በሎ። ቅዱስ ቶማስ ግና ናይ ልቡ ብ ልቡ ገይሩ ሥጋኣ ከርእይዎ ግድን በሎም። ቅዱስ ጴጥሮስ ድማ እናሓዘነ ሥጋኣ ከርእዮ ምስ ሓዋርያት ናብ መቓብራ ወሰዶ። እንተኾነ ተንሢኣ ስለዝነበረት መቓብራ ከፊቱ ሥጋኣ ክረኽቦ አይከኣለን። በዚ ነገር ተሰናቢዶም ከለዉ፤ ሽዑ ሓዋርያ ቅዱስ ቶማስ ፍልሰት አዴና ከም ዝረአየ አበሰሮም፡ መረጋገጺ ድማ እታ ዝተገንዘትላ ቅናታ ሃቦም። ንበረኸት ድማ ነቲ ሰበን ቆራሪጾም ተኸፋፊሎም ነናብ ሃገረ ስብከቶም ከይዶም።

ስለዚ ድማ ፲፮ ነሓሰ አዴና ቅድስት ድንግል ማርያም ነቢይ ዳዊት “ተንሥእ እግዚኦ ውስተ ዕረፍትከ አንተ ወታቦተ መቅደስከ” ኢሉ ኣቐዲሙ ከም ዝተዛረቦ እምኒ አልዕሉለይ መቓብር ክፈቱለይ ከይበለት ማኅተም መቓብር ፈቲሓ ልክዕ ‘ከም ትንሣኤ ወዳ’ ካብ መቓብር ተፈልያ ዝዓረገትሉ ክቡር መዓልቲ’ዩ።

ከም’ቲ ሓዋርያ ቅዱስ ቶማስ ትንሣኤኣን ዕርገታን ንከርእዮም ድማ አብ ዓመታ ከምቲ ናይ ቅድሚኡ ክልተ ሱባዔ አተዉ። ጸሎቶም ተቐቢሉ ከዓ ንአዴና መንበር፡ ንቅድስ ጴጥሮስ ንፍቅ ካህን፡ ንቅዱስ እስጢፋኖስ ከዓ ገባሬ ሠናይ ዲያቆን ገይሩ ቀዲሱ ንኹሎም ድኅሪ ምቝራቡ ዕርገታ አርአዮም። ቅድሚኡ ተርእዩ ዘይፈልጥ ዓብዪ ሓጎስን ፍስሓን እውን አብዚ መዓልቲ እዚኣ ኮነ።

ጸሎታን በረከታንፍ ምሕረት ፍቑር ወዳን ምስ ኵልና ሕዝበ ክርስቲያን ይኹን አሜን!

ዐርኬያት

ሰላም ለሥጋኪ እግዚአብሔር ዘመሰጣ
ከመ ተሀሉ በህየ ለማኅደረ ብርሃን በውስጣ
ወለተ ካህናት ማርያም ፈጻሚተ ቃላት የውጣ
አዕዳወ ፍቅርኪ በላዕሌየ ይሡጣ
ዕፍረተ መዓዛ ቅድወ ዘብዙሕ ሤጣ።

ሰላም ዕብል ለዘበማህጸና ተስዕለ
ዘሣረረ ምድረ ወሰማያተ ሰቀለ
ማርያም እም ምድር አመ ተዓርግ ላዕለ
ጸዳለ መብረቅ ቅድሜሃ ጸደለ
ወበድኅሬሃ ነጐድጓድ ወሀበ ቃለ።

✟✟✟ ሊቀ ሰማዕታት ቅዱስ ጊዮርጊስ ✟✟✟

ካብኡ እውን ፡ በዛ መዓልቲ እዚኣ ፡ ናይ ሊቀ ሰማዕታት ቅዱስ ጊዮርጊስ ካብ ሀገረ ፋርስ ናብ ሀገረ ናብ ልዳ ሥግኡ ብኽብሪ ዝፈለሰሉ እዩ። ፍልሰት ሥግኡ ምስ ፍልሰት ሥጋ እግዝእትን ማርያም ስለ ዝሐበረ፤ ንዓኣ ምፍታዉ ዝፈልጡ ሰባት ፡ ብስሙ ንዝምሕጸኑ ወደብ ድሕነት ምእንቲ ክኸውን፡ ሥዕሉ ምስ ምስ ሥዕላ ይሥዕሉዎ።

ንእግዚአብሔር ምሥጋና ይኹን ፡ አብ ልዕሌና እውን ፡ ብጸሎት ሓያል መስተጋድልን ቅዱስ ጊዮርጊስ ይቕረታን ምሕረትን ይኹን፡ ለዓለመ ዓለም አሜን!

