https://t.me/joinchat/43yjsFLySS81OGI0

Ijoollee Tawaahidoo, Addis Ababa (2026)

03/12/2025

Guyyoota Yaadannoo Ayyaana Abbaa keenya Abuna Takla Haymaanoot akka Mana Kiristaanaa Ortodoksii Tawaahidoo Itoophiyaatti

Akka Mana Kiristaanaa keenya Qulqulleettii Ortodoksii Tawaahidoo Itoophiyaatti guyyoonni Yaadannoo Abbaa keenya Qulqulluu Abuna Takla Haymaanoot isaan armaan gadiiti;

Bitootessa 24 :- Guyyaa itti garaatti baataman (Mudde 24 bara 1196 Dh.K.B)

Mudde 24 :- Guyyaa itti dhalatan (Mudde 24 bara 1197 Dh.K.B.)

Sadaasa 24 :- Luboota Digdami Arfan Samii ykn Suraafeel waliin fooniin osoo jiranii Teessoo Sillaasee kan itti ulan

Amajjii 4 :– Guyyaa itti miilli isaanii baay’isanii dhaabbachuu irraa kan ka’e guyyaa itti cite (Amajjii 4 bara 1289 Dh.K.B) ta’us garuu guyyaa boqonnaa isaanii waliin wal qabatee Ji’uma Amajjii gaafa guyyaa 24 ni kabajama.

Hagayya 24 :- Guyyaa itti boqotan (Hagayya 24 bara 1296 Dh.K.B)

Caamsaa 12 :- Guyyaa Filsataa Foon ykn Ekeraa isaanii (Caamsaa 12 bara 1353 Dh.K.B)

Akkasumas akka Mana Kiristaanaa Ortodoksii Tawaahidoo Itoophiyaatti ji’a ji’aan gaafa guyyaa 24 guyyaa yaadannoo Abbaa keenya Qulqulluu Abuna Takla Haymaanoot ta’ee ni yaadatama, ni kabajama.

Eebbii fi Araarsummaan Abbaa keenya Qulqulluu Abuna Takla Haymaanoot nurra haa bulu!

Galanni Waaqayyoof haa ta’u!

02/12/2025

Halkan Yaa'iqoob isiniif haa ta'u!

🙏🙏🙏

02/12/2025

Qulqulluu Giyoorgiis

«Giyoorgis» jechuun urjii ifaa hiddaa wayiini aduu jechuu dha. Hangafni Wareegamtoota Qulqulluun Giyoorgis amajjii guyyaa 20 bara 277 tti dhalatee biyyii isa filisxeem yoo ta'uu maqaan ishee addaa Lidaa jedhama. Abbaan isa Zorontoos Ansixasiyoos jedhamaa.

Gurguddoota Lidaa keessa mudamee jiraachaa ture, Haati isa Tewoobista (Aqlesiyaa) jedhamtii. Maartaa fi Esiyaan obboloota isaa turan.

Waggaa 10 yeroo guutu abbaan isa waan jalaa du'eef qondallii bira amantaan isa Kiristaana ta'e mana isaatti fudhatee guddisee humna waraananis isa leenjise.

Qondaalli sunis Giyoorgisiin waggaa 20 yoo guutu mucaa isa umriin ishee waggaa 15n ta'ee kadhimee fi fudhee waliin jiraatee biyyas akka bulchu barbadee turee yaada Waaqayyoo waan hin taaneef qondaltichi du'aan boqote. Qulqulluu Giyoorgisis gara Beeruut deeme.

Beeruutitti diragoonin waaqessa ijoollee durbaa isaanii aarsaa isaaf dhiyeessa turaniiti humnaa Fannoon diraagoon injifatee Biruktayitiin du'a olchee ummataa sana gara Waaqayyoon waaqeffachuutti deebisee galcheera.

