Sábado 12:00 - 13:00 Domingo 10:30 - 11:30

Santa Mariña de Arcos da Condesa

Casa
España
Arcos da Condesa
Santa Mariña de Arcos da Condesa

Benvidos á páxina da Parroquia de Santa Mariña de Arcos da Condesa. Aquí compartiremos novas, actos relixiosos e a vida da nosa comunidade.

Unidade Pastoral Arcos - Barro - Portas

30/05/2026

Grazas por facer posible este Gran Homenaxe ás Nais 2026

Desde a organización do Gran Homenaxe ás Nais 2026, queremos expresar o noso máis sincero agradecemento a todas as persoas, entidades e colectivos que fixeron posible esta fermosa xornada de convivencia, unión e recoñecemento ás nosas nais.

En primeiro lugar, queremos dar as grazas ás nove parroquias organizadoras, que unha vez máis demostraron que a colaboración e o traballo conxunto son a mellor forma de construír comunidade:

* Santa Mariña de Arcos da Condesa
* Santo André de Valiñas
* San Martiño de Agudelo
* San Cristovo de Briallos
* Santa María de Portas
* San Pedro de Lantaño
* Santa María de Perdecanai
* San Mamede da Portela
* San Breixo de Barro

A vosa implicación, esforzo e dedicación durante meses foron fundamentais para converter esta homenaxe nun encontro especial e inesquecible.

O noso agradecemento tamén aos colaboradores que apoiaron esta iniciativa e contribuíron ao seu éxito, así como a todas as persoas voluntarias que traballaron antes, durante e despois do evento para que cada detalle saíse á perfección.

Un recoñecemento especial ao noso Vicario Xeral pola súa presenza e por presidir a celebración relixiosa, achegando solemnidade e significado a esta homenaxe.

E, por suposto, grazas a todas as nais, auténticas protagonistas desta festa, polo seu exemplo de entrega, cariño e dedicación ás súas familias e ás nosas parroquias. Esta xornada foi pensada para vós e por vós.

Finalmente, grazas a todas as persoas asistentes por compartir este día de amizade, tradición e convivencia. Entre todos demostramos que a unión das nosas parroquias segue sendo unha grande familia.

Grazas de corazón a todos. Vémonos na próxima edición!

Atentamente as parroquias organizadoras do Gran Homenaxe ás Nais 2026.

17/05/2026

📖💙 17 DE MAIO · DÍA DAS LETRAS GALEGAS 💙📖

Hoxe, Día das Letras Galegas, comeza unha nova etapa de dinamización da lingua galega na nosa parroquia de Santa Mariña de Arcos da Condesa ⛪✨

Dende o minuto 0 da creación desta páxina, tivemos claro que o galego debía ser a nosa lingua de comunicación, a lingua coa que compartir a fe, a historia e a vida da nosa comunidade. Porque o galego é parte do que somos ❤️

E entón… por que non tamén na Eucaristía? 🙏

A nosa lingua é oración, é tradición, é sentimento e tamén é Igrexa. Por iso, damos un paso máis para achegar a liturxia ao corazón do noso pobo, rezando e celebrando tamén no idioma que falaron os nosos maiores.

Como dicía o Papa Francisco:
🕊️ “A liturxia é a oración do pobo, e o pobo que reza loa a Deus coa súa propia lingua, coa súa propia cultura.”

Que fermoso é poder dicir:
✨ “O Señor sexa convosco”
✨ “E contigo tamén”

Porque a fe tamén se vive, se sente e se celebra en galego 💙

Feliz Día das Letras Galegas a todos! 📚🌿

13/05/2026

🎉💐 GRAN HOMENAXE ÁS NAIS · PORTAS 2026 💐🎉

A nosa Unidade Pastoral Arcos – Barro – Portas únese para vivir unha xornada moi especial chea de alegría, convivencia e gratitude ❤️

📅 Sábado 30 de maio
📍 Fábrica Azucreira de Portas

Comezaremos ás 12:30 h coa Misa das Confirmacións e Homenaxe ás Nais na Igrexa Parroquial de Santa María de Portas ⛪
✨ Presidida polo noso Vicario Xeral.

E ao remate… 🎶🍽️
GRAN XANTAR POPULAR en homenaxe ás nais na Fábrica Azucreira de Portas!

🥟 Empanada
🍖 Churrasco
☕ Café
🐙 Polbo á feira
🥤 Bebida
🥃 Chupito

Todo isto por 35€ 💥

Será un día de comunidade, música, emocións e moitas sorpresas 🎺🎉 Un encontro para compartir, celebrar e agradecer a todas as nais o seu amor, entrega e exemplo cada día 🌹

Organizado polas parroquias de:
⛪ Santa Mariña de Arcos da Condesa
⛪ San Cristovo de Briallos
⛪ San Breixo de Barro
⛪ Santa María de Perdecanai
⛪ Santo André de Valiñas
⛪ San Martiño de Agudelo
⛪ Santa Mamede da Portela
⛪ San Pedro de Lantaño
⛪ Santa María de Portas

📌 Anótate antes do 25 de maio cos contactos de cada parroquia!

🤝 Non quedes sen o teu sitio!
Porque as nais merecen o mellor… celebrémolo todos xuntos 💚✨

08/05/2026

✨ 1 ANO DE LEÓN XIV ✨

Tal día coma hoxe, hai un ano, cambiaba a historia da Igrexa Católica e tamén a do mundo 🌍⛪. O 8 de maio de 2025, o cardeal Robert Francis Prevost era elixido como sucesor de Pedro, converténdose no Papa León XIV.