ሰላም ለጊዮርጊስ ተውላጠ ጻማሁ ወሕማሙ
እንተ ተለዓለ ሞገሰ ስሙ
በፍልሰትኪ ድንግል ዘተቶስሀ ፍልሰተ ዐጽሙ
እንዘ ይብል ኀቤሃ ሶበ ጸለየ ቀዲሙ
ምስለ ፍልሰትኪ ደምርኒ እሙ።

ንእግዚአብሔር ምሥጋና ይኹን ፡ ለኣና እውን ብጸሎት እዞም ቅዱሳን ይምሐረና ፡ ልዘለዓለመ ዓለም ፡ አሜን!

ብቴሌ ግራም ንምክትታል ነዚ ሊንክ 👉 https://t.me/snksarTigrinyaaamealtawi እናተንከፍካትኩም እተዉታ

✟✟✟ ፲፭ ነሐሰ ✟✟✟ በስመ አብ ወወልድ ወመንፈስ ቅዱስ ፩ አምላክ ፡ አሜን!✟✟✟ ቅድስት እንባ መሪና ✟✟✟፲፭ ነሐሰ ፡ በዛ መዓልቲ እዚኣ ፡ ቅድስት እንባ መሪና አዕረፈት። እዛ ቅድስቲ...
21/08/2026

✟✟✟ ፲፭ ነሐሰ ✟✟✟

በስመ አብ ወወልድ ወመንፈስ ቅዱስ ፩ አምላክ ፡ አሜን!

✟✟✟ ቅድስት እንባ መሪና ✟✟✟

፲፭ ነሐሰ ፡ በዛ መዓልቲ እዚኣ ፡ ቅድስት እንባ መሪና አዕረፈት። እዛ ቅድስቲ ድማ ፡ ካብ ሃብታም ቤተ ሰብ ዝተወልደት እያ። ናይ መጀመርታ ስማ ማርያም እዩ። አዲኣ ገና ህጻን እንተላ እያ ብሞት ዝተፈለየታ። ድሕሪኡ አቡአ ንዓቕሚ ሄዋን እስካብ እትበጽሕ ብጽቡቅ ሥነ ምግባርን ፈሪሀ እግዚአብሔርን እናምሀረ አዕቢዩዋ።

ብኹለንተናኣ ዓቕሚ ሄዋን ምስ በጽሐትሉ፣ ንዓኣ አመርዒዉዋ እሱ ናብ ገዳም ከይዱ ምስ መነኰሳት ክነብር ከም ዝደሊ ምስ ነገራ ብጣዕሚ አምሪራ ነብዐት። > በለቶ። አቦኣ እውን "አነ ዝኸዶ ናብ ናይ ደቂ ተባዕትዮ መንኰሳት ገዳም እዩ ፣ ንስኺ ከኣ ጓል ኣንስተይቲ ኢኺ እሞ አየእትዉኺን" ምስ በላ፡ "ከም ወዲ ስረ ገይረ ፀጕረይ ተቖሪጸ፡ ንወዲ ተባዕታይ መሲለ፡ ምሳኻ ክመጽእ እየ" በለቶ። ብድሕሪ እዚ፡ ዘለዎም ኵሉ ንብረት ሸይጦም ንድኻታት ብምምጽዋት ስማ እውንውን ካብ ማርያም ናብ መሪና ቀይሩላ፣ ተተሓሒዞም ናብ ገዳም አተዉ።

አብቲ ገዳም እውን ብዓብዪ ገድሊ እናተጋደሉ ነበሩ። ድሕሪ ናይ ዓሠርተ ዓመት ጽኑዕ ተጋድሎ፡ አቡኣ ብጣዕሚ ይሓምም እሞ አበ ምኔት እቲ ገዳም ጸዊዑ "ንወደይ ሓደራ! ብዝኾነ መንገዲ ካብ ገዳም ከይወጽአኒ" ኢሉ ንአበ ምኔት ሓደራ ብምባል ይዓርፍ። ቅድስቲ መሪና'ውን ተጋድሎኣ ካብ ቅድም ብዝበለጸ አብዚሓ ክትተግህ ጀሚረት።

