Ahmed Bauomy - أحمد بيومي

Ahmed Bauomy - أحمد بيومي البشمهندس
حافظ القرآن كريم كاملا
قارئ قرأن كريم

23/06/2024

كل ما ببص لأبويا واركز في تفاصيل حياته وأشوف اللي عمله معايا انا واخواتي وأشوف مدي الحب اللي يوصل إنسان انه يضحي باساسياته لتوفير رفاهيات حد تاني وهو بيقدم دا بمنتهي السعادة والفرح بستغرب .. حقيقي يعني ايه انسان ينتقص من احتياجاته الاساسية في سبيل توفير رفاهيات لغيره لمجرد بس زرع الفرح ✨
..
حقيقي أبويا رجل حنون جدا وبسيط جدا جدا وب 1000 راجل والمحبة اللي في قلبه اللي بيقدمها لينا ولغيرنا وحسن معاملته وتصرفه مع الناس .. احسن من كلام كتير سمعته علي المنابر وقريته في الكتب بس انا مكنتش مركز ..

• الدحيح

06/06/2024

أول ليلة من ليالي العشرة من ذي الحجة الـ يقدر يصوم يصومهم ✅
جهز مصحفك ✅
انوي الختمة✅
حدد عدد أذكار كل يوم ✅
متنساش تصلي كل يوم على النبي الصلاة الإبراهيميه✅
متنساش تصلي كل فروضك والنوافل وتهتم بالصلاة جدًا.✅
احفظ لسانك من أي قول سيء، وغض بصرك، وصن قلبك.✅

◾الـ يقرأ البوست بينه وبين نفسه يصلي على النبي الصلاة الإبراهيمية بنية تحقيق دعوة. 🤍

19/04/2024

اقرأ كدا وشوف فهمت اي 👌👌👌👍
_ بكام الكاچو لو سمحت ؟

= 520 جنيه الكيلو

_ طب اوزنلي نص كيلو

= الله، دا انت هتشتري بجد

_ يعني هكون بسأل على سعره ليه، فضول ؟

= طب بقولك إيه، ما اعملك تشكيلة حلوة كدا

_ تشكيلة إيه ؟

= لب اسمر على سوداني مملح، على حمص، وكلها مش هتعدي ال40 جنيه

_ بقولك ايه من غير حوارات، لو معندكش كاچو قول وانا اشوف مقلى تانية

= الفكرة مش في كدا، الفكرة ان انت عمرك في حياتك ما دوقت الكاچو

_ مين اللي قالك كدا، دا انا متربي عليه، بابي كان بيحبه أوي وبيجيبه كتير في البيت

= لا والله ؟ متربي عليه وجاي تسأل على سعره ؟

_ عادي، جايز غلي وللا حاجة .. بتحصل

= بلاش دي، انت بتقول اني معنديش كاچو أصلا وبحور صح ؟

_ بيتهيألي كدا

= الكاچو تحت إيدك أساسا، انت ساند عليه

_ إيه دا بجد ؟ مخدتش بالي خالص

= متتوترش كدا عادي، خد منديل نشف عرقك

_ لا هو الجو حر أوي بس النهارده

= عشان كدا لابس چاكيت وبلوڤر وكوفيه بس ؟

_ لا دا ...

= هششش، متبررش انا فاهم كل حاجة، احنا شباب زي بعض

_ فاهم إيه بقى ؟

= علبة السجاير السوبر اللي طالة من جيب قميصك

_ مالها

= مكرمشة وطالع تلاتينها، واضح ان فاضل فيها سيجارتين بس

_ دا صحيح

= والعلبة الميريت اللي في إيدك، لسه بالسولوفانة بتاعتها، إنت لسه شاريها وانت جاي ؟