Mana amantaa lamas isaaniif ijaare.Gara Faarsitti (Baabiloonitti) yeroo deebi'u Diidiyanoos mootota torba walitti qabee waaq_harkee torbaatama dhaabee osoo sagadanii yoo arguu inaaffaa amantaa waan qabuuf galma mootummaa isaaniitti seenee anii Kiristaana Iyyesuus Kiristoositti nan amana jedheen. Isaas eenyummaa isa eega hubatee booda atimma kan keenya biyyoota 10n irratti sin muuda waaqa koo Aphilooniin waaqessi jedheen Qulqulluu Giyoorgisis muudamnii fi kennan kee sumaaf haa ta'uu ani Waaqa koo Iyyesuus Kiristoos hin ganu jedhee yeroo kanatti baay'ee aaree gidiraa ittii jabessee inni garuu gantuu kana hangan qaanesutti lubbuu koo hin fudhatiin jechuun Waaqayyoon kadhate akka kadhatees ta'eefi Giyoorgisiin abbaa jabaa jabinaa amantii isatiin gidiraa namaaf baachuun, fudhachuun ulfaatu fudhate dha.

Araarsummaan Hangafa Wareegamtootaa Qulqulluu Giyoorgis hunda keenya waliin haa ta'u!

Galanni Waaqayyoof haa ta'u!

01/12/2025

Gaaffilee Kitaaba Qulqulluu

Kutaa 1ffaa

Seensa :- Mata duree haaraa «Gaaffilee Kitaaba Qulqulluu» jedhu hardha ni eegalla. Mata duree kana keessatti Qo'annaa Kitaabolee Qulqullaa'oo bifa gaaffii fi deebiitiin Seera Uumamaa irraa kaasee hanga dhumaatti ni ilaalla. Kanaafuu isinis dubbisaa! akkasumas erga dubbistanii xumurtan booda hiriyoota keessaniif qoodaa akkasumas kutaaleen itti aanan akkuma maxxanfamaniin akka isin bira gahaaniif Channel join taasisaa! Dubbisa gaarii!

Gaaffilee Kakuu Moofaa

Seera Uumamaa

1. Sirna Uumamaa keessatti Waaqayyo uumamtoota meeqa uume?

Deebii :- Uumamtoonni 22 Sirna Uumamaa keessa jiru, jahan isaanii (Dachee, Bishaan, Qilleensa, Ibidda, Dukkana, Samiiwwan fi Ergamoonni) yaadaan qofa, warreen hafan kudha arfan ammoo (nama osoo hin dabalatiin) dubbiidhaan erga uume booda uumamni Waaqayyo harka isaatiin hojjete ammoo nama qofaadha.

2. Abaarsi Jaarsolii si hin argatiin! jedhama, yeroo tokko Raajicha Elsaa dhaan «Moluu! Moluu!» jedhanii kan arrabsan daa'imman Beeteel waan turaniif, Raajichi Elsaa yeroo isaan abaaru Bineensonni bosonaa bahanii daa'imman Afurtami lama caccabsan, egaa akka daa'imman kanaatti biyya keenya keessattis hangafoota isaanii kan arrabsanii fi kan abaaraman manni haa lakkaa'u!. Karaa biraatiin ammoo Eebbi Abbootii laga nama ceesisa! Yaa'iqoob ykn Israa'eel ijoollee ilma isaa Efreem fi Minaasee maal jedhee eebbise?

Deebii :- Seera Uumamaa 48:15.

«Daa'imummaa koo irraa eegalee kan na soore Waaqayyo, wanta hamaa hunda irraa kan na eege Ergamaan ijoollee kana ha eebbisu» Uma. 48:15.

3. Abrahaam mana Abbaa fi haadha isaatii yeroo waamamu iddoo inni itti ka'e Kaaraan jedhamti, (Uma. 11:32) hardha Kaaraan kan jedhamtu kun eessa laata? hardha Kaaraan Turkii karaa bahaati.

4. Israa'eeloonni fi Amaaleeqonni yeroo wal lolan Museen harka isaa yeroo ol kaasu Israa'eeloonni ni injifatu ture, akkasumas Museen dhadhabee harka isaa yeroo gadi deebisu ammoo Israa'eeloonni ni injifatamu ture. Harka Musee Bitaa fi Mirgaan qabanii kan turan namoonni lamaan eenyu fa'i?