ድሕሪ ነዊሕ እዋን ናይቲ ገዳም መነኰሳት "እዚ መንኩሴ ስለ ምንታይ እዩ ምሳና ካብ ገዳም ወጻኢ ንተልእኾ ዘይወጽእ?" እናበሉ ነቲ ናይቲ ገዳም አበምኔት ምስ አጨነቕዎ፡ እቲ አበ ምኔት ምስቶም መነኰሳት ንተልእኾ ንወጻኢ ክሰዳ ጀሚሩ ፣ እቶም ንተልእኾ ዝወጹ መነኰሳት ኩሉ ጊዜ ምግቦም ዝእክበሎም ናይ ሓደ ምእመን ገዛ ነበረ። ኩሉ ጊዜ ክኸዱ እንተለዉ ድማ ምግቢ ትህቦም ናይቲ ምእመን ሓንቲ ጓል ነበረቶ።

አብታ ዕለት ከዓ ብአጋጣሚ ሓደ ካብ ሠራዊት ንጉሥ ዝኾነ መንእሰይ አብኡ ዕሪፉ ነበረ። ነታ ጓል አንስተይቲ ምስ ረአያ እውን እቲ መንእሰይ ተሓቢኡ ናብቲ ገዛ ብምእታዉ ድንግልናኣ የፍርሰላ እሞ፣ ዳሕራይ "አቦኺ መን እዩ ከምዚ ጌሩኪ? ኢሉ እንተሓቲቱኪ አባ መሪና እዩ በሊ" ይብላ። ድሕሪ ጊዜ እታ ጓል ጠነስት እሞ ፣አቡኣ ካብ መን ከምዝጸነሰት ምስ ሓተታ "ካብ መነኩሴ አባመሪና እየ ጸኒሰ" ትብሎ።

ድሕሪኡ አቡኣ አአዝዩ ስለ ዝሓረቐ ናብቲ ገዳም ከይዱ፣ ንኹሎም መነኰሳት ክረግሞም ይጅምር፣ ድሕሪኡ እቲ አበ ምኔት ይመጽእ እሞ፣ "እንታይ ኢኻ ኮይንካ?" ምስ በሎ "ንጓለይ ናትካ መነኩሴ ደፊርዋ" ምስ በሎ እሞ ድኣ ብናይ ሓደ ሰብ በደልን ጥፍኣትን ነዚኦም ኩሎም ቅዱሳን ትረግም ብምባል ንአባ መሪና (ንቅድስት እንባ መሪና) የጸውዓ ።

ንሳ ድማ መጺኣ "አቤት አቦይ!" ምሰ በለት ኵሎም ክጸርፍዋ ይጅምሩ፣ ንምንታይ ይጸርፍዋ ከምዘለዉ ዋላ እኳ እንተ ዘይፈለጠት ጸላኢ ሠናያት ዲያብሎስ ዝሰርሖ ነገር ከም ዘሎ ፈሊጣ ስቕ በለት። ደሓር እቲ ነገር ምስ ነገርዋ እቲ አበ ምኔት > ኢሉ ምስ ሓተታ።

"አባ ይቕረ በሉለይ! ንእስነተይ አታሊሉኒ እዩ አባ ይቕረ በሉለይ!" ኢላ አብ ትሕቲ እግሪ አበ ምኔት ወደቐት። እቶም አበ ምኔት ካብቲ ገዳም አባረርዋ ። ካብቲ ገዳም ወጻኢ ኮይና ክትጋደል ጀሚራ እታ ጓል ውን ምስ ወለደት አቡኣ ነቲ ዝተወልደ ህጻን አምጺኡ ንቅድስቲ መሪና ሂብዋ፡ ቅድስቲ መሪና'ውን ነቲ ህጻን ዝኸውን ጸባን ምግቢን ካብቲ አብቲ ከባቢ ዝነብሩ ጓሶት እናለመነት አዕብያቶ።