_ آه برضو، انت بتحقق معايه؟ فاضل شوية وتقولي كنت فين امبارح الساعة 11 وربع

= لا تحقيق ولا حاجة، الحكاية كلها ان النهارده 27، وانت غالبا لسه قابض المرتب

_ جبت التايهة انت كدا

= اللي هو غالبا مش أكتر من 3000 جنيه

_ لا كدا جبت التايهة بجد، عرفت ازاي اني بقبض 3000 جنيه ؟

= تصرفاتك كلها جاية من كتالوج الطبقة المتوسطة

_ تصرفات إيه ؟

= بتشرب سجاير البروليتاريا الكادحة بس بتتطلع لسجاير البرجوازيين

_ الحكاية كلها اني بدلع نفسي يوم في الشهر مش أكتر

= لا الموضوع أعمق من كدا

_ اشرحلي

= احنا معندناش فقرا في مصر تخيل ؟

_ يا راجل ؟

= آه والله، احنا عندنا ناس عقولها مليانة نشارة خشب، اصل الفقر دا اختيار، كل أثرياء العالم آمنوا من أعماقهم بالجملة دي

_ يعني انا اخترت أبقى فقير ؟

= مش بشكل مباشر، بس عملت دا لما ما حاولتش تكون غني قد ما حاولت تقلد الأغنيا

_ مش فاهم

= بعبارة أسهل، كل انسان في الدنيا ربنا صارفله شوية طاقة صح ؟

_ صح

= فيه واحد بيخلص الطاقة دي في انه يقعد يولول ويصيح ويندب حظه

_ حصل

= وفيه واحد بيخلص الطاقة دي في إنه يحاكي الحياة اللي مش قادر يعيشها

_ دا كمان حصل

= فيه واحد تالت بقى، بيخلص الطاقة دي في مكانها الصح

_ اللي هو ؟

= بيشتغل علشان يحقق الحياة اللي عايز يعيشها

_ طب ما انا بشتغل بس مبحققش

= النظام العالمي الجديد قسم الناس لنوعين، تيران بتلف في سواقي، وأصحاب أراضي بيشغلوا التيران دي

_ انا أنهي واحد فيهم ؟

= نفض دقنك بس من التبن اللي عليها وبعدين اسأل

_ أوكيه فهمت

= انت بتشتغل اه، بتتعب اه، بس في النهاية هما اللي بيغتنوا مش انت، إنت كبيرك يرمولك شوية برسيم يوم 27 في الشهر

_ عندك حق انا لسه صارف البرسيم بتاع الشهر ده من دقيقتين

= وجاي تخلصه دلوقتي في دقيقتين

_ ازاي

= طالع من قاع المجتمع للسطح تشم نفسك لمدة دقيقة وتنزل تاني صح ؟

_ صح

= الناس اللي فوق هما اللي سمحولك تشم نفسك في الدقيقة دي، عشان يضيعوا قصادها بقية عمرك

_ بمعنى ؟

= انت ليه جاي تشتري كاچو النهارده انت اصلا عمرك دوقته بذمة أمك ؟

_ الصراحة لأ، بس سمعت يعني انه بتاع ولاد الناس

= هو دا، انت عايز تقلد الناس الأعلى منك اجتماعيا، ودا بيبسطهم جدا

_ ليه يبسطهم

= علشان دا هيخليك تفضل طول عمرك عبد في مؤسساتهم

_ اممممممم

= انت محاصر طول الوقت بوسائل إعلامية مبترحمش

_ فعلا، انا صوت عمرو أديب خرم ودني

= مش عمرو أديب بس، تتفرج على فيلم تلاقيه متصور في كامباوند، وكل أبطاله من A كلاس، وعربيات ومدارس انترناشيونال، وبيتكلموا انجليزي وبيلبسوا براندات

_ ايوه انا بحس اني مش عايش

= تسيب الفيلم وتغير القناة تلاقي اعلان عن وحدة سكنية ب 5 مليون، وولية مستفزة بتقول ما تدوهالهم ببلاش احسن

_ وانا عمري ما مسكت 19 ألف جنيه على بعض

= تقفل التليفزيون وتفتح الفيس، تلاقي ناس بتعمل آوتينج في أماكن انت متعرفش تتصور جنبها، الحياة كلها بتحاصرك

_ بتحاصرني بس ؟ دي زنقتني في الحيطة

= مع الوقت بتحس انك إنسان درجة تالتة، العالم قصر كبير، وانت بالذات عايش في أوضة الكلب

_ يا باشا أنا الكلب

= هنا علم النفس يقولك ايه ؟ المحاكاة، النموذج اللي مش هتعرف تحققه قلده

_ بعمل كدا فعلا

= تقبض مرتب الشهر دا تروح تصرفه في خروجه، تقبض مرتب الشهر الجاي تصرفه في طقم من براند معروف، تقبض مرتب الشهر اللي بعده واللي بعده واللي بعده ...

