19/04/2026
جنكيز خان..!
تعرف ايه عن جنكيز خان..؟
🙋♂️ : ده اسم شارع..
🙋♀️ : لا ده اسم منطقه🙂
الحقيقه التاريخيه
جنكيز خان هو مؤسس وإمبراطور الإمبراطورية المغولية
و تعتبر اضخم إمبراطورية في التاريخ
اتولد بين عامي 1155 و1162 في منطقة ديليون بولدوغ حالياً بمنغوليا
🙋♂️ : بس باين عليه راجل طيب و بشوش ماشاءالله عليه ..!
اهو البشوش ده كان قائد عسكري شديد جداً و صارم في قراراته
(و يُقال في بعض القصص انه كان بيقتل في الناس لحد ما نسبه ثاني أكسيد الكربون قلت بشكل كبير
غير ايضاً قصصه الدمويه اللي اتذكرت في الروايات اللي اتكلمت عليه)
يعني ايه جنكيز خان اصلاً..؟
لو رجعنا للترجمة المغوليه هتلاقي للأسم اكتر من معني
١- ملك ملوك العالم
٢- قاهر العالم
٣-القوي
و هنا عندنا ٣ أسامي مختلفين(بسبب اختلاف الترجمات للغه المغولية) ☑
اديك معلومه علشان انت حبيبي بس ♥
الاسم اللي اتولد بيه هو : تيموغين
طيب نفترض انك كنت عايش في العصر ده و قابلت جنكيز خان هتقوله ايه ..؟
🙂: اذيك يا جنكيز 🙂 (خلي بالك فاكرك بتشتمه)
نطق الاسم صح باللغه المنغوليه علشان يفهمك هتنطق اسمه كده pinyin
طيب ديانته كان ايه..؟
كان بيعبد الديانه التنغريه / Tengrism
ايه يا غالي الديانه دي عمري ما سمعت عنها 🧐
هي الديانة العرقية للشعب التركي بكل أعراقه من( كازاخ وأوزبك وغيرهم )
و ده طبعاً قبل مجيء الإسلام من الشرق الأوسط 🕌🕋
وكلمة تنغرية معناها حرفيًا السماء الزرقاء في التركية القديمة🏞
اتجوز بنت جميله اسمها بورتي (و دي ليها قصه هي كمان)
بورتي دي زعيمة بلاطه وإمبراطورة المغول الأولى
جنكيز خان خطبها وهي صغنونه خالص 👩
واتجوزوا و هي عندها 17 سنه
اتجوزت و خلفت منه ٤ ولاد و ٥ بنات
و طبعاً كان ليهم دورا في توسع إمبراطورية المغول
و اسماء أولاده
جوتشي
جغتاي خان
أوقطاي خان
تولوي
و قبل ما يموت أوصى أن يكون خليفته هو أوقطاي خان (الابن الثالث لجنكيز خان)
معلومه ليك علشان انت حبيبي ♥
اوقطاي خان مات بسبب الأمراض و ادمانه لشرب الخمور و الكحوليات
وقسم إمبراطوريته إلى خانيات بين أبنائه وأحفاده
يعني ايه خانيات..؟😑
الخانيات دي يا سيدي كيان سياسي يحكمه خان أو خاقان
مش فاهم برضو
ده الكيان أو النظام بالنسبة لسكان السهول الأوراسية
يعني ايه برضو 😌
عارف الاماره أو القبيله زيها كده
و توفي سنة 1227 بعد أن هزم التانجوت
و دفن في قبر مجهول لايعرف بالضبط أين مكانه في منغوليا
وبدأ أحفاده بتوسيع إمبراطوريتهم خلال أرجاء أوراسيا من خلال احتلال أو إنشاء ممالك تابعة لهم داخل الصين الحالية وكوريا والقوقاز وممالك آسيا الوسطى وأجزاء ضخمة من أوروبا الشرقية والشرق الأوسط
معلومه علي السريع..ولسه كتاب التاريخ مفتوح .. 📖
Mr.Abanob Nagy