ድሕሪ ሠለስተ ዓመት እቶም መነኮሳት ነቶም አበ ምኔት ለመንዎም። "ዋላ ክብድ ዝበለ ቀኖና ይወሃቦም እሞ ፡ አባ መሪና ናብ ገዳም ይመለሱ" በሉዎም። እቶም አበ ምኔት እውን ልመናኦም ተቐቢሎም ክብድ ዝበለ ቀኖና ብምሃብ ምስ ወድአት ናብቲ ገዳም አእተውዋ። አብቲ ገዳም እውን አአዝዩ ዝኸበደ ስራሕ ከስርሕዋ ጀመሩ። ናይ ኵሎም መነኮሳት ገዛ ብምኹስታር ተጽሪ፣ ንማይ ትወርድ፣ ምግቢ ትሰርሕ፣ እቲ ጎሓፍ እውን ካብቲ ገዳም ወጻኢ አርሒቓ ትድርብዮ። እቲ ዝተወልደ ቆልዓ አብቲ ገዳም ዓብዩ፣ አብቲ ገዳም እውን ምንኩስና ወሰደ። አርብዓ ዓመት ምሰ መልኦ ቅድስቲ መሪና ድሕሪ ናይ ሠለስተ መዓልቲ ሕማም ብሰላም ዓረፈት።

ድሕሪኡ ናይቲ ገዳም መነኰሳት አኪቦም ደወል ብምድዋል አእኪቦም ንኽገንዝዋ ድልዮም ክዳና ክቕይሩላ ምስ በሉ ጓል አነስተይቲ ኮይና ጸኒሓቶም፣ ብጣዕሚ ሓዚኖም አምሪሮም በኸዩ > እናበሉ ነቶም አበ ምኔት ጸውዕዎም። እቶም አበምኔት እውን በቲ ዝኾነ ኹሉ ሓዚኖም > እናበሉ አምሪሮም በኸዩ። ብዘይ በደለቶ ዝሃቡዋ ቀኖናን ዝተዛረቡዋ ተግሳጽን እናዘከሩ ብጣዕሚ አምሪሮም በኸዩ።

ሓደ ካብቶም መነኮሳት ሓንቲ ዓይኑ ዕውርቲ ነበረት። አብቲ እዋን ገጹ አብ ጥቃ አስከሬን ቅድስቲ መሪና ምስ አቕረቦ ብተአምረ እግዚአብሔር ብፍጥነት ዓይኑ ሓውያ ክርኢ በቕዐ። ድሕሪኡ ነቲ አቦ እታ ጓል እቲ አበ ምኔት አጸዊዑ እቲ ዝኾነ ኹሉ ነገሮ። ድሕሪኡ ነቲ ሬስኣ ተሸኪሞም አምላኽ ይቕረ በለልና። > እናበሉ ሙሉእ መዓልቲ ወዓሉ። አጋ ምሸት ምስ ኮነ ፡ ናይ ቅድስቲ መሪና አስከሬን > ምስ በሎም አውሪዶም ካብ ሥጋኣ ተባሪኾም፡ ብዓብዪ ክብሪ ቀበርዋ ።

ድሕር ምቕባራ እውን እታ ዝሓሰወት ጓልን እቲ ዘጥነሳ ወዲን አእሞሮኦም ጭንቀት ፈጢሩሎም ሰባት አዕርኽቶም ሒዞምዎም መጺኦም፡ አብ ቅድሚ መቓብር ቅድስቲ መሪና፣ አብ ቅድሚ ኩሉ ሰብ ኩሉ ዝገበርዎ ተናስሑ። ካብ መቓብራውን ብጣዕሚ ብዙሕ ዝኾነ ድንቂ ተአምራት ተገሊጹ እዩ።

ንእግዚአብሔር ምስጋና ይኹን። ንዓና እውን ብጸሎት እዛ ቅድስቲ ይምሓረና። ለዓለመ ዓለም አሜን!