_ أشتري بيهم آيفون

= وبكدا هتفضل طول حياتك مستهلك، بتشتري البضاعة بتاعتهم عشان تحس انك شبههم، لكن انت في الحقيقة شغال عندهم

_ عمري ما حسبتها كدا

= عمرك ما حسبتها اصلا، ولا أي حد حسبها، هو ليه واحد مرتبه 3000 جنيه يصرف مليون جنيه عشان يتجوز مثلا

_ ليه ؟

= نفس اللي بيخلي أسرة معدمة تجيب في جهاز بنتها 3 غسالات و3 شاشات، وكراتين هتفضل مقفولة ليوم الدين اصلا، محدش هيستعمل اللي فيها

_ انا كراتين امي لسه مقفولة

= وكراتين امي انا كمان، وفي الآخر يقولك غارمات ويدخلوا السجن طب ليه، عشان بنقلد اسلوب حياة مش حياتنا، ما اتخلقتش لينا

_ كلامك مظبوط

= عارف ايه الفرق بين الغني والفقير ؟

_ ايه ؟

= الغني اول ما بتجيله فلوس بيفكر هيحوش منهم كام، لكن الفقير اول ما بتجيله فلوس بيفكر هيصرفها في ايه

_ بس برضو الحياة فيها احتياجات كتير

= أكيد مش الكاچو والسجاير الميريت

_ انت صح

= انت جواك مارد جبار، بس انت حابسه في برطمان صلصة

_ وانت فتحتلي البرطمان، هات بخمسة جنيه لب سوبر

= وفر الخمسة جنيه دي مستقبلك أولى بيها، ياما امبراطوريات إقتصادية قامت على خمسة جنيه

_ عندك حق

= وجدعنة مني ومساهمة في مشروع نجاحك، تُمن اللب دا واجب من طرفي، ومش هاخد منك فلوسه

_ الله يكرمك، سلامو عليكو

= مع السلامة، ألو أيوه يا حاج، بيعت بكام النهارده ؟ ولا جنيه، يا ابا انا قولتلك من زمان مش عايز اشتغل في المقلى وعايز ابقى لايف كوتش وانت مصمم تعيشني في جلبابك، انت حر لما اهربدلك جلبابك متبقاش تزعل، سلام ..

منقولة

17/04/2024

👌👌👌👌👌
الناس عندها خلط بين مفهوم "الخصوصية" و "الخباثة"..

الخباثة هي إني أخبي عنك مواضيع ذات أهمية بالنسبة ليك وضروري إنك تعرفها.

أما الخصوصية إني مأقولكش مواضيع مش ضروري إنك تعرفها ومش هيضرك عدم معرفتها!

فمن أبسط حقوق كل إنسان إنه يحتفظ لنفسه بتفاصيل من حياته لا تمسّ غيره إطلاقًا.

17/04/2024

اول مرة أفهم الآية!!!!

فَلْيَدْعُ نَادِيَهُ (17) سَنَدْعُ الزَّبَانِيَةَ (18) كَلَّا لَا تُطِعْهُ وَاسْجُدْ وَاقْتَرِب ۩ (19))

حد فاهم!
كان سيدنا محمد عايز يصلي عند الكعبة ..

- فأبو جهل قاله: "يا محمد إذا سجدت عند الكعبة فسوف أدوس على رأسك" !

فسيدنا محمد ماسمعلوش؛ و راح يصلي عند الكعبة .

- فقال لسيدنا محمد تاني "يا محمد إذا سجدت عند الكعبة فسوف ادعوا جميع أهل قريش ليروا كيف سأدوس على رأسك!" .

ف النبي عليه الصلاة و السلام ماسمعلوش و بدأ يصلي .
- فابو جهل دعا اهل قريش ((فليدع ناديه )) .

