Santa Mariña de Arcos da Condesa

06/09/2026

🎉 11º ANIVERSARIO DA ORDENACIÓN SACERDOTAL DO NOSO PÁRROCO, DON LUIS 🙏

Este martes, 8 de setembro, temos unha cita moi especial como Unidade Pastoral Arcos–Barro–Portas.

O noso párroco, Don Luis, celebra o 11º aniversario da súa ordenación sacerdotal, e queremos acompañalo neste día tan importante.

📍 Capela de San Bieito de Lantaño
📅 8 de setembro
🕢 19:45 h.

Once anos de sacerdocio ao servizo de Deus e das súas comunidades, acompañando as nosas parroquias, familias e celebracións, e traballando cada día para manter viva a fe e a vida das nosas comunidades.

🙏 Estades todos convidados a acompañar a Don Luis, compartir con el esta celebración e dar grazas por estes once anos de camiño sacerdotal.

💙 Parabéns, Don Luis! Que o Señor siga guiando o teu ministerio e che dea forza e ilusión para continuar ao servizo das nosas parroquias de Santa Mariña de Arcos da Condesa, San Cristovo de Briallos, San Breixo de Barro, Santa María de Perdecanai, San Mamede da Portela, San Martiño de Agudelo, Santo André de Valiñas, San Pedro de Lantaño e Santa María de Portas.

Esperámosvos a todos! ⛪✨

25/08/2026

✨ XA ESTÁ AQUÍ O CARTEL LITÚRXICO OFICIAL DA ROMARÍA DE SANTA LUCÍA 2026 ✨

Xa está dispoñible a programación litúrxica da que é unha das grandes citas relixiosas da comarca de Caldas durante o mes de decembro. ❤️‍🔥

📅 NOVENA | 1–11 DE DECEMBRO

Os días 1 ao 4 e do 7 ao 11 de decembro, prepararemos a festa de Santa Lucía co Rosario ás 18:00 h, seguido da Novena e da Santa Misa.

Durante a Novena tamén se poderán anotar intencións na sancristía.

🌿 13 DE DECEMBRO | DÍA DE SANTA LUCÍA

Chega o gran día da nosa ROMARÍA DE SANTA LUCÍA:

⛪ 9:00, 10:00, 11:00 e 12:00 h. — Misas rezadas
🎶 13:00 h. — Misa cantada e procesión
⛪ 18:00 h. — Misa rezada
🕯️ 19:00 h. — Misa e tradicional Procesión das Candeas

E, ademais, continuaremos coa Eucaristía na Capela de Santa Lucía o cuarto xoves de cada mes, ás 18:30 h no inverno e ás 20:30 h no verán.

🕯️ TODOS ESTADES INVITADOS Á ROMARÍA DA LUZ!

Unha celebración na que a luz das candeas, a oración e a devoción á nosa Santa Lucía encherán o Santuario e as rúas de Arcos da Condesa.

❤️‍🔥 Queremos que sexa unha festa de todos: da nosa parroquia, da nosa UPA, da comarca e de todas as persoas que queiran achegarse.

Familias, devotos, peregrinos, veciños e visitantes: as portas do noso Santuario están abertas para todos vós.

📍 Santuario de Santa Lucía · Arcos da Condesa
📅 13 de decembro de 2026

✨ Este decembro, todos os camiños levan a Santa Lucía. VÉMONOS EN ARCOS!

29/07/2026

📅 XA ESTÁ DISPOÑIBLE O CALENDARIO LITÚRXICO DE AGOSTO 2026 🙏

Compartimos con todos vós o calendario das celebracións da nosa parroquia para este mes de agosto. Agardámosvos para vivir xuntos a Eucaristía, centro da nosa vida cristiá, e seguir fortalecendo a nosa comunidade parroquial.

🗓 Programación:

⛪ Domingo, 2 de agosto
🕥 Misa Dominical ás 10:30 h.

⛪ Domingo, 16 de agosto
🕥 Misa Dominical ás 10:30 h.

🌿 Xoves, 20 de agosto
🙏 Eucaristía no Santuario de Santa Lucía (O Ameal) ás 20:30 h.

💍 Sábado, 22 de agosto
🎉 Celebración das Vodas de Ouro de José e Manuela ás 12:00 h. Damos grazas a Deus polos seus 50 anos de matrimonio e pedimos que continúe bendicindo a súa familia.

⛪ Domingo, 23 de agosto
🕥 Misa Dominical ás 10:30 h.