Deebii :- Aroon fi Hoorm - Seera Ba'uu 17:10.

5. Oriitii keessatti Lubummaan kan isaaniif eeyyamamu sanyii ykn qomoo tokko kan ta'aan warra Leewwiitiif qofa ture, namni Waadaa Lubummaa kana fudhate eenyu jedhama? maalifi laata nama kanaaf Waadaan kun kan kennameef?

Deebii :- Obboleessa Musee Aroon yoo ta'u, Ilmi Aroon ammoo Alaazaaridha, ilmi ilma isaas «Fiinihaas» jedhama. Fiinihaas waadaa Lubummaa sana akkamitti akka argate Seera Lakkoofsaa 25:1-14 ilaalaa!

Itti fufa!

Galanni Waaqayyoof haa ta'u!

Kutaa lammaffaa argachuuf page keenya Ijoollee Tawaahidoo follow taasisaa!

30/11/2025

ማርያም ማርያም

30/11/2025

Kabaja Ayyaana Tsiyoon Maariyaam kan Aksum Tsiyoon guyyaa har'a

Ortodoksii Tawaahidoon bara baraan haa jiraattu!

🙏🙏🙏🙏🙏

30/11/2025

Tsiyoon Maariyaam

Maqaa Abbaa kan Ilmaa kan Afuura Qulqulluu Waaqa Tokkoon.Ameen!

Baga Kabaja Ayyaana Maariyaamii Tsiyoonin isin gahe.

Sadaasa 21 Taabonni Tsiyoon guyyaa Xaa’ota (waaq-harkee) namaan tolfame Daagoon jedhamu caccabsitee, Filisxeemota salphiftee dha. Ijoolleen Luba Eelii lamaan, Afniinii fi Finhaasii jedhaman, sababa cubbuu sadi raawwataniin, Taabotni Tsiyoon booji’amtee turte. Tokko, ibsaa yeroo hunda ifu kan Museen teessise akka hin ifne iddoodhaa kaasuun, lammaffaa, aarsaa dhiyaachaa ture jalqaba osoo Waaqayyoof hin dhiyaatiin ofii isaaniif nyaachaa turuun isaanii, sadaffaa, dubartoota gara mana qulqullummaa dhufan waliin ciisuun, waan sagaagalaniif, cubbuu gurguddaa kana waan raawwataniif, Waaqayyoon dheekkamee Israa’eloonni akka moo’ataman, ijoolleen kunis akka du’an, Taabotni Tsiyoonis akka booji’amtu sababa ta’e.(1Sam 5:4). Yeroo kana, Filisxeemonni Taabota booji’an kana mana Xaa’ota isaanii keesaa Daagon jala yemmuu kaa’an, ganama yemmuu deebi’an garuu, Daagon Taboticha jalatti kufee caccabee argan. Ajaa’iba kanaaf kan kana fakkaatan hedduu taabotichi waan raawwateef, Filisxeemonni harka-fuudha/balcha waliin Taaboticha deebisaniiru. Kanaaf, guyyaan kuni ni yaadatama.

Taabotni ajaa’iba akkanaa hojjette kuni, gara biyya keenyaa iddoo Aksum kan dhufte, Sadaasa 21 waan ta’eef, guyyaan kuni yeroo sana irraa eegalee kabajamee ni oola. Bara Yoodiit Guditis, baqannaa waggoota 40 booda haroo Danbal/Ziwaay irra erga turte booda, deebitee kan galte guyyuma kana akka ta’es, ni himama. Kanaaf, Ayyaanni kuni yeroo hunduma Sadaasa 21 haala addaatiin ni kabajama.

Galanni Waaqayyoof haa ta’u.

Waaqayyoo kadhannaa qulqulleettii haadha keenya Dubroo Maariyaamiin nutti haa araaramu. Sugni ishees nu waliin haa ta’u!

Page keenya follow fi share taasisaa!

29/11/2025

🙏🙏🙏

28/11/2025

Baga guyyaa Yaadannoo Ayyaana Hangafa Ergamootaa Qulqulluu Gabri'eel nagaadhaan geessan!