و لما سجد النبي أبو جهل قرب منه و وقف ساكت في مكانه مابيتحركش ، و بعدين بدأ يرجع ل ورا .

- ف أهل قريش قالوا له :ها هو رسول الله لم تدس على رأسه و رجعت !!
فقالهم : لو رأيتم ما رأيت لبكيتم دماً ، قالوا و ما رأيت يا أبو جهل؟ .

- قال إن بيني و بينه خندقاً من نار و هولاً و اجنحة ((سَندع الزبانيه )) الزبانية هما ملائكة العذاب .

- فسيدنا محمد قال "لو فعل لأخذته الملائكة عياناً"،ربنا قال لسيدنا محمد (( كلا لا تطعه واسجد واقترب ).

طول ما ربنا معاك خليك قوي متخفش من حاجة أبداً.

يا أيها اللذين امنوا صلوا عليه وسلموا تسليما'. ♥️

11/04/2024

بتتعاش .. مبتتحكيش !

سافر علشان أنت عايز تعيش تجربة السفر، مش علشان تحكي للناس إنك سافرت.

اتعلم وذاكر علشان العلم مفيد، مش علشان تحكي للناس إنك اتعلمت.
اشتغل واجتهد على نفسك، علشان ده هيخليك تعيش أفضل، مش علشان تحكي للناس إني اشتغلت واجتهدت.

اخرج واتفسح علشان ده بيبسطك وبيعيشك أوقات حلوة، مش علشان تقول للناس أنا خرجت واتفسحت.

خد صور حلوة كتير، وكتير، علشان توثق اللحظة وتعيشها، مش علشان توريها للناس وتقول إنك اتصورت.

اقرأ علشان القراءة مفيدة وبتنمني عقلك، مش علشان تدور على حكمة تحكيها أو قصة ترويها، وتقول للناس إنك قرأت.

بعد عمر طويل من الجري واللهث ورا ده كله، هتكتشف إن الحياة بتتعاش.. مبتتحكيش.

16/02/2024

نصيحة لكل تائب :

خلي بالك ابن القيم بيقول : لكل تائب عصرة ( يعني بيتعصر )

يعني ايه ؟

يعني لما حد بيتوب = الدنيا بتتكعبل
والابتلاءات تكتر
والفتن تزيد

وابواب الرزق الحلال ماتبقاش سهلة
ويحاصرك الحرام ويصبح أسهل وأقرب وخاصة الذنب الذي تبت منه

عارف ليه ؟ علشان ربنا يختبر صدق توبتك

فإذا وجد الله منك الصدق والثبات = اعطاك عطاء يدهشك وعوضك عن كل ما تركته لوجه الله

نصيحتي لك لأجل الثبات :

صلاة الجماعة في المسجد خاصة الفجر

الدعاء في السجود في جوف الليل

صاحب القرآن

لازم الصحبة الصالحة وفارق الشلة القديمة تماما ولا تذهب لأماكن عصيت الله فيها ابدا

_خالد الشافعي

17/08/2023

حكمه ربنا 👇👇
اسمع العظمه ديه على لسان د.حسام موافي:
٨٠٪؜ من جلطات القلب والمخ بتيجي الساعه ٨:٠٠ صباحاً، فدكتور ألماني في مؤتمر بيشرح تفسير الموضوع ده فبيقول إنك لما بتنام الدوره الدمويه بتبطء فالدم بيتجلّط، فالمخ يفرز ماده أول ما حضرتك تحط راسك ع المخده تبدأ تضيَّق في الشرايين، فبدل ما الدم كان بيجري في مكان واسع يبدأ يمشي في مكان ضيق فيندفع بشكل أقوى، وتفضل الشرايين تضيق تضيق لحد ما يبقى أسوأ وقت ليها الساعه ٨:٠٠ 🕗 صباحاً فتحصل الجلطات.. إلا في حالة إيه بقى؟؟ (الألماني اللي بيقول).. إلا، اللي ينام ويقوم تاني في النص فيكسر الماده ديه فيقوم الساعه ٨:٠٠ صباحاً آمن ومفيش أي مشكله عنده.. ويمكن ديه تكون حكمة من الحكم اللي في جملة الصلاة خيرٌ من النوم زي ما بنسمع في آذان الفجر كل يوم🤍