⛪ Domingo, 30 de agosto
🕥 Misa Dominical ás 10:30 h.

Animámosvos a participar nas celebracións e a compartir este calendario para que chegue a todas aquelas persoas que desexen acompañarnos ao longo deste mes.

Vémonos na nosa parroquia! 🙏💙

25/07/2026

Feliz Día de Galicia! 💙

Neste 25 de xullo, solemnidade do Apóstolo Santiago, patrón de Galicia e de España, queremos felicitar de corazón a todos os galegos e galegas, dando grazas a Deus pola nosa terra, pola nosa fe, pola nosa lingua, polas nosas tradicións e polo inmenso patrimonio espiritual que herdamos dos nosos devanceiros.

Hoxe é tamén un día moi especial para a nosa Arquidiocese de Santiago de Compostela, Igrexa nai da que formamos parte, que ten o privilexio de custodiar o sepulcro do Apóstolo e de acoller, desde hai séculos, a milleiros de peregrinos chegados de todo o mundo buscando esperanza, fe e encontro con Cristo.

Desde a nosa parroquia de Santa Mariña de Arcos da Condesa e desde o Santuario de Santa Lucía, unímonos á alegría de toda Galicia e enviamos tamén a nosa felicitación a todas as Españas, baixo o amparo do Apóstolo Santiago, pedindo que siga intercedendo polo noso pobo, polas nosas familias e por todos os que camiñan na procura da paz, da unidade e da esperanza.

Que o Apóstolo Santiago nos anime a seguir sendo testemuñas do Evanxeo e a conservar con orgullo as nosas raíces, a nosa cultura e a nosa fe.

Feliz Día de Galicia!
Viva Galicia! Viva Santiago Apóstolo! 💙✝️

18/07/2026

18/07/2026

🎉 Hoxe é un día moi especial para a nosa parroquia. 🎉

Celebramos con enorme alegría a solemnidade de Santa Mariña, patroa da nosa querida parroquia de Arcos da Condesa, e damos grazas a Deus polo seu exemplo de fe, fortaleza e fidelidade a Cristo.

Santa Mariña é unha santa moi querida en Galicia e a tradición popular atribúelle numerosas virtudes: protectora dos fogares, dos animais, das colleitas, defensora fronte ás tormentas e avogada das mulleres e das familias. Mais, na nosa parroquia, a devoción máis fondamente arraigada sempre foi a de Santa Mariña como avogosa dos nenos e nenas, á que durante xeracións acudiron familias de toda a comarca para pedir a súa protección e para que os pequenos quedasen libres do mal de ollo. Aínda hoxe moitas persoas lembran con emoción esa fermosa tradición que forma parte da nosa historia e da nosa identidade.

Neste 18 de xullo celebramos tamén outro aniversario moi especial: as nosas redes sociais parroquiais cumpren un ano de vida. Un ano no que tivemos a oportunidade de compartir a vida da nosa parroquia, a nosa fe, as nosas celebracións, a nosa historia e as nosas tradicións, levando o nome de Santa Mariña de Arcos da Condesa a milleiros de persoas.

Grazas de corazón a todos os que nos acompañades cada día, aos que participades nas celebracións, compartides as publicacións e facedes posible que a nosa parroquia siga máis viva ca nunca.

Que Santa Mariña continúe intercedendo por todos nós, polas nosas familias, polos nosos nenos e nenas e por todo o noso pobo.

Feliz día de Santa Mariña! Viva a nosa patroa! ❤️🙏

04/07/2026

📢 XA ESTÁN AQUÍ AS FESTAS PATRONAIS DE ARCOS DA CONDESA 2026! 🎉⛪

Con moita ilusión presentamos o programa oficial das Festas Patronais de Arcos da Condesa 2026, unhas celebracións nas que a fe, a tradición e a convivencia volverán ser as protagonistas.

✝️ Domingo, 12 de xullo – Santísimo Sacramento (Corpus Christi)

🕐 13:00 h – Misa solemne cantada pola Coral Polifónica O Son dos Cantares.
🎶 Ao remate da celebración, concerto da Banda Municipal de Caldas de Reis.

🌹 Xoves, 16 de xullo – Virxe do Carme

🕐 13:00 h – Misa solemne cantada polo Coro Parroquial de Arcos da Condesa.

🐕 Venres, 17 de xullo – San Roque

🕐 13:00 h – Misa solemne cantada polo Coro Parroquial de Arcos da Condesa.
🎉 22:30 h – Gran verbena amenizada por DJ Óscar e Dieguiño.
🥩 Durante a noite haberá tamén unha churrascada de balde para todos os asistentes.