ዐርኬ

ሰላም ለመሪና ለወሬዛ በአምሳሉ
እንተ መከረት ኀበ ደብረ አኃው ተሀሉ
እንዘ ትትናገር ይእቲ ሶበ ይሰምዕዋ ኵሉ
ይትዋሥዑ ወይትበሀሉ ድቁቅ ቃሉ
እም ተጸምዶቱ ብዙኅ ወፍድፉድ ገድሉ፡፡

✟✟✟ ሰማዕት ቅድስት ክርስጢና ✟✟✟

ካብኡ እውን ፡ በዛ መዓልቲ እዚኣ ፡ ጓል መኰንን ርባኖስ ቅድስት ክርስጢና ብሰማዕትነት አዕረፈት። እዛ ቅድስቲ ሰማዕት ፡ አቦኣ ጣዖታት ዘምልኽ ዝነበረ መኰንን ኮይኑ ርባኖስ ይበሃል። ንሱ ንጓሉ አምልኾ ጣዖት ብጥብቂ ይምህራ ነበረ። ንሳ'ውን ንትምህርቲ አቦኣ ሒዛ ተጽንዖ ነበረት። ንጣዖታት እውን ትዓጥነሎም ነበረት። ካብ ዕለታት አደ መዓልቲ ሓሲባ ክትመራመር ጀመረት። አብ ልባ እውን ፍርሓት እግዚአብሔር ሓደረ። ተንሢኣ ድማ ገጻ ናብ ምብራቕ ገይራ፡ ንእትጉዓዞ ናይ ሕይወት መንገዲ ክመርሓ፡ ክገልጻላ ናብ አምላኽ ጸለየት። መንፈስ ቅዱስ እውን ሓድነቱን ሠለስትነቱን ገለጸላ።

አቦኣ መጺኡ “ጓለይ ከመይ አለኺ” በላ። በቲ ክቡር ዋናይ ብናይ ክርስቶስ ሕይወት ጽቡቕ ለኹ” በለቶ። አቦኣ ነዚ ነገር'ዚ ሰሚዑ ደንገጸ። ”ንልብኺ እንታይ ለወጦ” በላ። ንሳ ከዓ "በቲ ሰማያዊ አምላኽ ተማሪኸ” በለቶ። ድሕሪኡ አቡኣ እናሓዘነ ከደ። ንሳ ድማ ተንሢኣ ናብ እግዚአብሔር ጸለየት።

በታ ጊዜ እቲኣ ፡ ድማ መልአኽ እግዚአብሔር መጺኡ፡ ከምዚ በላ፡ "በርትዒ። ብሠለስተ መኳንንቲ ክትሳቐዪ ኢኺ።" ኢሉ ብብርሃናዊ መስቀል ኢየሱስ ክርስቶስ ባረኻ። ሰማያዊ ሕብስቲ ድማ ሃባ። ድሕሪኡ ተንሢኣ ናብቲ ጣዖታት ዝነበርዎ ቦታ አትያ ሰባበረቶም። አቦኣ ነዚ ርእዩ ብተግባራ ተቖጥዐ። ክገርፍዋ ድማ ንወተሃደራቱ አዘዞም እሞ ገረፍዋ። ካብ ሥጋኣ ግን አብ ክንዲ ደም መዓር ወጽአ። ካልኣይ ድማ አብ ሓጺን ዓራት አደቂሱ ብትሕቲኣ ሓዊ ከንድዱላ አዘዘ።

እቲ ሓዊ ንዓኣ ምንም ከይተንከፈ ንብዙሓት አረማውያን አቃጸለ ደጊሙ እውን ብገመድ ኣሲሮም ናብ ባሕሪ ክድርብይዋ አዘዘ። አብቲ ባሕሪ እንተላ ድማ ጸሎት ጸለየት። አብቲ ዝጸለየትሉ ጊዜ እውን፡ ክብርን ምሥጋናን ንዕኡ ይኹን እሞ፡ ጐይታና፣ አምላኽናን መድኃኒናን ኢየሱስ ክርስቶስ ቅዱስ ሥግኡን ክቡር ደሙን ብጕጤት አቐበላ። ካብ ርስሓት ጣዖታት ድማ አንጽሃ። በታ ለይቲ እቲኣ ድማ አቡኣ ርባኖስ ሞተ።

ድሕሪኡ ድዮስ ዝበሃል ካልእ መኮንን መጽአ። ንቅድስቲ ክርስጢና አምጺኦም፡ ዕርቃና አውጺኦም ጥራይ ነብሳ ክሰቕልዋ ብትሕቲኣ ድማ ሓዊ ከንድዱ አዘዘ። አንስቲ ዕራቓ ምስ ረአያ ነቲ ንጉሥ ረገምኦ። ንሱ እውን ንዓኣተን ብሰይፊ ከም ዝምተራ ገበረ። ንዓኣ ግን እቲ ሓዊ ምንም አይጐድኣን። ነዚ ተአምር'ዚ ርእዮም፡ ክብርን ምሥጋናን ንዕኡ ይኹን እሞ፡3012 ሰባት፡ ብጐይታና ኢየሱስ ክርስቶስ አመኑ። ብሰማዕትነትውን አረፉ። እቲ ከሓዲ ድዮስ እውን ሃንደበት ሞተ።