21/06/2023

انا نفسي ادخل الجنه اووى علشان ان شاء الله لما ادخل
هروح للسيدة هاجر أقولها ازاي قدرتي تقعدي لوحدك في الصحراء من غير حد يحرسك ازاي كان عندك كل الصبر دا🥺♥
هروح لسيدنا مصعب بن عمير واسأله اقوله استحملت الضرب من والدتك ازاي وقدرت تهاجر 🥺♥
هسأل العشرة المبشرين بالجنه ازاي قدروا يناموا لما عرفوا انهم هيدخلووا الجنه 🥺♥
هروح لسيدنا عثمان ابن عفان واسأله ازاي قدرت تختم القرآن في ركعة؟🥺♥
هروح ابص الاقي البخاري وأقوله تعرف أنت ليك كتب كتير اوي عندنا شوفناها وبنحبها🥺♥
هروح لمرات فرعون السيدة آسيا أقولها قدرتي تشيلي حجر كامل فوق بطنك؟ 🥺♥♥♥♥♥
هروح جرى عند سيدنا بلال واقوله بـ الله عليك أذن كدا نفسي اسمع صوتك🥺♥♥♥♥
همشي أجرى في الجنة والعب واطير وافرح 🥺♥♥♥♥
هروح جرى واسأل ازاي سيدنا يونس قدر يفضل جوا بطن الحوت كل الفتره دي🥺♥♥♥♥♥♥
هروح للسيدة فاطمة الزهراء وأقولها بحبك أوي أوي🥺♥♥♥♥🫶
هجري لسيدنا على اسأله ازاي كنت صغير كدا وروحت نمت مكان الرسول صلى الله عليه وسلم ومخفتش🥺♥♥♥
هروح لسيدنا أبو بكر واقوله معقول في صحوبية زي صحوبيتك للرسول صلى الله عليه وسلم 🥺♥♥♥♥♥♥♥♥♥♥♥♥
هروح لسيدنا موسى واقوله هما بجد قالوا ليك روح حارب انت وربك هما ازاي كانوا قاسيين كدا 🥺♥♥
همشي في الجنة وابكي وأقول يارب أنا كتير عليا النعمة دي يارب 🥺♥
هروح جري عند سيدنا عمر بن الخطاب واقوله أنا بحبك اوي وبحب شجاعتك جدا واقوله اني بحب اقرأ أقواله اووي🥺♥♥♥
همشي اروح جرى لسيدنا يوسف وأقوله عارف قصتك احب القصص لقلبي عارف السورة اللِ نزلت ليك احبهم لقلبي ♥♥♥🥺.
هروح للسيدة عائشة واعيط وأقولها انا حفيدتك اللِ جهدت وحاولت تبقى مؤمنة اللي كان نفسها تبقى شبهك أنا استحملت فتن كتير 🥺♥♥
هروح لربنا واسأل اقوله يارب صحبتي فلانه هي فين يارب اجمعني بمن أحب 🥺♥♥
هروح لربنا وأقعد اقوله يارب أنا حصلي كذا وكذا يارب أنا انتكست كتير يارب بقيت بحاول اعمل اي حاجة توصلني للجنه هقعد اقوله يارب انا بحبك اوي 🥺♥♥
هفضل قاعده كتير أوي مع الرسول صلى الله عليه وسلم واقوله قد اي نفسي اشوفه قد اي بحبه واخليه يحكيلي ازاي قدر ينشر الإسلام 😭♥♥♥♥♥♥♥♥♥♥♥♥♥♥♥♥🫶'"؛ 🥺♥♥".
هروح جرى واحضن السيدة خديجة وأقولها بحبك أوي؛ تخيلتي الجنه💕طب نفسك فيها
طب ماتجي نصلي ع للي هيشفع فينا♥️

Address

Zagazig

Telephone

+201150038567

Website

Alerts

Be the first to know and let us send you an email when Ahmed Bauomy - أحمد بيومي posts news and promotions. Your email address will not be used for any other purpose, and you can unsubscribe at any time.

Shortcuts

Share

Category