28/03/2026
ENTREGA DA MEDALLA DA VIRXE DAS DORES Á COFRADÍA DO SANTO ENTERRO.
Palabras de Antonio Fernández Muñiz, vicecofrade maior, en agradecemento.
Queridos irmáns e irmás cofrades,
En nome da Cofradía do Santo Enterro, quero expresar o noso máis sincero agradecemento á Cofradía da Virxe das Dores por esta honra tan especial que hoxe recibimos. Esta medalla non é só un símbolo, senón o reflexo de tantos anos de convivencia, respecto e fraternidade entre as nosas dúas cofradías, que desde hai xa tres décadas camiñan xuntas na Semana Santa de Padrón.
Recibir hoxe a vosa medalla emocióanos fondamente, porque sentimos nela o recoñecemento mutuo dunha historia compartida, de esforzos comúns e dunha fe que nos une e nos impulsa a seguir adiante.
Permitídeme tamén desculpar a ausencia do noso presidente, Francisco Quintá Cortiñas, a quen tanto lle debe a nosa Semana Santa padronesa e a nosa parroquia, polo seu compromiso inquebrantable e a súa xenerosidade constante. O seu espírito está, sen dúbida, presente neste momento tan significativo para todos nós.
Queremos trasladar un agradecemento moi especial a todas as cofrades da Cofradía da Virxe das Dores, pola súa dedicación, o seu agarimo e a súa entrega. Sodes parte esencial desta tradición viva que dá sentido á nosa Semana Santa.
Que este xesto fortaleza aínda máis os lazos que nos unen e nos anime a seguir compartindo camiño durante moitos anos máis.
Moitas grazas.
Fotos: CONCELLO DE PADRÓN