"Ani fuuldura Waaqayyoo kanan dhaabbadhu Gabri'eelidha" Luq. 1:19

Hangafa Ergamootaa Qulqulluu Gabri'eel

~ Qulqulluun Gabri'eel hangafoota ergamootaa torban keessaa tokkodha.

~ Hiikti maqaa isaas Waaqaaf nama, Waaqa nama ta'e jechuu dha.

~ Kakuu Moofaa fi Kakuu Haaraatti Missiraachoo himuun beekama, Lallabas yeroo jalqabaaf kan jalqabe isa addunyaa ergamootaatti.

~ Akkasumas dhaloota Ilma Waaqayyoo Iyyesuus Kiristoos lafa irratti Dubroo Maariyaam irraa akka dhalatu Missiraachoo kan hime isadha.

Kanaaf Luq. 1:19 irratti "Ani Fuuldura Waaqayyoo kanan dhaabbadhu..." yeroo jedhu, dhiifama kanan gaafadhu, kanan araarsu jechuu isaati, sababni isaas ergamootni miila harka foonii akka keenyaa hin qaban waan ta'eef.
Akkasumas Museen Yeroo saba Israa'eeliif kadhate, Qulqulluu Daawwitii Kadhaan Ykn Araarsummaan Musee sun "Dhaabbachuu" kan jedhuun ibsame. Faar. 106:23

Aangoowwan gurguddoo inni qabus:-

1. Himaa Missiraachoo
Namoota Qulqulloota garaa garaatti Missiraachoo himeera. fkn:-
Addunyaa ergamootaatti cimnee haa dhaabbannu jedheera akkasumas
Maanuheetti
Luba Zakkaariyaasitti
Dubroo Maariyaamitti
Tikseewwanitti missiraachoo himeera.
Luq. 1:11-20
Luq. 1:26-38
Luq. 2:10

2. Sooraa Kakuu Haaraa

Nyaata samii irraa bu'e, aarsaa kakuu haaraa, nyaata jireenyaa kan ta'e Kiristoos akka Beteliheemitti dhalate nutti hime.
Yoh. 6:53-55

3. Kadhannaa fi Aarsaa kan olbaasudha

Kadhannaa fi aarsaa iddoo hundaa walitti qabee Tsinaa Warqeetti Ixaana urgooftuu fi kadhannaa Qulqullootaa itti dabaluun akka gara Waaqayyootti baasuuf aangoon kennameefiira.
Mul. 8:3-5

4. Eegduu Jannataa

Balbaloota Jannataatiif ergamoonni ramadamaniiru. isaanis:-
Karaa Bahaa Qulq. Gabri'eel
Karaa Kaabaa Qulq. Zuuxu'eel
Karaa Kibbaa Qulq. Iyrumaa'eelidha.
Uma. 3:24

Eegumsaa fi araarsummaan hangafa ergamootaa Qulqulluu Gabri'eel nurraa adda hin bahiin!

Galanni Waaqayyoof haa ta'u!

taasisaa!

25/11/2025

Baga guyyaa Yaadannoo Haadha keenya Kidaane Mirat nagaadhaan geessan!

«Kidaane Mirat nan dagatiini
Yoona gaheera araara keetinii
Yommuu naaf roobuu dhiifamni harka keerraa
Dhukkuba koorraa dhuguma fayyeeraa!»

🙏🙏🙏

24/11/2025

Baga Tsoomii Raajotaa nagaadhaan geessan!

Tsoomii Raajotaa

Tsoomiin Raajotaa kun kan inni lagatamu Sadaasa 15 hanga Muddee 29tti. Sababni inni lagatamuuf immoo wantoota gurguddaa 5niif.

1. Tsoomii Addaam :- jedhamee lagatama. Laguu Addaam sababni jedhameef, Addaam Jennata keessaa ari'atamee ulfina Waaqayyoo dhabuu isaa irraan kan ka'e baay'ee boo'ee gaddee lagate. Waaqayyos gadda isaa ilaalee laguu isaas fudhateefii guyyaa shaniif walakkaatti dhala dhala kee irraa dhaladheen dhufee si fayyisa jedhee waadaa seeneef. Addaamis lagachuu isaa irraan kan ka'e ittiin abdii argate waan ta'eef, Tsoomii Addaam jedhama.