Relixioso agostiño, estadounidense de nacemento 🇺🇸 e profundamente vinculado ao Perú 🇵🇪, onde desenvolveu gran parte da súa misión pastoral e episcopal, León XIV destacou sempre pola súa proximidade á xente, pola súa humildade e polo seu espírito misioneiro. Antes da súa elección como Papa, serviu durante anos á Igrexa como misioneiro, bispo e prefecto do Dicasterio para os Bispos, sendo recoñecido pola súa entrega, capacidade de diálogo e amor á Igrexa universal.

Hoxe, un ano despois da súa elección, damos grazas a Deus polo seu pontificado 🙏. Un ano guiando á Igrexa con serenidade, esperanza e fe, sendo pastor para millóns de cristiáns en todo o mundo.

Dende as parroquias de:
⛪ Santa Mariña de Arcos da Condesa
⛪ San Cristovo de Briallos
⛪ San Breixo de Barro
⛪ Santa María de Perdecanai
⛪ Santo André de Valiñas
⛪ San Martiño de Agudelo
⛪ Santa Mamede da Portela
⛪ San Pedro de Lantaño
⛪ Santa María de Portas

queremos desexarlle un feliz aniversario pontificio 🎉, pedindo ao Señor que o siga guiando no seu ministerio e que continúe sendo luz e guía na fe para toda a Igrexa.

🕊️ “Ti es Pedro, e sobre esta pedra edificarei a miña Igrexa.” (Mt 16,18)

25/04/2026

🌹 Solemnidade de Santa Rita – Arcos da Condesa 2026 🌹

A parroquia de Santa Mariña de Arcos da Condesa convoca a todos os fieis a participar nas celebracións na honra de Santa Rita, modelo de paciencia, fe e confianza en Deus.

🗓️ Do 11 ao 21 de maio (agás os días 16 e 17)
🕯️ Rezo do Santo Rosario e Novena ás 20:30 h, seguido da celebración da Eucaristía

🌹 22 de maio
⛪ Santa Misa na honra de Santa Rita ás 20:30 h

Nestes días, somos convidados a achegarnos ao Señor pola intercesión de Santa Rita, poñendo nas súas mans as nosas intencións, especialmente aquelas que parecen máis difíciles.

Que o seu exemplo de vida, marcado pola entrega, o perdón e a esperanza, nos axude a fortalecer a nosa fe.

🙏 Agardámosvos para compartir xuntos estes días de graza e oración.

25/04/2026

📅 Xa está dispoñible o calendario litúrxico do mes de maio de 2026 na parroquia de Santa Mariña de Arcos da Condesa ⛪

Un novo mes para seguir camiñando xuntos na fe, participando nas celebracións e vivindo intensamente este tempo, especialmente dedicado á Virxe María 🌸🙏

🕊️ Animámosvos a consultar os horarios e a participar en cada unha das celebracións programadas.

✨ Que este mes de maio sexa un tempo de graza, oración e encontro co Señor.

Agardámosvos!

05/04/2026

✨ AGRADECEMENTO – SEMANA SANTA ✨

Dende a Unidade Pastoral Arcos - Barro - Portas queremos expresar, de corazón, o noso máis fondo agradecemento pola implicación, entrega e compromiso de todos na celebración da Semana Santa.

Foron días vividos con intensidade, fe e comunidade, nos que cada parroquia, cada persoa e cada pequeno xesto fixeron posible algo grande.

🙏 Grazas a todas as parroquias por participar e camiñar xuntas, facendo visible unha verdadeira Igrexa unida.

✨ Un agradecemento especial ás parroquias de Santa María de Perdecanai, San Pedro de Lantaño e Santa Mariña de Arcos da Condesa, por compartir connosco as imaxes de Xesús Atado, Xesús Nazareno e o Santo Sepulcro, enriquecendo así as nosas celebracións.

⛪ Grazas á parroquia de San Breixo de Barro pola súa acollida, sempre xenerosa e fraterna.

🙏 O noso recoñecemento a Don Francisco, pola súa entrega ao presidir o Triduo Pascual, e ao noso párroco Don Luis, pola súa dedicación constante e por estar sempre ao lado de todos.

🤝 Grazas a Pompas Fúnebres San José pola súa colaboración no traslado do Santo Sepulcro.

🕯️ Grazas a todos os que participastes e acompañastes cada celebración, especialmente na noite da Vixilia Pascual, iluminando coa vosa presenza e cos cirios bendecidos un dos momentos máis fermosos do ano.

✝️ Un recordo especial para os catro homes que levaron o Santo Sepulcro na procesión, e para todas as persoas que, co seu traballo silencioso, fixeron que a igrexa de San Breixo lucise, como sempre, fermosa e preparada.

🌾 Como nos lembra San Paulo: “Un pouco de lévedo fai fermentar toda a masa”.
Quizais non eramos moitos, pero fomos ese lévedo que, con fe e unión, fixo medrar e dar vida a toda a nosa Semana Santa.

💛 Que todo o vivido nestes días siga dando froito nas nosas vidas.

Moitas grazas a todos, de corazón.

Dirección

Arcos Da Condesa
36650

Horario de Apertura

Sábado	12:00 - 13:00
Domingo	10:30 - 11:30

Página web

https://arcosdacondesa.org/, https://www.facebook.com/share/1Cqc9w6TU2/?mibextid=wwXIfr

Notificaciones

Sé el primero en enterarse y déjanos enviarle un correo electrónico cuando Santa Mariña de Arcos da Condesa publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.