👑 Sábado, 18 de xullo – Santa Mariña, patroa de Arcos da Condesa

🕐 13:00 h – Misa solemne cantada pola Coral Polifónica de Caldas de Reis.
🥁 17:00 h – Alborada polas rúas da parroquia a cargo da Charanga Charandonga.
🎶 22:45 h – Gran verbena co Dúo Nueva Era e o Grupo La Roca.

🎈 Domingo, 19 de xullo

🕥 10:30 h – Misa solemne.
🎠 17:30 h – Colchonetas para os máis pequenos.
🫧 19:00 h – Festa da Escuma.

🙏 Desde a Parroquia de Santa Mariña de Arcos da Condesa convidamos a toda a veciñanza, devotos e visitantes a participar nestes días de celebración. Animámosvos especialmente a vivir con intensidade os actos relixiosos, que constitúen o corazón das nosas festas patronais, sen esquecer os momentos de convivencia e lecer preparados para todas as idades.

Que Santa Mariña, a Virxe do Carme, San Roque e o Santísimo Sacramento bendigan a nosa parroquia e acompañen a todas as familias.

¡Vémonos nas Festas Patronais de Arcos da Condesa 2026! 💙⛪🎉

27/06/2026

📅 XA ESTÁN DISPOÑIBLES OS HORARIOS DE MISAS DE XULLO EN SANTA MARIÑA DE ARCOS DA CONDESA! ⛪

A nosa parroquia xa publica o calendario litúrxico do mes de xullo de 2026, un mes moi especial no que celebraremos as nosas festas patronais en honra de Santa Mariña, xunto co Corpus Christi, a Virxe do Carme e San Roque.

🗓️ Destacamos:
🔹 5 de xullo – Misa dominical ás 10:30 h.
🔹 11 de xullo – Romaría de San Bieito de Lantaño, con misas durante toda a xornada.
🔹 12 de xullo – Corpus Christi, misa solemne ás 13:00 h.
🔹 16 de xullo – Solemnidade da Virxe do Carme, ás 13:00 h.
🔹 17 de xullo – Solemnidade de San Roque, ás 13:00 h.
🔹 18 de xullo – Solemnidade de Santa Mariña, patroa de Arcos da Condesa, ás 13:00 h.
🔹 23 de xullo – Eucaristía no Santuario de Santa Lucía, ás 20:30 h.
🔹 19 e 26 de xullo – Misas dominicais ás 10:30 h.

🙏 Convidamos a todos os veciños, familias, devotos e visitantes a participar nas celebracións deste mes, vivindo con fe e alegría estes días tan importantes para a nosa comunidade parroquial.

Agardámosvos en Santa Mariña de Arcos da Condesa! 💙⛪

27/06/2026

📢 COMUNICADO DA UNIDADE PASTORAL ARCOS – BARRO – PORTAS

Tras os terremotos sufridos en Venezuela o pasado 24 de xuño, que deixaron numerosas familias afectadas e importantes danos materiais, Cáritas Diocesana de Santiago de Compostela fai un chamamento á solidariedade de toda a nosa comunidade cristiá.

Desde a nosa Unidade Pastoral Arcos – Barro – Portas, invitamos a todos aqueles que desexen colaborar a facer unha achega económica para axudar ao pobo venezolano nestes momentos de dificultade. Toda contribución, por pequena que sexa, pode converterse nun sinal de esperanza para quen máis o necesita.

As doazóns poden realizarse nas seguintes contas de Cáritas Diocesana de Santiago de Compostela:

🏦 Santander
ES23 0049 1892 6927 1329 3362

🏦 CaixaBank
ES89 2100 5731 7102 0022 7540

🏦 BBVA
ES95 0182 2370 4402 0170 2710

🏦 Sabadell
ES87 0081 5240 0300 0349 2752

✍️ Moi importante: no concepto da transferencia debe indicarse “CÁRITAS VENEZUELA”, para que Cáritas poida identificar correctamente que esa achega está destinada á campaña de axuda ao pobo venezolano.

Como Igrexa, estamos chamados a vivir a caridade con feitos. Hoxe Venezuela precisa da nosa oración, da nosa proximidade e tamén da nosa solidariedade.

🙏 Que o Señor bendiga a todos os que colaboran e sosteña con esperanza ao pobo venezolano nestes momentos de dor. ❤️🇻🇪

Unidade Pastoral Arcos – Barro – Portas