2. Tsoomii Raajotaa :- Tsoomii Raajotaa sababni inni jedhameef immoo, Waaqayyo iccitii dhalachuu isaa waan ibseef fagootti arganii raajii raajanii abdii Addaamiif seename itti mulateedha. Amantiidhaan «Waaqayyoo samii samii irraa gadi ni bu'a ni dhalata fannoottis fannifamee dhiphina ni fudhata ni du'as; du'uu isaatiin nu fayyise» jechuudhaan raajii raajan. Isaay. 7:14, Isaay. 9:6, Isaay. 53:4. Haa ta'u iyyuu malee, waan yeroo isaanii ture itti fakkaatee yoo argame iyyuu raajonni abdiidhaan eeggachaa Waaqayyo kan dubbate akka hin hanbisne beekanii laguu lagachuudhaan kadhachuudha turuun keenya akka moofaa abaarsa ta'ee maalif dhuftee nu hin fayyistu jedhanii kadhachaa turan. Isaay 64:6 Wanta abdachiifame kana argachuudhaaf amma inni gaafa dhufee dhalatuutti lagachuu qabna jedhanii Sadaasa 15 Tsoomii isaanii eegalanii Ji'a tokkoofii bultii kudha afur gaafa lagatan, dhalachuu gooftaa keenyaa argani
gammadani kanaaf laguu raajotaa jedhame.

3. Tsoomii Filiiphoos

Tsoomii Filiphoos sababni jedhamuuf namootni Afrikaa keessa jiraatan barataa gooftaa keenyaa kan ta'e Filiphoosiin Sadaasa 17 ajjeesan; barattoonni isaa immoo reeffa isaa awwaallachuudhaaf jedhanii dhaban. Akka Waaqayyo isaanitti mul'isuuf guyyaa kanaa jalqabanii laguu jalqaban. Guyyaa sadii booda Waaqayyo itti mul'isee seeraan awwaallatan. Jalqabnee hin dhiisnu jedhanii hanga Muddee 29tti lagatan. Sababa kanaaf jecha tsoomii Filiiphoos jedhama.

4. Tsoomii Hawwaariyaatii

Tsooma Hawwaariyaatii ykn Tsooma Duuka Bu'ootaa ni jedhama. Sooma Hawwaariyaatii waan jedhamuuf, du'aa ka'umsa gooftaa keenyaa Tsoomii Faasikaa lagannee kabajna; dhalachuu isaa immoo akkasumaan nuuf hin ta'u jechuudhaan laguu lagatanii waan kabajaniif laguu bartootaa jedhama.

5. Tsoomii Dubroo Maariyaam

Tsoomii Dubroo Maariyaam kan jedhamuuf, Qulqulluun Gabri'eel Hafuura Qulqulluu uffatee akka isheen gooftaa keenya deessu misiraachoo yemmuu inni itti dubbatu, «Waaqa samii fi lafa kana uume akkamittin danda'ee ulfaa'ee da'a?» jechuuudhaan guyyaa sanaa eegaltee hanga gaafa deessuutti tsoomii kana waan lagatteef Tsoomii Durboo Maariyaam jedhama. Kanaaf nuti har'a dhalachuu Gooftaa keenya lyyesuus Kiristoos fuuldura laguu kana lagannee eebba foonii fi fayyina lubbuu argachuutuu nu irraa eegama.

Share taasisaa!

Barnoota Mana Kiristaanaa Ortodoksii Tawaahidoo Afaan Oromootiin karaa Facebook argachuuf Page keenya follow taasisaa!

Ijoollee Tawaahidoo

03/12/2025

02/12/2025

02/12/2025

01/12/2025

30/11/2025

30/11/2025

30/11/2025

29/11/2025

28/11/2025

25/11/2025

24/11/2025

Address

Telephone

Website

Alerts

Shortcuts

Share