ሣልሳይ መኰንን መጽአ። ነታ ክብርቲ ክርስጢና ሒዙ ንአማልኽቱ ክትሥውዕ ክሓባብላ ፈተነ። ንሳ ድማ ከምዚ በለቶ "ንስኻን አማልኽትኻን ናብ'ቲ ዘይጠፍእ ዘለዓለማዊ ገሃነመ እሳት ክትወርዱ ኢኹም።" ንሱ እውን ብጣዕሚ ተቘጢዑ ናብ ሃልሃልታ ሓዊ ክድርብይዋ አዘዘ። ዋላ ሓንቲ ጉድኣት ድማ አይወረዳን። ደጊሙ እውን ናብ አራዊት ክድርብይዋ አዘዘ፡ ንሳቶም'ውን ጸበል እግራ ለሓሱ፡ ነቲ ተመን ዝፍንወላ ዝነበረ ግን ነኸስዎ።

ንሱ ድማ ሽዑ ንሽዑ ሞተ። ካብኡ ቀጺሎም መልሓሳን ኣጥባታን ቆረጽዋ። ነቲ ቁራጽ መልሓሳ አልዒላ ነቲ መኰንን ናብ ዓይኑ ደርበየትሉ። ንሱ'ውን አዕይንቱ ዓወረ። ብቝጥዓ ተመሊኡ ድማ ናብ ተመነ ገበል ዝመልእዎ ስፍራ ክድርብዋ አዘዘ። ሓንቲ ተመን ድማ አብ አፍልባ ነኸሰታ (ነደፈታ)። ቀጺሉ'ውን ካልአወይቲ ተመን አብ ጐድና ነደፈታ። በታ ግዜ እቲኣ ድማ ቅድስቲ ክርስጢና ናይ ምስክርነት ተጋድሎኣ ፈጺማ ነፍሳ ናብ አምላኽ አማሕጸነት። ትንፋሳ እውን ኃለፈት። ካብቲ ሰማያዊ ኡምላኽ እውን ናይ ክብሪ አኽሊል ተቐበለት።

ጸሎታን በረኸታን ምስ ኩልና ህዝበ ክርስትያን ይኹን ፡ንዘለዓለም ዓለም ፡ አሜን!

ዐርኬ

ሰላም ለክርስጢና ዘአጥመቃ እግዚአብሔር
ወተሀበያ መልአኩ ሚካኤል ክቡር
ለዛቲ ቅድስት ወንጽሕት እም ነውር
ያማዕርር ጕርዔ ነፍስየ እም ስቴ ኃጢአት መሪር
እምነ ሥጋሃ ቅሱፍ ዘውኅዘ መዓር።

ካብኡ እውን ፡ በዛ መዓልቲ እዚኣ ፡ ናይ ቅዱስ ለውረንዮስ ሰማዕትን ሠላሳ ሺሕ ሰማዕታት ማኅበር ቅድስት ክርስቲናን መዘከርታኦም እዩ። ከምኡ እውን አበው ቅዱሳን ሐዋርያት ንወላዲተ አምላክ ንምግናዝ በዛ መዓልቲ እዚኣ ተአከቡ። በረከቶም ምሳና ትኹን ፡ ልዘለዓለመ ዓለም ፡ አሜን።

ንእግዚአብሔር ምሥጋና ይኹን ፡ ለአና እውን ብጸሎት እዞም ቅዱሳን ይምሐረና ፡ ልዘለዓለመ ዓለም ፡ አሜን።

ብቴሌ ግራም ንምክትታል ነዚ ሊንክ 👉 https://t.me/snksarTigrinyaaamealtawi እናተንከፍካትኩም እተዉታ

19/08/2026



Assefa Tsegay

Address

Addis Ababa
0000

Website

Alerts

Be the first to know and let us send you an email when ስንክሳር ብትግርኛ posts news and promotions. Your email address will not be used for any other purpose, and you can unsubscribe at any time.

Shortcuts

Share

Category